|
استنساخ البشر ( العلم vs الدين )
تتشارك في الهندسة الوراثية (Genetic Engineering) علوم ثلاثة أساسية هي علم الوراثة والخلية والأجنة. وهي فعلاً تكنولوجيا تطويع الجينات وتقوم على فكرة التحكم في الجهاز الوراثي للإنسان وبذلك بدأ العلماء سامحهم الله التحكم في أهم خصوصيات الإنسان وهو لوحه المحفوظ أو شفرته الوراثية. وقد كانت البداية الحقيقية للهندسة الوراثية في عام 1953م، حيث تم اكتشاف يعد من أعظم الإنجازات البيولوجية والطبية في القرن العشرين، وقد قام بهذا الاكتشاف العالمان الأمريكيان جيمس واطسون وفرانسيس كربك، ونالا عليه جائزة نوبل للطب والفسيولوجيا عام 1962م والكشف هو الحمض الريبي النووي منقوص الأوكسجين (DNA) ثم كشف أنزيمات التحديد أو التقييد اللازمة لقص ذلك الحمض في مواقع محدودة وهكذا بدأ مصطلح الهندسة الوراثية لتشكل هذه الهندسة ثورة من أخطر الثورات العلمية وهي ثورة صناعية حقيقية لا تعتمد على الحديد والصلب وإنما ترتكز على مادة الحياة وهي الجينات. وتتالت الاكتشافات العلمية في هذا المجال ـ مجال الهندسة الوراثية ـ الواحدة بعد الأخرى حتى جاءت الطامة الكبرى ويقصد بها قنبلة العصر حادثة الاستنساخ يقصد به الحصول على نسخة أو أكثر طبق الأصل من الأصل نفسه وهذا يتم بمعالجة خلية جسمية من كائن معين كي تنقسم وتتطور إلى نسخة مماثلة لنفس الكائن الحي الذي أخذت منه. ولنأخذ النعجة (دوللي) كمثال.. فقد تم استنساخها وفقاً للخطوات التالية:ـ ـ أخذت خلية جسمية حية من ضرع (ثدي) الحيوان المراد استنساخه (النعجة الأولى) وتم فصل نواة هذه الخلية. تم تقريب نواة الخلية المأخوذة من النعجة الأولى من البويضة المفرغة من نواتها المأخوذة من النعجة الثانية، وتم إدخال نواة الخلية في البويضة لتكون نواة جديدة لهذه الخلية تأتمر بأمرها بدلاً من نواتها التي فصلت عنها سابقاً فتصبح هذه بويضة مخصبة. يتم تسليط ذبذبات كهربائية على البويضة المخصبة لتبدأ فيها عمليات كيميائية حيوية تخرجها من بياتها وتوقظها من سباتها لتبدأ انقساماً متوالياً إلى خليتين ثم إلى أربع ثم إلى ثمان وهكذا يتكون ما يعرف بالعلقة. يتم شتل العلقة هذه في رحم حيوان حاضن أو حامل (نعجة) وبعد إتمام فترة الحمل تلد النعجة نسخة طبق الأصل من الحيوان المراد استنساخه وهو الذي أخذت منه الخلية، فيعني انا بشوف انو لا مانع من الاستنساخ يلي ممكن يفيد بكتير اشيا انتو مع او ضد ؟؟ |
ضد لانو رح يصير تخبيص كتير
|
انا مع الاستنساخ
الفكرة من الاستنساخ مش اننا نتحدى الله يعني :lol: الفكرة انو يكون في عنا بنك للاعضاء البشرية وفي حالة اي شخص احتاج زرع عضو جديد او اي شي ثاني ما يلاقي صعوبة وبهيك ممكن انقاذ حياة الملايين من الناس. الي رجعة عالموضوع اسا مستتعجلة شوي :D |
أنا مع لنفس السبب تبع الباحثة عن الحرية لتأمين قطع غيار للأعضاء النبيلة بجسم الانسان مافيكون تتخيلو معاناة انسان مريض بتشمع كبد والاختلاطات عم تظهر عندو تباعا أو مصاب بشلل أو عوارض عصبية لتلف أنسجة عصبية أو شاب مصاب باحتشاء قلبي وغير قادر على العمل أو تأمين احتياجاته الشخصية وبالنهاية وسائل الحمل وأبسطها اللولب عم تتسبب بازهاق خلايا ملقحة يعني ما يمكن اعتبارها بداية حياة للجنين كون مرحلة التلقيح تمت والخلية تحوي الصبغيات المزدوجة فلا نتعجل بالرفض قبل ما نشوف الدوافع والاسباب وإذا على العامل الديني فلسا التشريع واقف عند تنظيم الحمل وتنظيم الاسرة ومنع الحمل فلا كتير تشدو ايدكون بهل الطريق وأساسا ماحدا طالب شهادة براءة زمة طول عمرو الدين بيلحق وبيشرعن التطور وإلا ما كنا وصلنا لهون.
|
يعني اذا الاستنساخ لمصلحة البشرية ليش لا بس في بع التطوير غير الاخلاقي لفكرة الاستنساخ لايجاد الكائن البشري الخارق و الاستغناء عن البشر العاديين و هاد الشي مرفوض لانو نحن ما بيصير نلعب بموازيين الطبيعة من شان ما نندم بعدين
ترا هالشغلات ما فيها مزح و الغلطة بكفرة و لا شو رايكن |
أنا ضد ..يعني غير موافقة ع البشر
أولاً: ما حدا بيخلق بشر غير ربنا ثانياً :صح عم تخلق قطع تبديل ..بس هالقطع تم جلبهن من انسان تم خلقه فما بالك لو كنت مكان هالشخص يلي تم خلقه (اي النسخة) حتى يتم اخذ اعضائه ويتم استخدامها كقطع تبديل ثالثاً : البشر العادي خلق من التراب والى التراب يعود طيب هاد (النسخة) من شو خلق وإلى شو سوف يعود؟؟؟ |
مع..أي شيئ في سبيل تقدّم العلم والانسانية
اقتباس:
|
اقتباس:
هلق منوين بيجي ولوين بيروح هي مو شغلتنا بس يعني برأي لو الله مو موافق هيك يصير يتفضل يمنعنا متل ما هدم برج بابل أو يخلق علاجات للأمراض المستعصية بس طالما ما عم يصرح بشي يبقى يصطفل وين بدو يروح بالمستنسخين. |
اقتباس:
بس مع الاستنساخ بحالة واحدة فقط لم تذكر وهي انه بحالة تامين الاستمرارية للحيوانات المنقرضة والمهددة بالانقراض |
اقتباس:
يعني الله ما كنلو خاطر ينقرضو الديناصورات مو ع اساس ما وسعو مع الاستاذ نوح بالسفينة طيب كيف بتشرعي استنساخ ما يجب انقراضه وليش هون حلال ولانقاذ انسان حرام. |
اقتباس:
اي هلأ بجبلك بني آدم و منحللو خلية خلية ما رح يطلع ولا ذرة تراب |
اقتباس:
عم حس حالي عم اعطي درس علوم |
اقتباس:
|
اقتباس:
لأنو Geniferبرأيها في قوة ربانية(خارقة للطبيعة)قدرت تحول التراب الى كائن حي وتبعث الحياة فيه.. فشي أكيد أنو اذا حللت الخلية رح ما تلاقي فيها اي ذرة تراب |
اقتباس:
ليك انا اول ما ظهر كنت معه لأنه فهمت بيستنسخوا بس العضو اللازم بس, بس مو هيك يلي عم يصير عم يخلقوا انسان وعم ياخدوا منه القطعة يلي لازمة بعدين عم يقتلوا الجسم يلي باقي طيب هاد مو حرام؟؟ يعني عم تنقذ انسان على حساب انسان تاني ..ولا النسخة مو انسان؟؟ |
اقتباس:
بالنهاية ... انتي عمتعارضي بنقطة من النقط مشان ما تصير سوق سوداء للأعضاء .. وهون مو بالضرورة تصير سوق سوداء ، عني انا رح اعملها سوق خضراء مثلاً، فـ خلينا شوي واقعيين وبعيدين عن الدين .. كرمال ما تنقرض البشرية بس يعني ! |
يعني نحن هلئ منضل ندخل الله و حكمتو بمواضيع علمية و الكل بيعرف انو الله ما الو اصل علمي شو دخل الله بالتطور و الانقراض و الانسان
الله هو عبارة عن النظام الي بيسيير الكون و هوي لا بيقدم و لا بي آخر عالتطور البيلوجي للكائنات لان هالقوانين ماشية بتعقيد ما حدا بيقدر يلعب فيه و لا حتى الله فليش منحط الحق عليه بكل شي ما بتعرفوا اذا في حكمة ولا ما في حكمة كل شي ماشي لحالو بهالكون و ما في شي عم يستنى شي |
اقتباس:
|
طيب وهي رح انسخ ردي السبق يلي هو من وجهة نظر علمية:
انا اول ما ظهر كنت معه لأنه فهمت بيستنسخوا بس العضو اللازم بس, بس مو هيك يلي عم يصير عم يخلقوا انسان وعم ياخدوا منه القطعة يلي لازمة بعدين عم يقتلوا الجسم يلي باقي طيب هاد مو حرام؟؟ يعني عم تنقذ انسان على حساب انسان تاني ..ولا النسخة مو انسان؟؟ |
هلأ انا مع بس بحدود ..يعني يكون لشغلات معينة للفايدة من هالشخص اللي بدهم يستنسخو منو ... مش بركا يستنسخولي من مايكل جاكسون مثلا ...:?
|
بدون أدني شك أنا مع الإستنساخ قلبا و قالبا يعني انا بقول للأشخاص اللي ضد الفكره,تخيلوا كدا لو كانوا استنسخوا 50 واحد من جيفارا في الدول العربيه , كان زمنا متحررين من الاستعمار الداخلي ) الحكومات العربيه ( , وكان بقا جيفارا اوس 13 هوا البطل القومي المصري وعندي فكره تانيه : انوا العلم لازم يفكر في استنساخ اجسام بشريه مضادة للأمراض ويقدروا يعيشوا 113 سنه علي سبيل المثال...إنا الاعمار ب يد الله , نفسي اعرف أين يد الله و ياتره عدد صوابع يد الله 5 بردو?
|
اقتباس:
|
بهالموضوع صعب يكون مع أو ضد ...على الأقل حاليّا
الاستنساخ موضوع علمي لسّا ما اكتملت نتايجو و ما توضحت ... بس مبدأيّا أو حاليّا بقلك بالغالب مع استكمال واستمرار الأبحاث و التجارب العلمية ع الأستنساخ وضد تطبيقو بشكل واسع و نشره و دخولو السّوق و التداول .... |
اقتباس:
|
صحيح في مساحة من الحرية لابداء الرأي بس بدون تجريح واستهزاء بمعقتدات الاخرين ...
|
انا مع الاستنساخ ...للتطور العلمي والبشري
|
اقتباس:
يا سيد الناس تجريح و استهزاء من وجهة نظرك لا يعني بالضرورة انو تجريح و استهزاء من وجهة نظر باقي الناس يعني بالمختصر : يعني لو انتا شايف انو فيه بدلة حلوة و بتليق عليك ..مش شرط أني اشوفها حلوة وتليق عليا ده كان مثال بسيط , طبقو بقا في كافة مجالات الحياة مع احترامي:D |
اقتباس:
مو لتعرف ماهية الله ؟ اللّه هو كل شئ كل حدث كل قوانين الطبيعة اللي عم يشتغلو ع اساسها العلماء و بعدون عم يكتشفوها ... ليش لأ العلماء هم افضل من رجال الدّين ، ع الأقل هم بهالحالة يسعون لأكتشاف اللّه و يتعمّقون بخليقته و يكتشفون الأشياء التي تولد وتتولّد ... مو متل رجال الدّين فقط يوصفون و يتباهون .... |
انا مع الاستنساخ بكل المقاييس لانو الاستنساخ هو نظرية علمية لا تعني الخلق انما تطوير خلايا فقط
تحياتي |
ضد استنساخ البشر وبشده لانه الاستنساخ لازم يكون لشي مفيد وين الفايده في البشر قلت بشر عالارض
يعني عنزه مستنسخه ولا ميت بشري :pos: |
اذا كان الاستنساخ هوي لمعالجة الامراض فالامراض رح تضل موجودة او لمنع الموت فالموت ما رح ينتهي
اما اذا كان بمثابة تحدي للكون بخلق انسان جديد فنحن نستعمل خلايا بشرية اذا بغض النظر عن كون التحدي فكرة خاطئة بالاساس فهي غير مكتملة بالاضافة الى انه في شي اسمه التوازن البيئي وتشريع هيك خطوات بدون دراسة متكاملة هوي خطر عالبشرية |
رية
اقتباس:
منو الدراسة والتطور العلمي فيهن يوصلو لاشياء كثيرة عن طريق الاستنساخ والناحية الثانية والاهم بالنسبة الي هي بنك للاعضاء البشرية في ملايين من الناس عندهن مشاكل صحية مختلفة وبحتاجو لهي الاعضاء عن طريق الاستنساخ بيقدروا ينقذوا حياة كثير من الناس ويحلوا الكثير من المساكل الصحية :D |
اقتباس:
فاذا كانت الخلايا موجودة وطورناها لتصبح قلب مثلا..... ممكن نعطيه لواحد محتاج هالقلب هاي مو فايدة ؟؟؟؟؟؟؟ |
اذا رح يتم الدين "يدحش" حاله بطريق العلم
رح يستمر العلم يمشي بطريقه و"يدعس" كل شي بعيق حركته . |
أنا ضد الاستنساخ البشري .. مش لاسباب دينيه انما لانو بحب العفوية و الطبيعية بالامور و ما بحس الامور المركبه مفيدة ..
يعني في عقول خرج ينعاد استنساخها و هيك لكن مابعرف بظل انو الموضوع مش واضح فانا اليوم مش مع الاستنساخ بعد .. :D |
اقتباس:
كلنا بنحب العفوية والأمور الطبيعية لكن في حال بكرا تجوزتي ولا سمح سعدو طلع سعيد الحظ ما فيه يجيب ولاد :lol:..بترفضي اللجوء لطفل الانبوب :?؟؟ |
اقتباس:
انو يصير في عشره بيشبهو بعض بهالدنيا هاد امر مش طبيعي بقى :lol: .. |
اقتباس:
تخيلي عدد المرضى يلي بحاجي لقلب أو كلية أو قرنية..أو أو.. هيدول اديش رح يستفيدوا من هيك علم.. لكن إذا قلت انا اني ضد الاستنساخ فأنا بكون عم بلغي السلبيات والايجابيات معا؟؟ قنبلة هيروشيما امر مو طبيعي ولا انساني ولا اخلاقي..لكن الطاقة النووية عظيمي.. |
اقتباس:
|
اقتباس:
هلئ بغض النظر عن الفوضى يلي بدها تصير اذا انسمح للاأستنساخ انو يتطبق بحجة ايجاد بنك للأعضاء البشرية انا معارض للفكرة لأنو صار في بديل علمي اسهل و اكثر امان و النقاش الأخلاقي حولو اقل من موضوع الأستنساخ ....هو "تكنولوجيا الخلايا الجذعية Stem Cells " اخر الدراسات بتقول انو استطاعوا يحصلوا على اعضاء لقرد انزرعت بجنين خاروف بعد ما تم استبدال بعض الخلايا الجذعية للخاروف الجنين بخلايا جذعية جنينية للقرد ..و هيك صار الخاروف المولود جديدا هو بنك لبعض اعداء القردة ,,متل الكبد ..او الكلية او غيرها من الأعضاء ...باستخدام نفس المقاربة بالنسبة للبشر ,,قادرين نحول حيوانات تانية متل القردة او غيرها من الثديات لبنوك بتحفظ اعضاعينا البشرية جاهزة للأستخدام بوقت الحاجة .. كمان هون لسا بقي في قضايا اخلاقية قابلة للجدال ...بس بيبقى اهون من استنساخ بشري كامل .... لهيك ..و ليس من باب ديني او اخلاقي ( مع انو الديني و الأخلاقي منفصليين) ..انا بعارض الأستنساخ من باب انو صار في بديل علمي اكتر و اسهل ... |
| الساعة بإيدك هلق يا سيدي 07:45 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
