|
مونولوجات دينية
إلى كل من يقرأ و سوف يقرأ هذه السطور ... يجب أن يعرف بأن هذه و تلك السطور هي تعبير حر عن رأي و فكري و هو بعيد كل البعد عن الإلحاد و الكفر لا بل هو يبحث عن مواطن الخلل و يستدل إلى الحقيقة . و أريد أن أوصل رسالة لكل من سوف يعتبرها كفراً فليتذكر ليس هو من يقيم الناس إلى مؤمنين و كفرة و ليس هو سوف يأمر بسوقنا إلى جهنم أو الجنة . الفكر الديني الأخطبوطي : في كثير من الأحيان عندما أحلل ما أسمع و أرى من الجمل و التراكيب التي تهبط علينا كل يوم من جميع الجبهات و الأصعدة يتراء إلى ناظري الدين كالوحش الأخطبوطي بعض الناس يمسكونه كل ساعة من يد و اخر هذه المواقف كانت عندما علمت بقرار مجلس الشعب المصري القاضي بمنع حفلات ملكات الجمال لأسباب دينية . ليس حباً و دفاعاً عن هذه الحفلات أو تلك بل سؤلاً هل تم حل جميع المشاكل المتعلقة بالدين و بالمجتمع و بقي فقط مشكلة حفلات ملكات الجمال و مع أني متأكد بدرجة 99% أنا جميع من صوت لصالح القرار لو دعي إلى حفلة من هذه الحفلات ليذهب و هو يسابق الرياح . هنا تراء لي الدين بمشهده الإخطبوط المقيد الذي أمسك أحد المرتزقة الدينية و أتباعهم يده و رفعوها لصالح أهداف .... ضبابية غير مرئية و هذه المشاهد تطول و لو أردت تذكرها لن أنتهي إلا بعد وفاتي يتبع ... :D |
عم نستنا اليتبع .. لنشوف ..
باينتو في فكرة .. |
,و هي تسجيل متابعة :D
|
وهي متابعة متل الاوادم يلي سبقونا :D
|
اقتباس:
|
اقتباس:
احسن من ولا شي |
موضوع كتير مهم وبيحط ايدو على الجرح الأكبر بكتير مجتمعات بالشرق وبالغرب، بس بالأخص عنا
|
هات لك خاي هات معك على طول وإذا بدك دعم لوجيستي عندي تاريخ منو هاد
|
راح تابع الموضوع
لكن رجاء الاحترام لكل الديانات وشكرا |
اقتباس:
هي نتيجة حتمية, يعني رح يجي حدا يعتبرك كافر وزنديق, لأنو الفكر الشمولي الذي يؤومن بامتلاك الحقيقة المطلقة, ويؤمن بالتفوق المطلق على الغير لا يمتلك سلاحا يحارب فيه الفكر سوى التكفير! الحجج جاهزة: الذات الإلهية, الأنبياء, الشرع... وطبعا, أي حدا ممكن يكفرك بئا إذا خايف حدا يكفرك, لا تخاف, رح يكفروك!! |
درر يا ابو الزوز درر:cry::cry:
عم نستنى:D |
يتبع 1
الدين سلاح خفي: إن الدين في بعض الأحيان و مع بعض الأشخاص يستخدم كسلاح سري قاتل و مدمر فتاك و ليس له رد دفاعي و الاهم من ذلك سلاح مخفي و يستخدم عند الاختلاف بالآراء مع احد الأشخاص أصحاب الفكر المجمد و المحصن بالاسمنت المسلح الغير قابل على التفهم او التناقش سوف يقوم بتكفيرك في أول المراحل مرورا بتهويدك و تخوينك إلى أن ينتهي النقاش بتفجيرك أو .... * و من أسوء لحظات الضعف شعورك عندما تكون تتكلم مع احد أشخاص عن موضوع هام و تدافع عنه فيلقي عليك عدة قنابل يدوية بضعها آيات سماوية أو مواقف حصلت مع الأنبياء لتسكت و إن شككت في هذه المقولات فأنت فتحت على نفسك جبهة لن تستطيع الرد عليها و لو كنت جهبذ في علم الخطابة و سوف ينتهي بقنبلة نووية تقول انك كافر ملحد لست من مستوى الشخص المقابل و لا تستحق محاورته لماذا نستخدم الدين للحلول مكان أفكارنا الخاصة و عقولنا النيرة أم الصبح عقلنا محاط بسياج ديني يستحيل خرقه و التفكير خارج حدوده و في النهاية تراودني هذه المقولة ربما أكون مختلف عنك و لكن ليس بالضرورة عدوك يتبع ... :D |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
اقتباس:
تانيا ماأجى ترتيب لحل مشاكل الدين . المشاكل كتيرة وكل ماأستطعنا نحل مشكلة المفروض مانوقف .الا اذا عندك مشكلة انت انو اليهود يحلو مشاكلهم والمسيحيين يحلو مشاكلهم والمسلميين يحلو مشاكلهم |
يا شباب رجاء بلا نقاشات جانبية من هون ليخلص ال يتبع
اذا اي حدا عندو مشكلة مع هالمونولوجات يا مرحبا :D |
اقتباس:
و بترفعها و هادا شبه الدين بالاخطبوط و بظن انو خكيك نفس حكيي بالمشرمحي انا حكيتو بغير طريقة اقتباس:
|
اقتباس:
تاني شي مفهوم مشكلة بالدين بدها تختلف بشكل طبيعي بين نظرتي ونظرتك . وبين دين ودين . وهون ياريت تحددلي أنت جايب شي مسميه مونولوجات دينية أنا بدي ناقشك فيه على أنو اساس ؟ . أنو أنت مسيحي ولا ملحد ولا مسلم ؟ |
اقتباس:
|
اقتباس:
|
ملاحظة صغيرة ... من بعد ما اجاني كذا تقرير مشاركة عاطلة بهالموضوع
صحيح أنو المواضيع الدينية ممنوعة بس المواضيع يللي بتحكي عن فكرة الدين بالمطلق .... و بتتناول الفكرة من جانب منطقي أو فلسفي بدون ما تسيء لدين معين .... فهي تعتبر مسموحة |
اقتباس:
|
اقتباس:
ابعات تقرير مشاركة عاطلة .. و حط السبب... لأنو مو دايماً منلحق نقرا كل الردود .. . اقتباس:
إذا رح تتناولو من منظور علمي أو منطقي اي أكيد ممكن |
اقتباس:
و تهاجمو لأنو انسان سيئ همجي مو لانو حاطط نجمة داوود او صليب او هلال |
اقتباس:
و اهلا اب سمرا |
اقتباس:
و أدامك الله ذخراً لسقيفتنا صحيح هيي سقيفة بس حلو نشوف فيها مواضيع فيها فكرة .. و بتفتح باب للنقاش و الحوار اي ... و مشكور عالموضوع |
اقتباس:
حلو هالكلام وبتستاهل عليه صفقة . بس وين الهمجية بأنتو منعو أنتخاب ملكة الجمال . شيلني من الدين لحنا كل عادانتا بالشرق عند أغلب الناس . بتمنع انو البنت تعرض حالها شالحة تيابها وعارضة مفاتنها للناس. يعني هاد الكلام بيشمل أسلام ومسيحية وملحدين كمان . وحتى بالغرب في كتير اصوات بتنادي بألغاء حالحفلات لانها تنتقص من المرأة . لما ما بتاخد منها غير قياس صرها وطول رجليها وغيرو . وبتطلع تعرض حالها شبه عارية . وكأنها مخلوق غريزي فقط مو انسان . أو كأنها الة جنسية . فلما الواحد بيطلع قرار من ضمن بيئتو وبيحافظ على كرامة المرأة بيكون همجي ؟ |
اقتباس:
مو تمنع الاخر انو يعمل شي مقتنع فيه ما بظن في اي صبية شاركة بهالمسابقات عن غصب و على فكرة بمسابقات ملكات الجمال الثقافة و الشخصية الها علامات كمان مو بس الجمال |
اقتباس:
يسلمو هدا الكلام درر يعطيك الف عافية يا رب... هدول الناس اللي بيفهمو.... يعطيك الف عافيو يا المحارب العتيق.:D... |
انو مرحبا جميعا ..
شلونك زيادو . تقريبا فكرة الموضوع .. عم تحوم شوي حوالين فكرة لموضوع .. انغتح بالصالون من كم يوم .. اقتباس:
اقتباس:
|
اقتباس:
يا عيوني لك بمسابقات ملكة الجمال بعاملو المرأة متل السلعة لما بتعرض جسما بالمايو وغيرو .... وين الكرا مة لما المرا بتعرض جسما قدام ملا يين من الناس وبعدين يا بتفوز او ما بتفوز.. شو بتكون استفادت.. غير انو اتنقص من كرامتا وأصبحت بنت رخيصة كسلعة من السلع المعروضة كالسيارات مثلا... والله يعطين الف عافية مجلس الشعب المصري لما حط هيك قانون... هيك بكونو عملو قدر وقيمة للمرأة... |
اقتباس:
برأيكون, هدول مو المفروض اننا نهاجم معتقداتهم؟ وهاد السؤال موجه بشكل أساسي لأبو الزوز, المحار العتيق, وردة حماه, ماد ماكس, ويمان رونالدو.... بتمنى تجاوبوني! لأنو للحديث بقية.... |
اقتباس:
ابو الخل .. نوّرت .. :D اشتقنالك .. عندي تعليق عاللي حكيتو انت .. ولح احكي رايي اللي بشوفو وفهمتو من حكيك .. إني هاجم بدون سبب .. لا ما لح هاجم .. إلّا بحالة وحدة .. واللي هية انو هي الجماعة وتوجهها .. وفكرها لو بدو يأذيني .. او حس انو عم ياخد من حقي .. لح اطلع واتناقش .. وتحكي وتتناقش معهم .. وتوصلو لنقطة اتفاق .. أما يا اخي لو هنن قاعدين بحالن .. وما عم يأثرو عليي .. ما عم يأذوني او يهاجموني .. ما لح قرب عليهم .. مثال النازية .. بيختلف شوي .. عوقتها النازية كانت قوة عظمى وما حدا عم يقدر يوقفهم .. لو هاجمتن او لا .. لح ياكلوك .. لذلك ما كان بالامكان انك توقف ضدهم .. فما لح تفرق كتير .. اما حاليا لو بدنا نحكي عن جماعة ما متدينة " وأرجو انو يتم التدقيق على كلمة جماعة .. وهي الجماعة ما بتمثل الدين كامل " .. وعندها افكار غريبة عجيبة .. وما بحبونا يا اخي .. ما لح روح هاجمن وقلو بالصرماية بدك تحبني لانو ما لح يقبل ولح تقوم الدنيا وما تعقد .. بس لو بلّش .. يشتغل فيني ويحكي عليي بطالبو اكيد انو يتوقف عن هالشي .. لانو ما بحقلّو .. :D |
اقتباس:
مشان هيك في بنت عاهرة, وفي بنت متعصبة دينيا, مرورا بجميع درجات التحرر والاعتدال والتعصب.. وفي شب متدين, وفي شب ماجن, كمان مرورا بجميع الدرجات والمستويات... إذا أنا عندي وجهة نظر معين, فمابتخيل انو الناس ملزمين يتقيدو فيها, لأنو مو كل الناس متلي... |
اقتباس:
معلم الموضوع انو انا حاسس بخطر دائم من هي الجماعة, تمددها وتطورها بيشكل انذار خطر إلي ولغيري... فلازم يكون في حدا عميعمل لوبي للتصدي لهي المجموعة قبل ماتكبر, متل السرطان تماما, ببدايتو مابيكون مؤذي, بس تطورو ممكن يسبب الموت, مشان هيك لازم نعالجو على بكير.... إذا انت بتعرف انو انا وجماعتي عنا أفكار ضد كل شي مختلف عننا, وانت شفت مننا تحركات ما أذتك بس أذت غيرك واللي متلك, مارح تحاول تحارب هدول الجماعة؟ فيك تحاربهون بالقلم, وفيك تحاربهون بالنار.... انا عن نفسي مابعرف قوّص غير بالقلم البايلوت الأزرق :lol: |
اقتباس:
في شي بمجتمع الانسانية اسمو اخلاق واحترام للعادات والتقاليد والكرامة الانسانية..بعيدا عن الدين. |
اقتباس:
يعني وقت بدنا نناقش مثلا موضوع ورد بالإنجيل, مافيني قول أنو هاد الموضوع صح لأنو ورد بالإنجيل,,,, لأنو بالأصل انتي ممكن ماتكوني مؤمنة بالإنجيل أصلن... يعني بالمقابل, مافيني اشهد على صحة الإنجيل بالإنجيل نفسو, خصوصا إذا كان الطرف التاني لا يؤمن به!!! المصيبة أنو بهي المواضيع, الدليل الوحيد يلي بيجي بيكون من الكتاب نفسو, يعني هوه عم يشهد لنفسو, وبعلم المنطق هاد الشيء غير مقبول!!! وما بني على باطل فهو باطل,,, مشان هيك مافيكي تقولي انو دين معين هوه دين الحق بس لأنو هوه قال هيك عن حالو!!! إذا قلتلك انو أنا الله, والدليل اني عمقول اني انا الله!!! هل هاد الشي معناه اني انا الله ؟؟؟ !!!! |
اقتباس:
ومو كل الناس بيؤمنو بنفس العادات والتقاليد الشي المرفوض عندي ممكن يكون مقبول عندك, والعكس صحيح!!! فيكي تنكري انو الملاهي اليلية شيء مخالف للأخلاق يلي معظمنا بيؤمن فيها؟؟ طيب بس هيه موجودة, ومقبولة من كتير ناس, بدليل انها موجودة من ومااااان كتير, ومربحة وشغالة, معناها في ناس بيقبلو فيها, سواء بالعمل فيها, أو انو يكونو زباين إلها أو أو أو... إذا انا برأيي أنو الحجاب شيء غلط وسيء, مو معناها أنو هوه سيء بالمطلق, الحجاب مرفوض ببعض المجتمعات, ومقبول ببعضها الآخر, ويعتبر فرض قسري بمجتمعات أخرى, وهيههي المجتمعات المصيبة نفسها, لأنو الأنظمة الشمولية هيه اللي بتسبب التخلف بالمجتمعات, وبتقتل روح الإبداع والفكر والتحرر... بعدين برأيك كل العادات والتقاليد تبعنا هيه شي ممتاز وكامل؟؟؟ ختان البنات مثلا بمصر, والنقاب بالسعودية وزواج المبادلة والمصلحة بسوريا ومنع خروج البنت لحالها مثلا, ومنعها من التعلم والشغل كمان.... والشب مابيتجوز إلا ليدفع مصاري لأهل البنت, هل هي العادات هيه صح تماما؟ ومقبولة تماما؟ |
اقتباس:
في شي اسمو تاريخ الواحد لازم يكون على دراية فيه اذا ما كان مؤمن بالديانات لان مادام الواحد عندو عقل راح يعرف الحق والباطل وبظن انو التاريخ هو اللي بيدعم كلام الدين وبيكذبو اذا كان هدا التاريخ من مصادر موثوقة ومعروفة.... |
اقتباس:
مممم اناما الي عداوة مع الدين بس شو هوي الشي اللي بخلي التاريخ يدعم الدين:? اذا رجعنا بالتاريخ منشوف انو في حضارات عظيمة قامت حتى انو بعضها تفوق على نفوذ اعظم الديانات الموجودة حاليا و ترك اثار اكبر من اي اثار لأي دين برأيي الدين ظاهرة تاريخية كغيرها من الظواهر و الحضارات اللتي تناسب بيئتها المرحلية و لكن ما يساعد على بقائها الإيمان بها و لكن في بعض الأحيان الإيمان يجعلنا نتمسك بشيء لا داع له سلام:D |
يا تقبرو قلبي
فعلا مبسوووط انا فيكن وبافكاركن لانو بحب الناس يلي بتعلك كتير متلي
طبعا انا اسف على كلمة بتعلك بس السبب انو ممكن نكون عمنعمل شي افضل من انو نتناقش على منتدى وممكن نتناقش بشكل مباشر بس في اسباب كتيرة بتمنع هالشي بس يا ترى شو هي هالاسباب فكرو فيها منيح رح اعطيكو واحد من هالاسباب ( التقليد الديني بقول انه نوع من العبادة لما الناس تقعد وتتناقش بهالمواضيع طبعا مع عدم التخبيص ) بس المجتمع الشرقي صار يعتبر انو كل نقاش من هالنوع بكون زندقة وكفر وابتعد كل الابتعاد عن العقل يلي ربنا اعطانا ياه لحتا نستخدمو اهم استخدام يلي هو فهم الله سواء كنت من ديانة سماوية او غير سماوية سواء ملحد او مؤمن تزكر انو عندك عقل وتزكر انو تعامل الناس منيح اي شخص بلاقي انو هالتعليق بهينو او بهين ديانتو يا ريت يخبرني وانا بحذفو بايدي اما بالنسبة لموضوع ملكات الجمال فانسو موضوعهم وتزكرو الافلام الاباحية ولا تقولولي كمان البنات حدا ضربن على ايدن لحتا يمثلو فين :larg: |
| الساعة بإيدك هلق يا سيدي 20:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
