بدي اشتري كميرا..
 

مليت من التصوير بالموبايل لو انو كان جيد مابو شي..

أبو الجيم .

ماكتير انا بعرف بلكمرات الرخيصة . بس بئدر بفيدك بكم معلومة :larg:

خيو أولاً شوفلنا هلموقع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

عن طريق هادا الموقع فيك تشتري الكمرات يلي بيعرضولك ياها .. طبعاً بسعر بيختلف اختلاف كبير عن الوكيل . ( يعني أرخص بكتير . والأسعار بلريال السعودي . والموقع مضمون ومجرب من قبلنا :larg: )

اي وانتي كمان ماحدتت .. يعني ئلت بدك كمرا رقمية .. بس ماحددت انو شو كمرا رقمية . لأنو في عندك كمرات متل هدول ( مابعرف عنن شي .. وهدول متل الموبايل يعني .. بس بصورة أدق وأوضح )


وفي عندك كمرات slr للمحترفين .
وال slr بتجي من دون عدسات .. انتي بعدين بتجيب العدسة يلي بتشوفا بتلبئ لميزانيتك ول الغرض المراد تصويرو . وفي أنواع بتكون رخيصة بلمجمل .. يعني بحدود الميزانية يلي انتي راسما . بس نتبه .. بتجي body . من دون عدسات .

يعني دويخة .
المهم خيو . انا بئدر ساعدك بهلموضوع . فا بس تعرف شو بدك .. ابئا رد علينا خبر .

وياحياالله :larg:

هلأ بيجي سامر بقلك عليك بالسوني :p

بحدود 200$

بنصحك بالسوني
احلى شي وجودة
كمان سامسونج نقاء تام بالصورة والوان رائعة

انا كمان لازمني وحدة :frown:

خيو على عيني كل الماركات الي عمتحطوها

السوني كمان على راسي من فوق

بس لما يتعلق الشي بالطصوير ... ممكن جيب كاميرا الحافظ مثلاً ... ازا فيها المواصفات اللي بدي ياها :lol:

فـ نصيحة ... لا تقيم اعتبار للماركات ... مو ما تقيمها بالمرة ... بس تركها اخر خيار...

ازا بتزيد مصرياتك شي 5 تالاف تانيات ... ممكن تحصل ع وحدة خارقة حارقة متفجرة :larg:

فا شو ؟

أيشو بدّك بالكميرا:frown:..صوّر أي صورة بالموبايل وعملها ضربتين بالفوتوشوب:adal:
بتطلع أحلا من أحسن صورة كميرا

(بما أنك انت معلم بالفوتوشوب:D)

مرحبا جيمي،
أول شي مبروك نجاحك بالبكلوريا ... صحيح اجيت متأخر بس أحسن من عشرة عالشجرة..

اي خيو... انا ما عندي هالخبرة الفظيعة بالكمرات

بس بنصحك تبعد عن أي كميرة ما فيها Optik Zoom .. يعني العدسة بتكون متحركة..
احيانا بتلاقي كميرة ظريفة وبتجنن بس الزوم تبعا بيكون بس ديجيتال ! ما بنصحك فيها

وكمان لا تنخدع بالكميرات يلي فيها قيمة بيكسل عالية كتير ومع هيك بتكون رخيصة.. لانو الكاميرة يلي رح تشتريها بالسعر يلي ذكرتو مارح تكون عدستها كبيرة متل كميرات المحترفين. والعدسة الصغيرة ما بتمرق كمية ضو كبيرة عالسينزور (يلي عليه البيكسلات ) لهيك انا بشوف بالنسبة ل 10 تالاف ليرة لاتاخد أكتر من 5 او 6 ميغا بيكسل!

واذا بيكون فيها lithium akku فرح ترتاح من البطاريات العادية وتبديلا

الميزات التانية ما بفهم فيها كتير، بس لما رحت لاشتري كاميرة جربت شي 20 وحدة ضمن السعر يلي كنت حاطتو ببالي وسحبت شي 100 صورة جوا وبرا المحل :lol: لقدرت نقي الكاميرة يلي عجبتني... كمان سعرا كان وقتا يعادل 10000 ليرة تقريباً..

لا بكفو .. انا الاسبوع الماضي جبت كاميرا كان سعرها 300$ نزل هالاسبوع للـ 200$ و ما رجعولي الميه :cry::cry: ..

كوداك :
15 اوبتكل زوم
10 ميغا بيكسل

صارت هالاسبوع بـ 200 $

لا ما رح بدل كل 3 اشهر لانو معها كفالة 3 سنين :gem:

وردنا الآن انباء تفيد بزيادة رأس المال بمقدار 6000 ليرة (الله يديم المحبين:gem:)
فشو هيي الكميرا الحارقة الخارقة المتفجرة يلي حكا عنها احمد؟

يعني بشي 300$ مع انو ما بيمشي حال الدولر معنا كونو مافي بضاعة اميركية حاليا بالاسواق..

وشكرا شبيبة:D..وسعدو كفو:gem:..

هالكاميرا يا باشا ... هية عبارة عن وحدة متواضعة كتير بـ فئتها ، لكنها لـ ميزانيتك فـ فيني اعتبرها خارقة حارقة متفجرة

يعني فيك تجيب بنفس حقها وحدة سوني شغل 4 زوم بصري وهالقصص المعتة ... بس هي يا معلم شو بيميزها ... عد معي لشوف



Nikon Coolpix L100

عدسة 3.5/5.4

10 ميجا بكسل

الشاشة تبعها قياس 3 انش

الإيزو : 80 لـ 3200

الذاكرة الداخلية تبعها : 44 ميجا

برياحة انت رح تجيب كرت 2 جيجا :lol:

طصوير فيديو بقياس 640 * 480 ( يعني شي بسيط .. بس ظريفة نوعاً ما

زوم العدسة 15X

وشوية قصص تانية فيك تشوفها منيح بهالصفحة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ع فكرة ... نصحتك بهالكاميرا لانها تعتبر Semi - Pro وبتعطيك نتائج مذهلة ... أفضل من أفضل كاميرا من النوع اللي عدستو مدمجة وهالفزلكة هاي

حقها بيجي شي 260 دولار

وبدك تحسب حسابك بشي 40 دولار حق كرت ذاكرة محترم


وووو رووووووووووووح شايفلك :cool:

بلش الحكي :gem:..عجبتني كتير كمرتك احمد..
بحبشت بالموقع تبع Nikon وما لقيت كميرا بتناسبني اكتر..
15 اوبتكل زوم و10 ميغا بكسل
كمان عطتنا ذا مورنينغ هيك مواصفات.. الفرق 100$.. نوع كوداك..

كمان لقيت هاي 209$

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

عدسي كارل زياس 15x أوبتيكال زوم
8.1 ميغا بيكسل


فانتوا بانو وحدي بتنصحوني..ادفع شوي زيادي وجيب الـ Nikon ولا خبي مصرياتي والـSony مليحة؟

لا ادفع زيادة وجيب الـ نيكون

عالقليل وقت يصير معك مصاري شوي .. بتجبلك عدسة متل العالم والخلق ( 2.8 ) مثلاً ... ويا ارض اشتدي ما حدا قدي :larg:

الفوتوشوب مستحيل يعطي نفس اداء الكاميرا الاحترافية


برأيي أفضل خيار للمحترفين النيكون عن تجربة

ما بنصحك بالسوني لانو اسمها مو متل اسم النيكون بس بجوز هاي تكون قوية لانو عرستها كارل زايس

انا مع النيكون بس اذا بتحب الاداء الممتاز و السعر الحلو ما الك غير بانا سونيك لوميكس ممتازة و قوية و عندك كذا موديل منها

انا مجرب السوني و اللوميكس بالنسبة للكاميرات للمستخدم العادي اللوميكس اقوى بكتير و بالنسبة للاحترافي النيكون بس عداساتها غالية جدا

شعوري كان متل شعورك من شي شهر

اذا بدك كاميرا عادية مو احترافية

ولله انا اشتريت كاميرا سوني w290 سايبر شات بتجنن
12 ميغا بيكسل 5زووم اوبتيكال العدسة كارل زيس وfull h d

وسعرها 15900 الف واذا اخدتها من الوكيل بيعطيك كرت 4غيغا فري وكرت دعوة لحضورة مباراة نهائية لبطولة الاندية بالامارات وبتدخل السحب :p

والكامير تقنية رائعة فيها اشيا رائعة

انا حبيت كمان t900 بس هي كلها تاتش وسعرها 20900 بس انا فضلت سابقتها مدري ليش:shock:

وحجمها صغير جدا ونحيفة بحجم ايدي بحضنها بقبضتي:p

وهي الوانها وانا اخترت اللون السابق الازرق البحري






وبالمناسبة بتصور فيديو كمان قد مابدك او قد مابدها الذاكرة وموفق..

إذا أخدتي بعين الاعتبار .. معادلة الجودة و السعر ..... السوني هيي الخيار الأفضل



أما إذا بدك تحكي عن الجودة الأفضل .... مع ميزانية مفتوحة .... أنا بنصح بالسوني فئات الألفا .. أو ـ nikon الفئات الاحترافية





عالهامش
بلاقي عند شي حدا NIKON D40X أو D50X

بسعر مناسب

هالموقع ممكن يفيدك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بـ 200 دولار شوف فئات الـ Cyber-shot

خيو بما انو الدنيي اخر شهر .. وما معي اكل .. شو رأيك تشتري كامرتي .. :p

يعني الشوي اديش:lol:؟؟

والله الاختيار رح يكون عهوى السعر بالدرجة الأولى..



وحدي من الفوق يعني وحدي بحدود 300$ والتانية بحدود 200$ والتنين عاجبيني يعني.. يبقى لنشوف عارض الواقع شو الفرق بالسعر:larg:!!


كل هيدول:lol:..متل مبارح بس مأسئل عغرفة بأوتيل بالشام قعد يعدلي مليون شغلي ما بتلزمني ولأ بنضفولي السيارة يوميا:o..

بس انو بهالسعر كنتي جبتي كميرا Semi-Pro يلي حكا عنها احمد:?..


هي:

موجودي بقسم Cyber-shot بس مكتوب فوقها "منتجات تم ايقافها" :?؟؟؟

اي فيه يكون تم ايقافها لكن بعدها عم تنباع .. يعني بطلو يعملو منها كمان انتاجات لكن الموجود عم يبيعوه ..

بس انا رأي Nikon

ولك وانا رأيي Nikon بس جبيتي عم تختلف معي بالرأي :cry:..

ما إلي غير مريومة.. هاتي لنشوف شو نوع كمرتك:p..

انا كنت بدي جيب Nikon لكن القدر لعب دوره بالموضوع .. و لازم نبهك لهي الشغله ..

بحياتك لا تجيب كاميرا ما معها شاحن و بطارية بتنشحن لانو بتدفع حق عشر كاميرات و انت عم تبدل بطاريات
بسوريا خصيصا ً بعض البطاريات ما بيشتغلو نهائيتا ً ..

ليك صديقي خود باناسونيك لوميكس و عا كفالتي :pos:الموديل الجديد عنا هون حقو الف درهم ياباني الصنع كفالة تلات سنوات و شكل بيجنن:hart:
و كفائة عالية و كل شي بدك ياه;) اما اذا جيبتك دفيانة فخود النيكون و حاول بعد عن السوني لان مشاكله كتيرة :frown:
اذا شفت الصور المصورن بموضوع بعض من صوري هول انا اخدن بكاميرا لوميكس ٦ ميجا بيكسل و بتجنن قوتها :o
فما بالك بالموديل الجديد:o

سلام:D:D

ذا مورنينغ انا مو مدقق كتير عهالناحية.. لأن عندي ست ازواج بطاريا بينشحنو نوعية ممتازي..
جبتهنمن دبي يومها لأني بعرف وضع البطاريات عنا:cry:..

DARKNESS
انا بدي ياها 8 ميغا بكسل مينموم..
وبدي مينموم 10x اوبتيكال زوم..:larg:..سرعة الشتر يعني 1/4 وهيك يعني..

صورك جدا عجبوني..وتنتين منن عجبوني كتير..بس بدك تعرف السوق هون مختلف وعالاغلب ما رح لاقي ياباني:cry:..

معك حق..الصورة المعدلي بالفوتوشوب ما بتتقارن بصورة الكميرا الاحترافية:gem:..
الصورة المعدلي بالفوتوشوب أفضل بميت مرة :lol:

شو صار معك بعدين اي كاميرا قررت تشتري ( لا تقلي اشتريت كاميره مرام و وقع الفاس بالراس :cry: ؟؟ )

لك لا لا ..ما بعملها والسما زرقا:larg:(يعني عند الغروب ممكن:o)..

بس بدي اعرف وين في بالشام محلات محترمي بتبيع هيك شغلات:pos:.. لأن بس عم بسأل ماحدا عم يعرف شي أو عم بدلوني عمحلات فيها كميرات منزلية عادية:cry:..

فمين بيعرف وين ندور:larg:؟!!

بالمول الجديد اللي فتح اخر واحد انا مابعرف اسماءهم بس هاد اللي فتح حد واحد قديم و فيه تحت مدينه اركيد ..

هاد سمعت انو عنده كل شي و انو فيه ماركات اوه لالا 8)

:larg:..