|
أفكار بالحيط
فكرة أولى : ثرثرة
حتما ً حدث لك ان كنت محور ثرثرة ما ، ولربما كنت مثلي .. لا تستطيع مقاومة الانزعاج من الأحاديث التي تطالك بالسوء دون ان تمتلك حق تفسير أو التعبير عن ذاتك ، هذا إذا افترضنا جدلا ً أنك تهتم لأصحاب الأحاديث .. لكنك رغما ً عنك تصاب أحيانا ً بشيء يشبه الانزعاج ، يشبه التساؤلات .. لم ؟ هنا بعض الأشياء النابعة من طريقتي الخاصة " والتي نجحت اليوم " في التعاطي مع الثرثرة : 1 ) فكر بالوقت الذي يقضيه هؤلاء الناس في التفكير بك والحديث عنك .. وابتسم لنفسك بغرور 2 ) أشفق على عدم قدرتهم على فهم اختلافك وعلى قياسك وفق مفاهيمهم هم للأموروابتسم لقدرتك على الغفران تلك القدرة التي تحررك . 3 ) تفهم ، حاجتهم إلى تسفيه التفاصيل التي تميزك والسخرية من وزناتك العشرة ، لأنهم أرتأوا أن يدفنوا وزناتهم بأشياء أقل أهمية وتفهم أكثر ان رغبتهم بالكلام عنك تساعدهم على قبول ذواتهم بشكل أفضل وابتسم لتميزك 4 ) أشعر بالأسف على كل دقيقة قضيتها بالتفكير بهذه الثرثرة وكل طاقات الانزعاج التي أثرت بمن حولك وابتسم لغباءك 5) تذكر كل مرة مارست انت بدورك الثرثرة على شخص آخر وابتسم بخجل 6 ) وعندما تشعر أنك مللت من الابتسام ، ثق أن الحياة ستستمر سواء أعجبتهم أم لا ، أحبوك أم لا وتستطيع حينها أن تمد لهم لسانك هازئا ً بكل لؤم . فكرة تنين : فراغ عاطفي .. منذ بدأ البعض يقرأ كتب علم النفس المبسطة " إن صحت تسميتها كذلك " ، أصبح الجميع يستطيع تشخيص الفراغ العاطفي لدى الآخرين ، وتحليلهم ببساطة قصوى ( وربما النساء اكثر عرضة لذلك ) . أنت اليوم تكتب لتملأ " فراغ عاطفي " ، و تنغمس في عملك لتنسى " الفراغ العاطفي " ... حتى أن بعضهم يعتقد أنك تقرأ لـــــــ " فراغ عاطفي" .. ونجاحك .. تميزك .. إعجابك بالسياسة !!!! كلها نعزوها لسبب واحد فقط ! ببساطة تشعر أن جميع الحوافز قد ألغيت ، .. ولم يعد هناك من محرك يحركنا اليوم إلا " الفراغ العاطفي .. " فكرة تالتة : شكل يعمد الكثيرون إلى الإشارة إلى وزني عند التحدث معي ، سؤالي لم أنا على هذا الشكل ؟ والبعض يقوم بتفسير افعالي على أن لدي مشكلة ما تتعلق بشكلي .. والمشكلة الفعلية أني ارى نفسي جميلة ( وأحيانا أرى نفسي جميلة جدا ً ) وعبثا ً أفسر وجهة النظر هذه للمحيط .. فكيف تفهمهم .. " يا عزيزي المشكلة ليست في شكلي انا ، المشكلة في نظرتك أنت ؟؟ " فكرة أربعة : نصيحة .. الجميع يهتم ، والجميع يحبك ، والكل بتمو كلمة لازم يقلك ياها .. ينصحك فيها ، ببساطة يضع الناصح نفسه بموقع العارف بالأمور ، والمحب .. والذي يستطيع بحجة النصيحة تمرير رؤيته ، وأفكاره ، وانتقاداته إليك .. بحجة الخوف عليك وعلى مصلحتك .. وهنا علي أن أتفق مع غسان تماما ً .. " النصيحة هي أسوأ شيء نقدمه لمن نحبهم " وأتابع .. بصراحة " اطلاع من راسي انت ونصايحك .. " فكرة خامسة وأخيرة : الحياة من لا يقرأ ، اعتاد ان يقول لي .. عيشي حياتك الحياة ما كلها كتب والذي يعشق الهدوء ... " لك ما في بحياتك إلا الرقص ؟ " ومن يقصرون في عملهم .. يعتقدون أن لا حياة لي خارج العمل والذين يعتنقون العقل ، يعتقدون أنني لا أكتب إلا عن الحب .. حياتي بمجملها مشروع حب حزين وصديقاتي يرون ان حياتي تفتقر إلى العاطفية وأنني عقلانية أكثر مما ينبغي ! والجميع يرى من جانبه .. أنني لا أحيا كما يجب لأنني لا احيا .. كما يحيا هو .. |
اقتباس:
|
اقتباس:
بالنتيجة أنا برأيي أنو كل يلي حكيتي عنو مغلوط . لأنو بهاد الاسلوب من التعاطي مستحيل حدا تتطور وجهة نظرو أو تتوسع مداركو . اذا فكر بكل الأمو على أساس أنا الصح وغيري غلط . هون كمان منرجع للأستنتاج الأول فيني أخد يلي بلاقيه صح وفيني اترك يلي بلاقيه غلط . مافيني كون مع أو ضد على طول |
انه انا معك بكل الي قلتيه
وببعض الكلمات حسيت انا عم اكتب حلو الشخص يشارك بأريحية تحية :D بس من الموضوع بحب قول ميدا بستخدمه بخفف نتايج كل الي سبق وهو عامل الناس كما تحب ان يعاملوك |
اقتباس:
بكون عبالي جملة وحدة بس " Get a Life " .. انو عنجد يعني :? |
:?
هو رد على موضوع المشرف الغير مثالي؟ |
اقتباس:
شكرا بيرسو .. :sosweet: اقتباس:
انا كنت عم احكي عن الناس اللي بتغتابك بالسوء ووضحتا بالبداية ، أنت يمكن ما بيزعجك الموضوع بس انا عادة ووقت كتبت هي الشغلة كتير بتعامل بعاطفية مع الثرثرة وممكن اتوتر وابكي فكانت مجرد تقنيات ساعدتني قلت لربما تساعد حدا :D اقتباس:
شارك بأريحية فيك أنت كمان تعبرلنا عن أفكارك اللي بالحيط اقتباس:
لك يسلملي الـ life تبعك اقتباس:
لأ يا مخلوقة هي منزلتا بـ مدونتي من شي شهرين :gem: بس انو ما كنت متوقعة رح كمل " الأفكار بالحيط " لهيك ما نزلتا باخوية هلق صرت كاتبة شي اربعة من هي السلسلة فقلت بنزلها :D |
اقتباس:
اقتباس:
انو قصدي هالموضوع انو شو بدي اقلك حكم يعني يا ريت كل العالم تفهم هالشي بتعرفي هالحكي من زمان براسي بس انو هي اول مرة بشوفو بهالوضوح هذا حاسي حالي عم خبص كثير :? المهم بدي اطلب ازن بالنشر على الفيس بوك او المسنجر :p :D |
اقتباس:
الكل بيكتب بالسقيفة الله يعينك يا سامر |
اقتباس:
:D لأ ما عم تخبصي تحت امرك ، مقدمين :mimo: اقتباس:
مانن موضوع نقاشي ليكونو بالصالون ولانن مكتوبين بطريقة ادبية ليكونو بالخواطر فما ضل لي غير السقيفة ، هون الإدارة بيحبونا بلكي بعد كام حلقة بيثبتولنا ياه /، نتيجة الاقبال الجماهيري :gem: |
اقتباس:
اقتباس:
مين قال انو هاي مشكلة؟ :sly: بالعكس تماما.. هاي نقطة منيحة كتير بصالحك :gem: :D |
اقتباس:
|
اقتباس:
أي ما هو بجد أحسن من البلادة :lol: ، بس والله في بالدنيا محفزات تانية اقتباس:
منور يا صبي ، بعد زمان :mimo: |
ميمو يوم عن يوم بتثبتي انك مخ
|
يسلمووووو يالغلا
|
اقتباس:
هلق اتاريني طلعت مخ :p شكرا شكرا .. :oops: اقتباس:
يوه ولو أهلا وسهلا |
شو؟!؟!!؟:-?
|
افكار بالحيط ؟؟
1- معلقة ع الحيط 2- افكار فايتة بالحيط 3- افكار تعمرت مع الحيط و اندهنت و صارت حيط 4- افكار بالحيط (يعني هيك افكار بهيك حيط و فهمكن كفاية ) اذا بتاخدي هدول الاربع شغلات و بتوزعيهن ع الافكار 5 منوصل لانو افكارك بتجنن و حلوة جدا |
اقتباس:
|
اقتباس:
ولا شي سلامتك :D اقتباس:
شكرا ً شكرا ً يا زلمي :gem: اقتباس:
:gem:أهلا أهلا ,, وهي باقة :mimo: |
اقتباس:
بالسقيفة كتير منشجع هالنوع من المواضيع مين قال أنو السقيفة بس للتشات و الخناق ..؟؟ و ناطرين شي موضوع جديد منك |
اقتباس:
ميمو ذكرتيني هون بجملة ( عندما نرى الاشخاص نفسهم .. فاننا نتوصل الى اعتبارهم جزءاً من حياتنا , وبما أنهم يشكلون جزءاً من حياتنا , فإنهم يبحثون في نهاية الأمر عن تغييرها كما يرغبون بغير رضى , لأن كل الناس يعتقدون معرفة كيف يجب أن نعيش تماماً , لكن أياً كان لا يعرف قطعا كيف يتوجب عليه أن يعيش هو نفسه حياته الخاص ) ل باولو كويلو بالخيميائي |
انو قاريهن اصلا اصلا :p
في شوية تعديلات .. بس انو نفس ال " ايديا " اقبر قلب حالي انا وايدياتي بتعرفي شو .. كنت خيفان تنزلي هديك القصة :oops:.. تبعيت الصندوق .. مشان هيك فتت عالموضوع واطمنت :gem: |
اقتباس:
:pos: بتشجعو بتشجعو ما شفنا شي قلنا هلق بيطلعلنا منها شي وارد مالي .. :lol: اقتباس:
رائعة .. :) والله ألك فوايد :p اقتباس:
دخيل أيدياتك .. لأ ما نزلت الصندوق :pلسى |
أنا بقيت فكر بهالموضوع لصار عمري تلاتين سنة (بس أكيد ما كان فيي صيغ أفكاري متلك) بعدين اكتشفت ليش بيقولو أنو المرأة بتكون بأحسن حالاتها بعد التلاتين، لأنها بتزيد حكمة وثقة بنفسا، وبيكونو اللي كانو يحكو عليا فاتو بالحيط وصارو يتمنو يصيرو متلا، المهم تكوني متصالحة مع نفسك وعم تعملي اللي أنت مقتنعة فيه لحتى بس تكبري ما تندمي لا على وقت ضاع ولا على شي ما عملتيه وكان بدك تعمليه، وتأكدي أنو الوقت كفيل أنو يبين الصح من الغلط بدون ما تتعبي حالك وتضيعي وقتك بشرح خياراتك لناس ما بتحب تفهم أصلاً
|
صرنا اتنين بالكلام اللي قلتي:cry:
|
اقتباس:
انا كتير متشوقة صير تلاتين ، :D اقتباس:
وليش مدمع ؟ :? |
2 . عـ أساس نخبة ! فكرة أولى : ليش بلا صغرة أنت مين ؟ لم أكن أدري في طفولتي أن متعة القراءة والكتابة قد تجعل اغلب المحيطين بي من الذين يصنفون أنفسهم بشكل أو بآخر " نخبة " وبحكم تواجدي مع هؤلاء الأصدقاء كثيرا ً ما كانت أثناء النقاش ، تستفزني جمل من نوع .. - الشباب السوري بحاجة لكتير قصص لسى ليصير قادر يعمل تغيير ، لك الشباب السوري ما واعي :pos: - ما في أمل هالمجتمع ما منو خير :pos: - لك شعب ما بيلبقلو ديمقراطية بدو فعس :jakoush: - عن جد هالجيل تافه .. ما بيهمو شي وتنتابني رغبة عارمة أن أصرخ بهم " ليش بلا صغرة أنتو مين ؟ " انت جزء من الشباب السوري وخلية في هذه المجتمع ..إذا كنت تعتقد أن " الصرامي " حل مناسب لكنه ليس ما يليق بشعبنا فعلا ً .. وهذا الجيل الذي نمارس فوقيتنا من التشكي منه دوما ً .. هو جيلنا .. هو ببساطة نحن عوضا ً عن التشكي دوما ً من الجيل والمجتمع و الشباب السوري ، وعوضا ً عن إيجاد نواقص محيطنا التي مللنا من تكرارها ورتابة الحلول المطروحة ، فكر انك تكون " انت التغيير " فكرة ثانية : فزلكة وفي نفس الجلسة .. السابقة ، حتما ً يجب على المصطلحات أن تتصف بالصعوبة والتعقيد ، فأفكارك عميقة بقدر استحالة وصولها إلى الأغلبية ، وكلما أمعنت في ذكر أسماء أجنبية كلما أقنعت محدثك بأنك أكثر أهمية . لست أدري كيف يحاول هؤلاء التأثير بمحيطهم إذا كانت رسالتهم بلغة أخرى لا يفقه منها هذا المحيط شيئا ً هذا إذا افترضنا أنها تعنيه أصلا ً .. وتبقى المعلومات على كثافتها عاجزة عن تجاوز أصحابها إلى الآخرين لأنها عالقة في رغبتهم بإبهارنا بأنهم يعلمون .. معهم لا تخجل من مفرداتك البسيطة .. وابتسم لسذاجتك وتأكد أن العمق في بساطة ما تحياه حقا ً لا في الشعارات الصعبة . فكرة ثالثة : ببلاش نريد الحرية دون ثمن ، والديمقراطية دون تضحية .. ونود من المجتمع كله ان يتفهم فرادتنا ، ومن جارتنا ذات الثقافة المختلفة والبيئة المختلفة ان تحترم صداقاتنا وانفتاحنا ويزعجنا تدخل الآخرين بنا ونقارن مجتمعاتنا بالمجتمعات الآخرى بخجل ربما .. وننسى في هذه المقارنة ما تكبدته تلك المجتمعات حتى وصلت إلى ما هي عليه ( الثورات ، الأشخاص الذين قتلتهم السلطات الدينية ، الدم ... الفكر .. ) طيب إذا انا وانت وهو ما عنا استعداد ندفع الثمن كيف نريد أن نصل لما يعيشونه هم .. فورا ً وببلاش ؟ فكرة رابعة : سلبية عندما بدأت حملة مقاطعة الموبايل في سوريا ، سالني كثيرون : يعني متوقعين يردو عليكن ؟ وعندما نتحدث بأخوية عن المعتقلن يسألون أيضا ً : متوقعين يطالعون يعني إذا حكيتو وهلم جرا ً .. بسهولة تستطيع ان تضع لي العوائق ، بسهولة تستطيع أن تهدم محاولة تغيير الأصعب أن تحاول ، وتتمسك بالأمل جدا ً من السهل ان تقول لي أن الطريق حالك وطويل وأن تدمر عزيمتي ، الأصعب ان تمسك يدي لتسير معي لنتجاوز تلك العوائق سويا ً ولهم جميعا ً بقلن مع ماجدة " شو باقيلك غير الصوت خلي صوتك عالي لوح بالخير اللي كان لوح بحقوق الإنسان ، مين بيبقى ان كان الشر رايح للنهاية .. " فكرة خامسة : عنا وعندكن ماذا لو سافر أحد هؤلاء الذين تكلمت عليهم في بداية حديثنا ، وعاد في إجازته الأولى .. ببساطة في غربته سيحدثك عن الحنين ، فيروز .. الياسمين ، قصائد نزار .. اشتياقه للشام ، للمامونية الصبح ، للناس للشوارع وأول ما يعود في أجازته .. ينظر إلى الشوارع إلى القمامة كأنه يراها للمرة الأولى ، معقول لسى لهلق عندكن هيك ؟ نحنا عنا ما حدا بيكب بالشارع ، وعنا الناس بتوقف ع الاشارة .. وعنا الناس دائما مشغولة ، معقول عندكن الناس قدي فاضية ؟ فجأة تنتابك الرغبة بأن تصرخ في وجهه أخي لكان ليش صارع سماي حنين ؟ وليش راجع لعنا ، خليك عندكن ؟ لكنك تتذكر ما نسيه هو ربما .. ان هذه البلد هي بلده إيضا ً فتبتسم .. وتقول "يلا الله وإيدك بلكي بيوم من الأيام بيصير عنا متل عندكن " . |
اقتباس:
اقتباس:
اول مرة شفت الموضوع ... وشفت الافكار الاولانية بس ما كان فيني احكي شي .. او بالاحرى ما عرفت شو احكي :oops: هلأ ما قدرت ما احكي .. وبنفس الوقت ما عم اقدر الا وعبر عن اعجابي .. بيللي كتبتيه .. :oops: وهدول اتلجملتين .. حسيتن مؤثرين كتير :gem: فا رح عبّر عن اعجابي بـ :akh: هي الوردة شامية من عنا من البيت .. بس اما من عندكن من حلب :lol: |
اقتباس:
هي صارت معي من يومين يعني رفيق ... من بعد غيبة خمس سنين و من بعد خمس سنين من الحديث ( عالتلفون و عالماسنجر ) عن الحنين للبلد .. و أيام البلد من بعد خمس سنين من الخطط عن برنامج هالشهر يللي رح يقضيه بالبلد ... ما قدرت اقعد معو ربع ساعة |
اقتباس:
يمكن لان عرفانين ماضالين هون وراجعين ... هاي القصة نسبية ... انو بتلاقي في عالم جد جاي لتنبسط مو لتنق وتقعد تتفلسف ...ووقتا جد بيجي ع بالك تقلو اقتباس:
|
اقتباس:
انو هالشعب من عندي و هلم جر بدو الايد من حديد تبع ابو عاصي |
اقتباس:
قديش نحنا العرب متشابهين مع اني مو سورية بس كل الافكار يللي طرحتيها كثير بتقابلني خصوصا هدول الثلاثة عنجد يسلمو:D |
و الله كلام وازن و تقيل
شكرا عالدرر:D |
مممم هلا الفراغ العاطفي مو دايما بيولد الثرثرة بتزكر اني كنت منطوية اكتر من اني حب ثرثر:sick:
|
اقتباس:
رهيبة انت رهيبة عن جد هالفكرتين بالذات الي معهن تجارب شديدة الكثرة :lol: عن جد شي حلو كتير رح نستنى الحيط الي جاي ;) :D:D |
اقتباس:
شكرا ً ع الوردة الشامية :akh: وهي أما وخليك متابع معنا ( بلكي بعمل جوائز للمتابعين بالأخير بس يزيد معي من الراتب ويبطل يطير كلو ب 15 الشهر ) :lol: اقتباس:
:lol: اي بيصير عندن بعد الحنين صورة عن البلد مدري بخيالن موجودة بس اقتباس:
:pos: برياحة أي اقتباس:
|
اقتباس:
أي اعتقد المجتمعات الشرقية متقاربة عموما ً في كتير أشيا اقتباس:
شكرا ً لألك ع مرورك اقتباس:
انا قصدت ، انو الناس كتير صايرة عم ترمي كل شي بضهر الفراغ العاطفي :) بس اقتباس:
أي قريبا ً بلكي :gem: |
تعقيدات جنسية فكرة اولى : لازم ما يعرف أنك بتعرفي إحدى الفكر التي تدور بذهن العديد من الفتيات اليوم أن هناك قاعدة ذهبية لبداية التعامل الجنسي مع الزوج " ما لازم يعرف أنك بتعرفي عن الجنس شي " ، أولا ً كي لا يبادره شكوك بخصوص مصادر هذه المعلومات ، هذا الشك الذي قد يدمر علاقتكما ثانيا ً كي يشعر برجولته !!!!!! وهو يعلمك أسرار الجنس الخطيرة ثالثا ً لأنك أنثى و " عيب " الأنثى تتحدث في مواضيع كهذه وهكذا يغيب الحوار في الجنس عن العلاقة بين الزوجين ، ليستعيضا عنه بتمثيلية كونها لا تعرف .. وكونه البطل المغوار الذي يعرف كل شيء . فكرة ثانية : ما هو عن جد ما منعرف .. إذا راجعنا مصادر معلوماتنا عن الجنس ، وطريقة وروده في احاديثنا .. " نكت ، تلميح ، أفلام ، وأصدقاء " لرأينا ببساطة أننا في معظمنا لا نعرف ما يكفي عن الجنس ، نحن نحيطه بهالة من التضخيم من الجنسين .. ونرفض بحجة الخجل أو بحجة الرجولة أن نعترف أنه ما زال لدينا الكثير لنتعلمه عن هذا التفصيل الحياتي الحميم " عيب شو ما بعرف ، شو ما زلمي !!! " ، " يا حوينة الزلم ، بدك مين يعلمك " . " ليش لأتعلم ، جوزي بكرة بيعلمني " ، " ليش شو هالشغلة المعقدة يعني لا تعلمها ؟ " فكرة ثالثة : الرجل لا يمارس الجنس وحده .. إحدى المفاهيم المزروعة فينا وأعتقد انها تظلم الرجل كثيرا ً أن الجنس هو هاجس الرجل الأول ، ونتخيل انه ينقاد به . فنتبادل في التجمعات النسائية أحاديث من نوع " 90 % من الرجال بيخونو " ، " كل تفكيرن محصور بهالقصة " ، " يا أخي الرجال ما ألو أمان .. " وهكذا نستمر في النظر إلى الموضوع بحذر ، وندخل الزواج نحمل مخاوفنا من اتجاه الرجل إلى الجنس .. وننسى أحيانا ً أنه ليس في هذا وحده . وأنه لا يستطيع ممارسة الخيانة دون مشاركة أنثى .. ولا ينقاد إلى الإغواء دون أن تغويه أنثى .. وأن الالتزام و الثقة و الاولويات لا علاقة لها أبدا ً بجنس الإنسان ، ومن الظلم جدا ً أن أحمل خوفاتي منك فقط لأنني أصنفك ضمن ما أعتقد أنا " أن معظم الرجال يمارسونه " . فكرة رابعة : مفعول به المرأة تود أن تبدو مغرية في عيني الرجل ، وتتعلم وتشتري كل ما يلزم لتحقيق هذا الإغراء .. لكن هل فكرنا مرة ماذا يغري الرجل في المرأة ؟ هل تستطيع المرأة أن تقول لرجل أنه " يغريها مثلا ً" ؟ أو ان تبادر هي لطلب العلاقة مع الرجل "حتى لو كان هذا الرجل زوجها ؟ أتمنى أن يكون الحال كذلك .. لكنني لا أظن .. فكرة خامسة : تخوفاتي أنا لأنني إمرأة .. أكتب هذه التدوينة .. ثم أفكر بعدم نشرها ثم أعيد قرائتها و أمحي منها بعض الجمل ثم أنتظر أحد الأصدقاء ليقرأها ليقول لي أن لا احد سيفهمني " غلط " ما هو هذا الـ " غلط " الذي أخاف أن أرتكبه بالكتابة ؟ لست أدري |
:D..
اقتباس:
.. عمرينو .. اللي بيحب يفهم يفهم .. واللي ما بيحب .. اي بيحب بعدين :p.. ما مشكلة :D بس انو رواء .. متلج |
| الساعة بإيدك هلق يا سيدي 06:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
بس انو ما كنت متوقعة رح كمل " الأفكار بالحيط " لهيك ما نزلتا باخوية هلق صرت كاتبة شي اربعة من هي السلسلة فقلت بنزلها 
