|
شاب يحب امراة اكبر سنا وين المشكلة ؟؟
ماذا لو حدث و أعجب شاب بامرأة تكبره سناً , هل من المعيب أن يبادر إلى كشف مشاعره تجاهها و حبه لها و رغبته بالزواج منها ؟
أو لو حدث عكس ذلك و أعجبت امرأة ما بشاب يصغرها ببضعة سنين, أين المشكلة إن أبدت هذه المرأة إعجابها به ثم عرضت عليه فكرة الزواج ... لماذا تكون نظرة الناس في الغالب لهكذا زواج نظرة مختلفة عن الزواج التقليدي ( الرجل أكبر من المرأة ) ... وخصوصاً والد الشاب و والدته , يرفضون مجرد عرض هكذا أمر للنقاش و على الأغلب تكون نظرة والدها و والدتها إلى هذا الأمر مماثلة ... هل لأن الزوج بحكم رجولته يجب أن يكون أكبر من المرأة ؟ أم فقط لأن آثار التقدم في العمر تبدو على المرأة بشكل أسرع مما تبدو على الرجل, لذلك يبادر أكثر الرجال للارتباط بفتيات يصغرونهم سناً ؟ أم أن زواجه بامرأة أكبر منه يزيد احتمالات أن يصبح خاتماً في اصبعها, و تتحكم فيه على مزاجها ؟ أحياناً قد تزداد المعاناة إن كانت المراة تملك المال الكثير, يظهر الشاب المقبل على الزواج منها أنه يريد مالها لا أكثر ...!!!!!!! شاركوني رأيكم :D |
انا عن نفسي مستحيل بحب شخص او اتزوج شخص اصغر مني لو بشهر واحد ,,,
|
اقتباس:
:shock::shock::shock: |
والله بدك تشوف شو رأي صباح بالموضوع، باعتبارا أكتر وحدة عندا خبرة فيه.
بس إذا منشيل المزح، أول شي المهم العمر البيولوجي لكل شخص أكتر من عمرو الحقيقي، بس إجمالاً المرأة بتنضج بعمر أصغر من الرجل مشان هيك أغلب الدراسات بتقول أنو الفرق المثالي بين الرجل والمرأة غالباً بيكون بين 4 و8 سنين، هلأ أكيد في حالات استثنائية، الناجحة منها سببا أنو العمر البيولوجي هو اللي بيكون متقارب رغم أنو المرأة بالسنين بتكون أكبر. أما الحالة اللي بتفشل فالسبب أنو الاختيار ما كان على أسس صحيحة |
القاعده المعروفه
ان الزوج اكبر من الزوجه ب العمر والفكر والنضوج |
اقتباس:
بس رايك انو تتزوجي شب اصغر منك وين المشكلة ؟ |
اقتباس:
لتكوون اتجوزت شبووب صغيير :o |
اخي خليل انا عندي اقتراح صغيرة
لنفرض جدلا انو انت بعمر الخمسين الله يديك طولت العمر وعندك ولد عمرو 18 سنه وانت بدك تزوجوا بتقبل ابن يتزوج وحدة عمرها 25 برضوا مش كبيرة كتير رايك انت بالموضوع هيدا ابنك اتخبل نفسك ولنفرض شي تاني انت عمرك 60 بس اساك بي وعيك وعقلك الله يعطيك الصحة وابنك عمرو 30 اتزوج وحده عمرها 33 وبي نفس الإطار اتخيل نفسك هناك فرق بين 18 سنه وبين 30 سنه اظن لو اكن عمرو 18 هيرفضوا ولو كان عمرو 30 سنه 60 % هيقولوا هيدا رجال وبعرف مصلحتو ويتزوج وهو حر ما حدا يلوم الأهل على خوفهم على ابنهم هيدا شي مطلوب وواقع بكرا بتصير بابا وتخاف على ابنك وما بتتمنالو الا احسن الشي تقبل رأي المتواضع تحياتي |
اقتباس:
و اذا ابني بدو يتجوز وحدة اكبر منو بس بشرط تكون بنت ناس و اخلاق ما عندي مانع ابدا و انا طرحت الموضوع لشوف اراء و مقترحاات المجتمع و شكرا عل المررور :D |
الموضوع مهم والله....:D
يعني ليش الشب بيحصر نظرو بالبنات يلي اصغر منو؟ بس القصة الصايرة انو الشب ما عم يقدر يتجوز ليصير كبير.. كبير كتير.. اكبر من كل البنات, وحتى اكبر من كل الشباب... :o |
والله أنا ما بشوف انو فيا اي مشكلة
الرسول محمد صلى الله عليه وسلم تزوج نساء أكبر منه سنا متل خديجة وسودة أمهات المؤمنين وكان أكبر منو بعدة سنوات 15 سنة وأكتر وبعدين أنا كان عندي معلمة بالصف عمرا 30 سنة وتزوجت ابن عما عمرو25 سنة وجابو ولاد وعايشين أحلى عيشة... يسلمو عالموضوع |
اقتباس:
ببصملك بالعشرة معلم :deal: |
اقتباس:
كلام من ذهب شكرا عل المروور :D |
هلأ أنا بدي أسأل سؤال بتعلق بنفس الموضوع
ليش الرجال الأعزب ما بتجوز وحدة مطلقة ولا أرملة.... ؟؟؟؟؟؟؟؟؟؟؟ مع انو البنت العزباء بترضى تتجوز واحد مطلق ولا أرمل والرسول محمد صلى الله عليه وسلم تزوج خديجة أولى زوجاته وكانت أرملة؟؟؟؟؟؟؟؟؟؟ |
انا بشوف مش حلوة الوحدة تاخد واحد اصغر منها
لو كم شهر ممكن لحد سنة ماشي اكتر مش حلو ولا مئبول ولا طبيعي للجهتين |
اقتباس:
|
اقتباس:
لا في كتير بعرف ناس بيتزوجو ارملة او مطلقة ومنن خالتي مطلقة قال شو ما بتجيب ولاااد و رجعت اتزوجت و جابت 3 ولاد هو النصيب بيلعب دوور |
واحد يحب امرأة اكبر منه في سن :hart::hart::hart::hart: مافي مشكلة |
هلأ انا ضد لسبب إني لما بقولوا المرأة بتكبر قبل الرجل مش المقصود الشكل الخارجي لأني هلأ صرنا بوقت صار في مليون طريقة للوحدة تحافظ على شكلها الخارجي وتخفي علامات الكبر
بس هو القصد إني المرأة تنضج قبل الرجل وخصوصا بين العشرين والخمسة وتلاتين يعني لو حتى كانوا قد بعض بهالعمر بتحس إني البنات توجهاتهم وأفكارهم أكثرنضجا ومع ذلك لكل قاعدة استثناء بس أنا برأي البنت اللي بتتزوج شب أصغر منها هي الخسرانة لأني ساعتها رح تقدم كتير تنازلات لحتى تنجح هالعلاقة |
اقتباس:
لا مو شرط انا شفت صبايا تزوجو شباب اصغر منهم وكوّنوا بيوت وعوائل وهم في قمة السعادة اصابعك ليست متساوية |
اقتباس:
طول ما بيحبو بعض و متفقين بدون يضحو كرمال احلامن و حبهم لبعض :pos: |
اقتباس:
وبعدين أنا ماقلت إني ماممكن تنجح العلاقة أي علاقة بهالدنيا بدها تعب لتنجح بس إني البنت بتتعب بهيك علاقة أكتر من الشب |
اقتباس:
مزبوط والله النصيب بيلعب دور والواحد ما بيعرف شو الله مقدرلو... |
موشايفه فيها اي مشكله
انا شايفه تجربتين ع الواقع لنساء تزوجوا بشباب اصغر منهم بثلاثين عشرين سنه وعايشين بشكل طبيعي ومن احلى مايكون لانه المراه تكون ناضجه والشاب فيه حياة ومرح ومثل الطفل عندها شكرا على الموضوع |
اقتباس:
شكرا عل المرور :D اقتباس:
|
اقتباس:
فبجوز فيه كل شي ما في قانون بيحكم الحب بس لما نجي للزواج فهون لازم يكون في ضوابط برايي العمر احدها الرجل في علاقتو مع عائلتو هو القائم بالاسرة كاملة مسؤول عن زوجته ولازم يحتويها ويكون قادر على استيعابها وفهمها والقيام بكل واجباتها ممكن بتلائي واحد اخد وحدة ئد امو بس بيكون مثلا فقد امو وهو صغير او واحد اخد وحدة كبيرة لانها غنية او لاي مصلحة اخرى يعني هون اختل احد الاسس يلي لازم تقوم عليها الاسرة وهي السكن والمودة والراحة يلي لازم يحس فيها كل طرف باتجاه التاني |
| الساعة بإيدك هلق يا سيدي 14:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون