|
اين تضع اشارة قف لنفسك "الخطوط الحمراء"
كلنا تربينا على مبادئ تلقيناها من الاهل او المجتمع او تشبعنا بها دينيا وثقافيا او توصلنا اليها بناء على تجارب عشناها شخصيا او دروسا تعلمناها من تجارب غيرنا وغالبا ما تتعارض قناعاتنا بخصوص المقبول والمرفوض المسموح والممنوع وتختلف من انسان لاخر فيفكر احدنا ان الغاية تبرر الوسيلة اي ان كان الهدف مشروعا يجوز استخدام الغش والكدب او غيرها مما لا يتوافق مع المبادئ التي يقتنع بها نفس الشخص في حين يقول اخر الغاية لا تبرر الوسيلة وان كان هدفك نبيلا فلا بد ان تكون مسيرتك نحوه بنفس الدرجة من الاستقامة قد يرى والداك امرا ما مرفوضا وغير قابل للنقاش وتراه انت عاديا بل وحقا من حقوقك فكيف تتصرف؟ اين تضع خطوطك الحمراء؟ ما هي المبادئ التي لا يمكن ان تخالفها مهما حاصرتك الظروف؟ ام ان المبادئ تفاهة وعراقيل نضعها لانفسنا تحول بيننا وبين النجاح والسعادة؟ ان اضطررت لارتكاب خطا ما كي تنجح اتفعله بضمير مرتاح؟ ام تتمسك بقناعاتك وتصبر وتثابر اكثر حتى تحققه رغم كل شيء؟ كمثال بسيط يتقدم كل سنة الاف المتخرجين لامتحان القبول الذي يسبق تحضير شهادة الماجستير لكن العدد محدد مسبقا على انه لا يمكن ان يتعدى 500 مثلا وهو معروف لدى الجميع انك ان قدمت مبلغا محددا من المال لاحد الاساتذة المصححين مبروك عليك النتيجة مسبقا هل تدفع هذه الرشوة ام تتانى سنة او سنتين وتقوي معلوماتك وتستعد جيدا الى ان تحصل على اقوى العلامات من بين كل الحاضرين مع ان هذا الامر سيتطلب وقتا اطول وجهدا اكبر؟ منتظرة :D |
[quote]
اقتباس:
انا صح اني بعمل اغلاط واشياااء انو بيكونو اهلي مو موافقين عليها ..وبعملها من وراهن ..:p بس انوو اغلااطي ولما بعملها وبكون عرفانه انها غلط قبل ما اني اعملها بحسب حساب لاهلي هالشي فيو مضره لاهلي او انو ممكن يصير من ورى شي يضر اهلي او يصير حكي ناس كتير وهيك .. والمبادئ طبعا واكيييد مو تفاهه لانو المبادئ هيه الي بتبني حياتي ..بس ئبل ما اعمل كل هااد بكون واثقه اكييد من نفسي اني اللي عم اعملو مقتنعه فيو او لاء .. يسلمووو عالموضوع:D |
طرح جميل
مبدئياً الموضوع مثبت 3 أيام والي رجعة للنقاش :D |
مساء الخير الموضوع بيعزف على الوتر الحساس;) أول شي المبادئ من اسمها هي أساسيات لتكوين الشخص والشخصية وما ممكن تكون تافهة أو غير ماخوذ فيها لان ما في حياة صح بدون مبدأ تاني شي انو متى بيصير عنا مبدأ شخصي؟ بعد تجارب كتيرة وفترة طويلة نسبيًا لحتى يصير المبدأ قناعة ثابتة غير قابلة لعمليات الحت والتعرية والترسيب ونادرًا ما بتكون المبادئ الشخصية مبكرة الظهور والتكون - هاي بدها سعة اطلاع وعقل نظيف - تالت شي وهوي الجواب على اسم الموضوع انو الخطوط الحمرا غالبا بتكون بسبب المبادئ يعني إشارة قف موجودة بكل مكان فيه مخالفة للمبدأ متلا إني غش بامتحان أو غيره لحتى حصل كم علامة هاي خط أحمر بالنسبة إلي قناعتي بالمصلحة المرتجعة من شي معين خط أحمر يعني لحد بعيد بفضل كون راضية على اني ارضي الي حولي لان أنا الي عايشة حياتي مو غيري وهاد لا يعني ما اسمعهن ولا قدر نصحهم بالعكس تمامًا وبالنسبة لموضوع الأهل تصرفاتهن بتكون من منطلق الخوف والنصح وأنا بركز على التقاطعات أكتر من نقط الخلاف التكوين الفكري عندي خط أحمر وبيكهرب كمان :Dالك حنين. |
اقتباس:
اي .. بدفع اقتباس:
بعيدا جدّا ..مشان ما وصّلا .. وكل ما قربت منا .. بشلفا لبعيد .. اقتباس:
اقتباس:
احيانا .. ووقت بكتشف انو هيك .. ممكن انو تتغير .. |
حلمي.. خط أحمر..
وكل شي في سبيلو مباح.. |
خطي الاحمر هوي سعادتي على حساب سعادة الاخرين..
وتحقيق حلمي على حساب احلام الاخرين.. رغم انو دفعت مسبقا تمن كبير كتير لحتى ما اتجاوز هيدا الخط.. بس انا غير قادرة حتى على التفكير بتجاوزه.. بمعنى اخر اذا كانت سعادتي واحلامي ما بتأذي حدا ما عندي اي مشكلة بس اذا كانت رحتحرم حدا من فرصة بيستاهلها اكتر مني الموضوع بيصير خطي احمر.. |
اقتباس:
فايتة اكتب هيك كانك بقلبي كفيتي ووفيتي عني:D:D |
ما بعتقد أنو عندي خط أحمر..أو بالأصح باعتقد أنو عندي خط برتقالي.. ممكن يصير أحمر وممكن يصير أخضر..لأنو ما باؤمن بشي ثابت بالحياة.. بس مافي شك أو الانسان لازم يكون عندو مبدأ بالحياة ويمشي عليه ويتمسك فيه طالما بقلبو في ايمان بهالمبدأ
|
كتبت اكتر من رد بس رجعت و محيتون
ما كنت اعرف حدد بشكل قطعي وين هيي خطوطي الحمرا بس بتوقع هالخطوط بتفرق بين الاشخاص يلي بتعامل معون يعني الخط الاحمر مع شخص بيصير ابيض و ناصع البياض مع شخص تاني بس اكيد في خطوط اساسية ما بتجاوزها ابدا وهيي لما سبب اذى لشخص بتصرفاتي وهوي ما بيستاهل و كون عارف من الاول انو تصرفي رح يأذيه |
[quote=شمس سوريا;1280777]
اقتباس:
بظن ان الاهل بالذات الابوين بيستاهلو منا شوي تضحيات اقل شي مراعاة لشعورهم ومحاولة فاشلة لرد جزء من تضحياتهم عشاننا برايي يستاهلو نلاقي حل وسط لما نختلف معهم تسلمي شمس:D |
اقتباس:
مستنية رجعتك بفضول:D |
اقتباس:
والك 100:D |
اقتباس:
واضح انك من الناس اللي بيرفضو التصنع والتمثيل لارضاء الغير وهاد مبدا حلو كتير يظهر انك نسيت تذكرو:D تحياتي:D |
اقتباس:
:shock: :D |
ناي وبنفسجة
هالمبدا بالذات متعب جدا ولازم ترافقو شوي انانية بس لتخفف ضريبتو العالية جدا خصوصا ادا كان هالاخرين ما بيعترفو ببعض المبادئ :D الله يقويكم |
ماني مفكرة بخطوط حمرا
بس اللي بعرفو انو كل شي مقتنعة في رح اعملو حتى لو كان الكل شايفو غلط وانا بآمن انو الله خلقنا عقل لنفكر فيه ولنقرر الصح من الغلط مو لحتى نخلي التقاليد والعادات والمبادئ عالعقل الحجري هية اللي تمشينا وتخلينا نضغط على حالنا لحتى العالم ما يطلعوا علينا ومشان السؤال تبع الرشوة اذا كان هالمبلغ متوفر رح ادفع اي وميرسي عالموضوع |
اقتباس:
الا اذا كان مبداك السريةالتامة:p :D اقتباس:
بس بيظلو خطوط حمراء متل الكرامة والخصوصة على سبيل المتال لا الحصر شكرا كتير محسن:D |
اقتباس:
اكيد سؤال الرشوة ادا كان متوفر المبلغ طبعا مستنية ردك وتحياتي:D |
هل تعتقد ان علينا مواكبة رياح الموضة الهوجاء حتى لا تكسرنا نكذب ان كذبو نتعدى ان تعدو ونرد بنفس طريقتهم واسلوبهم ولاننا لا نقل قوة ولا ذكاء والبقاء للاقوى؟ وهل ستبقى الارض صالحة للحياة ان انتهج الكل هاد المنهج هل ترى انا التزامك بقواعد الضمير يجعل منك ضحية وكبش فداء بلا ثمن لكل اللي جاوبو بدفع الرشوة الا تكون بذلك ايدت استمرار الوضع اماساوي الحالي وساهمت ببقاء عقبة امام بناء وطن حقيقي؟ سترد قائلا ان لم ادفعها سيدفعها غيري فهل ستشعر بالرضا الداخلي وانت تحصل على الشهادة ربما على حساب من هو احق منك؟ وكيف يكون التغيير برايك ام انه لا امل ولا رجاء؟ |
اقتباس:
احيانا يكون الموقف يتطلب ذلك اقتباس:
اقتباس:
اقتباس:
ان الكبار من المستحيل ان يتغيروا و لكن الأمل موجود في الصغار و لكن بالنسبة للوضع الذي نعيشه فكان في السابق يلزمنا مئة عام للوصول الى مجتمع نحلم به و لكن مع تنامي ظاهرة الفساد فنحن نعود للأسفل و لا نستطيع حساب الرقم المتبقي للوصول إلى المجتمع الذي نحلم به لا الألة الحاسبة لا تتسع لأرقام اكثر من ثمانية و لكن بالنسبة للأمل فالأكيد انه موجود -------------------------------------------------------------------------------------- على الهامش : أي هي حنين يلي بعرفها:lol: |
ليش ما بتعرفي شو صارت الجملة الجديدة عنا؟؟؟؟
مصلحة الولد أهم من مصلحة البلد ان حرف واحد الواو او الباء فالولد الأن يدمر البلد......... |
اقتباس:
اقتباس:
اللي بدو امل يبدا واغلبنا عاجز عن تقوييم نفسو كيف حيربي ابن صالح؟ والمثل الشائع عندنا "تخطى راسي" يعني المهم انا ما يصيبني مكروه والباقي ينحرق بما فيهم الولد معناها انتو احسن :lol: ---------- هامش مين حنين؟ انت تعرف هدى:lol: |
اقتباس:
فالحد أقرب بكتير بالنسبة الي يعني للنقطة يلي بكون فيها ما عم ضر غيري يعني مثلا بمعالات الجيش لك الشخص مضطر يدفع بلاوي حتى تنتهي المعاملة فأذا بدي قول ما بدي ادفع و مدري شو اي بحياتها ما رح تخلص اقتباس:
و في مجتمع عمه الفساد فمعنى الحق قد تغير اقتباس:
و لكن من يلقونها فمن اجل الولد اقتباس:
و لكننا لا نفقد الأمل بالشعور الأنساني الكائن فينا اقتباس:
-------------------------------------------------------------------------------------- على الهامش : أي هي هدى (:lol:) يلي بعرفها :D :D |
اقتباس:
لكنها قد تنمو يوما وتزهر وتثمر:D |
[qoute=حنين.] كل شي كل شي؟؟؟؟[/qoute]
اي كل شي كل شي.. من بسمة طفل لقنبلة هيروشيما.. |
اقتباس:
والاستغراب ما بوصفلك :shock: بس ماني زعلانة لانو صراحة ماني مصدقة ومعتبرتها مبالغة كبيرة |
اقتباس:
انا قلت العادات والتقاليد والمبادئ اللي عالعقل الحجري يعني تمسيح الجوخ و لاتعمل هيك لانو العالم بيحكوا ولا هيك و و و و و هاد اللي لازم يتغير وانا من جهتي بعتبر انو الصدق والامانة والاخلاص واحترام حرية الغير وحقوقهم مانون عادات مجتمع لانو المجتمع ما بيعلم احترام حرية الغير وكل هالاشيا هدول كلون اشيا مثالية والشخص بيكتسبا من العيلة العايش فيا مو من المجتمع هاد رأيي وبتمنى تكون وضحت فكرتي ;) |
اقتباس:
والباقي رايهم ما بيهمني بيكفني عناء اني ارضي ضميري واكيد ماني من انصار الافكار الرجعية والبدائية متل ما بايد ابدا الحداثة الي بتقتلع جذور الانسان وكمان حابة وضح اني ضد التحجر والتعصب الفكري حتى بقضية المبادئ لان"الضرورات تبيح المحضورات" بس بتمنى كل واحد منا يحكم ضميرو مو طموخاتو ورغباتو وقت بدو يقارن بين ضرر الغلط المرتكب والزامية والحاح الضرورة وما بيقدم على خيار كخيار الرشوة متلا الا لضرورة قسوى وبعد ما يتاكد من استنفاذ الحلول الاخرى ولسا في كمية اسئلة بحب اعرف اراؤكم فيها جاية بالطريق... |
اقتباس:
وهي الشغلةحلوة كتير.. وبتفرحني:D |
اقتباس:
|
شو كمان بالحياة في code de la route?
هيهيهيهي... انا اضع علامة ستوب يعني بايا مواضع ؟؟؟ باشيا ما تخصني و ما تتعلق فيي لا من قريب و لا من بعيد ..و كفى .. |
خطي الاحمر طموحي
|
اقتباس:
|
اقتباس:
|
اقتباس:
:D |
اقتباس:
بلكي انت كمان مستعد ترمي قتبلة نووية لتحقيق طموحك:o انتو ليش هيك بتحكو بشكل عام متقصدين تخوفوني:x |
اقتباس:
لا لا جد انا طموحي لازم يتحقق باي ثمن والا رح صير بلا ولا شي :shahbi7: |
الخط الأحمر كتير موضوع حلو
هلاء البعض بحاول يميع الأمر بس مشان يتسلى بس انا برأي هالموضوع كتير مهم وبدو نقاش جدي . طبعا برأي ما في انسان ماعندو خطوط حمرا بدل الخط الواحد بس طبعا بتختلف من واحد للتاني ، مثلا اللي بقول ماعندو خطوط حمرا رح اسألو اذا والدك صرخ عليك بتضربو شي ؟؟ اذا لاء معناتا هاد خط أحمر انت حاطو لحالك لأنو ممكن تقدر تضربو وماحدا يحكي أو مافي حدا يحكي معك. هلاء في أمثلة كتيرة الواحد ما رح يحكي كل شي.... ولأنو الحياة بدون هالخطوط الحمرا اللي بتحطا الحكومات أو بحطوا الأشخاص لحالون بتتحول لغابة بلا أخلاق وبلا قوانين . و برأي هالخطوط متغيرة من موضوع لآخر ومن شخص لآخر يعني ما في خط ثابت بس انو في خط------------------ |
ما بظن ان انا وانت متلا نختلف بالاساسيات اللي متفقين عليها كل البشر انها غلط
بس الاختلاف بترتيب اولويات كل واحد منا عندي متلا راحتي النفسية والضميرية اغلى من كل شيء لاني بشوف سعادتي ما ممكن تكون بلاها وطموحاتي كمان بلاها انا ولا شيء ومالي لزمة حياتي بس لوحققتها على حساب غيري كمان مارح سامح نفسي |
| الساعة بإيدك هلق يا سيدي 02:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون