|
متى ستأتي طالبا" يدي ؟
كتير منا اذا ما كنا كلنا صبايا وشباب عن نمر او مرينا بمرحلة حب يمكن تكون عالخفيف ويمكن تكون عنيفة لدرجة تحرق كل يللي بدو يوأف بطريقا
ولمن الانسان بيحب بيتمنى ما يبعد عن حبيبه ولو شوي ومن هون بينطرح السؤال ع الشب : متى ستأتي طالبا يدي ؟؟؟ ردود الشباب بتختلف من واحد لواحد اما لاسباب مادية او عبثية او غيرا ، هون بنا ناقش هالموضوع من جهة : 1) ليش الصبية بتوصل لمرحلة تسأل الشب هالسؤال ؟ 2) وليش الشب في معظم الاحيان بيتهرب من هالموضوع ؟ 3) وشو هي الطريقة يللي لازم تتوج هالعلائة وهالحب بيناتن ؟ 4) وليش بعد هالموضوع تنيناتن بيفترقو عن بعضن ؟ |
شوفي بصراحة ..
انتي بنت كتير منيحة .... و بتستاهلي أحسن مني أنا حالياً ظروفي صعبة .. و ما بدي اظلمك معي .. لهيك استري ما شفتي منا ( هون ممكن تنحط بالمرفقات غنية بودعك لوردة ..و بعدين بينبعت الايميل ) هادا أحد الاجوبة التقليدية للشباب |
مو حرام عليك تعمل فيني هيك ؟ بعد ما حبيتك و .... ( الجانب الاخر: هي )
بس ما عرفن جوابك عالاسئلة يللي طرحتا |
اقتباس:
اي جواب رقم 1 : لانو صارت تعرف كل شي عنو وملت وصار بدها تعرف امور اكتر وهي الامور بتظهر بالزواج جواب رقم 2 : لانو بعدو ما فقس من البيضة بس لحمار بحبها ونفسو يكون فاقس :lol: جواب رقم 3 : مممممممممممممممم هي ما بعرفها جواب رقم 4 : اي هاي نفسي افهمها يعني ازا اتنين بحبو بعض ضروري يتركو ازا ما تجوزو طيب يضلو مع بعض لحتا تنقبر هي تتجوز واحد تاني عنجد ليش بيقلبوها زعلة :larg: مني وعلي انا اصلا ما بحب بس لتفادي هالمشاكل |
اقتباس:
2- بيتهرب لأنو صاححلو يتهرب وهي بعدا لاحقتو، يعني بيمط شوي الفترة اللي بتسبق أنها تتركو لما تتأكد أنو مطنش 3- ما في طريقة وحدة، المهم أنو يكونو متفقين على نفس الطريقة مو كل واحدة عم يخطط عطريقتو 4- لأنو من الأصل كل واحد منن عم يدور على شي مختلف عن التاني، يعني هي عم تدور على عريس، وهو عم يدور على عواطف مؤقتة لبين ما يصير بيقدر يتجوز والحق عالتنين يعني هي بالأول بتبينلو أنو هي مو مهتمة بموضوع الجواز وما بتجيب سيرتو إلا لتعلقو عالآخر، وهو ما بيفهما من الأول انو هو مو خرج جواز هلأ، لو بيعملو هيك من الأول لا كانو وصلو لالهل السؤال ولا لهيك أجوبة |
كلامك اجا عالوجع تمام
بس الشباب شو رأين ؟ |
1) ليش الصبية بتوصل لمرحلة تسأل الشب هالسؤال ؟
لأنو بدا تستقر و بدها تحس انو هل هو فعلا رح يقدم عهالخطوه و انو صريح ولا لعب و تسلايه,,و البنت كيف ما كانت بتوصل لفترة بتسير يأسانه من تصرفاته و تهربو من اسئلتها و الحكي معها..فبهالشي بتكون عم تحط النقط عالحروف بمضوعها معو.. 2) وليش الشب في معظم الاحيان بيتهرب من هالموضوع ؟ لانو بفترة الحب و اللعب بكون ما عم يفكر انو في مسؤوليه ناطرتو بكون عندو هالشغله هيك مرءة طريق انو عابرة,وكل ما البنت الحت كل ما بيعد عنها ,لانو حس انو وقع طب و ما قادر عهيك مسؤوليه. 3) وشو هي الطريقة يللي لازم تتوج هالعلائة وهالحب بيناتن ؟ ازا كانو بفكرو جد بالاستقرار ببلشو مع بعض يبنو هالحياة خطره خطوه و بتعقل و بدون احلام خياليه و لازم يكون في قناعه من التنين. 4) وليش بعد هالموضوع تنيناتن بيفترقو عن بعضن ؟ لأنو البنت بتحس انو هالشب كتير متلاعب يعني هيي بتكون عندا حلم انو تقضي حياتها معو وين ما كان, بالوقت يللي هوي بيحلم وبيتخيل اشيا بتفوق الواقع,او الشب بكون مو خرج هيك شغلات ,,يعني طايش و ما مهدي عشي... هي وجهة نظري لتساؤلاتك:D |
اسمحولي أعطي رأي الشباب.......
في جميع الأحوال من احدى مظاهر الرجعية في مجتمعنا انو الشب يبحث عن البنت ولا يمكن العكس يعني هالكلام يلي انذكر في الموضوع بيطلع من الشب وليس من البنت ........ بس بيضل هالحب على عاتق البنت قبل ما يكون على عاتق الشب لأنو لما هالشب يعرف البنت بيكون يدور على الحب والأمان وليس على التسلية كما يتضح من أقلية الشباب وهذه القاعدة لا تعمم كثير سمعنا عن شباب ضحكوا على البنات ولكن بالمقابل سمعنا عن شباب حبوا وعاشوا أحلى حياة مشكورين على اثارة هالموضوع تحياتي |
1) ليش الصبية بتوصل لمرحلة تسأل الشب هالسؤال ؟
برأيي لأن الشب بكون عبيتسلى وهي جدية بدا تتجوز وتنستر طول عمرا مع اللي بتحبو وهاد أنا بعتبرو من سذاجة البنات .. لما هنن يبدأو بسؤال الشب... لأن اذا كان الشب مو سائل فالشغلة مبينة متل الشمس والمكتوب مبين من عنوانو... 2) وليش الشب في معظم الاحيان بيتهرب من هالموضوع ؟ لأنو مو جدي بدو يتسلى بس... 3) وشو هي الطريقة يللي لازم تتوج هالعلائة وهالحب بيناتن ؟ الطريقة اللي بتتوج فيا العلاقة والحب بيناتن هي الزواج... بس اذا كان الشب عبيتسلى .... من مفهومو ما بظن انو راح يرضى يتزوج بنت حبتو وماتت فيه ولاحقتو اتصالات ومقابلان .. هيك بمل .. والشيطان ما بعرف شو بوسولو.. بيقول يمكن هيك عاملة مع غيري... وانتي بتعرفي البقية... 4) وليش بعد هالموضوع تنيناتن بيفترقو عن بعضن ؟ هو اللي بيفترق عنا .. والبنت بهالحالة ما بتقدر تساوي شي الا انها ترضى حفاظا على كرامتا... واذا كان بحبا عن جد لا يمكن انو يتركا لأي سبب من الأسباب ...:pos: مشان هيك انا بنصح البنات ما تعطو وش للشب واذ حاول يتحركش فيكن .. تئلو حالكن عليه.. وقولو اذا كان قاصد الحلال... بيت اهلك بيستقبلو وانا متأكدة انو كل الشباب بحبو البنات اللي بحافظو على حالن وكرامتن.. وما بنكر انو في شباب نيتون كويسة وبدن يحبو ليتجوزو هنن واللي حبوا وما يتسلو بس هنن قليل كتيير أقل من الفئة اللي حكينا عنا سابقا... تقبلي مروري.. |
برد و بكرر حكي البنت بتضل هكلانة هم لتتجوز
الشب ما بيهكل هم غير بعد ما يخطب و يتجوز |
اقتباس:
شايفة حبيبتي lolo510 هاد أكبر دليل أنو أغلب علاقات الشباب قبل الزواج للتسلاية بس...:pos: مشان هيك بنصحك من اخت لأختا .. ابعدي عن هاد الباب وانطري ابن الناس اللي بيدخل البيوت من أبوابا....:D |
يا سلام عليكي
هوي سبحان الجحيم :shock: ما في غير الشباب بيتسلو البنات ألهة كاملة منزهة عن الغلط ما بتتسلى بنوب:sly: |
اقتباس:
يعني كمان بلا ما نضحك على بعض وقت الشب ما يكون بدو يتجوز بتكون الشغلة واضحة بس البنت كتير أوقات ما بتحب تشوف الحقيقة وبتقنع حالا أنو رح يتجوزا لحد ما يجبلا ياها على بلاطة |
اقتباس:
انا مع اخي DARKNESS في كلامه لكن السؤال الذي يقلب الطاسة انو ليش احنا بنحط البنت بخانة اليك ؟؟؟؟؟ هل البنت ما بيكون عليها حق كمان ؟ :akh::akh::akh::akh::akh: |
1) ليش الصبية بتوصل لمرحلة تسأل الشب هالسؤال ؟
لانو حظها المعتر خلاها تحب شب ما بيستحي وخلى حبيبتو تضطر تسالو هيك سؤال بس بجميع الاحوال انا لو مكان هالبنت وئد ما طول ما بسال هاد السؤال 2) وليش الشب في معظم الاحيان بيتهرب من هالموضوع ؟ ببساطة لانو مش ئد هي المسؤولية بهاد الوئت 3) وشو هي الطريقة يللي لازم تتوج هالعلائة وهالحب بيناتن ؟ الزواج 4) وليش بعد هالموضوع تنيناتن بيفترقو عن بعضن ؟ بعد ما تعرف البنت انو صعب بهاد الوئت يصير ارتباط رح تبلش تبعد مع انو في شباب حتى لو كانت البنت مستعدة تستناهم فجاة بيتخلى عنها ممكن ملل وممكن بدون سبب بس لانو انسال هاد السؤال واتزكر انو في مسؤولية كبيرة والامور جدية وما عاد في تسلاية وبس |
الشب مابيهرب من البنت الا وقت يحسا اندلقت عليه ووقتا البنت بتحس انو هو عميهرب فهون بتصير تقلو تعا خطبني في واحد متقدملي دكتور ومعو مصاري الحقنيييييي:fwaa3:
فهو هون مابصدق عالله لحتى يخلص منا وهيك بيفترقو |
الصبية لما بتسأل هيك سؤال بتكون خايفة على حبها للشب و انو يطير من بين ايديها او يكون كزااب و عم يشط و يمط بالموضوع
بس بقللك بهيك حالة بتكون الصبية كتير متعلقة بالشب و لما الشب بيتهرب بيكون اول شي كذاااب او بدو يتسلى او انو ما بيحب البنت او انو اكتشف شي عن البنت بالغلط من بعد هيك بيتركو بعض لانو البنت بتشوف انو ما في حب :D |
سؤال لشب افتراضي :
ليش انت بتتعرّف ع بنت و بتحبا و تحبّك طالما انت مو قد هالفوتة ؟؟ سؤال لبنت افتراضيّة : ليش انتي تتعرّفي ع شب و تحكي معو وتاخدي وتعطي و تحبيه ويحبّك ، طالما مو متأكدة منّو أنو قد هالفوتة ؟؟ شرح مفردات : فوتة : ( يعني فوتة الجواز و العيلة والولاد .. الخ ) |
اقتباس:
|
البنت ومهما كانت دائما تبحث عن الاستقرار لتنشئ عائلة بمجرد ان تلتقي بالشاب المناسب لدى وفي مرحلة مل ستطرح هذا السؤال.
|
اقتباس:
|
بعيون امكو يا جماعة فهموني شغلة وحدة بس
هاد السؤال للبنات انا بس بدي اتجوز 1. اتجوز وحدة انا بحبها 2.اتجوز وحدة امي بتحبها 3.اتجوز وحدة بتحبني |
الصبية اللاماحة بدون ماسأل الشاب بتعرف الجواب .......ببساطة هل هذا الشاب قادر على فتح منزل واعالة أسرة أو كم سنة يحتاج ليستطيع ذلك ....وبعدين بتجي التساؤلات الأخرى
|
بصراحة
قولة زياد الرحباني :"بصراحة مافي احلى من الصراحة" انا بالنسبة الي بقلى طولي بالك ليش بصلتك محروقة مسا عرفنا بعض مظبوط انطري شي كام سنة حتى نعرف بعض كويس بعدين بطلب ايديك ولا يهمك انا ماني هربان:deal::deal:
|
اقتباس:
1)مابعرف 2)علا ما اضن ما بعرف 3)كمان مابعرف 4)لانو انا مابعرف 5)صح مافي خمسة بس كمان مابعرف:p:p علا كل حال يسلمووو بتعرف ولا ما بتعرف |
البنت تجرعت عنا موضوع كونا سلعة معدة للبيع بأحسن ظروف ممكنة وبالنسبة إلها الزواج هو النهاية الحتمية لأي علاقة حب لانو بمجتمعاتنا ديمومة العلاقة ما ممكن تكون إلا من خلال الزواج.
بالنسبة للشب بهل الأوضاع الذهبية ومع ظروف التأسيس الميسرة فمحروق نفسو مو قادر يرتبط بحالو ليرتبط بزواج ولانو هو متمسك بالبنت ومو قدران ينطق بهل الحقيقة الخفية واللي البنت مو قادرة تستوعبها لحالها فبيسكت وبينيم الموضوع. اما ليش منحب فلأنو هيك الله خلقنا بشر مو شي تاني. أما لجماعة شوف أهلي مالك حكي معي فهي بتكون بنت فهمت إنو هية سلعة معدة للتصدير لابن عيلة أو أربعيني مقرش ومالها بالحب وتبعاتو الانسانية واحد زائد واحد وبلا وجع قلب. نحن نعشق والآخرون يتزوجون عشيقاتنا الحب الأول مرصود لطحالب البحر |
اقتباس:
انا واثق ما في شب مننا الا وبيتمنى يتزوج ويستقر _طبعا من الشخص اللي بحبو_(مو حيا الله يعني ) بس مو الكل قادرين يعني هيك خطوة كتير صعبة علينا ماديا ومعنويا ....... وخصوصا انا الله وكيلكون طفران عايف التنكة :sly: باختصار في حدا يديني 1000 ليرة لاخر الشهر:clap: |
ما لو الشب بيقبل يتجوز بنت كانت تحب حدا قبلو وما تجوزتو، متل ما هو ما تجوز البنت اللي كان يحبا قبلا ما كانت البنت بتهكل هم إذا ما تجوزا الشب اللي عم تحكي معو زلا كانت سألتو هالسؤال، فيعني معليش بلا ازدواجية الله يخليك يا شباب يا حلوين وخصوصاً المفلسين يللي ما بيقدرو يتجوزو هلأ، وبيحبو وبيتركو، وبس يصيرو بيقدرو يتجوزو ما بيعودو يدورو على الحب، بيصيرو يدورو على بنت ما حبت حدا قبلن، (وغالباً بيتجوزو وحدة ضحكت عليهن وقنعتن أنو ما حبت حدا قبلن)
|
اقتباس:
ولا تسأل متل هيك سؤال مرة تانية ... شمستنا |
سؤال لشب افتراضي :
ليش انت بتتعرّف ع بنت و بتحبا و تحبّك طالما انت مو قد هالفوتة ؟؟ الجواب : متل ما بيقولو بدو يجرب او حبا من النظرة الاولى سؤال لبنت افتراضيّة : ليش انتي تتعرّفي ع شب و تحكي معو وتاخدي وتعطي و تحبيه ويحبّك ، طالما مو متأكدة منّو أنو قد هالفوتة ؟؟ الجواب : عندا أمل الحب يغيرو |
جميع مشاكل الزواج والحب ممكن تنحل بطريقة وحدة:
لو تغيرت العادات يلي انا بعتبرها دخيلة علينا..... ويلي أهمها كون كلمة خطبة لحالها بالأردن عنا تعني شي 3000 دينار ان ماتت يعني بحدود 20000 ليرة سوري طيب واحد ناوي يخطب وبيحب من قلبو وصماصيم عقلو من وين بدو يجيب ، وغير هالحكي ما في شي مقبول .. يعني القصة أكبر من شب وبنت .... وكاتبة الموضوع تطرقت لمشكلة مجتمع وليس لمشكلة شب وبنت تقبلوا المرور تحياتي |
لهيك انا حطيت الموضوع بالصالون لان فعلا شي مهم وموضوع لازم يتناقش ونسمع فيه وجهات النظر كلا
|
طيب من وجهة نظري :larg:
اذا كنت حلوة و شقرا و عيونك زرق :sosweet: و طبيخة من الدرجة الأولى و بتدلليني اكتر من حالك و ما بتنقي كتير:pos: فالأتكال على الله دلينا على بيتك و فورا ببعت أهلي يطلبوكي :deal: |
شلون عرفت مواصفاتي
هي عن بكل تواضع انا |
اقتباس:
حتى لا تخيف الشاب :o |
اقتباس:
و اعتبري العرس بعد الخطبة فورا:yahoo: يعني انا من وقت ما خلقت عم أحلم بواحدة بتشبه الليدي اوسكار و اخيرا لقيتاه:sosweet::hart: شو قلتي:larg: |
اقتباس:
|
نصيحتي للبنات قبل ما ترتبطي عاطفيا حاولي تحددي شو بدك وشو قدرتك على التحمل المواجهة و الصبر و اهم شي قدرتك على إكتشاف الكدب و إلإدعاء
ان ما توفرو فيكي فنسي حلم بناء أسرة مع حدا بتحبيه و عيشي قد إمكانياتك أما إذا غامرتي كوني حذرة و مستعدة لكل شيء وكوني واضحة ولا تخبي ان شفتي منو تغير وتراجع وهو بيعرف إنك مستعة تساعديه وتستنيه و مع هيك إتغير لا تسآلي إمتى تخطبني خدي قرارك لحالك و هو الخسران اكيد لانك اكيد حطيتي ثقتك بغير محلها أغلبهم مو محل ثقة |
اقتباس:
عن الجواب الأول : لازم الشباب يردّو ع هالسؤال مو انتي ;) بس ازا هيك رأيك ف هي انتي قلتي هو حبها من النّظرة الأولى أو حب يجرّب يعني مو شرط يرتبط فهاد سبب أساسي ينتج عنه ما تتسائلين عن سببه ... يعني انو مجرد اعجاب من النّظرة الأولى غير كافي لأن يأتي ويطلب يدها ، و مجرّد حابب يجرّب معناتو هيي بهالحالة حطت حالها بمقام حقل تجارب ولازم تتحمّل العواقب ... عن الجواب التاني : عندا أمل الحب يغيروا ؟ :?:? يعني ممكن هو ازا عفتان وما معو مصاري مثلا أو ما معو تحصيل علمي كافي ليشتغل شغل يعيشو منيح فرضا الحب رح يعطيه مصاري ولا حظ ولا كيف ؟؟ :o ألا أزا هيي بدها تتجوز كيف ماكان وبأي تمن أو مسترخصة حالا أو مستقتلة أو أو ... او يمكن مكتفية مادّيا وحابة تحطو تحت جناحها و تصرف عليه طول العمر مقابل الحب و يمكن بعدين تتحكّم فيه أزا حب يتمرد أو يشوف حالو شوي :p ؟؟؟ شو رأيكون مثلا ؟ :D |
المصيبة لا يرحم ولا يخلي رحمة الله تنزل
لا هو يتزوجها ولا يعتقها لالا بدو تبقى حدوا هيك.. كاجويل:x |
| الساعة بإيدك هلق يا سيدي 22:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون