|
سوريا الله حاميها.............. و من الفيروسات منجيها.......... و على الأوبئة مقويها
لا بد أن كلنا سمعنا في الأونة الأخيرة عن مرض يدعى بأنفلونزا الخنازير ذاك الوباء القاتل الذي بدا بعدة دول في العالم و انتشر إلى كله حتى أعلن وباء عام و أصبح هذا المرض يفتك بالكبير و الصغير و بدأت الدول بأخذت إحتياطات كبيرة و تحركت حتى تحمي شعبها من هذا الوباء أما مصانع الادوية فأصبحت في سباق تتسارع خطواته لأكتشاف أو أبتكار دواء جديد يحد من هذا المرض و رغم كل هذه الأحتياطات و النشاطات المضادة لهذا الفيروس إلا انه أنتشر انشار كبير و باتت الدول تعلن حالات كثيرة من الوفيات و المصابين المرض أنتشر في أغلب دول العالم و في العالم العربي بات في كل دولة تقريبا هناك عدة حالات فهناك حالات في مصر و المغرب و الأردن و غيرها لكن لحظة إن كل الدول المحيطة بسوريا أنتشر فيها الوباء و لكن سوريا لا كوني أعتبر أن سوريا هي ليست دولة عربية فانا لا أستغرب الأمر و لكن هذا من الناحية القومية امامن الناحية الجغرافية فهي محاطة بالدول التي تحوي على الوباء فهل من المعقول ان و لا اي فيروس قد حاول الدخول إلى سوريا حتى و لكان ذلك تهريب من لبنان أو من تركيا انا أقد و أفهم ذلك بأن حدودنا مراقبة جيدا و لا تسمح لأحد بالمرور إلا بسلسلة إجرائيات معقدة و لكن الفيروس صغير جدا لدرجة أنه لا يرى فهل منع أيضا ؟؟؟؟؟؟؟ يقولون ان سوريا الله حاميها و لكن هل الله يجعل الفيروس ينط (يقفز ) من ايران إلى مصر و من تركيا إلى الأردن دون المرور بسوريا؟؟؟؟؟؟؟؟؟ و الله على كل شيْ قدير طيب لنرى ما هي الأجريات التي اتخذت في سوريا لمنع هذا الفيروس ففي كل الدول جهزت المطارات بأجهزة حساسة جدا تكشف الفيروسات فورا بالدم اما عندنا في المطار السوري و بما ان الدولة لها ثقةكبيرة بشعبها فتجعل الشخص يوقع على استمارة تنص أنه غير مصاب بألام البلعوم أو الحمى انها لحماية و وقاية كبيرة و لكن يبقى السؤال هل فعلا لا نملك أي حالة من حالات أنفلونزا الخنازير؟؟؟؟؟؟ و دمتم سالمين :D |
يا زلمه لا تفاول , بلاش اليوم تسمعلك شي خبر لا سمح الله . . ! ! ممكن الحكومه السّوريّه ماخده أحتياطاتها اللّازمه للحيلوله دون دخول هذا الفيروس الى سوريا , أجراءات معيّنه غير الّي حكيت عنها . . . ! ! وإنشالله ما بدخلها ! ! :D |
اقتباس:
لكن اللي بعرفو .. انو شركة ألفا للصناعات الدوائية - بحلب - أنتجت دواء هوي عبارة عن 10 كبسولات ضد مرض انفلونزا الطيور H1N1 ويصلح للاستعمال ضد مرض انفلونزا الخنازيرH5N1 ، كونهن من نفس الفصيلة فيك تعتبر الدواء كمان ما وزعوه بالصيدليات انما تم تسليمو لوزارة الصحة وسعرو بالسوق بحدود ال 800 ليرة مو اكتر بحاول احصلك عالخبر لانو نزل بكزا صحيفة محلية لهالسبب يمكن ما عمنسمع عن هيك حالات بسوريا :D |
هاد الخبر
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
هلأ هالمضاد , فعّال ضد أنفلونزا الخنازير ؟ ؟ :shock: وشركة ألفا فدرت تصنّع هالمضاد , وأمريكا وبريطانيا والدّول المتقدمه ما طلع بأيدها شي ؟ ؟ ! ! :? |
يعني اول شي انفلونزا الطيور مو موجودة و هلق انفلونزا الخنازير كمان مو موجودة يعني فيك تعتبر انو نحنا عايشين تحت الله ب سنتمتر اذا مو اقل انا من وجهة نظري اكيد في بس يبدو في تعتيم اعلامي من التلف_زيون الوطني (الله يخليلنا ياه ) :jakoush: |
اقتباس:
+ بستنتج من ردك انو مستغرب هيك قصة ممكن تطلع من عرب... التقدم غير محصور على امريكا وبريطانيا وهالدول المتقدمة هي الي عمتحكي عنها وكونهن من سوريا اللي أوجدوها هاد ما بيعني انو نشكك بمصداقية انو يا عمي بالله هدول العرب ممكن يطالعو هيك شي ؟ وبالنهاية مين هدول امريكا وبريطانيا .؟ بيني وبينك ... اي طز .. :lol: العرب ، وفيني افتخر وقول السوريين خاصةً لا زالو مأثبتين وجودهن بقوة خصوصاً بالمجال التقني / كـ روبوت بكندا صنعو أخين سوريين واحد عمرو 18 والتاني 21 / ومتصفح انترنت طفل عمرو 18 سنة من سوريا ساكن بسكوتلاند .. بالإضافة لقصة دواء شركة ألفا ، في طبيب سوري حالياً بالسعودية / بالاحرى السعودية تبنتو / وفتحتلو مركزين بالسعودية وبدبي لمعالجة السرطان / اللوكيميا والرئة خاصةً .. لكن العلاج معمم عكل السرطانات تقريباً / والدواء سعره بخس جداً بالنسبة لهيك مرض وبالنسبة للسنين اللي عميشتغلو على إيجاد هيك دواء كل هالاشيا هي بتثبت انو العرب او السوريين لا زالو متواجدين بهالساحتين وبقوة :D |
في فرق بين العلاج و اللقاح... منظمة الصحة العالمية تتوقّع انو يبدأ انتاج اللقاح بشهر أيلول (سبتمبر) و لكن العلاج موجود الآن, الكثير من المضادات الفيروسية العادية الموجودة بالسوق فعّالة ضد هالفيروس...
فيروس إنفلونزا A مانو بهالخطورة (كمرض).. عبارة عن حالة انفلونزا... رشحة ممكن تكون قوية.. و ممكن يشفى منها الواحد دون علاج.. اللي مخوّف انو فيروس جديد, و ما نعرف اعتباراً من هالفيروس شو ممكن يطلع (الفيروسات تغيّر أشكالها و خرائطها الوراثية باستمرار و بسرعة عالية جداً). أما ليش بأول طلعتو قتل عالعدد الكبير نسبياً من الناس.... فربّك و السلطات الصحية المكسيكانية أعلم |
اقتباس:
هلأ أمريكا وبريطانيا صارت مو نافعه , ما علينا . . ! ! :pos: هلأ ولا واحد من المخترعين والمكتشفين الي ذكرتهم عايش بسوريا , واحد بكندا , واحد بسكوتلاندا , واخر شي بالسعوديّه , طيب يا ترى لو كانوا هدول الشلّه موجودين بسوريا , رح تقدر الحكومه السّوريّه أنّه تدعم هالشباب الواعده , وتقدر تتبناهم , وتخليهم يكملوا أختراعاتهم أو أكتشافاتهم بكامل الحريّه و الأريحيّه . . . شغله تانيه أو (مشكله تانيه) : انّه أغلب المكتشفين والمخترعين العرب عم تتبنّاهم دول وشركات أجنبيه , والأكتر من هيك أنها الدّوله بتقدم الجنسيّه للشخص هاد , لأنهم بحاجة لهيك شخص مفكّر , غير الّي عندهم كمان , وطبعاً بنسّوه بلده وأهله كمان من الأغراءات والمصاري الي متل الشّتى . . . فللأسف ما إستفدنا شي , بكرا بيحكوا عنّه "مخترع بريطاني , أمريكي , وهلمّ جرا" . . ! :D |
اقتباس:
لك بترفع الراس يعني اذا واحد إجا على المطار و قالولو انك لازم توقع على ورقة انك مانك مصاب بالمرض طيب ليش ما سوت متل كل الدول بأن تحط أجهزه كاشفة للمرض؟؟؟؟؟ ليش ما سوت حملات أعلانية للوقاية من المرض؟؟؟؟؟ ليش ما سوت مراكز فحص ؟؟؟؟؟ و ليش و ليش و ليش ........... و الله نحن عايشين على رحمة الله :D |
اقتباس:
اه يعني منشان هيك ما سمعنا بأي اصابة بأنفلونزا الطيور لان الدوا سحق الفيروس يلي بداخل المواطن سحق و ما خلاه يتنفس ابدا حلوة :D |
على فكرة سمعت من شخص ذو اطلاع وسمعة حسنة :p . أنو في 7 حالات بدمشق . موجودين بمشفى المجتهد ومشفى المواساة ومشفى تالت . ومحاطين بسرية تامة . والله أعلم |
اقتباس:
حبيبي لو قلت للشركة أنو تسوي دوا للإدز ما رح تقصر :lol: :D |
أهلي هلكوني بهالقصة إنو ليش كل الدول اللي حوالينا ماصارلا شي ونحنا لا
بس مابعرف عن جد بحس إنو في تعتيم بس كلام الناس كمان بينتشر بسرعة والقنوات الخاصة ممكن تفضح وتكشف إذا في شي!! |
ما بستغرب أبداً تكون صارت حالات و حتى اللي انصابو فيها مالون خبر... انو رشحة صيف لعينة و مضت
نظرياً اذا مافي مشكلة مناعية من الممكن جداً الشفاء بدون تدخّل دوائي.. |
اقتباس:
سوريا محطمة العمالقة :jakoush: بس يا شباب خلينا بالأنفلونزا تبع الخنازير :D |
اقتباس:
:lol: |
اقتباس:
فيروس جديد طيب ما لازم نترعف عليه شخصيا :lol: |
اقتباس:
يعني لو راحو فيها أقتصادية بيكون أحسن و قال سووا لقاء مع وزير الصحة و قالولو بدنا منك بشفافية هل يوجد اي حالة من المرض فقال بكل شفافيه .......................................... لا |
اقتباس:
:D |
اقتباس:
لك ممكن يكون في تعتيم على كذا حالة بس انو كل الدول يلي حولينا فيها المرض و نحن لا اي شي غريب ما هيك ؟؟؟؟؟؟ |
ما بعرف ليش ..
حاسس هالمرض تجليطة من منظمة الصحة العالمية .... لتنشيط تجارة الادوية بظل الازمة الاقتصادية العالمية اذا بتشوفو هالرابط لأحصائيات الاصابات حول العالم - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - رح بتشوفو أنو ضحايا الانفلونزا العادية يللي بينصابو فيها كل البشر و تعتبر مرض كتير عادي اكتر بكتير من ضحايا انفلونزا الخنازير |
اقتباس:
بس شو منشان الأنفلونزا ؟؟؟؟؟؟؟ من الصنف السوري يلي بيكسر الدني ؟؟؟؟؟ |
اقتباس:
بطبيعة الحال أنا ما عم دافع عن وزارة الصحّة ,و لو انو بمجالات معينة و ضمن امكانياتها ممكن تكون أكثر الوزارات كفاءة... الواحد يقول الحق يعني بما يخص الإنفلونزا المكسيكية (أو شو ما كان الاسم المستخدم).. شخصياً انا بعد للمليون قبل ما أكذّب وزير الصحة.. لأنو ببساطة مالو مصلحة يكذب, يجوز فعلاً ما صار في حالات... أو الحالات ما وصلت للمشفى (و هاد أمر مو بايدو وزير الصحة بأي دولة كانت.. هو مافينو يراقب ملايين الأشخاص). بخصوص أجهزة الكشف و كل هالقصص هاي.. يعني بصراحة دول متطورة جداً ما استخدمتها, و اذا بدكون رأي شبه اختصاصي (رأيي يعني:lol:) هاي الحركات ليست إلا عبارة عن placebo مشان انو ليكو عم نراقب (و تستخدم بكثرة في بعض المجتمعات المعروفة بنزعتها نحو الاستنفار).. جهاز الكشف عبارة عن سكانر حراري, يقيس حرارة اللي عم يمر أمامو بسلّم ألوان.. طيب بلكي اللي داخل لساتو بالمرحلة I من الإصابة و لسى ما ارتفعت حرارتو؟ هاد مرق و ما حسينا عليه.. فانو اذا مافي اجهزة هاد ما بزعل عليه... بعرف بشكل وثيق انو وزارة الصحة عندا مخزون من المضادات الفيروسية يكفي للتصدّي لهجمة مرضية عنيفة جداً بالبلاد, و الوزارة عم تطبّق بروتوكولات منظمة الصحة العالمية.. انو في دول معيّنة يحبو حركات الاستعراض (كوريا الشمالية, اليابان... الخ) و عاملين شغل أفلام هاد حكي تاني.. و كل هالحركات و ليكو صار عندون حالات... يا زلمة بعدين 90% من الأمور الإدارية السورية ماشية "بقدرة قادر"... فلا تدقق :lol: |
هلق الدوا اللي عملتوا ألفا هو التامي قلو
وهوي نفسو دوا أنفلونزا الطيور وهي حل مفيد لأنفلونزا الخنازير اذا اعطي بين ال 12 و ال24 ساعة ومشان الاجراءات بالمطار وع المنافذ الحدودية متوفر أجهزة حراية متل اللي بكل العالم والمراقبة شديدة جدا وحتى انو اشتبهوا بحالات وبعدين ما طلعت أنفلونزا خنازير انا بظن انو ما عنا حالات وانشالله يطلع الظن بمحلو |
اقتباس:
بس الفكرة انو اسمعنا كتير انو في حالات صارت عنا مصابة بأنفلونزا الطيور بس ما أنكشفت هلق الحكي أكيد انا بقلك انو ما بعرف لانو هو عبارة عن حكي ممكن يتبهر بس الفكرة انو لإذا كان في حالة أو حالتين من المرض عنا فعم يتم التعتيم عليهم من شان البرهان أنو كل الأجائيات يلي عم تتخذها الوزارة جيدة و عم تعطي نتائج مطمئنة من جهة و من جهة تانية مو من مصلحة الوزارة أنو تكشف عن أي حالة لانو رح تسبب حالة كبيرة من الهلع و الخوف الشعبي و رح تتطر الوزارة لتفوت بفوتات هي مالها فيها أو بالأحرى مانها خرج تفوت بنقد الشعب و الصحافة و منشان هيك فسياسة التعتيم و الحد المبكر أو الوقاية بحجز المصاب هي أفضل من الأعلان اقتباس:
ليش بس 90 % قوي قلبك و قول 110% :lol: تحياتي إلك :D |
اقتباس:
يعني فعلا ممكن يكون تضخيم للقصة بس الفكرة انو فيروس جديد و عم يتسلى بهالشعب منشان هيك لازم تصيرلو شي ضجة اعلانية لان الألبوم الاول تبعو يلي كان تبع الطيور لك اي سوا ضربة بالسوق و طل الناس سمعت أخبارو فعني هلق نزل البوم تاني بأسم الخنازير و شكلو ضارب منيح و المبيعات عم تزيد بس شو ممكن يكون عنوان الالبوم التالت :lol: |
اقتباس:
انو انشالله عنجد نكون بخير أحلى زينو:D |
اقتباس:
لو في حالات, الطبيعي انو تنحكى... لسبب بسيط, انو اذا عندك حالة حالتين تلاتة... شو ما كان الرقم, من الأفضل لألك و لمصداقيتك المهنية مش السياسية انو تحكيهون و بوضوح, من وين اجو (و الله عنا تلاتة قرايب اجاهون ابن عمهون من أميركا و قعد عندون بالبيت اسبوعين, أو عنا طالب جاي من مدري وين, أو كذا و كذا).. لأنو لو عتّمت و عرفو الناس انو في حالات, راح تنضرب مصداقيتك.. و انت بين كل الناس (كمسؤول بالقطاع الصحي) ما يجوز مصداقيتك تنضرب لأنو بلحظة من اللحظات ممكن تطلب من الناس يتحرّكو باتجاه معيّن و لازم يكون الك عندون المصداقية الكافية لحتى يصدقوك. بخصوص شو البروتوكول المطلوب الآن من منظمة الصحة العالمية: المنظمة طلبت من الدول الأعضاء انو الاجراءات ما تأثر على تنقّلية الأشخاص, و بالتالي ما فيك تعزل بدون سبب واضح جداً... و الاستمارة اللي عملوها لما بدأت القصة بالنسبة للقادمين من الدول "الحرجة" هي نفس الاستمارة اللي استخدموها بالاتحاد الأوربي... و أنا شايفها بعيني (فحص حرارة, و مجموعة اسئلة حول صحة الشخص بآخر اسبوعين) و بدك تعتمد ع ذكاء الأشخاص و حسن نيتهون.. ما حدا احتمال يكون مصاب بهالمرض راح يكذب عليك.. لمصلحتو الشخصية البحتة! أما الاشاعات... فوالله يا صاحبي (و بدون رغبة في الانتقاص انما فقط للتوصيف) مافيك تلاحقهون و لا فيك تعمل شي تجاههون, بالزمانات عنا بالبلد حاولو يخطفو ابن تاجر دخان مهرّب جماعة الهون عندو مصاري... و يا لطيف خلال الشهور التالية طلع في بالبلد عصابة خطف, و لو تجمع عدد القصص و الحالات اللي سمعتها يطلع معك انو كل أطفال هالبلد انخطفو... بدها طولة بال... و انشالله تمضي القصة على خير, خصوصي انو نحنا هلأ بالصيف, و خلال شهور عديدة راح يكون في جو حار, و هاد شي ممتاز لأنو الجو الحار بيقلل من شراسة فيروس الانفلونزا... لبين ما تركد الأمور تماماً |
نظرية المؤامرة بخصوص انفلونزا الخنازير بعتقد انها تسقط بثقلها الذاتي... لأنو صح الانفلونزا العادية أكثر انتشاراً و أيضاً تسبب وفيات, و لكن بعتقد انو اجراءات منظمة الصحة العالمية (اللي هي بالنسبة الي المنظمة العالمية الوحيدة اللي بعطيها مصداقية 10000 %) كانت ممتازة جداً.. و اذا القصة ما تطورت فهي بفضل الاجراءات اللي قدرت تقص المتوالية الهندسية من بداياتا... قبل ما القصة تتحوّل إلى شوربة... كحالة الأوبئة الأخرى
|
اقتباس:
انو نحن نكون معافيين ما عنا و لا أي حالة و نكون بخير بس كمان ما فينا نضع كل ثقتنا بالوزارة لما تقول انو ما في حالة موجودة عنا و كل الدول المحيطة انتشر فيها الوباء يعني صح نحن ما شفنا أو ما في اي حالة عنا بس هاد لا يعني أو أكيد ما في عنا أي حالة و بالنسبة للمصداقية انا برأي أنو لما تقول وزارة الصحة بشكل علني أنو نحن قدرنا أنو نحمي سوريا من الوباء بكون موقفها أقوى بكتير من لما تقول أنو في عنا كذا حالة بغض النظر عن الشي الصحيح انو في أو ما في لان ممكن أنو الوزارة تلاقي حالة فتسعى لمالجتها و عزلها صحيا عن العالم للمدراة من جهة و للحماية من جهة أخرى يعني وجود حالة عنا لا يعني أنتشار وباء و بالتالي عدم الأعلان عنو و مداراته بالطرق الصحيحة بيكون أفضل من نشر حالة من الرعب الجماهيرة يلي ممكن يكون مالها داعي :D |
اقتباس:
مبدئياً و حتى يكون في معطيات تثبت العكس, أنا بوثق بحكي وزارة الصحة... لأنو ماني مستفيد من العكس, انو حتى لو عم يكذبو (و هاد شي بستبعدو).. أنا شو مستفيد؟ بما يخص الدول المجاورة... ما فينا نقول انو صار في وباء لأنو بكل الدول المجاورة و المحيطة ما وصل فيها عدد الحالات المؤكدة إلى 30 حالة-بكل دولة على حدا- (و أغلبهون ما وصل العشر حالات) فهاي حالات تؤخذ إبيديميولوجيّاًَ (علم الأوبئة) على إنها حالات هامشية متعلّقة على الأغلب بعلاقة مباشرة من منابع المرض, يعني واحد كان هنيك و اجا مريض, أو اجا و عمل عدوى لأحد أقرباؤو... كنت متوقع بلبنان يكون في أكتر بسبب كبر الجالية اللبنانية بالمكسيك, و بلبنان في 12 حالة فقط... فما فينا نحكي علمياً عن وباء بالمنطقة, انما نحنا متل كل هالدول بالعالم.. بحكم العولمة معرّضين يفوتو علينا حالات أما بخصوص مسألة الثقة... يعني هلأ شو منكسب من انو ما نوثق بالإدارة الصحية؟ برأيي ولا شي.. في إرشادات صحّية للأفراد بخصوص تجنّب انتقال العدوى و هيك.. و على اعتبار ماني مقيم بالبلد مافيني قيّم اذا هالإرشادات تم نشرها بشكل صحيح... بس مصادر المعلومات موجودة, و اللي حب يعرف شو لازم يعمل عرف! الإدارة الصحية وثّقت لمنظمة الصحة العالمية انو عندا ما يكفي مخزون من المضادات الفيروسية يكفي عدوى كبيرة جداً (ضمن احصائيات محددة) و هاد شي ممتاز, أكتر من هيك مجرد اجتهادات مش أكتر أنا عايش باسبانيا و صار عنا هون فوق الميتين و شوي حالة (ما بعرف الرقم بالضبط بس فوق الميتين و خمسين).. و صدقني ما انقلبت الدنيا, و لا صار شي.... حياة طبيعية حتى بالمشافي, دون أي اضطرابات |
رابط مفيد حول الانفلونزا المكسيكية في منطقة شرق المتوسط:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
كمان عنا مثال حي
انفلونزا الطيور ما فاتت ع سوريا :p |
يا حبيبي و الي معو شوية رشح بكرة بالمطار بيعملولو قصة ؟!! :? |
اقتباس:
وحياتك إشاعة لو في هيك شي كانو اعلنو حتى تحتاط كل الجهات وتقدر تحصل على الادوية من الخارج هاد الشاطرين فيه بكرى بعد كام يوم بيقلولك هال7 صارو 20 والله اعلم |
اقتباس:
والسارس كمان:shock: فعلا انو شو مشان سوريا الله حاميها:gem: |
على ما يبدو ما عطوهم الموافقة الامنية ليدخلوا على البلد... ليش معقدين الموضوع انتوا يا اخوان :pos:
|
سؤال قبل ما نفكر على التعتيم الحكومي من عدمه
( ولا تواخذونا اذا مكرر هلسؤال لأن بصراحة لسع ما قريت الا كام رد من الأولانيات ) لو فعلا في انلفلوزنا ( طيرو - خنازير - جني أزرق ) عنا بسوريا في مختبرات وتجهيزات منتشرة بكل البلد بتقدر تكشف هلأمراض والأوبئة هي ؟ |
هلاء بما انو دول المغرب العربي ماعندون هالفيروس يعني لسا ما ضرب بكل المناطق وهالشي بخلينا نعتقد انو احتمال ما يكون بسوريا ولا اصابة . ويارب الله يحمي سوريا اكتر واكتر.
|
| الساعة بإيدك هلق يا سيدي 16:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
