|
نصيحة بكتاب
بما انو الصيفية بلشت و الوقت كتر و ما عما لاقيلو تصريف بقا يا شبيبة الخير كل واحد يراجعلي مخو و ينصحنا بشي كتاب هيك خرج ينقرا :D |
حبيبي أبو الزوز...ابو وليم.....
شو اللي بيستهويك....؟ روايات.... تاريخ....ميثولوجيا.....سياسة... :D |
أبو نجبو الحبيب
هلق الروايات أول مرتبة بعدين يبجي التايخ و الميثولوجيا و السياسة عنا ياها بالفطرة |
ما حلك تعجز من الروايات :jakoush:
يلعن اختا والله الأدب شي حلو بس ما عدت اقدر اقرا اي كتاب أدبي صرلي شي سنة ونص على هي الحالة حاليا عم اقرا بتاريخ الفن وحياة الفنانين :lol: اذا الك مصلحة بهلمضمار بجبلك اسم كام كتاب بيعجبك |
لا دايمة بس شفلي اذا في شي كتاب عن حياة الفنانة سارية السواس و شي كاتب شارح غنية و ين سهرانة مبارح
|
ساريا السواس :o
يلعن دينك عم قلك فنانين يعني بقصد الرسامين شيت عصر النهضة الأوروبية وهلقصص طب في براسي كتاب ممكن يععجبك ما بقلك عليه قبل ما توعدني انك بدك تقراه بشكل كامل ولآخر صفحة غير هيك ما بقلك اسم الكتاب :pos: |
بوعدك
و بعدين سارية هي من اهم اعلام عصر النهضة بالكراجات |
يمكن تكون قاريه ما بعرف .. بس بالنسبة الي من أعظم الروايات الأدبية اللي قريتا بحياتي
حتى انه البحموشة بالفلنتيان ضيفتني ياه لأنها بتعرف اني وقت قريته كنت مستعيره من المكتبة اللي كنت مشترك فيها بزمناتي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ترا من هلق عم احكي معك ... بجوز يعن على بالك انحام وموسيقى وأنغام 0 المعنى بقلب الشاعر 0 شروي غروي وانت عم تقراها فلا تاكل هم حالة عرضية بتمضى بنهاية الرواية . |
الله يرحم ايام التتلحين و التنغيم خلص صلاحيتو و احترق الكرت
و الأجنحة قاريها شي بالميتة 10 مرات و سلمى كرامة رمز الانثى يلي بتمنها تكون ام وليام |
رواية الزنبقة السوداء ,, ومونتي كريستو لألكسندر دوماس
زوربا اليوناني لـ كازنتزاكيس الخيميائي .. ساحرة بورتوبيلو .. الشيطان والآنسة بريم لـ باولو كويلو |
اقتباس:
طب شو رأيك تحف عن زيقنا وتشوف شو لازمك بالموضوع هاد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
من مكتبتي الشخصيه بقترح .. روايه الأم لمكسيم غوركي .. هالروايه قريتها وقت قطعت لفحص التاسع , أسهر تحت اللحاف معي بيل اقرا فيها كرمال أهلي ما يكتشفو انو عم اقرا روايات بالوقت اللي لازم كون عم ادرس فيه .. من أروع ما قريت .. يعني بقدر صنـف تاريخي تبع القراءه بـ قبل قراءه الأم و بعد قراءتها .. هي النصيحه رقم 1
النصيحه رقم 2 .. غرباء في أوطاننا لوليد مدفعي .. هالكتاب وقت قريت الأهداء تبعه عرفت انـّو رح استمتع فيه .. و هاد اللي صار بيحكي عنك و عني و عن جاركون بالبنايه و عن جارنا كمان .. ظريف اذا قدرت تحصل عليه فهاد أيضا ً نصيحه ... هدول بالعربي اللي تذكرتهم لو عبالك تقرا انكلش كمان ردلي خبر في خبره مع الروايات الانكليزي اكتر من العربي :oops: اقتباس:
عمـّي اذا هيك ليش ما بتتفضل بتشرفنا بالقسم بنعمل شي مشروع مشترك أنا و انت .. على أيّ مرحله من مراحل تاريخ الفن وصلت ؟؟ + شو أسماء الكتب اللي عم تقراها (( اسماء فقط مش ضروري روابط )) ؟ |
اقتباس:
عم اقرا كلشي بيوقع بايدي من أدبيات الفن ومن مراحل تطور اساليبه وهيك قصص .. بلشت معي من الفن العاري :lol: سحبنا على مايكل آنجلو وسحبت رجلنا على الطريق .. بس مافي شي احتراف مجرد قراءات عشوائية من شي سنة تقريبا كنت عم اقرا على الفوفيزم وتحمست ونزلت الموضوع بالتصوير .. هلكام يوم رح نزلي كمان هيك شي .. ترقبوا ( على أحرّ من الجمر :p - يا لطيف شدني لئيم :o ) |
اقتباس:
على كلـّن أنا قاريه كل الحقبه الزمنيه (( بدايه بالفراعنه و انتهاء ً باليوم )) :larg: .. يا لئيم انت :sly: |
طب هاتيلنا شي كتاب بيحكي على ادبيات الفن بالحضارة المصرية القديمة
انا بعرف رمزية النقوش بشكل كبير لأني قاري هلقصص من ناحية الميثولوجيا بس ماني قاريها من ناحية النقد الفني نفعينا بشي شغلة .. بتكسبي ثواب فيني :o |
اقتباس:
شو ديل ؟ |
اقتباس:
:D |
اقتباس:
|
اوف كتير مهم ه الموضوع خاصة اني كتير عم احتار انا وعم اشتري هلق أنا عموما ً يعني بنصحك ب 1 ) مزرعة الحيوانات - جورج أورويل " ذكاء سياسي رهيب ، من أروع الأدب السياسي اللي قريانتو بحياتي كلها " 2 ) 1984 لنفس الكاتب .. 3 ) الآن هنا :( .. أكثر من رائعة ، بتدوخ - عبد الرحمن منيف 4 ) الأشجار واغتيال مرزوق - كمان منيف 5 ) جنون آخر - ممدوح عدوان 6 ) حيونة الإنسان - كمان ممدوح ورائع تاريخ انا عم اقرا اوراق فارس الخوري ورائعين جدا جدا ، كمية هائلة من تاريخ سوريا اللي ما منعرفو :mimo: ابدا بهدول ومنحكي ليخلصو :gem: |
اقتباس:
انا بهتم بهيك شي.. بشو بتنصحينا..؟ :D |
يسلمون شوش و ميمو :D
بس للصراحة شدني عنوان حيونة انسان و لح نبلش فيها |
اقتباس:
قلتلي شدك ما :lol: |
اقتباس:
انو كيف بدنا " احصل " عليه |
خيو ما إلك غير الخيميائي ل باولو كويليو بس بدك تمخمخ عليها هاه :D |
بما انو انذكر الموضوع وانذكر .. انا بالنسبة الي رح ابدأ بأوراق فارس الخوري عم دور على هيك امر من زمان.
في سؤال تاني بدي شي لافهم الماركسية .. يعني مابدي كتاب معقد ويحتاج لكتابين تانيات لافهم عليه .. اذا حدا عندو كتاب بسيط شوي لافهم شو معنى ماركسي بيكون فضّل عليي. |
نصيحة مني
في كاتب اسموا احمد خالد توفيق (مصري) في الو رواية اسما يوتوبيا عم بقلك خيلة نصيحة الك ابو الزوز قراها واذا بدك الرابط تبعا من شان تنزلا قول لا تخجل خيو;) |
اقتباس:
لأ ما مرفوع ، ( وكنت بدي اشتغل عليه في ناس :pos::pos: قالولي انن هني عم يشتغلو عليه وهادا وش الضيف ) حيونة الإنسان بيحاول يدخل لعقلية الشخص اللي بيمارس التعذيب ع الآخرين ، بالحرب ، بالمعتقلات ، الشبيحة .. ... إلخ نظرة لنفسية والعوامل اللي بتخلي الإنسان يكون عنيف تجاه انسان تاني كتير حلو الكتاب :D |
اقتباس:
ياترى نزل ولا لسا او تبع الكتبة ما عرف منيح؟ |
اقتباس:
فأنو بمعرض الكتاب رح ارجع شوف بتكون دار طلاس مشاركين |
| الساعة بإيدك هلق يا سيدي 14:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون