|
"ولد غير شرعي "
كيف ينظر مجتمعنا إلى اللقيط ولد غير شرعي هذا هو السبب الذي دعا إحدى القنوات للقاء مع شاب لم يكن يعاني من أي مشكلة صحية أو من أي إعاقة بدنية فهو لم يمنح الهوية و السبب أنه و لد غير شرعي إنه ليس حالة واحدة اثنتان أو عشرة إنه حال المئات في بلدنا و بالرغم من وجود عدد جيد من المؤسسات الاجتماعية التي تهتم بإيوائهم و دمجهم بالمجتمع و إعطائهم معني أخر لحالاتهم حيث يسمونهم بــ " ذوي الظروف الخاصة " و لكن قانونيا لم يأخذوا حقهم أبدا . يجب علينا أن لا ننسى أنهم يعانون من نقص كبير في حياتهم فهم محرومون من أهم شيء في حياة الإنسان و هي عائلته و على الرغم من معاناتهم فهم يعانون أيضا من تلقيب المجتمع لهم بأولاد الخطيئة أو بأولاد الزنا أو بالمعنى الأكثر عموميا و مجتمعيا بأولاد الحرام فهذا هو عار يبقى معهم طوال حياتهم و المجتمع يعاملهم بدونية كونهم أقل مرتبة من باقي أفراد المجتمع و هذا هو واحد من الأسباب التي تجرهم إلى الانحراف و السير في الطرق المغلوطة و محاولتهم للانتقام من شعبهم قرأت في احد المواقع أن هناك فتاة حملت من شخص دون أن تتزوجه و لكنها رفضت أن تجهضه و في النهاية تجوزت هذا الشاب و أنجبت الولد لكن لم تكن هنا المفاجأة بل كانت عندما قال الأهل أن هذا الولد هو أبن غير شرعي و كان من الأفضل على الفتاة أن تجهض هذا الولد دون علم أحد و ستراً على الفضيحة لكن التعجب هل نسي هؤلاء الأهل أن الإجهاض هو كالقتل تماما فهل خطيئة القتل هي اخف و أقل وطئة من الزنا ؟؟ . . أصبحنا نسمع كثيرا عن حالات التبني و للتبني معاني سامية جدا في كل الأديان و لكن هناك كثير من الأهالي رفضوا أن يتبنوا واحد من هؤلاء الأطفال خوفا على سمعتهم و خوفا من كلام المجتمع عندما يقول أنه ابن حرام . . إن هذه هي واحدة من غرائب و عجائب مجتمعاتنا فهو يحمل الذنب ليس للمذنب و يدين لمن لا يستحق الإدانة , يشرع الأخطاء يحمل الضعيف أقصى أنواع العقوبات يتنكر لمن يجب أن يتحمل المسؤولية و يهن كل من أراد أن يفعل شيء صالح كتبني هؤلاء الأولاد و كل هذا تحت غطاء ( مجتمع متدين و محافظ ) ألم تُدن كل الأديان هذه المجتمعات المعنية بالقشور و الفاقدة للجوهر يتظاهرون بالدين و التقوى و يبتعدون أشد البعد عن روح الديانة . . ألا يفكر مجتمعنا في هؤلاء الأشخاص كيف أنهم يتمنون لو أنهم لم يولدوا بدل أن يعيشوا هذه حياه و ينجون بأعجوبة من موت أكيد على أبواب احد المؤسسات أو الملاجئ . . وأعود و أتمنى أن نعود و ننتمي لبيت نجوى الذي يجمع الناس تبعاً لإنسانيتهم و ليس لأصولهم فاللقيط هو إنسان مثلنا جميعا يستحق الحياة في كنف العائلة و في ظل كرامة المجتمع فماذا يفعل في شيء ليس له علاقة به أبدا فعلى الأقل عليتل أن لا ننظر له بعين الاحتقار أو الإهانة بل بعين الصديق :D |
لا اتصور ان النظره للأطفال الغير شرعيين بهده القسوة والظلم.صحيح هناك نظرة من بعض فئات المجتمع تتسم بالدونية والاحتقار لهم لكنها غالبا تصدر من الطبقه الغير متعلمة و من قبل أشخاص متشككين بطبعهم وهم الأقل بالطبع.
دكرت انهم لم يأخدوا حقهم قانونيا ,لا أعلم ما هو القانون لهدة الحالات في بلدك والدي اعتقد انه لايختلف عنه في بقية الدول العربيـة ..شخصيـا اعرف" 5" حالات مماثله والجميع كانوا يعيشون حياة طبيعيه تمـاما واحدهم تبناها قريب لي وهي تعيش معهم مند ان كانت في الأشهر الأولى من عمرها اي مند14 سنه ,لم اشعر يوما انهامختلـفه عنا في شيء باعتقادي ما يعانون منه هو نظرتهم هم لأنفسهم وشعورهم السيء تجاه انفسهم وتجاه والــديهم الدين تسببوا لهم بهده المأســاه .. موضوع مميز:D |
هلاء ازا بتسمحلي رح علق من وجهتي نظر .....
الوجهة الاولى ..النظرة المثالية الافلاطونية التنظيرية بتقللك انو لا .... هدول اخوتنا بالانسانية و مو ذنبون يكونو ولاد حرام و الحق أول شي عالاهل المجهولي الهوية اللي ارتكبو الجريمة..... و تاني شي عالمجتمع المتفسّخ المتخلف اللي بيواجهون بهالنظرة الدونية و لازم نحن ننظرلن بعين المساواة متلن متلنا.... الوجهة التانية ...النظرة الواقعية المعاصرة بتقللك ... لا خبو لا ... بعدنا عنن الله يرضى عليك ....نحن مع ولاد الحلال وهيك عمبيصير فينا ...فشو مع ولاد الحرام ...!!! و ازا الواحد كتير مخو منفتح و وواسع الافق متل مابيقولو بيقللك....يعني مو مشكلة ...انا بتعاطف معو و بتفهم وضعو ...بس أكتر من هيك مافيني أعمل .... ممكن أوفرلو عمل ..أساعدو ليعيش حياة مستقرة ....بس من الصعوبة بمكان أجوزو بنتي مثلاً أو أشاركو بعملي ...لانو ياخيو ...ابن الحرام كل شي ممكن يطلع معو..... بس شوف ها...في أمل .... معنا معنا عمنتقبل كل الشرائح و نستوعب كل الميول... نظرتنا للمثليين ماكنت نفسا من عشرين سنة و لا رح تبقى نفسا بعد عشرين سنة تانية ....لذلك الشغلة بدها وقت .... |
اقتباس:
مشيت على الأشواك – عبد المنعم عمايري و صبا مبارك ج1 - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ج2 - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
المسلسلات هي مراية لواقعنا اللي عمنعيشو..... وعلى فكرة.... أنا مابتابع مسلسلات و لاشفت هي الحلقة المشار عليها بالاعلى :D |
أنا بهيك مسائل عندي قناعة انو المجتمع ما في امل منو..
لهيك .. في أمور بكتفي بقناعتي وبقناعي كم شخص حواليي... برفض كلمة ابن حرام من الاصل.. وتحميل انسان خطأ شخص آخر.. ما عندي مشكلة بالتعامل مع الشخص الغير شرعي وأصلا ما بعير الموضوع اهمية.. ما عندي اي مشكلة انو يتزوج بنتي او اختي.. لأنو في أمور بتهمني أكتر من هي المسألة بتقييم الشخص.. |
اقتباس:
و من شهادات الحياه التي تكلم عنها بعض الأشخاص في واحدة من الجمعيات لم تكن النظرة فقط من الناس الغير متعلمين و لكنها كانت من المجتمع ككل و الذي لم يكن يقولها بشكل مباشر كان ينظر له بنظرة الشفقة و الحنان أو بنظرة الإحتقار و لكن كانوا يعانون المشكلة من المجتمع بشكل عام :D |
اقتباس:
انها نظرة مكتسبة و معنى كلمة مكتسبة هي ان الأنسان يتأثر بالواقع الذي حوله اي ان هذه النظرة لا تنشأ من ذاتها فهي موجودة و لكنها لولا المجتمع لما كانت لتنشأ :D |
اقتباس:
اقتباس:
و مع تطور الشعور الأنساني اصبحنا ننادي للمعاقين بذوي الحالات الخاصة اما لهؤلاء يجب ان نناديهم بذوي الظروف الخاصة انظر لنفسك ..... لماذا لا تستطيع ان تنظر له بنظرة طبيعية فأنت تنظر له بنظرة العطف و الحنان و هذه النظرة تجرح احيانا ان السبب اننا نحكم على الأشخاص بناءً على عائلاتهم أو صفاتهم أو اشكالهم و او القابهم و لكن الأشخاص الذين اعرفهم في بعض الجمعيات تنامت علاقتي بهم و اصبحت اثق بهم اكثر من أعز اصدقائي فهم لديهم دافع كبير ليبدو للمجتمع انهم جيدون و أهل للثقة اقتباس:
تحياتي......:D |
اقتباس:
لاني ما بعرفها |
اقتباس:
و لا شو صغيرة يعني ما في امل بالمرة؟؟؟؟؟؟؟؟ لا انا بعتقد انو بيضل في امل لان لو مافي امل كنا صرنا من بسام و فايز اقتباس:
:D |
ذكرتني مرة بمشفى حلب الجامعي قسم الأطفال .. سمعت حديث بين ممرضات .. وحدة كانت عم تقول للبقية .. "ولادين الحرام دايماً حلوين" ... بالأول ما عرفت شو عم تقصد بعدين طلع في طفل رضيع بالمشفى، ناس ملاقينو بالشارع وجايبينو
والممرضات ما بينادوه غير "ابن الحرام" وقت شفت الحادثة تمنيت لو كنت مديرة هالمشفى بس مشان يصيرو برا هالمكان :pos: الي رجعة لأن عصبت هلا لما تذكرت |
اقتباس:
فشكرا ان لدينا مجتمع بتمتع بكل الصفات الإجابية و لكنه يفقد اهمها إنه يفقد إنسانيته و يفعد الجوهر الإنساني تجاه الأنسان بحجة عدد من التقاليد و العادات التي تحكم تصرفاتنا و عاداتنا :D |
اقتباس:
فشكرا ان لدينا مجتمع بتمتع بكل الصفات الإجابية و لكنه يفقد اهمها إنه يفقد إنسانيته و يفعد الجوهر الإنساني تجاه الأنسان بحجة عدد من التقاليد و العادات التي تحكم تصرفاتنا و عاداتنا :D |
لو الملاك تأخر شوي وبشر العدرا بهل الأيام وكانت العدرا سورية صدقوني كانو قتلوها بشي جريمة شرف وقبل ما تولد المسيح ولو دافع عن حالو ونطق وهو مضغة وأجا الملاك وظهرلون بالعلم ها مو بالحلم ما كانوا ارتدعوا بالعكس يمكن تزيد شراستن مجتمع يتكاثر العث بداخل جماجم أبنائه بمعدل تكاثرهم العشوائي ذاته.
|
أحتمال جدا وارد
لا تستغرب !!!!!! فأنت في كنف الشعب السوري العظيم |
اول شي شكرا قصي عاللفتة الانسانية الحلوة واللي هي بادرة امل
لانو نسبة كبيرة من افراد المجتمع اميين ونسبة اكبر متعلمين تعليم اعرج قلتو احسن ببعض الاحيان لهيك ما قدرت تتنحل مشكلة هالفئة المظلومة من اول لحظة بحياتها انا صرت احتار مين احسن حظ الطفل اللي بتقتلو امو وترميه بكيس النفايات بمجرد ما يجي عالدنيا؟ او اللي بينرمى على باب الميتم اطفال محاصرين بالظلم من كل النواحي لاعيلة ولا حنان ام ولا دراسة ولا شغل ولا مستقبل ولا شي... هلق اكيد في امل انو الوضع يتغير مع انو مطول كتير دور الدولة لازم يكون اول شي عندنا متلا سمعت انو اجتهدو فالافتاء بانو يحق لهالناس ان يطلق عليهم اسم عائلة تكون كبيرة هاد ليتمتعو بالاسم اللي حرمهم منو الاب "الحيوان" اسفة بس ما لاقيتلو اسم اكتر احتراما من هيك لان الحيوان افضل بكتير بنظري يعني كبداية تصير عندفم اوراق ثبوتية ليقدرو يدرسو ويشتغلو كاي اطفال يتامى وما يعيشو على هامش الحياة ويصير تبنيهم اسهل ولليائسين من التحسن بقلهم بعرف زوجين ما بيجيبو اطفال مربيين ولد وبنت من هالفئة وما عبرو حدا من المحذرين انو بكرا بيرجعو لاصلهم ويتصرفو على طريقة ابوهم ال... فالامل موجود طالما في حياة:D |
سؤال بالهامش :
اقتباس:
|
اقتباس:
اقتباس:
و هل قام المجتمع بجعل القتل اسهل من الزنا؟؟؟؟؟ اقتباس:
و هذا الشيء يتوقف حسب المجتمع و افكاره و معتدقاته و انا أعتقد بالنسبة لمجتمعنا فالحل سيأتي لكن زمن وصولة يقاس بالسنين الضوئية اقتباس:
و عم نحلم انو يصير لانو على قولة المثل الأباء يضرسون و الأبناء يأكلون الحصرم :D:D |
اقتباس:
|
اقتباس:
برأي المشكلة بالمجتمع قبل ما تكون بالتشريع أو بعدم وجود مؤسسات حاضنة ومنظمة مجتمعنا بشكل عام يهتم بقضية النسب بشكل مميز يمكن تكون هي احدى موروثات اهتمامنا بالخيول ويوم البدو تتغير نظرتو "لابن الحرام" يلي هو اولا وأخيرا ابن هالمجتمع مارح يكون تغيير التشريع أو الاتفاف عليه بالمشكلة. جزء من المشكلة وجزء هام هو ممناعة المجتمع لموضوع التبني نتيجةت الموروث الديني الامر الذي يبقي هالعملية ضمن اطار التحريم وغير منظمة لا حكوميا ولا أهليا. |
اقتباس:
و لكن مثلما تكلمت ...... مادام المجتمع خاضع لقوانين الأعراف و التقاليد و النسخ الموجود لأفكار الأباء على الأبناء.......... فإننا نحتاج لفترة زمنية كبيرة لنعطي الشخص حقه هذا ليس منطبق فقط على ذوي الظروف الخاصة أنا لاحظ انه كلما وجد شخص يحاول الأتيان بفكرة جديدة او تصرفات جديدة و بالرغم من صحتها تجد ان سهام المجمع كلها موجه له تحياتي لك......:D |
اقتباس:
|
اقتباس:
و لا يكون له اسم نظامي في النفوس و لكن تقوم الملاجئ بإختيار اسم و كنية له و يعطونه ورقة تثبت فقط انه صاحب هذا الأسم و النسب و عند التبني ينسب للعائلة المتبنية |
اقتباس:
الأمل بأن يكون الغد أفضل هو الشيء الوحيد الي يجعلنا نعيش و نحلم بالأفضل |
موضوع جميل وانساني اخي kosayka2
بالفعل مثل ما قلت الناس بتحملهم خطاء لم يقترفوه فهم نتيجة خطاء شخصين يتمتعان بحياتهما اما هؤلاء فهم يعانون وتبني امثال هؤلاء احد الحلول ولكن ضروري الدوله ككيان يجب ان تعالج مشكلتهم استمعت الى حكاية احدهم فكدت ابكي من حكاية تشرد ذلك المسكين من مدينه لمدينة منذ ان رأت عيناه النور تحية |
اقتباس:
لك بقانون الأحوال الشخصية مو عاطينو شي و يعني اذا ما حدا تبناه شو بيسوي هالشخص؟؟؟؟ فلازم على الدولة انو تتحمل جزأكبير من المسؤولية و على الأقل تعطيه هوية نظامية تثبت انو سوري يتمتع بكافة حقوق المواطن السوري العادي |
هلأ انا ما سبق و شفت واحد من ذوي الحالات الخاصة هي
بس انو ليش ما بينعطى هوية يمكن لسه ما فكرو انو يخدموهن جيش:shahbi7: عن جد غريب انو ليش ما بيطلعلن هويات |
اقتباس:
مالهم اسم بالنفوس |
ناس بتخبص وناس بتشيل ذنوبهم
|
مافي شي اسمو ولد غير شرعي ولا شي اسمو ابن حرام
الحرام هو تحريم اختيارات غيرنا لحتى تتناسب مع طريقة تفكيرنا والغير مشروع هو سلب ابسط الحقوق الطبيعية في العيش بكرامة وسلب حق انساني بالتصرف بحرية واي تنين حابين يخلفو ولد مش بالضرورة يتجوزو ومش صحيح يتسمى ابنهم ابن حرام لانو ثمرة علاقة سامية هالحكي بالمفاهيم الانسانية اما بالجوانب النفسية والتربوية للطفل فمن الضروري انو يعيش بظل عائلة ويحظى بوالد ووالدة لحتى ينضج نضوج نفسي سليم بس برضو الحكم على ممارسي الحريات وعلى اطفال العلاقات غير الرسمية بالاعدام اجتماعيا ظلم وتخلف ورجعية والمهزلة انو دولة وحكومة حاملة مسؤولية شعب هيي اللي تساهم بهالشي |
ادا هالحب وهالعلاقة السامية رح تخلف ضحية بريء وتكون كل حياتو كارثة
فسحقا للحب وتعسا للقداسة اللي غير قادر على تحمل مسؤولية طفل لازم يكون صريح مع نفسو وما يعمل اي شيء قد يجبره عالى ما لايستطيع وان صار واتشجع مرة يكمل ويتحمل عواقب افعالو كرجل حقيقي هاد الاب المجرم الدي يترك حبيبة الامس تصارع وحوش التخلف بمفدرها ويرفض منح اسم مجرد اسم لها ولطفلها مابعتبرو اصلا انسان والمراة المتهورة اللي سمحت للحب ان يعميها وحطت تقتها بغير محلها لازم تصير اقوى واكتر جلد بس تعرف انو في انسان تاني هي مسؤولة عنو وما تروح ترميه باول ملجا لترتاح وين كان حب البارح وشجاعة البارح والسخرية من الواقع المعاش ليش بيتبخرو اول ظهور الحمل ليش ما تكمل فتحررها ويكمل في تحررو ويعيشو سوا حتى لو من غير زواج او زواج عالورق ويكملو التحدي لاخر لحظة او الاسهل انهم يرمو بالطفل والسؤولية واللوم على المجتمع والدولة عدر اقبح من دنب فعلا موضوع ينرفزني ويثير اعصابي لابعد الحدود |
الولد غير الشرعي له الحق في العيش مثل اي شخص اخر فليس خطاه بل خطا والديه ولن نعاقبه عليه صحيح ان المجتمع يحتقر هؤلاء لكن نبدا بتغيير انفسنا حتى نغير المجتمع ولنعود لاصل المشكلة وهي منع العلاقات غير الشرعية .الباب اللي يجي منو ريح سدو واستريح.
|
للاسف الناس بتتعامل مع هالحالة من وجهة نظر دينية بحتة
انو هيدا اهلو تركوه بالشارع لانو جايي بطريقة غير شرعية وبالتالي محرمة وبالتالي هوو حرام وابن حرام مع انو ممكن هالانسان تكون الانسانية كلا جواتو والذكاء والطيبة وكل الصفات يلي اي اسرة بتتمنى تكون بابنا الحلال ياريت توقف الشغلة على الولد غير الشرعي احيانا بتوصل القصة لليتيم او للطفل يلي ابوه وامو ما قدرو يعيلوه وتركوه للشارع يربيه وبنشوف العنصرية واضحة تجاه هالفئة من الناس على مبدا لو ما كان سيء الله ما بيبليه او لو ما كانو اهلو سيئين ما كان اضطرو يزتوه عالشرع حسرتي على هؤلاء يلي ما بعرف مين ظلمون امون او ابوهون او المجتمع او الدين |
اقتباس:
لانو التعامل كان رح يكون مختلف تماما.. و الدين ما أمر بأنو نتعامل مع ولد بهيك حالة بطريقة سيئة و لا ننظرلو نظرة دونية.. لانو هو متلنا و مو مختلف عنا بشي.. و ما دخلو بذنب غيرو.. بس للاسف... مجتمعنا متخلف.. فوق ما انو الولد بكون محروم من اهلو الا انو نحنا كمان منحملو ذنب مانو ذنبو.. مع انو اذا منفكر بالامر بتفكير منطقي.. منلاقي انو هو ممكن حتى يكون احسن مننا بصفاتو و انسانيتو.. الشخص اللي بكون بهيك ظرف ابدا ما بعتبرو مختلف عني بشي.. و بالمستقبل ممكن انو اتزوجو.. و ما عندي اي مشكلة بأنو بنتي او ابني يتزوجوا من الناس اللي بهيك حالة.. |
اقتباس:
و بظن انو بيطلعلو هوية و هي حالة استثنائية |
بصراحة انا بقول انه لازم الشعوب العربية تراجع ثقافاتها
لانه الطفل غير الشرعي ضحية وما اله علاقة بيلي عملته امه و ابوه بالعكس بدل ما نعقده ونتجنبه لازم نعوضه عن الحنان الحياة يلي فقدها |
بتخيل لو نعرف شوي عن المجتمع الامومي ساعتها ممكن نغير وجهات نظرنا شوي,,
المعتقدات السائدة هيي اللي بحكم مو الانسانية وهاي نقطة الخلاف |
اقتباس:
مين قال هالحكي .. وفي شي بيثبت هالحكي ؟ انو ابدا ما عم كزّبك .. بس حابب اتنوّر .. .. |
متل ما قلتو شو ذنبو الزلمة شو هوي اللي خلق حالو ولا هوي اللي وسوس بعقل ابو و امو:shock:
.:D |
| الساعة بإيدك هلق يا سيدي 22:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون