|
دقيقة من وقتك لسوريا
حملة جديدة وهامة برأيي... على فيس بوك
تابعوا الموضوع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
شكرا على المعلوومة :deal:
|
شو رأيك تعطينا دقيقة من وقتك وتفهمنا شو القصة !
|
مش بس دقيقة من وقتنا لسوريا
بل كل وقتنا الها تحياتي لكل السوريين فاتي المغربية |
هي حملة لمواجهة اغتصاب الاطفال . و توقيع عريضة لتعديل قانون العقوبات السوري ليصير يعاقب بالاعدام للجريمة البشعة بعد حادثة اغتصاب الطفلة خولة . و هالحملة موجهة برسالة للسيد رئيس الجمهورية و وزير العدل . فهيك كل الفكرة فشارك واعطي دقيقة من وقتك لسوريا , اسم الحملة بعد عن طفلي :gem: |
كيف فينا نعمل حملي لمنع عقوبة الاعدام:? وارسال المغتصب لمركز اعادة تأهيل نفسي..ونوجهها للسيد الرئيس و فخامة وزير العدل..
بس حلو انو في حراك سلمي مستمر بين الشباب السوري:D.. |
انو حملة حراك سلمي مشان الاغتصاب وع الفيس بوك المحجوب عن السوريين
|
بس يمكن هلحملة بالتحديد تلاقي اهتمام من القيادات
خصوصا بأن السيد الرئيس زار البنت وأهلها وهلشي ما بيعني غير انه في اهتمام بالقضية باقي بس ينحط خطوات منطقية ومطالب عادلة من اللي مشاركين بالحملات ويصير اقبال عليها ليمشي الحال يعني الحملة هي بالتحديد شايف فيها أمل كبير بقية الحملات هدفها جذب الاهتمام ولفت النظر .. هي مفتوحة العين عليها فبتصير التحركات اقوى من البقية . الله وايدكن شبيبة :gem: |
اقتباس:
|
مو شرط تكون الصفحة هي للسيدة الأولى
بدقيقتين بعملك صفحة باسم ( دندوشي ) وين المشكلة ؟ |
أكيد مو شرط..
بس بعرف أنو هي الصفحة الرسميّ الها.. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ويمكن مو الها..بس عالأغلب الها |
اقتباس:
:gem: |
مع اني بشوف انو اغتصاب طفل هو اكثر فظاعة من القتل نفسو, بس اذا فكرنا بالموضوع بعيدا عن العواطف لايمكن لاي نظام قضائي مهما كان مصدر تشريعو انو يحكم بالاعدام على اي جريمة جنائية ما عدا القتل المتعمد
من جهة تانية انا عندي سؤال, يا ترى لو صاحب الفكرة اللي مالقى يطبقها الا على موقع محجوب عن الشعب اللي عايش جوا , فكر يعمل حملة جمع تواقيع بين الناس بالشارع ما كانت فكرتو وصلت لعدد اكبر بكتير من الناس؟؟ |
إ سيدي إذا منعطيها كل عمرنا ما رح يصير شي
|
بس يسلمو على الموضوع
|
بظن بدولة متل سوريا بدنا نحاول نخفف من العقوبات مو نزود منها. انا مع الاخ Jimy
|
سمعنا اليوم انه بكرا الصبح الساعة 5 فجرا رح يتم تطبيق حكم الاعدام شنقا على الجناة ورح يتم تعليق الجثث بساحة عامة
قبل ما نعقب على الخبر تأكدولنا من مصداقيته |
اقتباس:
ما بعرف مدى مصداقية الخبر ...بس اذا هيك بدو يصير ....بكونو ... حلّوا الجريمة ....بجريمة ابشع .. ثانيا شو مشان تعليق جثث المعدومين ....بمكان عام ...!! ظاهرة حيوانية اقل شي ممكن ينقال عنها .. هلئ هدون اربع شباب اغتصبو طفلة ,,بس ما قتلوها او اذوها اذية جسدية كبيرة !! ..مو هيك ? ,,يعني بيستاهلو عقوبة قاسية ...بس مو اكتر من سجن او اشغال شاقة .. يعني سيادتو اتدخل ..راح بدل ما يكحلها عماها !! |
لأ ...و عم نعمل حملات لزيادة عقوبة الأغتصاب ...يعني ناقصنا نحنا زيادة بالعقوبات و تشدد اكتر ... طيب انبسطو ...هي رح يعدموهون بالساحة العامة مع عزف النشيد الوطني ...المرة التانية ,,,يا ريت نعمل حملة لضرب المعدومين بالصرامي بعد اعدامون ... برافو |
شباب ...حدا يفهمني ياها ..لأنو ما عم تنبلع معي ..
حراك سلمي للمطالبة بالأعدام !! ...عنجد او عم تمزحو .. كيف حراك سلمي و كيف بنفس الوقت بتطالبو بالأعدام منرجع لقضية اغتصاب الطفلة ...الطفلة ما انقتلت او صار معها عاهة دائمة ,,,يعني الشباب مجرمين و بيستاهلو السجن ..بس مو اعدام !! ,, انا مبارح علقت عالموضوع ..بس اليوم كمان دخلت و قريت الموضوع مرة تانية ,,,بس ما قدرت ابلعها .. و كلمة لشبابنا السوري ... نصيحة مني ..ما بقى تمارسو الحراك ,,سواء السلمي او المسلح ..لأنو بالأصل ما منعرف شي اسمو حراك ! ...بتذكر وقت الشباب السوري كان يتحرك بالجامعات ..شي كان يعمل حملة ضد العولمة ...شي ضد ما بعرف شو ,,و كأنو ببلدنا ما في مشاكل فساد و سرقة و نصب و كتم افوه و سجن و قتل و تصفية ..و ما بقي غير القضايا التافهة لنعمل حراك مشانها شباب ..نصيحة مرة تانية خلونا ميتيين ..احسن من تحرك تافه .. لكن عم نتحرك لنزيد العقوبات !! |
اقتباس:
|
لكن هادا لي طلع مع الشباب ...المطالبة بتطبيق عقوبة الأعدام على ناس ما بتستاهل العقوبة هي ...!
الأغتصاب غير القتل ..عقوبة الأغتصاب ما بتوصل للأعدام غير اذا كانت جريمة اغتصاب و قتل ...يعني الأغتصاب بشع ..بس كمان عقوبة السجن او الأشغال الشاقة مانها قليلة ابدا ...بس ليش الأعدام ....... و شو الغرض من ورا خلق حالة من التشدد بتطبيق القوانين بسوريا رغم كل التشدد المسبق !! عدا عن انو كل حملات و غيرها ما بتعبر عن حالة طبيعية ..لأنو متل هيك امور لازم تكون شغلة المحاميين و المختصيين خصوصا لما بتدخل بتفاصيل متل الأختيار بين الأعدام او السجن بقضايا منفصلة و خاصة ... الأعدام يعتبر نوع من انواع الهمجية ....و الدولة ما لازم تفكر بعقلية " طيب شو مشان لو كانت اختك الصغيرة هي يلي تعرضت للأغتصاب ! " ...الطريقة هي بالتفكير مانها طريقة تفكير دولة او منظومة قضائية بشي اسمو دولة و من هون حتى يصير عنا شي اسمو دولة ...بتمنى للجميع بمشاهدة ممتعة لعمليات الأعدام بالساحات العامة و اكتر من هيك ...بطالب متل ما قلت سابقا ...البدء بحملة بتسمحلنا بالبزق و رمي الصرامي على جثث المعدومين بعد انتهاء عملية الأعدام |
اقتباس:
اي.. لازم نبلش نشتغل على حملة حراك سلمي بالشموع للمطالبة بالتمثيل بالجثث .. بركي مثلا بيخلونا نربط كل جثة بكديش هائج و نفلتو بشوارع المدينة |
حراك سلمي.. !!
ليش لازم نكون ملكين اكتر من الملك .. اذا لتشريع السوري ما بينص على اعدا هدول العالم واذا ما في ولا تشريع وضعي محترم بالعالم بينص على الاعدام بهيك حالات .. على اي اساس بيصير مطالبة باعدام مجرمين ضمن "حراك" معين.. من جهة تانية مفترض عادة بهيك امور اللي يقود او يحرك "الحراك" اللي عم حكو عنو مفترض يقودو اشخاص حقوقيين او مختصين بالحد الادنى وهدول المختصين هنن الل بينظرو للموضوع لحتى يكون الو طابع جدي ومحترم وما يكون شغل ولاد.. انا بصراحة ما شفت بهادا ال "حراك" غير هوبرة مجموعة ولاد متحمسين لشي هنن جاهلين فيه اصلا :D |
| الساعة بإيدك هلق يا سيدي 06:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون