|
هل تؤمن بالحظ ؟
هل تؤمن بالحظ؟ مواضيع للحوار في الوقت الذي يعتقد فيه البعض أنه قد كتبت عليهم التعاسة، لأن الحظ مفارق لهم دوماً، وأن نظراء لهم سعداء لأن الفرص الجيدة تأتي إليهم بنفسها، في حين يكدّ آخرون بجهد كبير دون أن يحصلوا لقمة العيش، وآخرون ينعمون بالكثير من النعم، في حين يحظى آخرون بالكثير من المصائب والتي عادة ما تتتالى عليهم بصورة متوالية.... كل ذلك نتاج الحظ...فإن كان الشخص سعيد الحظ فليس عليه أن يحمل همّ شيء، والعكس صحيح تماماً، وبناء على ذلك تداول أجدادنا المثل الشعبي الشهير "حظ عطيني وبالبحر ارميني". في المقابل يعارض آخرون هذه النظرية، ويعتقدون أن الإنسان وحده من يصنع حظه، وهو وحده من يجلب على نفسه الحظ التعيس، فالمتواكلون المستسلمون من أول محنة تواجههم، لن يتمكنوا يوماً من تحقيق ما يحققه أولئك الذين تواجههم الصعاب المتتالية فيتجاوزنها بثبات وإرادة الواحدة تلو الأخرى فيكونوا من الناجحين، فالقضية قضية إرادات وعمل حثيث، وليست قضية مقدرات محسومة سلفاً، إلا في الحالات الخارجة عن إرادة البشر. فما رأيك فيما سبق؟ هل حقاً هناك أناس محظوظون وآخرون "منحوسون"؟ هل تؤمن بالحظ؟ أم تعتقد أنه مقولة للتواكل والاستسلام؟ |
من فترة كنا عم نتناقش أنا وصديقي جاد 81 بموضوع اشمل شوي . وتوقفنا عند نقطة الحظ وأنو في اشخاص محظوظين ولا لاء؟ . وقديش الحظ ممكن يلعب دور بنجاح الانسان ؟ . وكتير من الشغلات يلي ممكن تطلع بقلي النقاش |
الحظ ضروري بكتير أشياء بس مو بكل شي..في أمور ما بتحتمل انتظار الحظ
|
أنا أؤمن بالقدر لكن أيضا الحظ لا يأتي إلا بالجهد والتعب .
|
اقتباس:
صح . بس مابتاشاركني الرأي أنو الناجحين كان في دور كتير كبير بحياتهم للحظ بالاضافة لمجهودهم . وهو الشي يلي ميزهم عن من يملك المجهود فقط ؟ |
اقتباس:
مافهمت . كيف فيني أتعب لأحصل على الحظ ؟ |
اقتباس:
انا رح رد.. انو لو انت بدك يسير معك مصاري او حابب تسير مهندس (مثلا) اوكي: لو ضليت تدعي من هلأ لمدري قديش و انتي قاعد اكيد ما رح يسير معك مصاري و ما تحلم تسير مهندس يعني بهالحاله لتحقق هالشي لازم تتلحلح و تدرس و تشتغل (هون التعب ) و بعدين بقدرتك و تعبك بتحقق يلي بدك ياه..(المهم ما تضل قاعد):gem: مم هلأ وين الحظ من الموضوع؟ سألت انت : بما انو الواحد قاعد لا شغله و لا عمله بحس انو ما في حظ وانو ما في شي بيحلم فيه بيتحقق,,,اما ازا الواحد سعى ليحقق طموحه و احلامه فهون بقى هو و شطارته ..و ازا مصّر انو يوصل للي بدو يا رح يوصل (ساعتها بسير الحظ حلو );) احم احم اتمنى تكون وضحت الرؤيا:p بالنسبه الي بؤمن بوجود الحظ:) |
اقتباس:
أنا معك . بس هاد نتائجو بتكون جاية من عمل وتعب مو من حظ . بركدا وانا قاعد شافني احدهم قاعد وعطاني شي اشتغلو كان فرصة العمري يلي ممكن تنقلني لشغلات بعيدة بعدها |
اي بتعرف ليش بأمن لانو في ناس كتير بعرفها محظوظين :sick:
|
اقتباس:
ساعتها بكون حظك كتير حلو .. فبلا نئ:p اما ازا مرء من حدك و ما عبرك يا مسكين بترجع لحالة الكأبه و الاحلام:p |
اقتباس:
ممكن تحكيلنا أكتر عن حظهم . كيف حسيت أنو هدول محظوظين ؟ |
اقتباس:
طيب اذا ماعبرني . بكون طبيعي ولا منحوس ؟ |
اقتباس:
يعني كتير ناس بعرفها كيف كان حظها ولقت شغل ما كان يحلم بربع الشي يلي محصلو وبنفس الوقت ماعندو شي ليعطيه لهاد الشغل بس حظو الحلو وطلعتلو هيك شغلة |
اقتباس:
أيه الله يطعمنا حظهم ياترى بالمستقبل لما العالم ممكن تقيمو . رح تقول عنو أنسان ناجح ولا أنسان محظوظ ؟ |
اقتباس:
اكيد بتكون طبيعي ما في انسان منحوس الواحد هو بقرر كيف رح يكون يعني ازا من اول حياته ما عرف كيف يبلش صح ساعتها اكيد في اشيا كتير ما رح تكون مفتوحه قدامه بسهوله و هيدا ما بدل انو الشخص منحوس بالعكس ممكن يكون مخباله لبعدين شي حلو .. طيب سؤال الك: هلأ انت كتبت هالوضوع نتيجة شي شخصي او لتشوف ازا في حدا عندو نفس وجهة نظرك او لتشوف غيرك كيف بفكر؟؟ حاسه حالي دكتورة نفسيه:D |
قالوا ... حظ عطيني وبالبحر ارميني
|
اقتباس:
أنا كتبت لكل هدول سوا . أنا بؤمن بوجود الحظ . وبشكل كبير كمان . بس بحاول كون علمي ومنطقي قد مافيني . ياترى العلم شو وجهة نظرو بهالقصة ؟ عندك معلومات ؟ |
اقتباس:
بسم الله من وين نطيتيلي :cry: كنتي ببالي وأنا عم أكتب أخر رد مشان اسألك علم النفس شو بيقول بالحظ ؟ . مالقيتك غير كاتبة رد |
اقتباس:
محظوظ .... |
اقتباس:
صعبت السؤال بحبشت و لقيت انو الحظ هو شی ما فی الانسان یتحکم فیه (مش مقنع هالشي) و بعدين كلو قدر و مكتوب والحظ بيتغير حسب ظروف الانسان الي متابعه بالموضوع :D |
اقتباس:
غلطان . يلي بيعرف بدايتو بيقول عنو محظوظ . بس95 % من الناس بعد عشرين سنة مثلا مابتعرف بيداتو . وحيكون بالنسبة الهم ناجح . وممكن يكون مثال يحتذى |
اقتباس:
|
اقتباس:
قدر ومكتوب . لازم كون عملي .مع أني مؤمن بالقدر . بس مابيصير يكون تفكيري سلبي ولازم أعقل ومن ثم أتوكل . و اذا في طريقة ممكن تساعدني كون محظوظ بدي ياها :D وردة للمساتك بالموضوع |
اقتباس:
اي ابن الحلال عند ذكرو بيبان :angel: بالباراسيكولوجي وعلوم الماورائيات بيقولو في شي اسمو قانون الجذب أنك بأفكارك بتجذب الشي يلي رح يحصل معك حتى مخاوفك أنت بتجذبا ... يعني لما بتخاف من شي وبتضل عم تفكر فيه فبيحصلك متل ما صار معك هلا أنت :lol: وفي مثل بهالخصوص بيقول ... يلي بيخاف من الديب بيطلعلو ... اليوم كلو نازلة ضرب أمثال :p لهيك كتار من جماعة علم النفس "التجاريين" بيبيعوك أوقات كلام حول صنع السعادة وجلب الحظ وعلى أن الحظ ما بيجي صدفة وإنما أنت بتصتعه وكلمات منمقة أنا بشوفها عبارة عن أبر مورفين ومسكنات ألم ليخلوك تتفائل ... لكن كحقيقة علمية ما بآمن فيها الحياة مليئة بالأمثلة عن ناس بتحس النحس راكبا وناس الحظ معها طول الوقت بس إذا رح نضل نقول كلو من الحظ فمافينا نعمل شي معناها ونضل ناطرين يوم حظنا يلي ما كان يجي لهيك بحب أنسى أنو في حظوظ لما بدي أعمل شي ... بس ما بخفي عنك بحس في لاعدالة رهيبة بتوزيع الحظوط بين البشر :D |
ما بيقولو حظ اعطيني و بالبحر ارميني
و المنحوس منحوس لو علقولو ب***وا فانوس |
اقتباس:
بيني وبينك عام حاول أعمل حلمي هاجس بناء على النظرية يلي سمعت فيها من فترة . بس هاد بنفس الوقت عم يجعل حياتي كلها ضغط . يعني كل هواجس ومشاكل اليوم بترجع بتطلعلي بالمنامات . يعني بالنهار وباليل تعب تفكير وقلة راحة . لك بتمنى شي يوم تروح هالأحلام وشوف فارسة أحلامي بالمنام :oops: لك أخ من الحظ شو بحس حالي منحوس :pos: . ياترى الرياضيات بتعترف بالحظ ؟ |
اقتباس:
ايدي بأيدك . اذا في طريقة نكون فيها محظوظين |
انا ما بعقد كتير القصص
الشي اللي منسميه نحن "حظ" مانه اكتر من أخطأ عشوائية بتنتج عن عدم اكتمال الواقع ماني معقد القصص كتير مو :lol: كمثال بسيط كيس فيه طابتين وحدة خضرا والتانية سودا قلتلك سحاب طابة من هلكيس .. شد احتمال تكون سودا ؟ نظريا وعلى الورق الاحتمال 50% يعني ممكن تكون سودا وممكن تكون خضرا بس الواقع بئلك انه ممكن تسحب الطابة 10 مرات من الكيس وتطلع 10 مرات الطابة الخضرا وولا مرة تطلع الطابة السودا عدم كمالية الواقع بتخلق الشي اللي منسميه نحن "حظ ومحظوظ " |
اقتباس:
|
اقتباس:
الله ما كتب للانسان كل تفاصيل حياتو من صغيرة و كبيرة الله كتب للانسان السبل و الطرق و بينلو كل طريق و وين بيوصلو و اعطاه العقل ليمييز بين هالطرق و قلو اختار طريقك |
اقتباس:
بنوب مالك معقد القصص :lol: كيف فينا نحط قانون بيحكم هاد الكلام ؟ |
اقتباس:
|
اقتباس:
لهيك ما في شي بيعتمد على مبدأ "الحظ" بما معناه .. متى ما كان في عندك قانون == اختفى شي اسمه حظ قاعديا عامل الحظ بمثل الحالة الاستثنائية أو الشذوذ عن القاعدة .. وهلشي ما بيخضع للقاعدة لأنه بالأصل شذ عنها يعني انا طالب جامعة كتبت مادة ومتأكد اني نجحان فيها .. وطلعت المادة راسبة الشذوذ بهي الحالة بكون انه الدكتور ما صحح بناء على السلم أو تم اغفال شي جزء او ما فهم شو اللي انا قاصده لو بترجع للقاعدة الاصلية .. انا كاتب صح = انا ناجح بالتأكيد وعامل الحظ مغيب تماما بالمعادلة هي |
اقتباس:
أنا معك بهاد الكلام . بس حاولنا نسقط الكلام رياضيا حيطلع معنا أنو الحظ 50 % . متل مثال الطابتين |
اقتباس:
حظي مر ومو طيب بنوب :frown: |
اقتباس:
القصة عدم وجود عدالة بالدنيا وهيك مو اكتر :pos: هاموش ابو طوني وينك مش اون لاين |
اقتباس:
|
اقتباس:
هلأ هيدا يلي شفتو:? |
ممم هاي
الحظ! انو مش دايما ازا الواحد كان غني فيعني حظو بالحياة حلو والفقير حظو نحس! اوكي : حظ البني ادم بيجي من خلال ظروف عايش فيها (يعني الناس يللي حوليه مش غني او فقير) طيب هلأ الحظ موجود ما اختلفنا بس المشكله انو كل انسان بيتطلع على غيره ( ليش يعني معاشه اكتر,ليش عنده هي السيارة ,يبعتلو على هالحظ اللي عليه ..اشمعنى متغرب لبرا ,,شو احسن مني ,يفدح حريشو عهالحظ .. الخ) هي الاشيا فيها حظ اوكي بس كمان هو الشخص يللي بقرر يمشي مع هالامور او لأ (يعني كان في يشتري سياره ارخص و يوفر ) صح او لأ بس الانسان دايما بفضل ا لاحسن (مش موضوعنا).. يعني مثلا انا ماشيه بالطريق و المنطقه ما بعرفها: ولقيت مفرق يمين مفرق شمال و طريق دغري,, يعني وين بدي روح .هون ما بيشتغل الحظ ,,هون بيشتغل الحدس لأنو كل انسان عندو حاسه سادسه ما بحس فيها الا بلحظات معينه ( مثلا:لحظات الضياع عند امر معين) لنقول حدسي قلي روح شمال اوكي بروح هلأ يمكن ضيع بس بالنهايه رح اوصل عمكان لاقي في حدا يدلني..هون انا ما بضطر ارجع المسافي الي مشيتها لحالي لأ بكون معي حدا يوجهني و هيك برجع علطريق المزبوط اسرع من انو كون لحالي.. طيب هون لما انا وصلت عند الشخص الي سألته هون بقا كان حظي حلو انو شفت حدا يدلني ( اشتغل الحظ) و هيدا ازا بدل عشي بدل انو كل انسان قادر يتحكم بالحظ .. يعني الواحد ازا كان مخير بين وظيفتين اكيد دايما بنقي الافضل من بيناتهن..(يعني بكون حظو حلو؟؟اكيد لأ لأنو هو الشخص تحكم بالاختيار ما نطر الحظ يختارلو) تجربه شخصيه:oops::واحد قاعد بلا شغل تلات شهور و عم يفتش عشغل,,وما حدا سئلان عنو,بس يلاقي الوظيفه فجأة بتلاقيهلن لقولو وظيفه و كل وحده بمحل احسن من الوظيفه يللي لقاها (تربيح جميله)..وما بينقبل ب ولا وحده (اماكن ما في) و اوقات المقابلات بكونو بنفس الوقت تقريبا و بكون راح وقت المقابله يلي لقاها و بيرجع الواحد بزور بالبيت كمان و بيرجع يفتش عن وظيفه ( الحظ هون بيفلق الصخر) بس الحمدالله رجع مشي الحال و ما قلنا لحدا مكان التوظيف قبل الاستلام:p و الواحد توظف بلا جميلة العالم و مشي الحال ( هيدا هوي الحظ ..) الحظ انو الانسان يتحكم بحياته مش يللي حوليه يتحكمو فيه..و بتمشي الحياة متل ما بيرتاح :deal: ما بعرف ازا الحكي كتير صح ..بس هيدي وجهة نظري:shisha: :ss: |
اقتباس:
معك أنو بس استلم الشغب بدي اتعب فيه . وأي شغل تاني بدو تعب . بس انو الفرصة بتكون أجت لألي عدا عن غيري . هاد هو الحظ . والألعن يلي الواحد كل مابيتعب بشغلة مابيستفيد منها ( متل مابيقولو بيضربها يمين بتجي شمال . يعني هو مو مقصر بس الحظ ماعم يساعدو |
| الساعة بإيدك هلق يا سيدي 10:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون