|
ماذا لو كان المجتمع بلا قوانين ... !؟
يتصف المجتمع الحديث ... بالقوانين الإجتماعية والدينية التي تضبط أفراده .. وتحدد واجباتهم وصلاحياتهم ...
- ماذا لو كان المجتمع بلا قوانين ... - هل كنتَِ ستتصرف بنفس التصرفات .. هل ستقيم الأمور من نفس المنظار ... - هل تمتنع عن أمور تحبها .. لمجرد منع القانون لها ...!؟ - ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ... - ماهي القوانين التي تعتبرها غير ضرورية .. - هل القانون يحد من الحرية .. !؟ .. هل يقيدك بطريقة أو بأخرى .. - ماهو تقييمك للقوانين الدينية - الإجتماعية .. في مجتمعك .. . . . THE,unforgiven ... " |
القوانين حكي فاضي :pos:
|
اقتباس:
بس انو ليش ماجاوبتي على ولا سؤال .. ؟! |
ماالعين بالعين والسن وبالسن قانون ويمكن كان سوبر قانون , بس الله لايقدر وتنلغى القوانين
|
اقتباس:
|
اقتباس:
الاصل بالقانون يطبق مبدأ العين بالعين يعني ازا منرجع لهيك مبدأ بلا قانون فعظيم كتير ومشان الأسئله ماذا لو كان المجتمع بلا قوانين ... ما رح تحس بالفرق أكيد - هل كنتَِ ستتصرف بنفس التصرفات .. هل ستقيم الأمور من نفس المنظار ... طبعا انا بطبيعتي ملاك بعمل الصح بدون قانون - هل تمتنع عن أمور تحبها .. لمجرد منع القانون لها ...!؟ ما في شي بحبو أنا منعو القانون لحد هلاء - ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ... ما الها داعي - ماهي القوانين التي تعتبرها غير ضرورية .. حدث بلا حرج كلوكلو - هل القانون يحد من الحرية .. !؟ .. هل يقيدك بطريقة أو بأخرى .. لا بقدم ولا بأخر - ماهو تقييمك للقوانين الدينية - الإجتماعية .. في مجتمعك .. ما لازم تتسمى قوانيين لازم يسموها مسخره :larg: |
اقتباس:
بعطيك مثل في كتير ناس ملحدة ... بتحترم ( روح ) القوانين الدينية ... أكتر من كتير ناس متدينين مع أنو مبدأ القوانين الدينية بالاساس ما بتعنيلون شي ... بس في دوافع أخرى ذاتية انسانية أو أخلاقية أو ... بس بالمجمل ... القوانين ضرورية لضبط المجتمع |
المجتمع من دون قوانين مثل البناء من دون أعمدة
المفروض ايكون في حدود يلتزم فيها الأفراد في المجتمع فلو كل واحد قال إنو هيك صح والثاني لأ فالمجتمع رح ايكون بحالة فوضى أو بكلمة أخرى - عفواً - بس رح ايكون همجي أو حجري هذا رأي:oops: |
بشكل عام نحن البشر نميل للعيش بطريقة فوضوية من دون نظم او ضوابط واذا وجدت هي الضوابط كثير منا يحاول كسرها او حتى تجاوزها ، لذلك بدون وجود القوانين اكيد رح تكون طريقة عيش الناس مع بعضها صعبة كتير ورح يسود قانون الغاب انه القوي بياكل الضعيف
هلق من الممكن انه هاد الحكي ما بينطبق على كل الناس ولكن بنظرة بسيطة نجد انه حتى الاخلاق الفاضلة خلينا نسميها هي نتاج تربية او خلينا نقول نتاج توعية من الأهل او المجتمع واللي هي مبنية على قوانين واسس ليست رسمية وانما متفق على صحتها وجودتها من خلال التعامل مع الناس في المجتمعات المختلفة وبما ان المجتمعات مؤلفة من طبقات مختلفة بالتفكير والامكانيات لذلك رح تتختلف طبعا طريقة تعامل الأفراد مع بعضها ولذلك لازم يكون في شي بحد من هالتصرفات وبقومها وبسيرها ضمن ظروف تناسب الجميع لحتى يقدروا يعيشوا مع بعض من غير مشاكل او اصطدامات مباشرة ومع ذلك ورغم وجود القوانين الدينية وغير الدينية كما اسميتها فنحن كل يوم منشوف مجموعة جديدة من الانتهاكات اللي بيرتكبها مجموعة من الأشخاص تجاه ناس تانيين عايشين معهم بنفس المجتمع (ضاربين عرض الحائط ) كل ما هو متعارف عليه من اخلاق وتعليمات اجتماعية منصوص عليها او متفق عليها (ما بهم كتير الموضوع ) فاذا كنا مع القوانين عم نعيش بهي الطريقة الهمجية ووفق شريعة الغاب فكيييييييييف من دون قانون ؟؟؟؟؟!!!!!!!:sick: القانون هو ضابط لي ولكن حرية لمن يعيش معي . الاديان بجميعها لا تقبل التجاوزات الاخلاقية وبذلك فهي تضع اساسيات القوانين المنصوص عليهافي كل مكان . هناك عدة اشياء لا احبها في القانون ولكنني ملزم بها ومن واجبي تطبيقها حتى وان كانت لا تتناسب مع افكاري ورؤيتي .:sly: ودمتم ... |
لو مافي قوانين كانت الدنيا خربت
|
اقتباس:
لا يوجد مجتمع بلا قوانين.. لو فرضنا انو مجتمع من دون القوانين يلي بتنظم الحياة بين افرادو.. فرح يصيرالبقاء للاقوى..يلي هوي قانون الغاب فالله يخليلنا هالقوانين ويتكرم علينا بشي كمشة تعديلات اصلاحيّة عليون..:jakoush: |
خلينا نتفق على تعريف كلمة مجتمع بعدها منشوف شو المقصود بمصطلح : مجتمع بلا قوانين :lol:
|
اقتباس:
|
الاصل بالقانون انه يسهل حياة البشر ويساعدهم على الحياة والحرية بدون ما يتخطوا حرية الآخر وهيدا شي ضروري ومنطقي
بينما اذا عم تحكوا عن قوانين متخلفة عن أيامها وطريقة تنفيذ اكتر تخلفا فالموضوع بيختلف |
اقتباس:
٢- طبعا ما رح اتصرف نفس التصرف لانو رح كون تعودت غير عادات و عشت بغير ظروف ٣- لا بس احيانا في قوانين ما الها طعمة بتحرمنا شغلات نحن متضريلنها بالجانب العملي منشوف هالشي بشكل واضح و بكل البلاد ٤- طبعا ضرورية و الا كنا متل الغابة البقاء للي بيقدر يبقى بس ، لكن في عالم بتنط فوق القانون و هاد الشي اللي ما بحبو :pos: ٥-في كتير قوانين بالنسبة لقوانين الاستثمار و ما فيني اشمل لان كتيرة هالشغلات و بدها نقاش طويل و ناس خايضة بالقانون ٦-القانون وجد ليصون حريتك لانو تنتهي حريتك عندما تبدأ حرية الأخرين ٧- بالنسبة للمجتمع الشرقي ما بدي قول ١٠٠ بال ١٠٠ بدي قول ٩٠ بالمية منها غلط و كلنا عايشينها لهالشغلة شكرا عالموضوع :D:D |
اقتباس:
:D :D :D |
اقتباس:
|
انا ما صوتت لأنو عندي رأي غير......
أي قانون في الدنيا مهما بلغت قوته لا بد وأن يكون ناقص ..... لأنو لو كان هناك قانون كامل لكان هناك انسان كامل وهالحكي مرفوض لأنو القوانين سنها أفراد ( بني آدمين ) بمعنى آخر وبالتالي فلا جدوى من قانون ناقص..... هذا ما عندنا والله أعلم |
الناس عم تاكل بعضها متل العايشين بغابة مع وجود القوانين
كيف بدونها |
القوانين زيادتها متل نقصانها
|
موضوع هام
- ماذا لو كان المجتمع بلا قوانين ... كانت خربت الدنيا وقامت وما قعدت..لأنه كل واحد بيفكر حاله فهمان اكتر من التاني وكله بده يفرض رأيه ورأيه هو الصح - هل كنتَِ ستتصرف بنفس التصرفات .. هل ستقيم الأمور من نفس المنظار ... هالشي مافيني حدده لأنه من وقت ماخلقنا كان في قانون, بس أكيد نعم لأنه بتعتمد عالقناعة اكتر - هل تمتنع عن أمور تحبها .. لمجرد منع القانون لها ...!؟ لا يوجد - ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ... القوانين ضرورية وذلك لجعل الكل تحت قانون واحد و للحد من تصرفات الأفراد الخاطئة هلق تطبق او لا تطبق ..هي بقا مو شغلتي - ماهي القوانين التي تعتبرها غير ضرورية .. ;) - هل القانون يحد من الحرية .. !؟ .. هل يقيدك بطريقة أو بأخرى .. أكيد مابيحد من الحرية ولا بيقيدني ..بالعكس بشوفة شي كتير ضروري - ماهو تقييمك للقوانين الدينية - الإجتماعية .. في مجتمعك .. الدينية ماعليها مشكلة الاجتماعية : برأيي انه العادات والتقاليد هي ما يحد من الحرية أكثر من القانون لأنه ع القليلة القانون بيتطبق ع الكل بينما العادات والتقاليد لا تطبق على الجميع وتحياتي:D |
موضوع هام
- ماذا لو كان المجتمع بلا قوانين ... كانت خربت الدنيا وقامت وما قعدت..لأنه كل واحد بيفكر حاله فهمان اكتر من التاني وكله بده يفرض رأيه ورأيه هو الصح - هل كنتَِ ستتصرف بنفس التصرفات .. هل ستقيم الأمور من نفس المنظار ... هالشي مافيني حدده لأنه من وقت ماخلقنا كان في قانون, بس أكيد نعم لأنه بتعتمد عالقناعة اكتر - هل تمتنع عن أمور تحبها .. لمجرد منع القانون لها ...!؟ لا يوجد - ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ... القوانين ضرورية وذلك لجعل الكل تحت قانون واحد و للحد من تصرفات الأفراد الخاطئة هلق تطبق او لا تطبق ..هي بقا مو شغلتي - ماهي القوانين التي تعتبرها غير ضرورية .. ;) - هل القانون يحد من الحرية .. !؟ .. هل يقيدك بطريقة أو بأخرى .. أكيد مابيحد من الحرية ولا بيقيدني ..بالعكس بشوفة شي كتير ضروري - ماهو تقييمك للقوانين الدينية - الإجتماعية .. في مجتمعك .. الدينية ماعليها مشكلة الاجتماعية : برأيي انه العادات والتقاليد هي ما يحد من الحرية أكثر من القانون لأنه ع القليلة القانون بيتطبق ع الكل بينما العادات والتقاليد لا تطبق على الجميع وتحياتي:D |
اقتباس:
انه الحكي صاير كتير عشوائي ومافي اله خط واحد بالأصل شو هية القوانين الاجتماعية ؟ انا اللي بعرفه انه في مفاهيم وعادات اجتماعية بس قوانين !! ولنفرض اننا قاعدين بالباص واجت مرا ختيارة او رجال ختيار مافي قانون مفروض على المجتمع بيجبرني انا كشاب قوم واعطين محلي ، يعني قانونيا مافي شي جابرني على هاد التصرف بس بالعادات والمفاهيم تبعنا منقوم للكبار ومنعطين محلنا اللي بدي أفهمه اننا عم نحكي على القوانين الرسمية اللي بتحكم المجتمع ولا عم نحكي على العادات والموروثات الثقافية الخاصة بكل جماعة وبكل منطقة ؟ |
القانون مو مهم المهم ضميرك و دينك
|
اقتباس:
هلأ بدي اسألك سؤال .. بغض النظر عن انو شي كويس او لأ .. (توضيحاً لنظرية تحول العادات لقوانين ..) حكيت عن قصة الباص .. فروض انك كنت قاعد بالباص ... واجت ختيارة او ختيار .. وشيل ضميرك عجنب .. يعني ركزلي عالغرض من الموضوع .. إذا ماقمت .. مارح يضل كلشي بالباص يزورك لحتى تنزل من الباص ...!؟ يعني ... العادات صارت متأصلة فينا .. فيك تعتبرا قوانين .. مافيك تقلا للختيارة والله ماني عارف انو لازم وقفلك ماني قريان هالقانون بكتاب الحقوق تبع السنة مدري اي وحدة ... القانون مش ضروري يكون مكتوب .... وهي منسميا القوانين الإجتماعية .. ومصيبتا انو عنجد أحيان في قوانين اجىتماعية الواحد بيكون غافل عنها او يمكن مش سمعان فيا بالمرة .. وخاصة إذا غير بلدو .. !! |
اقتباس:
على ايا اساس بتم تصنفي المجتمعات على انها مجتمعات راقية وهابطة وانسانية ومتحوشة وووو اعتمادا على مستوى الرقي اللي وصلانه الموروث الشعبي وثقافة العالم اللي بشكلوا المجتمع فطبيعي بس ما "اجتمع" اكتر من شخص يتولد نوع من العادات والقوانين اللي هية بتحول التجمع هاد لمجتمع وبتعطيه طابعه الحرية شي حلو بس ما بعتقد من الصحي استعمالها حتى لو كان كمصطلح بغير محلها ما حدا بنادي من كسر قيود المجتمع هيك بالسما دائما بتم المناداة بتطوير المجتمع وكسر العادات المتوارثة البالية حلو اننا نطور بمجتمعنا بس حلو اننا نفهم بالاول شو يعني مجتمع حتى نعرف بأي منحى لازم نمشي :D |
والله بالنسبة الي انا ما بآمن بالقوانين لأنها من صنع البشر ومستحيل تحقق العدالة للمجتمع انا بآمن بالتشريع لأنه من عند الله يلي بيعرف اطباع البشر اكتر مننا جميعا
شخصيا لو ما في قانون ما بتفرق معي كتير حنصب دوشكا على سطوح البيت حتى ما حد يقرب منه ولما انزل على الشارع حنزل ومعي الكلشن والمسدس وخلصت فكت بس اكيد وجود القوانين افضل من عدم وجودها |
اقتباس:
تماماً هيك القوانين انوضعت و الشرائع انسنت للناس يللي بفكروا بهالطريقة الناس يللي ما بيردعون عن الغلط .. إلا الخوف من العقاب |
| الساعة بإيدك هلق يا سيدي 07:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون