|
اعتمد ع مخك بجوابك... وخلي دينك لنفسك.
اخوية او السوريين بشكل عام منفتحين و علميين... و هاي صفة ايجابية.. وبتمنى عدم الاعتماد على كتب او آيات دينية معينة لاثبات او التنكير او الترغيب... بشي معين!
لآنو الاخوة باخوية لايؤمنون بمذهب واحد... فشو الفائدة من ذكر آية دينية اذا كانت الاعضاء مو مؤمنة بصحة مصدرها أصلا؟! بالعكس هاد تهميش للآخرين و استبعادهم من الموضوع... لذلك المفروض تسمعنا رأيك وبتعبيرك الشخصي... مشان اذا حدا بدو ينتقد مشاركتك, ما يسيئ لدين بانتقادو... يعني بتعبير آخر لا تتخبى ورا الدين.. فكرة هالموضوع مكررة كتير... بس ليش في ناس مصرة تغمض عيونها و تطنش ما بعرف!!!! المنتدى فكري... فاذا حدا بحب يذكر وجهة نظرو الشخصية مشان نتناقش فيها اوك... و اذا بدو يستشهد بقول شاعر او فيلسوف او اله او مفكر... مو غلط.. بس مو يقلب المنتدى لمنتدى ديني مقدس..! تحياتي للجميع:D |
بتصور لازم تغير صورتك الرمزية مشان نقتنع بقناعتك بفكرة موضوعك :larg:
|
اقتباس:
|
الدين = مبادئ حياتنا وثقافتنا واكيد وجهات نظرنا رح تنشأ من خلال هالمعتقد ما بظن انو الانسان عندو فكرين فكر ديني والتاني عقلي يعني مخي هو معتقدي
|
اقتباس:
|
يعني معليش... بس مواضيع القبر و وافلام الرعب تبع بعد الموت!!! والجنة والنار و الخ... ما فيكي تناقشي فيها هون... لانو ما فيكي تثبتي كلامك ابداً الا ع اسس دينية.
|
واضح جدا انو فكرتي ما وصلت انا يلي قصدتو انو نحنا وقت نخلق على هالارض منتربى تربية على معتقد معين ومن خلال هالتربيه رح تتشكل أفكارنا وأرئنا و وقت بتسألني شو رأيك بالكذب او بالغش اوحتى الاستنساخ او دفن الموتى او اي شي رح بيكون جوابي ناتج من خلال هالمبادئ يلي تكونت عندي ويلي انا مقتنعه فيها تماما يعني جوابي ناتج من المخ يعني باختصار شديد ما فيك تفصل عقلك عن دينك الا ازا ما كنت مقتنع بدينك |
اقتباس:
|
اقتباس:
طيب بركي واحد مالو مقتنع بالشغلات اللي متربي عليها .. او انو يمكن كان مقنع وبطل مقتنع شاف انو مو كل الشغلات مزبوطة .. يعني انو الشغلات اللي كان مامن فيا مثلا زمان وفكر فيا بس لمدة 5 دقايق اكتشف بعدا انو اشبه بالخرافات وبضحك ع حالو كيف كان يامن فيا او يعملا او الخلق اللي حواليه كيف عبتمارسا لهلأ !! |
بس هاد الشي مالو علاقة بالمطروح بالموضوع حسون ..كل واحد .. وحر باحلو شو لح يساوي ..
مافيني اجبرك .. ترجع تقتنع بشي انت .. ما عاد مقتنع فيه .. ! |
اقتباس:
او انو ربط الشخص بالمجتمع المحيط فيه ونخلي انو تفكيرو يكون متسوحى من هالمبادئ اللي متربي عليها كمان شي غلط هادا .. لانو كلشي الا مايكون فيو نقص ومو شرط كل المبادئ اللي متربي عليها تكون صح .. يعني محصلة هالحكي بتودينا لفكرة وحدة وهي الفكرة اللي حاكاها صاحب الموضوع انو لازم نستخدم عقلنا .. قبل مانفكر بالدين .. وقبل مانفكر بالمبادئ اللي تربينا عليها .. وهون الزبدة من القصة وهادا اللي انا قصدتو بس يمكن ماعرفت اوضح فكرتي مزبوط واحلى يمون :D |
يا جماعة كل واحد يجيب افكارو من وين مابدو.... من الدين, من ابوه, من المجتمع....
انا قصدي انو اذا انطرح موضوع ما يطلع حدا يقول انو هالشي خطأ لآنو حرام!!!!! نحنا مو هدفنا نعرف وجهة نظر كل الدين بكل قضية... وانما بهمنا وجهة نظر الناس نفسون... وبهمنا نعرف السبب المنطقي يلي بيرتكزو عليه برأيهم... مو الايات يلي بيرتكزو عليها... بتمنى تكون وصلت الفكرة... |
اقتباس:
بس انا هدفي الدين تحديدا... يعني انا بتمنى بهالمنتدى ما حدا يقول كلمة حرام و كلمة جنة ونار و حسنات الخ... |
هوي النقاش لازم يصير بالأفكار والاراء..
مو الواحد كل ما حكا كلمة يجي يمزئو التاني عشيرن تليتين اية:pos:.. |
اقتباس:
|
اقتباس:
ان شالله كون وصلت الفكرة ..:D |
مارح يمشي الحال بتاتا لانك مارح تقدر تغير عقول العالم يمكن انت بتعتقد انو هاد تخلف ورجعية ومن هالحكي بس غيرك بيشوف انو وجهة نظرك هي التخلف والرجعية والخ..
فبرايي انو سكرولنا هالموضوع الله يرضى عليكم |
اقتباس:
يبدو . حبيب ما عم توصلك الفكرة المعينة .. انت بدك وجهة نظر الناس نفسون .. هلا وقت انت تقلي يا خيو .. تعال نروح نشرب كاس مثلا .. فلنحطا مثال .. انا بالنسبة الي .. هاد الشي حرام .. انت ما بدك هاد الرد .. بدك ياني روح رد عليك منشان ما كون عم جاوبك من منطلق ديني .. انو مضر بالصحة مثلا .. يعني .. ما كل هالقد زابطة .. لانو بالاصل الفكرة اللي انا بعرفها .. من الشرب انو حرام لانو مضر بالصحة مثال معين يعني .. لزلك .. ايا واحد بدو يعطيك رأيو بدون ما يذكرلك ايات واحاديث والخ الخ .. لح يكون مبني على اساس معتقداتو .. واللي بيامن فيه شو ما كان .. الا اذا كنت عم تطالب كل واحد يحط معتقداتو عجنب .. وكلشي بيامن فيه عجنب .. او كلشي بعتقدو عجنب .. ويفوت يحكي ويرد .. ما حتلاقي ولا اساس معين ما للرد او الفكرة .. لانو تنوع واختلاف الاراء بيجي من اختلاف العقائد والشغلات اللي انت وانا وهوة مامنين فيها .. :D |
اقتباس:
يبدو لسا ما وصلتك الفكرة.. انا قصدي مثلا ع المشاركة رقم 8 بالصفحة التالية: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
اقتباس:
|
اقتباس:
وبرجع بقول انو نحنا صعب نفصل دينا عن حياتنا ...بس المشكلة هون ازا حدا حكى عن الله او عن اي شي بيخصو بتصير المسخرة بتكتر وكل شخص بيصير بدو يطلع مواهبو المخبيها ويخبص من عندو وطبعا بيحكي هالشي مشان يستفز الناس اللي بتأمن بالله.. وهالشي كتير هون.. :D |
اقتباس:
شو رأيك بالاقطاع و بالعبودية و بالاحتكار رأس المال كله لفئة معينة ؟؟ شلون رح يكون ردك اليوم ... و لو كنتي عايئة قبل 100 سنة شلون رح يكون ردك ؟ طبعا للعلم الشغلات الفوق كانت مبررة دينيا ... :D اقتباس:
يعني قبل 100 او 150 سنة يجوز كانوا بعتبروا اللي يلبس قميص و بنطلون (يلبس لبس أفندي) شي مكروه و مثل نوع من التشبه بالعصملية ... |
اقتباس:
اثنين اصدقاء ... واحد يرجع ساعة 3 وج الصبح ابوه ما يحكي لو يعطيه كم كلمة و يسد الموضوع ! و الثاني ما مسموح يتأخر بعد التاسعة ليلا اعتقد الشغلة اكبر من معتقد و حتى تربية الاب ... |
اقتباس:
:D |
اقتباس:
تانيا انا استعرضت هالمثال البسيط مو لاجل المثال نفسو... و انما مشان المبدأ تبعو... وفي امثلة اهم بكتير... بس بهمني اعطي مجرد مثال لانو في ناس ما عم تفهمني يعني شو رأيكون نختصر النقاشات للشكل التالي: شرب الخمر ... مرفوض (حرام بدليل الاية"......") تعدد الزوجات... مقبول (حلال بدليل الاية"......") المصافحة... مرفوض (حرام بدليل الاية"......") الانتقام... مقبول (.....) الخ..سماع الموسيقى.... الاستنساخ... دفن الموتى.... تصوير الناس... السنما :Dللجميع |
اقتباس:
اخوي .. ما قلنا انو الدين يمنع التطور قلنا انو المجتمع يتطور باستمرار ... و يغير قناعاتو باستمرار .... و حطيت مثل اللبس ... يعني ممكن تحط سبب لتقييد التحول من الدشداشة الى البنطلون و القميص و ممكن تحط سبب يخلي المجتمع يتقبل الشي الجديد لانو عملي أكثر من الدشداشة شو علاقة معتقدك الشحصي بالموضوع ؟! |
اقتباس:
[مين قلك هالشغلات كانت مبررة دينيا شو هالدين يلي عم برر الغلط بدو يكون دين وضعي من صنع البشر أكيد هالشغلات كانت مبرره سياسيا اقتصاديا اما دينا مستحيل الدين نزل ليمنع كل هالشغلات يلي العقل ابدا ما بيقبلها يعني الدين كان بدعم افكار العقل ابدا ما كان ضدها لهيك الناس أمنت في و رأيي قبل 100 سنه كان رح بكون نفس رأيي هلاء طالما ديني كان موجود ومنزل على هالارض |
اقتباس:
فعلا الهدف من النقاش تغيير قناعات الشخص الخاطئه واختصار النقاش بالشكل يلي انت عارضو اكيد مرفوض عند الكل وما بظن انو شخص بيستخدم هيك اسلوب مع شخص من ديانه مختلفه اكيد بالاول لازم يقنعك بشكل علمي وبعدين يزكرلك ايه لحتى يبينلك صحة معتقدو يلي بدعم هالافكار العلميه بشكل تام وبالتالي هيك نقاش بيكون بناء وبتقتنع انت برأيو الصواب |
انو يا جماعة الخير
كبروها بتكبر وزغروها بتزغر لهيك ما عم نوصل لنتيجة صاحب الموضوع قصدو انو لازم ع القليلة نفصل الدين عن تفكيرنا مشان نوصل لفكرة معينة انو نقدر نتواصل مع بعض عن طريق افكارنا بغض النظر عن الدين مشان نصير نتواصل بالناس اللي معنا بالمجتمع هلأ مثلا بيجيك واحد ملحد بيقلك عن الاستنساخ وبيحكلك عنو بطريقة علمية انتبه بطريقة علمية بتجي انت بتقلو انو لاءا يا زلمة هالشي حراام ابدا لا يجوز !!!! طب معقول؟ ع القليلة جابو بطريقة علمية بعدين قول رايك الشخصي مثلا انا رح جابو انو : عنجد العلم اتطوّر ووصلنا لهلشغلات اللي لا كانت تخطر بعقول اجدادنا بس نظرتي من الناحية الدينية للموضوع لا يجوز بتمنى كون فهمتك اينوديسا :D |
اقتباس:
انو المجتمع بيتطور وبيطور قناعاتو ..هلأ ماشي انا معك بهالنقطة بس بالمقابل انا عم احكي انو تطور التفكير تبعي رح يتطور بناءا على الدين تبعي.. يعني بدون ما خالف الدين .. هلأ ابو سارة بدك تقلي انو نوع من انواع التطور انو تغير اللبس من دشداشة لبنطلون؟؟ ازا هيك قصدك فيا حسرتاه على التطور .. ازا لهون وصل ..:cry: معتقدي انا اتأسست افكاري بناءا عليه هلأ متل ما ذكر يمان انو انا ازا حدا قلي تعى نشرب خمر بقلو لا .. لانو انا بعرف انو حرام ولانو فيه مضرة على صحتي .. طيب ازا انا ما قلت لهالشخص لانو حرام وقلتلو بس لانو بيضر بصحتي شو رح يكون ردو؟ |
اقتباس:
بتكسب 10 ملايين حسنة وازا دشّرتا الله بيلعنك وبتحسب سعدو ما باركك :larg: |
اقتباس:
فمادخل هي بهي لانو اغلب النقاشات بتكون لمجرد النقاش مش اكتر ومابيكون الهدف منها اقناع الطرف التاني (بمعنى اصح انو على مبدا انا فهمان وبعرف احكي) مو اكتر |
اقتباس:
وعراسي ابو العبد يا زلمة كلامك درر مدردره:o:D |
اقتباس:
ما اريد ينخذ كلامي بشكل ثاني ... اجت فترة انو رجال الدين كانوا حبايب مع الاقطاعيين ... مو بس بالشرق الاوسط و ثاني شي على علمي انو بعض الاديان مو بس حللت امتلاك العبيد و الجواري و انما نظمتها ... انا ما عم انقد الدين بس الظاهرة كانت موجودة و لولا انتهاء حكم العثمانيين و قيام الجمهوريات بالعام العربي ... كان شفتيها موجودة اليوم اقتباس:
|
اقتباس:
حبيب ألبي زيد الدين بعمرو ما كان عائق للتطور الفكري او حرية التفكير والتعبير وغيرون بالعكس قبل كلشي الدين معاملة وأخلاق وغير هيك فزلكة بس للاسف في عالم طلعولي كم شعرة عن ذقنون وصارو يتفهمو ع العالم لانو أساس الدين الاخلاق والمعاملة فكيف فينا نتزمت برأينا قدام العالم كيف فينا نقنعون بأنو دينا غير هيك وأكيد بهالعقلية وعدم قبول الراي الاخر واكتساب الشي المنيح من الحضارات رح يخلينا بالاخير وما رح نوصل لمكان بيليف مي :D |
اقتباس:
يعني بدك تفكر مثل ما ناس عاشوا قبل 100 سنة او قبل 500 سنة و لعلمك ببداية القرن الماضي ... كان هناك تيار ضد الطب الحديث و ناس تحدت التيارات و صارت اطباء و عالجت المرضى بالطرق العلمية ... بعدين اصحاب التيار الرافض ... من عرفوا اهمية الطب بطلوا يقاوموه و صاروا يراجعوا اطباء حتى كان اتجاه ضد السيارات مو بس عنا ... بالغرب ايضا اول ما طلعت السيارة اثارت تحفظات الناس طبعا اغلب التحفظات مو الا تكون على تحظفات دينية - او قومية ... انما تمسك بالتقاليد اللي تربوا عليها لا اكثر و لا اقل من القضايا المعاضرة المهمة ,,, هو قضايا "ما يسمى" غسل الشرف و رح يجي يوم و تنتهي ... و لكن بعد فترة صراع طويلة مع التيارات الحديثة اعرف الرأي الديني بالموضوع .. بس اذا تلاحظ اللي متمسكين بالموضوع هو المحافظين الاصوليين بغض النظر عن ارائهم و تبريراتهم اللي قد تكون دينيا غلط .. بس هذا واقع حال و يمكن جدي و جدك كانوا من مؤيديها ... ما حدا يعرف :lol: اقتباس:
ستايل الحياة تغير ... بعد ما كان المواطن اما مزارع او حرفي .. صارت الاشغال اكثر بكثير و الدشداشة اليوم غير عملية بالشغل الجديد .. لان الحياة تغيرت و صار الواحد يروح يشتغل على مكاتب او بمعامل و يروح نوادي ومقاهي و مطاعم ...... و كل شي الو لبسو الخاص و ستايل خاص و الصفة العامة بكل العالم .. انو اللي يحبوا الاشياء التقليدية و متمسكين فيها .. يعارضوة كثير شغلات جديدة يعني العيب مو بالدشداشة ... كنوع لبس :lol: اذا تلاحظ كل العالم حول الى اللبس الجديد لانو عملي اكثر و بعد 100 او 200 سنة يجوز تظهر انواع ملابس جديدة و ستايل جديد للحياة ... كلشي جائز اقتباس:
طيب اوكي خولنا نتفاهم ... :ss: |
اقتباس:
الدين مع التطور و التغيير .. بس في ناس ضد التغيير لانه تغيير و ناس مع التغيير و لكن ضمن الشروط اللي ببالهم بس المجتمع يتغير بكل الاتجاهات ... :D |
اقتباس:
هالناس اللي ضد التغيير عادة بتكون متمسكة بالعادات والتقاليد بشدة وأنجأ يقدرو يقتنعو بالتجديد بس من كل بد لازم يكون هالتغيير وهالاختلافات بالمجتمع :D |
اقتباس:
اقتباس:
هلأ ابو سارة انا بدي اختصر كلامي .. ورح قلك اللي انا بقصدو وهوي انو انا مش ضد اي تطور فكري او حضاري او شو ما كان ازا ما كان بيخالف ديني ..وغير هيك انا ضدو ...وصلى الله وبارك ...:larg: |
اقتباس:
اقتباس:
مثال بسيط... كان عندي رفيق شامي اصلي ما بيحلق شواربو ع قطع راسو...! هلق بعد ما رافقني حلقون وصار يلبس عالموضة ويحط جيل كمان..!!! شكرا للجميع يلي أغنو الموضوع... بس أنا قصدي ابسط من هيك.... أنا مع الدين ..... أنا ما ضد الدين.... أنا بحترم الدين.... الدين ما ضد التطور.... ليش هالشي مو مبين بصورتي الرمزية؟؟؟؟!!! هلق باختصار... نحنا هون من انتماءات دينية مختلفة... لذلك لغة الدين بيناتنا غير مناسبة لذلك لازم نتحاور بلغة مشتركة يفهمها الكل..! (يعني اذا اجتمع الماني و روسي وعربي وفرنسي بيحكو كلون مع بعض انكليزي) هاللغة يلي بتجمعنا هيي لغة العقل. حتى ولو كان الموضوع بيتعارض او بيتوافق مع دين ما. هاد الشي ما بيهمنا أبدا, نحنا كأخوية. أوك؟ مثلا:: موضوع الخمر يلي انطرح كذا مرة... (باينتو عاجبكون) اذا بتقلي لا تشرب خمر لانو حرام بالاسلام... فأنت حتماً ما عم تخاطبني أنا كمسيحي.. أو كملحد مثلا يعني انت بلشت بدون ما تشعر تستثنينا من نقاشك... و كأنو ما منهمك.. ولا بهمك نقاشنا.. وأنا بنفس المقارنة ما بقلك تعدد الزوجات غلط لآنو بالمسيحية محرم...! |
| الساعة بإيدك هلق يا سيدي 08:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
هلأ انا من الناس اللي بعارض فكرة المواضيع متل تبع القبر ومدري شو .. ع الاقل مشان الاسلوب ..