|
انتخبو اكتر شخصية شعبية محبوبة بالمنتدى
صباحو ازا صبح ومساءكون غاردينيا ازا مسا ... مابدي طول كتير عليكون ... موضوعي مبين من عنوانو ... يعني انت كعضو بالمنتدى مين هوي الشخص يلي بتشوفو برايك اكتر شعبية و كلامو بيشدك واسلوبو انت معجب فيه .... بغض النظر المهم يكون بالاخوية هون شومانكان هلا انا لح حط استبيان بس مو هلا ممكن حط بعد ما نشوف اكتر الاسماء تكرارا ... و بدون اعتراض من حدا بدي حط شروط للمشاركة "ازا مافي مانع ":larg: : 1- ما تصوت لنفسك 2- لما بتصوت لشخص تقول شو السبب 3- انا او غيري النا الحق بالتنبيه عن مشاركة عاطلة بحال تم الاساءة لاي عضو من الاعضاء شوماكان الداعي 4- بتمنى من الكل يعني ازا صار وضيعنا وقت ما ننسى موضوعنا الاساسي ونفوت بقصص ما النا فيها 5- انو ما تصوت لشخص بتحبو بيكون رفيقك بالمنتدى بيكون تلات ارباع الاخوية مابتعرف قرعة ابوه من وين 6- كوني صاحبة الفكرة فبتمنى ما يضيع الموضوع بالسقيفة ويصير بين كومة غراض عتيئة بتمنى الكل يصوت والكن مني وردااااتي وتحياتي الباردات والساخنات والفاترات :D :clap: |
يالله لشوف وين الاصوات الصارخة :gem:
|
طيب انا عندي 15 اسم....!!
|
طيب معلي صوت لاكتر من عضو ؟
والمطلوب شعبيتو ؟ ولا انا بحبو وبيعجبني فكرو ؟ |
هلا بالنسبة لتعدد الاشخاص ممكن بس بدك تذكر اسماء ... بشرط انك تكتب النسبة يلي بيحتلها بالمية متلا :
فلان 25% فلان تاني 25% التالت 50% هلا بالنسبة لسؤالك فراشة : ممكن تصوتي لاي شخص بدك ياه بس مو بمنظورك الشخصي ( يعني مو لانك بتحبيه كصديق رفيق درب لهيك صوتتي وهوي بالمنتدى مو معروف الا عالخفيف جدا بتصوتيلو) اي اسئلة اخرى انا جاهزة بس انشالله كون وصلت الفكرة وبتمنى الكل يشارك يالللله !!!!!:clap: |
هلا ازا كنتي معجبة فيك شو المانع ما تكوني حابة تتبني افكاره حتى لو ما بتعرفيه الا سطحي جدا بس ردودو بالمنتدى بتكون قوية وجزلة وملفته جدا بس مو بالمعنى انك تحبي تطبسي فيه:lol:
:D |
اقتباس:
انا بدي صوت ل 100 بعرفون بعطي لكل واحد وواحدة 0.01% ؟ |
اقتباس:
ليك محمد هلا ازا كانو مية فبتقدر تزكرون بس ما بتصور يكون في 100 شخص بيحتلو هالشعبية (بمعنى الكل بيعرفون وكانو يستقطبو الاعضاء ويجذبوهن برد او بموضوع او باسلوب ) يعني بعتقد انون معدودين وما بيوصلو لل 40 شخص ان كسرت بعضا !!! فا من وين اجو ال 60 الباقيين ... على كل حال ازا ما لقيت الموضوع خرج انت حر وبيرجعلك القرار بعدم الرد والتصويت اكيد مو شادة حدا من ايدو ليصوت لذلك لا تنفعل وتعزب حالك :lol: ثم مين قلك ما تصوت للي بتحب الرجاء التمعن بنص الموضوع من ثم الاعتراض;) :D |
يا ستي ، جينا ، عدّي ع أصابعك
جيمي العزيز ، مخو نضيف هالصبي 25 % بيرسونيتا الرائعة 25 % Jano ، مخو وذوقو الفني ( الموسيقي والسينمائي ) حضورو بأخوية غنى 25% I am Sam كتلة رقي هالزلمي 25 % هلق في كتير كتير ناس ، تانيين .. بس هدول للصراحة أول اربعة خطرو ببالي ما حطيت حدا من المشرفين ، لأنو يعني بيندرجو " معظمن " ضمن بحبن لأنن اصدقائي ورفاق النضال وبس |
اقتباس:
يا ستي الفكرة ما بالشعبية رح تلاقي بعد شوي حدا حاططلك زلمة مكروه من 99.9% من اعضاء الاخوية ويقلك انو شعبوي (عادي لا تهتمي ) التكرار هو اللي رح يوضح الشعبية واتركي العالم تختار متل مابدها والاجدر هو اللي رح يوصل لمنصة التتويج ، خلي عندك ايمان بارادة الشعب كاملا (الناضج والغير ناضج ، المشخصن والغير مشخصن ) على كل حال رح شارك مارح امتنع :p |
اقتباس:
تاني شغلة فراشة كل شي كتبتيه على عيني بس لما بدك تصيفي ناس تانيين غيرون بدك ترجعي تقسمي نسبة 100% عليون كلون لحتى نقدر ننتخب اكبر اصوات لشخصية شعبية بالمنتدى:D |
اقتباس:
بالنسبة للي قلتو ازا كان في زلمة حط تصويت لشخص مكروه اكيد ازا كان هالشخص فعلا مكروه ما حيصوتولو البقية ... اما ازا كانت اغلب الاصوات الو فحتى لو انا وانت منكرهو فلح يفوز باللقب... بالمناسبة لسا ما قلنا ايمتى بينتهي التصويت لانو بدنا شوية حماس من بقية الاعضاء بعدين منقوم بطرح يوم لاغلاق الموضوع والتصفيات النهائية انسريت بمشاركتك محمد بس لسا له ما شفتك مشارك ... انت بالذات بدي شدك من ايدك واجبرك :p يالله لشوف لمين صوتت :x:p دمتم سالمين :D |
انا بصراحة مارح صوّت و لانقّي....ولاحتى أدخل عالموضوع
خايف يكون مالي أي شعبية هون ......وهازا يؤدي الى انو أشعر بالاحباط...و شعوري بالاحباط يؤدي الى فقداني تركيزي .....وفقداني لتركيزي رح يؤدي.....عالارجح.... الى عدم اتّزاني و امكانية اتخاز قرارات فجائية انتقامية رح تكون بالاكيد غلط جداً حزيلاً...........ومنها انو أفكر بالانتحار ....وبما انو انا زلمة ملتزم .....وعندي مسؤوليات...ووراي كوم لحم....فما رح ....للاسف....أشارك بالموضوع..... لكن هازا لا ينفي انو الموضوع جميل ...وفيه حركة....ومشكورة عليه ام الرور أودعناكن..... :D |
اقتباس:
بوسلي الزغار كتير امانة:oops: |
أنا بدوري بعطي أول صوت لصاحبة الموضوع :p وبنسبة 33.333%
و أبو نجبو بنسبة33.333% وسويت آنجل33.333% الأولى ويلي هي أم الرور السبب:ردود قوية ومنطقية من كل المنطلقات أبو نجبو :خفة دم مع أبداء رأيو بكل المواضيع وبدون مجاملة مما يدل على صراحته وطيبة قلبه أما سويت:السبب :الدلعنة المشاكسات القوية بين الأعضاء وأولهن أنا:o وبالنهاية بحب أشكر أم الرووووووور على هذا الموضوع الجميل وأتمنى لها كل الخير والسعادة:D |
شو وين الهمة ...:frown::pos::sly:
|
اقتباس:
بالنسبة للشخصيات اللي بحب أسلوبها في أخوية، في كتير ناس والله، بس رح احكي بس 4 مشان ما تضيع الطاسة ميمو: مش لأنها صوتتلي والله، :lol: بس بحبا أنا لهاي البنت،عدا أنو أسلوبا في الكتابة رائع، بحسا عفوية جدا في كلامها وشفافة وبتعجبني آراءها وجرأتها في التعبير 25% ياس: بحب أقرالو كتير، بحب طريقة تحليلو ونقاشو 25% أبو طوني: فرفوش كتير ويخيل إلي أنو مخو أكبر منو، لما بشوف اسمو بشي رد، لازم أشوف شو كاتب :lol: 25% أيم سام: من الأشخاص اللي بيفرضو احترامهن وأسلوبو جد مهذب بالنقاش 25% في كمان باشق، ناي، أحمد، أم الجود، ساندرا... ثم في قسم الخواطر عدد لا بأس به من الأقلام الواعدة، اللي ما رح اذكر أسماءهن، لأنو الاختيار أعلاه كان على أساس الردود والآراء في المواضيع النقاشية، مش أسلوب الكتابة الأدبية. و إذا بستمر، ما بعرف كيف بقدر أوزع النسب!:cry: مشان هيك، بكفي:p |
الفكرة حلوة
بس مابتخيل إني رح صوت لحدا مو تكبر لا سمح الله او انو مافي حدا ذو شعبية بس هي ذوشعبية ومحبوب مو زابطة لو فصلتي ذوشعبية لحال وشخصية محبوبة لحال كان أحسن الفكرة ذكرتني بفكرة لمحمد كان طرحها من اسبوع بالبريد ومالاقت ترحيب |
الفكره حلوه كتير ..بس سؤال هلى ممكن نكون محدودين بعدد الاعضاء ولا ممكن نعطي نسبه لاكتر من تلات اعضاء ...؟؟؟؟ يعني الواحد بدو يمخمخ لان :larg:
|
اقتباس:
يمكن هالموضوع صعب عالبعض متل ابو نجبو كمان بس مو مشكلة ضويتولنا الموضوع بمجرد المشاركة :D |
اقتباس:
بدها كاس يا بنت مع سحبة معسل:larg: |
اقتباس:
تسؤ يارفيقة مادخل الشعبية بالمحبوبية يعني خدي مثلا انا:larg: شعبيتي هونة كبيرة كتير الكل بيعرف مين انا:gem: بس محبوبيني أي يلي بيحبوني قلائل من البشر أي نعم:pos: لزلك اذا بتحبي افصلي بين الاكثر شعبية والمحبوبية |
اقتباس:
محمد في حواليه تجمع نسائي كبير فبيخاف يختار 5 يزعلو الخمسة التانيين بيخاف يختار عشرة يزعلو العشرين التانيات فهيك بيرضي الكل قلبو كبير مابيزعل ولا صبية |
اقتباس:
بالنسبة لتعليقك للي سبق هاد .. يعني شعبيتك من وين بتجي من انو العالم بتعرفك كلها صح؟؟ طيب شو بيعرفك انو بتعرفك بلكي مو شايفتك (:p) الا ازا احتكو فيكي وشافوكي مهضومة وطيوبة وحبابة شلوني معك :oops:;) |
اقتباس:
|
اقتباس:
أنا أعتقد أن الشعبية متعلقة بالمحبوبية يعني ما راح يكون شعبي إذا الناس ما حبوه ، يمكن قصدك الأكثر شهرة بهالحالة أضبط لأن مب كل مشهور محبوب. أنا أختار butterfly لأنها تحب القراءة ومكتبة أخوية مزدهرة بوجودها وتعرف شلون تحافظ عليها أنا لو من أمريكا أخليها مسؤولة عن مكتبة الكونجرس. yass كتاباته حلوة وواقعية. madmax ذوق في الموسيقى. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - كروانة صوت حلو وروحها طيبة يعني مثلالنسمة الباردة. Reemi عملية عندها حزم في ضبط الأمور ، أستانس لين شفتها كاتبه مغلق تمهيدا للحذف. ظريفة في تعليقاتها. باشق مجروح كلما شفت الياسمين تذكرته ، حبوب وكريم في عطاءه. والله يديم المحبة بين الجميع. :D |
وين الشفافية بالانتخاب :jakoush:
|
هلق هيك ما رح توصلي لنتيجة جوفيا
عملي الموضوع تصويت وحطي 10 اعضاء وخلي التصويت سري وخدي بقا على خناق وشد شعر ههههههههههههه انا كل شخص بعرفو الو ميزة خلتني اتعرف عليه وكل شخص هو مفضل عندي لهيك صعب الاختيار |
سؤال صغير
شو يعني الاكثر شعبية يعني الي عم تقولي لا طيب لمين انه اكتر واحد بيردو على مواضيعه ولا اكتر واحد متواجد هون ولا شو يعني شو المعيار ؟؟؟ ما فهمت :? |
من بعد اذن جوفيا اذا بتسمحلي عيد الموضوع مع التصويت ونختار حوالي 15 او 20 عضو الاكثر فعالية بالمنتدى
ويتم التصويت ودمتم سالمين |
اقتباس:
يعني انا اكيد الي رايي بهالموضوع بس رايي ما بدي افرضو على اراء االاعضاء ... كرمال ما يتهموني بالتحيز وازا في اي سسؤال اخر انا على استعداد ... مع العلم والتاكيد انو لح اعمل موضوع استبياني تاني بناءا على اختيار الاعضاء يلي صوتو هونة بس مابدي فوت بمعمعات ووجع راس عرفتي ليش ؟؟؟ يعني وقتا مينما بيقلي على اي اساس حطيتيون بالاستبيان بقلو بناء عالموضوع السابق ولا انتي شو رايك :D |
اقتباس:
ازا انتي شايفة انو احسن يصير استفتاء ممكن نعملو واكيد بدي مساعدة حدا اقدم مني بالمنتدى لحتى ما ينطلي شي كتير غلبة يحكيني شي .... كنت بدي ابعتلك عالخاص لافهم نقطة الاختلاف ونصلحها بموضوع تاني بس كانك مانعة الرسايل الخاصة على عضويتك :p |
ليش كترت هالغلبة ماني عرفانة :x معروف انو انا اكتر عضو شعبية واكتر عضو محبوب واكتر مشرف مثالي :p
لازم وضحلكون بالارقام يعني؟ :? اذا مصرين تعملو الاستقتاء فعملوه على تاني اكتر عضو شعبية.. او قلكون تالت اكتر عضو لانو انا اخدة المركزين الاول والتاني :gem: |
اقتباس:
عن جد هي اخر مرة حاشرح مو لانك انت سالت بس والله يا زميل كلما بيفوت واحد مابيقرا كافة الردود ويلي انطرح فيها سؤالو ... فبيرجع يسال نفس السؤال ... العضو الاكثر شعبية يعني : ردودو قوية هلا الفكرة بتحكي عن الشخص يلي بيلفت نظرك كعضو انو اكتر شعبية يعني لما بيكون شعبي بيكون محبوب وانت معجب بافكارو ولا الشعبية بتكون بالتكريه ... الشخص يلي بجذبك اسلوبو اقناعو يلي بتشوف انو هوي بالفعل فهمان وبتحسو حباب ومهضوم ... يعني معقول شخص الو شعبية كبيرة والكل بيكرهو اكيد لا ... يعنيي ما في لا معايير ولا هي معادلة كيميائية والله انتفخ قلبي وانا اشرح:sick: |
اقتباس:
بزمتك ريمي شفتي شخص شعبي عند الكل ومكروه عند الكل ... اكيد حاعمل استفتاء وحا حط اسم ريمي وبس وللي مابدو يصوت يسطفل :p |
اقتباس:
والفكرة واضحة مابدها هالقد وبالنسبة للرسائل الخاصة هيك اريح:p بس اذا في شي ضروريلافتحلك ياها شي 5دقايق:D |
مرحبا :D
شعبي ومو محبوب :lol: اكيد انا جوفيا صعب الاختيار في كتار لانو وتقريبا بكل قسم يطلعلي اسماء وادا دخلتي بحساباتك اني بحب كتيير من اعضاء اخوية فممكن تحسي ب الدوخة اللي حطيتيني فيها عندي اقتراح بلاها شغلة النسبة هي كل واحد يعمل قائمة الاعضاء الشعبيين المحبوبين بنظرو وبعدين نعمل احصاء اللي بيورد اسمو اكتر من خمس او عشر مرات انتي قرري ينحط اسمو بالاستفتاء اللي رح تعمليه لاحقا شو رايك؟؟ |
اقتباس:
لقلك كيف مثلا كان عندي دكتور بالجامعة تدريسو حلو وشرحو ظريف واجوبتو مقنعة بس هالشي مابيخليه يكون شعبي وبالعكس يمكن يكون صارم ومكروه من يلي مابيقدر.. يعني ممكن تلاقي باخوية اعضاء مواضيعون حلوة واكاديمين ومدري شو بس هالشي مابيخليهون شعبيين لانو مارح تلاقيهون بمواضيع المسابقات والتسالي ويلي فيها اخد وعطا وتوزيع ورد وسلامات فهيك يعني ممكن تعملي عشر انواع من الاستفتاء من نوع اكتر عضو شعبي او الطف عضو اواكتر عضو مواضيعو حلوة او اكتر عضو مواضيعو قيمة او اكتر عضو ردودو مقنعة او اكتر عضو مثقف او اكتر عضو بيسلي.. يعني في 100 احتمال ومافيكي تجمعي كل هالمزايا بشخص واحد.. مثلاً عضو بيكتب سياسة او ادب مع انو الكل بيقرو مواضيعو وبيتابعوه بس مابيكون شعبي متل عضو مقضيها مسابقات وطق حنك فالفكرة يلي فهمتها من يلي سألوكي انو بدون ياكي تحددي اكتر شو المزايا المطلوب تتوفر وانتي بترجعي بتجمعي بين مزايا متناقضة متل الشعبية والمواضيع القيمة والثقافة الواسعة بالردود فهمتي عليي؟ :pos: |
اقتباس:
لالالالالالالالالالالالال الالالالالا :x لهون وبس كمان جاية تاخدي لقب تاني خلي القاب لغيرك :lol: |
اقتباس:
|
| الساعة بإيدك هلق يا سيدي 06:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون