|
الأنتخابات اللبنانية
لأنتخابات بكرا بلبنان ,,,و الطرفين عم يصرحو انو يوم الأحد يوم فاصل بتاريخ لبنان من ناحية تحديد مسار الدولة اللبنانية ....هل هي متجهة لجمهورية تالتة متل ما عم ينادي عون ..جمهورية مسلحة من الأيراني و ثقافة قطع الطرقات و تجميد البلد ,,,,ام ..متجهة لجمهورية من دون ميليشيات و مظاهر مسلحة ...جمهورية بيستلم الجيش فيها مهام اشخاص ما كان بالأساس لازم يستملوها .
رأي الشباب بأداء طرفين الأنتخابات بلبنان و من مصلحة مين بسوريا ينجح حزب الله و عون .. و من مصلحة مين كمان بسوريا انو ينجح المستقبل و الكتايب و جنبلاط |
ياسيدي اليوم كنت بدي نزل موضوع مشان نتحاور بهالموضوع فمنيح وفرت عليي تعب :lol:
مبدئياً مع العلم انو جميع الاستطلاعات والأراء عم تراهن على فوز قوى 8 أذار بس أنا بتصور الفوز لفريق 14 وحلفائو من المستقلين "بغض النظر عن رأي بهالموضوع" أنا شايف انو بعد الانتخابات بدا تختلف المعادلات نوعاً ما وتحديداً وضع جنبلاط وبري يعني التنين صايرة مواقفون أميل للاعتدال فالأول مبطل خطابو "اليميني" والتاني مبطل خطابو "اليساري" أنا شخصياً ماعندي ثقة بميشيل عون لأنو شخص مزاجي ومتقلب وعندو عقدة اسمها رئاسة الجمهورية ومستعد يعمل أي شي للوصول لكرسي الرئاسة وهي حتكون أول مشاريعو بعد الانتخابات بحال فوزو بالتمثيل الكامل للمسيحيين وهالشي يلي بستبعدو أنا بالأخير بتضل التجربة اللبنانية الديموقراطية مشرفة وبتستحق الاحترام... والنا رجعة لنفصل شوي بالحديث |
اقتباس:
أما الإنتخابات اللبنانية بشكل عام مع انو تعتبر تجربة فريدة بمنطقتنا لكن للأسف فإن الفساد متغلغل بداخلها وأقول من تجربة شخصية هنا عندي أصدقاء لبنانيين من عدة انتماءات الكل غادر البارحة الى بيروت للانتخاب لمرشحه وطبعا المرشح أو كتلته دفعوا : التكت + مصروف 3 أيام بلبنان +بدل غياب 3 أيام عن الوظيفة هون .يعني ديمقراطية تعتمد على المال السياسي وبصراحة هادي اكبر نقطة ضعف بالديمقراطية اللبنانية. |
اقتباس:
تحياتي |
اقتباس:
|
اقتباس:
|
اقتباس:
|
اقتباس:
اذا قارنت هالشي اللي عم يصير بلبنان باللي بصير عنا, طبعا رح تلاقي شي فوق الريح , شي بدنا كتير لنوصلوا بس اذا مثلا حاولت تحكم على قضية شراء الاصوات بالمصاري مقارنة بانظمة ديمقراطية تانية , فهي مثلا باوربا تعتبر جريمة وممكن تكلف اي حزب بيعملها مستقبلو السياسي بس رغم هالشي على الاقل متل ما انت قلت , الشعب بيتحمل هون نتيجة اختيارو |
سلامات شبيبة ..
بدايتا ...بظن يا ابو الجود انو فيفا ما قصد انو استخدام الأموال بالأبتخابات شي ايجابي ...الواضح من الشي يلي عم بيقولو انو ممارسة اللعبة الديمقراطية و لو شابها بعص التجاوزات بتبقى حالة صحية لأنو معك معك ..الشعب بصير يحد من الظواهر هي انتخابات بعد انتخابات و بيزداد وعيو الديمقراطي ...و انا مع الكلام هاد مية بالمية .. .بس بختلف مع صاحبي فيفا بموقف جنبلاط بيك ..ما بظن انو جنبلاط عم يهدي اللعب رغبة منو بالنزوح نحو الوسطيية ,,لأ ,,برأيي انو جنبلاط بعد ما قرا رسائل حزب الله من قبل سبعة ايار و بعدها ,,,صار يحسب حساب للحزب و يحوال يقلل من سقف مطالبو ,,,يعني نوع من البراغماتية السياسية ...اما بري فبظن كانت مواقفو استجابة لمواقف جنبلاط ,,, بموضوع الأنتخابات ...الموالاة عم تقول انو ما رح تشارك بالحكم بأي شكل اذا خسرت الأنتخابات و هاد الموقف بيعطي الأنتخابات اهمية كبيرة كتير ..بحيث فوز المعارضة بالأنتخابات رح يفتح الطريق الها و حلفائها بالمنطقة انو يستلمو لبنان على طبق من دهب ... الكل عم يقول انو الفارق رح يكون مقاعد قليلة ...بين الفائز و الخاسر .. |
اقتباس:
بالنسبة لموقف السيد جنبلاط انا بوافقك تماما لأنو بعد تقرير دير شبيغل صرح انو اذا الحزب إلو يد بالاغتيال يجب التوقف عند هذه النقطة ،بمعنى انه لايرى ضرورة بمعاقبة الحزب كي لا تتكرر سبعة أيار . تحياتي |
بكرا بدوب التلج و ببين المرج ..;)
انا ما رح انزل علبنان هيدي السنه:( ما حناكل الحلويني يعني :p |
اخي ابو الجود ..طبعا متأكد انو ما في خلاف جوهري ..هي بس تفاصيل صغيرة ..
السنة مؤكد دعمون للمستقبل ..و الشيعة لبري و حزب الله ..و الدروز لجنبلاط بمعظم أصوات الطائفة ...ما في شك ... الصراع يلي بدو يحدد الفريق الفايز رح يكون عند المسيحيين يلي منقسمين بين عون و الكتايب و القوات ...بس عندي مؤشر انو القوات و الكتايب بدون يربحو الأنتخابات ,,المؤشر هاد الأنتخابات الفرعية يلي صارت بالمتن من فترة سنة و شوي ,,,ربح عون بالفعل ,,بس بفارق اصوات قليلة جدا ,,,بينما كان الفارق بأنتخابات المتن بال 2005 اكتر من خمس و عشرين بالمية لصالح عون ..و هاد الشي كان بسبب عدم رضى بعض المسيحيين على تحالفو مع حزب الله ...اذا بتحسب النقصان هاد كام كرسي رح يعطي للكتايب على حساب عون ..رح يطلع معك انو الأكثرية رح تزيد من مقاعدها ,,,مو بس رح تربح يعني ,, تكهنا بقول انو الشي يلي حصل عليه المعارضة بأنتخابات ال2005 كان هو السقف الأعلى للشي يلي ممكن يحصلو عليه ,, بس بتبقى الساحة معرضة لأي نوع من المفاجآت |
اقتباس:
|
انا عندي قراءة اخرى للموضوع
اعتقد ان المعارضة في كلا الحالتين( الفوز او الهزيمة) كلاهما مر وبداية اشكال وخصوصا مع حزب الله يمكن يستغرب البعض هذا الشي ولكن حسب رأيي فهي كالتالي: في حال فوز المعارضة - في حال فوز المعارضة بالاكثرية لا يضمن حزب الله عدم ظهور مشاكل مع عون في المستقبل اثناء ادارة البلد فهم يشعرون ان عون يخفي اكثر مما يظهر لهم ,وخصوصا اتجاه حزب الله وهم يتوقعون ان يقلب عليهم المبادئ في اي لحظة وان يغير رأية اتجاة المقاومة في اي وقت وخصوصا ان عون مكره على تقبل المقاومة في الوقت الراهن وحزب الله يعلم ذلك جيدا وهذا ما سوف يحدث والله اعلم - حزب الله يعلم انه لن يستطيع ادارة البلد وهو على قائمة سوداء في الكثير من دول العالم خاصة اوروبا واميركا وعلى خلاف مع دول المنطقة خاصة مصر والاردن و بعض دول الخليج مما يعني لن يجد تسهيلات مادية واقتصادية من تلك الدول مما يجعل الاقتصاد اللبناني في مزيد من المشاكل والعقبات وخاصة الدين لو علمنا ان اغلبة من دول الخليج - المعارضة تشعر ان الفريق الاخر سوف يعمل على تهميش الحكومة في المنطقة وعلى زيادة الاعباء الاقتصادية والسياسية ليثبت امام الرأي العام على عدم قدرة الفريق المعارض على ادارة البلد وزاد في عزلته وحرم لبنان من مساعدات اقتصادية وعسكرية من قبل اصدقاء لبنان....لذلك نجد اغلب تصريحات المعارضة هي انهم يرغبون في حكومة وحدة وطنية بالمشاركة تشمل جميع الفصائل على مبداء انت المخ وانا العضلات يعني ((خليكي انتي يالمولاة المخ واحنا المعارضة العضلات)) - خوف المعارضة من استغلال اسرائيل وضع حزب الله على اعتبارة ميليشيا غير نظامية لدى بعض دول العالم من اختلاق المشاكل والحروب باعتبار ان على رأس الحكومة اللبنانية منظمة ارهابية كما فعلت مع حماس - موقف المعارضة صعب جدا امام المحكمة الدولية خصوصا في اتخاذ القرارات التي تساعد على كشف الحقائق. وكيف تتعامل الحكومة القادمة مع مطالب المحكمة من استدعاءات و غيره و التي قد تسبب ازمه مع مجلس الامن اما في حال فوز المولاة او 14 اذار برضو مشكلة للمعارضة هذا يعني مزيد من التهميش واثارة سلاح حزب الله عطالعه والنازلة و الثلث المعطل والتحكم في البلد وطلب بعض 14 اذار في التفرد بالسلطة او المشاركة بصمت دون ثلث معطل مما يجعل البلد على كف عفريت ازرق لمدة اربع سنوات اخرى نظرتي والله اعلم انو تيار التغير والاصلاح راح يكون عنده اكثرية في البرلمان القادم وكذلك تيار المستقبل راح يكون عنده اكثرية في البرلمان...المفاجئة القادمة وهو تحالف جديد سوف يظهر في المستقبل وهو تحالف تيار التغير والاصلاح مع تيار المستقبل قد ينظم مع هذا التحالف بعض الاحزاب الاخرى مثل التقدمي الاشتراكي. التيار العوني يعلم ان مصلحتة لن تكون مع حزب الله على طول الطريق فهو يعلم ان حزب الله ماهو الا حصان طروادة الخشبي. مع ايماني ان الشعب اللبناني يستحق ان يحكم من قبل وطنيين احرار اوفياء للحجر والشجر قبل البشر في لبنان وللاسف جميع الاحزاب والتيارات من عمله واحده وان اختلفة الوانهم |
للصراحة ما بعرف اذا عاد فينا نسمي يلي بيصير باتخابات لبنان ديمقراطية ..
اكيد تعدد الاحزاب عندون وتغير الرؤساء والزعماء حقيقة ملموسة بس الطائفية يلي مبني عليها البرلمان للبناني .. وسيطرة العائلات على الانتخابات والمقاعد ( بغض النظر عن مواقفها معارضة او مولاة ) بتخلي العملية ناقصة من ناحية الديمقراطية .. يعني يلي متحكمين بالاحزاب معروفين .. ودورة بيكونو بالمعارضة مرة بالسطلة ... ما سمعنا شي اسم عائلة جديد ظهر او صار الو تقل الا ما يكون تابع بشكل ما لاحدى العائلات المسيطرة والتدخل الخارجي بالانتحابات بيفرع احيانا العملية من مضونها الحقيقي ( سواء السعودية او مصر او سورية او ايران او امريكا او الاوروبيين ) بس بتوقع انو سورية رح تقدر تستفيد مهما كان الفائز خاصة انو صار في تساهل كبير تجاه سورية حول موضوع المسالة للبنانية المهم هوي الخوف الموجود دائما قبل الانتخابات لانو اللعب على الوتر الطائفي بمجتمع كل تقسيماتو طائفية بخليك تكره الانتخابات وساعتها بس بكل الاحوال بيضل افضل بكتير من كل الدول التانية .. ع الاقل منشوف شكل جديد ع التلفزيون :lol: |
أبو الجود ركز معي بيلي صار بهالموضوع لأنو شكلك ناوي تتعبلي قلبي :lol: ركز عالأحمر أكتر شي ها
قلك إيلفانت أند كاستل: اقتباس:
اقتباس:
اقتباس:
|
إي شباب لقلكون توقغاتي لنتائج بكرا:
دوائر الجنوب بمقاعدها الشيعية محسومة لتحالف حزب الله وحركة أمل مع احتمال إختراقين فقط من المرشجين باسم السبع ببيروت وأحمد الأسعد بالجنوب... دوائر الجنوب بغالبيتها حتكون من حصة التيار العوني بنسبة 70% مع توزيع خاص بجزين للمقاعد التلاته واحد لبري وواحد لعون وواحد لـ14 أذار... مقاعد بيروت السنية كاملةً محسومة للحريري ودون أي خرق وبدوائرها التلاتة مقاعد دائرة بيروت التانيه المسيحية وعددها خمسة حتكون 4-1 أو 3-2 لمصلحة 14 أذار بأحسن تقدير... انا شايف انو نايلة تويني محسوم أمر فوزها بمقعد وميشيل فرعون محسوم وسامي الجميل شبه محسوم... فبيبقى هل ممكن يطلع معون عصام أبو جمرة أو تحصل معجزة ويطلع عصام أبو جمرة ومعو حدا من تيار عون... مقاعد الجبل والشوف وعالية الدرزية والمارونية محسومة لوليد جنبلاط و14 أذار مع مفعد وحيد لطلال أرسلان ومافينا نعتبرو خرق باعتبار وليد جنبلاط تاركلو المقعد فاضي ومو مسكر اللائحة مفاعد زحلة الخمسة ستكون مقسومة لصالح 14 أذار بحلفه مع نقولا فتوش 3-2 أو 4-1 يعني أحسن فرصة لـ8 أذار انو يطلع الياس سكاف ومعو مرشح وحيد من 8 أذار وممكن بس يخرق الياس سكاف دون أي أحد أخر خرق ميشيل المر للائحة ميشل عون مضمون ببيروت... مقعدي صيدا السنيين محسومين لبهية الحريري وفؤاد السنيورة مع انو اليوم أسهم أسامة سعد اتحسنت بس مابتوقع خرقو نهائياً... في دائرة جبيل أتوقع خرق فارس سعيد أو/و ناظم الخوري ضمن تحالف المستقلين مع 14 أذار... باختصار شبيبة: أتوقع فوز قوى 14 أذار والمستقلين على قوى 8 أذار بحدودد 66 - 62 ناقص زائد مقعد بتسامحونا فيه :lol: عجبني دور ماغي فرح.. غاذا زبطت بدي اعمل كتاب توفعات وأبراج :larg: هامش: حدا إلو مصلحة يشارط؟:gem: |
أعتقد والله أعلى وأعلم
الطائفية حسمت كل شيئ بالمناطق الدرزية والسنية والشيعية وبناءا على ذلك ممكن اي شخص بسيط فكريا وسياسيا يكتب من هلاء اسماء حوالي90 شخص ناجحين بصفة مؤكدة دون اي نقاش ، ربما يكون مستقبل لبنان في يد المسيحيين اقتباس:
وين المصاري :jakoush: |
أعتقد والله أعلى وأعلم
الطائفية حسمت كل شيئ بالمناطق الدرزية والسنية والشيعية وبناءا على ذلك ممكن اي شخص بسيط فكريا وسياسيا يكتب من هلاء اسماء حوالي90 شخص ناجحين بصفة مؤكدة دون اي نقاش ، ربما يكون مستقبل لبنان في يد المسيحيين هيد الحكي المزبوط ..بس الجزئية الاخيرة بعتقد انه مستقبل لبنان بيد ربنا مو رب الطوائف |
اقتباس:
|
اقتباس:
|
مفهوم مولانا مفهوم..بس يعني مابيطلعن نص دولة بين هالدول ال22 في المنطقة؟
|
قولكم قديش بدها الحكومة الجاية لتتشكل ؟ لأنو القصة ملحمة ومو شلون ماكان :lol: أحلى شي مبارح سعدو الأجدب . وهو عميقلد الأميركان بمهرجانو الأنتخابي . وعميحكي لغة عربية فصعة :lol: ويخبص شروي غروي . تأتأ فهمنا . مابيعرف يشكل الأحرف فهمنا . مابيعرف أيمت بداية الجمو وايمت نهايتها كمان فهمنا . أما لما قال في الأصابيع بدل الأسابيع فهي فرطتني ضحك :lol: . مدري ليش حسيت حالي حضران خطاب لمحمد سعد بشي فلم :lol: أسف أذا خربنالكم الموضوع بس كلها كم ساعة . بتطلع النتائج ومنتناقش فيها :larg: |
اقتباس:
اقتباس:
مشان تنظيرك لموقف المعارضة في حال الفوز او الخسارة ..انا معك مية بالمية ...و موقف الموالاة برفض المشاركة بالحكم في حال فوز المعارضة ..رح يضيف عبئ على كاهل دولة بيستفرد فيها حزب علاقتو الدولية سيئة مع معظم الأطراف ( في حال فوز الحزب هاد ..) . اقتباس:
اقتباس:
|
اقتباس:
اقتباس:
بأيدك تماما بتوقعاتك ...يعني بنزل معك شريك و منزيد الرهن ... |
اقتباس:
|
من كم يوم كان لقاء على قناة الجزيرة بين بسام بن جدو و الشيخ نعيم قاسم
و توقع نائب امين عام حزب الله فوز المعارضة بنتيجة 66 ل 68 صوت بالنسب للديمقراطية بلبنان بحس انها غوغائية طائفية مو اكتر و ما بينطبق عليها اسم ديقراطية يمكن بتشبهها :pos: |
اقتباس:
اقتباس:
اقتباس:
بس بدي ياك ترد في حال فازت او خسرت المعارضة حبب اسمع نبرت صوتك كيف رح تتغير اذا فازت الموالاة :D |
لك يحرق حريشك يا محسن ...,,المجلس النيابي 128 مقعد ,,كيف طلعوا معك 134 مقعد !! 68 + 66 = 134 !!
|
اقتباس:
مابعرف كيف أستنتجت أني مع المعارضة . وليش رح تتغير ؟ . ممكن ياخدو مني السيارة يلي مسلميني ياها ؟ . بعدين تقسيم موالاة ومعارضة . أنطفى بعد خروج سوريا من لبنان . وصار معارضة وأكثرية هلأ خلينا نحكي شغلة بوضوح . أنا مومع لا حزب الله ولا تيار المستقبل ولا جنبلاط . واذا أستنتاج أني مع المعارضة من فرضية أنو كل سوري هو مع المعارضة . لأنو المعارضة مع سوريا . فشي طبيعي أني كون مع حليف بلدي . بيكون حزب الله بيكون الحريري بيكون جنبلاط بيكون الجن الأزرق . مابيهم . بيهمني منهم مصلحة بلدي . بالنتيجة هنن زعماء طوائف لا أكثر . ومين ماربح فيهم . لا حيحرك الأقتصاد السوري . ولا رح يفتح جامعات . الفرق واحد ممكن يساعد سوريا . وواحد ممكن يتأمر عليها . واذا بتقرا التاريخ . بتلاقي أنو النفوذ السوري بلبنان كان من قبل حكم حزب البعث ( أتفقنا معو أو أختلفنا ) لأنو لبنان هو خاصرة لسوريا . وكتير من السياسيين اللبنانيين ومنهم الحريري بيفكر أنو يطعن سوريا من هالخاصرة السوري موالي كان أو معارض . بعتقد بتهمو مصلحة بلدو . مو اذا كانت السلطة مع البرازيل بكأس العالم لازم يكون هو مع الأرجنتين مشان يبين معارض :lol: بكل الأحوال أنت من بداية موضوعك . هاجمت حزب الله أنو صنيعة أيرانية . بس ماذكرت أنو الحريري صنيعة سعودية . وأنو كل تيار وكل شخصية لبنانية اذا بدك الها تبعية ودعم خارجي من جهة معينة وحتى لما سورية كانت تعين الحكومة بلبنان . كانت تراعي أنو هاد زلمة فرنسا . وهاد زلمة أميركا . وهاد زلمة السعودية . وهاد زلمة الفاتيكان الخ الخ |
اقتباس:
انا افترضت انك مع المعارضة اللبنانية من خلال ردك التهكمي على سعد الحريري ..مو من خلال كونك سوري ..لأنو انا كمان سوري و متل قلت حضترتك انو واضح من تقديمي للموضوع اني مع الموالاة اللبنانية ..فما معقول ناقد حالي و قلك انك انت مع المعارضة اللبنانية فقد كونك سوري .....و متل ما انا قدمت وجهة نظر ,,بحق للكل يقدم وجهة نظر و لازم كلنا نحترم الشي هاد ,,يعني الموضوعية ما حدا مطالب يلتزم فيها ..انت بتقول رأيك بصراحة و انا كمان بقول رأيي ... صح السوري شو ماكان لازم تهمو مصيلحة بلدو ,,,بس انا بميز بين مصلحة النظام و مصلحة بلدي ...انا كسوري بشوف انو دولة لبنانية قوية الجيش فيها قوي و بيحترم القوانين المدنية هو مصلحة لسوريا اكتر من انو يكون لبنان ميليشيات تدار من الخارج حسب ما الشي يلي بدو ياه حزب الله متل ما عم افهمو .. المحكمة قصة قديمة و صارت برا ايد السوريين و اللبنانيين ,,,مشان هيك ,,اتهام الأكثرية اللبنانية بالتآامر على سوريا ...ورقة قديمة سقطت من ايد النظام السوري .. على الهامش ...اسف اذا ردي السابق كان غير مفهوم ...ما بعرف ليش ظهر بالشكل هاد ! |
اقتباس:
هي النقطة مو واضحة لألي شوي . ممكن تشرحلي بالتفصيل :D |
اقتباس:
المعارضة اللبنانية اعتبرت الحكومة اللبنانية غير شرعية بعد ال بحجة انو الشيعة و العونيين غير ممثلين بالحكم بلبنان و النظام السوري مشي مع الطرح هاد ...خليني انا اسحب الشي هاد و حاول من خلالو اتكلم عن وضعنا بسوريا لأوصل بالنهاية معك انو الحكومة السورية غير شرعية و غير ممثلة للشعب حسب المبادئ نفسها يلي الحكومة لسورية اعتمدتها وقت انشأت موقفها من حكومة السنيورة ..بسوريا العائلة الواحدة صرلها عم تحكم اكتر من اربعين سنة ..اي تعيين بيصير بأي مؤسّسة لازم يصدر من العائلة الكريمة ,,اي قرارا بالسلم و الحرب بيصدر عنها ..يعني احتكار كامل للسياسة بسوريا مع احتكار كامل للأقتصاد ..طيب يا ترى ,,رأيك انت كام نسبة المهمشين بسوريا لكن ,,,مو اكتر بكتير من نسبة الشيعة و العونيين بلبنان يلي بيدعوا انو حكومة السنيورة مو شرعية بسبب تهميشون...بنفس المقاربة صديقي ..فينا نقول انو الحكومة السورية كمان غير شرعية بسبب تهميش نسبة كبيرة من السوريين ,,اذا مو السوريين كلون !!... النقطة التانية مصلحة سوريا بلبنان وين !! انا هون بعد ما ميزت بين النظام و الشعب ,,بدي قول انا برأيي وين النظام بشوف مصلحتو بلبنان ,,و ,,وين الشعب السوري يشوف مصلحتو بلبنان ,,, وقت بتنجح الموالاة و بينجح مشروعها ببناء دولة لبنانية اعتمادا على جيش لبناني قوي بيضم بالأضافة لأفرادو كل الميليشات بلبنان و بيتسلح من المجتمع الدولي و العرب و ايران (اذا رغبت ايران بتسليح الجيش)...سوريا كشعب بتضمن انو خاصرتها الرخوة (لبنان) رح تحميها من اسرائيل ( حجة النظام السوري يلي شرعنت دخولو للبنان ) لكن نجاح المعارضة فهو مصلحة للنظام بسوريا (برأيي الشخصي) ..و شوف النظام كيف رح يبني سياساتو بالتعامل بلبنان بوقتها بس لخدمة موقفو بالتهرب من اي نتائج ممكن المحكمة توصلها ...عن طريق اثارة الهيجان بلبنان ..و لكن المرة هي بتحريض السلطة الحاكمة بلبنان و تحويل لبنان لقنبلة النظام السوري بيهدد انو يفجرها بوجه المجتمع الدولي اذا ما بيتم التغاضي عن نتائج المحكمة ....و انا هون ما بشوف اي فائدة للشعب السوري من ورا هيك سياسات .. مشان هيك ...بتمنى الموالات تنتصر و على فكرى انتصارها هو فائدة لسوريا بما انو رح يخلي النظام يوقف (الى حد ما ) من التدخل بلبنان ..و بالتالي ارتكاب المزيد من الحماقات ,,,و بالتالي جر الشعب السوري لأزمات لا ناقة له بها و لا جمل ... |
ابشع شي بالبشرية انك تحضر مسرحية سخيفة بتعرف مسبقا شو نهايتها :sick:
|
بلشو اللبنانية بالاقتراع لك ايييييييييييييه ايمتى بيجي اليوم اللي نحنا كمان بصير عنا هالحملات وهالمنافسة الانتخابية .:pos::pos::pos::frown::frown::cry:
|
اقتباس:
هاموش: عامل حالك مو شايف المشاركة يلي كتبتلك ياها بالصفحة يلي قبل ما هيك؟ :frown: |
اقتباس:
المهم حبيب أنا بالتسميات ما قربت على المقاعد والاسماء المحسومين وانما اعتمدت على تسميات المقاعد المتكافئة بين الطرفين تحديداً... بعدين لقلك سر أنا توقعاتي بعكس كل استطلاعات الرأي والتحاليل الانتخابية.. يعني فيك تقول عم راهن على أضعف حصان... اقتباس:
|
اقتباس:
تانيا شفت ردك كان دبلوماسي وعجبني وما حبيت كمل لأنو نحنا أصلا متفقين بالجوهر ودائما اسلوبك الساخر بيعجبني . ومتل ما قلت الديمقراطية حلوووووووووووووووووووة الله يطعمنا اياها شي يوم . تحياتي:D:D |
ذكرت قناة "أم.تي.في"أن اشكالا وقع في ساحة الحدث بين شبان اتوا من الضاحية الجنوبية وانضموا الى جماعات عون واشتبكوا مع اهالي الحدث ما أدى الى سقوط 3 جرحى. أفاد شهود عيان بأن مجموعة من الدراجات النارية لشبان يحملون أعلام "حزب الله" قامت برشق منزل النائب باسم السبع والمرشح النائب السابق صلاح الحركه بالحجارة. كما رشقت مجموعة أخرى منهم مبنى بلدية الحدث بالحجارة. عن youkal.net  07/06/2009اكد رئيس الجمهورية اللبنانية العماد ميشال سليمان بعد الادلاء بصوته في الانتخابات في بلدته عمشيت ان الديمقراطية اللبنانية نعمة يجب الحفاظ عليها. ودعا سليمان السياسيين الى خفض وتيرة الخطاب المتشنج والانطلاق معا بناء لبنان. واكد سليمان حول ما اثير من مواقف بشأن تعرض كيان لبنان للتهديد ان الخطر الاكبر على الكيان اللبناني هو "اسرائيل" التي لا تريد لبنان بلدا للديمقراطية. رئيس كتلة المستقبل النائب سعد الحريري الذي ادلى بصوته في دائرة بيروت الثالثة اكد ان من الجيد ان يقوم بالتصويت ويشعر بحرية ذلك معتبرا ان ذلك ميزة لبنانية لا توجد في بلدان كثيرة ودعا الحريري للاقتراع بكثافة . وقال نحث كل اللبنانيين ان ينزلوا الى اقلام الاقتراع للتصويت. الرئيس اللبناني السابق اميل لحود ادلى بصوته في بلدته بعبدات واعتبر بعد ذلك ان هناك صراعا حاليا بين خطين، الاول يرى قوة لبنان في ضعفه والاخر يرى قوة لبنان في قوته عن المنار. |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - • - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - عن موقع المنار |
| الساعة بإيدك هلق يا سيدي 05:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون