|
الوضع المعيشي في سورية ..
دخلت سورية في الفترة الأخيرة .. حالة من الإستقرار الإقتصادي .. انعكست على المجتمع بظواهر عدة لاتخفى عن أحد ..
فنسبة تقارب 90 % من سكان سورية يقيمون في منازل مزودة بمياه الشرب والمياه والهاتف .. ومعظم اساسيات المعيشة .. مع مواصلات مؤمنة ... و2-4 % تعيش ضمن سكن ولكن قد لاتصله الكهرباء او الماء .. أما النسبة المتبقية فهي من المتشردين (وأغلبهم من البدو ..) وتتمتع شريحة كبيرة من المجتمع السوري بوسائل ترفيه قد لا تكون ضمن الحسبان .. فنسبة كبيرة تتمتع بالوسائل التالية (كمبيوتر - هاتف محمول - سيارة - الخ ... ) . . بالإضافة للإستقرار الداخلي .. والوضع الإجتماعي الجيد .. . . ومع هذا كله .. لا يشعر المواطن بأنه يعيش حياة جيدة ... او حتى عادية ... ويأخذ بالشكوى .. والنق ... ويوجه كل أحلامه وطموحاته باتجاه الخليج ... ودوله ... وكأن الخليج جنة عدن الثانية ... فيخرج ... ويعود مصدوماً .. أو ربما .. لايعود ... يجد أنه ربما هناك بعض مظاهر الترف .. ولكن ... ليحصل على ربع ماكان يحصل عليه في بلاده .. (ليس فقط سورية وإنما الوطن العربي بشكل عام) وذلك مقابل أكثر من 15 ساعة عمل ... بالإضافة للتعب النفسي والجسدي .. لو أحصينا المقدار الذي يجنيه العامل السوري الذي يعمل 15 ساعة في النهار (مهما اختلفت طبيعة عمله .. ) فإنه يجني مقدارا يكفيه لمعيشة جيدة .. وتؤمن المتطلبات الغذائية والإجتماعية (من مسكن ولباس .. ) بالإضافة للراحة النفسية والجسدية ... ... - هل حقاً نحن في وضع يرثى له ... - ماتقييمك للوضع المعاشي في سورية بشكل عام ... - ماتقييمك للوضع في مدينتك .. - هل تجد في الخليج ملاذاً آمناً ...!؟ .. . . . . THE,unforgiven ... " |
اقتباس:
أنو يعني ....تفضلو على نافوخنا اذا شربونا مي ..؟؟ ملاحظة : المي بتجي عنا هون .. يوم اي و يوم لا .. مع اني عايش بأكتر منطقة غنية بالمياه بالشرق الاوسط كلو .. حتى أنو مياه ضيعتنا بتنباع بالخليج العربي |
هلىء الموضوع فايت ببعضو شوي ماكتير مترابطة الافكار بس الفكرة منو ككل واضحة
انا بلاقي الوضع بسوريا بتحسن ملحوظ بس مو تحسن رهيب او فظيع والمي والاكل والسيارة والموبايل هدول مو وسائل ترفيه ولا شي من هاد هدول صارو من ضروريات الحياة اما بالنسبة للشغل بدل الخليج فبتخيل انو ممكن يكون جنة عدن لكتير ناس دارسين وتعبانين على حالون وماعم يلاقو حالون ببلدون وفي من هالشريحة من المجتمع كتيييييييييييييييييير بدل ماياخد راتب مثلا 15 الف سوري بياخد اضعافون مضاعفة بجنة عدن وفي شغلة انو الدنيا عم تتطور كتير وعصر السرعة عم يزيد سرعتو هالشي يلي بيدفع كتير ناس لتشتغل متل التوت لحتى توازي الحياة الطبيعية لاحتياجات البشر:cry: |
اقتباس:
|
اقتباس:
إنتي بتتذكري كيف كانت سورية بالتمانينات والتسعينات ... تذكري كيف كان هم البني آدم يأمن ربطة خبز لولادو .. أو شي كيلو رز .. كان يمكن بالمدينة كلا في شي عشرين تكسي .. اقتباس:
بيرحلو شي 30 ألف سكن ... و10 بالقليلة أكل .. وإذا في ولاد وعيلة بيروحو 30 .. يعني بالكتيرة بيضل عشرة كل شهر ... بيجمعن عكذا شهر .. بيشتري تكت طيارة روحة رجعة .. و(تيتي تيتي متل مارحتي متل ماجيتي .. ) اقتباس:
يعني إذا ماكان متأمن الآكل .. بيكون هدفنا الرئيسي رغيف الخبز ... وبس يتأمن الرغيف .. مندعسو بدولاب السيارة اللي منشتريا بالتقسيط عشي خمسين سنة .. بس مشان نواكب عصر السرعة ... ليش دايماً مافي حدود لطمعنا ... طيب هدو شوي .. نتفة نتفة .. بيصير عنا سيارة ... تذكرو انو من أربعين سنة كان تلت ارباع السوريين .. بيشتغلو بالأرض وبالمدري شو ... وشوفو هلأ وين صرنا ... كمان عم تحكي ياعزيزتي ع عصر السرعة ... بتعرفي كم في مليون بشري (ركزيلي ع بشري ..) بأفريقيا ... عندن عصر السرعة ... انو يقدر يدبر كاسة مي ورغيف خبز بأقل من نهار ...!!!! بتعرفي انو في أكتر من 1000 بني آدم بيموتو من الجوع كل يوم وبياكل جلدن النسورة والضباع .. حلو التطور .. بس انو شي منو ... .. . تحياتي الك ... :D |
اقتباس:
اقتباس:
اقتباس:
|
اقتباس:
اقتباس:
|
اقتباس:
متشردين أو بحكم المتشردين فيك تحسب كل اللي عايشين بمناطق المخالفات و عم يسرقو كهربا و مي, هدول لا عندون بيت و لا عندون شي, و ساعتها حساباتك بتكبر و بتتغيّر كتير كمان شغلات.. أول شي, الحسابات بكل دول العالم تؤخذ على انو عدد ساعات العمل باليوم لا يمكن أن يزيد عن 8 ساعات باليوم, و تعتبر راتب جيد هو الراتب اللي بتاخدو مقابل 8 ساعات شغل و يكفيك لحياة متوسطة (و حياة متوسطة تشمل كل هدول اللي عاملهون بموضوعك و كأنو بيفرلي هيلز). تاني شي, وقت بدك تقارن دول لازم تقارن بدول الجوار و بدول متشابهة من حيث الموارد و غيرو, و انت رحت أول شي ع دول الخليج اللي عم تسبح بالنفط, و رجعت بعدين قارنت سوريا بدول أفريقيا اللي عم يموتو من الجوع, و كلا الحالتين غلط المقارنة, لأنو سوريا فيها موارد ما موجودة بأفريقيا, و مافيها موارد موجودة بالخليج... فمقارناتك غلط تالت شي, أنا ما بعرف وين عايش انت, بس حابب خبرك انو في مناطق من سوريا عم يتوزّع فيها معونات مشان الناس ما يجوعو, متل ريف الجزيرة (و هاد حكي مو من عندي, بحبش بوسائل الإعلام الرسمية و تلاقي هالشي). رابع شي, لما عندك 4 سيارات نفس الموديل و نفس الطراز, و 3 منهون بيطلعو عالمية كيلومتر بالساعة بسهولة, و الرابعة يا دوب توصل عالستين كيلومتر بالساعة, المنطقي انك تشوف ليش هالسيارة ما عم تمشي متل مثيلاتا و وين العطل فيها, و مو نقعد مبسوطين انو ماشية أحسن من البسكليت, و انو مافيها تسابق فيراري حتى اذا تصلّحت.... و شكرا |
و ع فكرة, لما تفتح موضوع نقاش عيب تقول لحدا يرد عليك انو كلامو تافه, اذا حابب تناقش احترم غيرك, إلا اذا مانك فاتح تناقش, فساعتها اكتب هالشي بالموضوع مشان ما نضيّع وقتنا بالرد
|
انا برأي الموضوع فيه اخطاء كتيرة ...بظن كمينا مطرحوا بالمنبر مثلا ً...منشان نفضفض بالحكي
متل ما بتشوف ادارة المنتدى |
اقتباس:
النقطة التانية .. اقتباس:
بالنسبة لهي : اقتباس:
يعني انتي برأيك .. فرضاً لو اشتغل بالخليج بس عشر ساعات .. هالحياة اللي عم يعيشا هنيك .. حياة بني آدم .. !؟ .. بيفيق عالشغل .. وبينام عالشغل .. !؟ بس جاوبني ع هالسؤال .. اقتباس:
انا قارنت وضع سوريا بالتمانينات .. وهلأ .. بس تطرقت للأسباب اللي بتخلي السوري يسافر عالخليج .. وهالشي بيتطلب تفسير منطقي .. ونوعاً ما مقارنة .. مش هيك ؟! وبالنسبة لأفريقيا .. كانت مجرد مثال... ع عصر السرعة بالنص التاني من الكون ... (هادا إذا اعتبرناها جزء من العالم الفعلي اليوم ... لأان اللي عايش هنيك متل العايش بجهنم .. ) . وتحياتي .. |
اقتباس:
اقتباس:
اقتباس:
اقتباس:
انت حكيت عن دول الخليج و رجعت بعدين بأحد الردود حكيت عن الجوع بأفريقيا, هاد اسمو مقارنة يا معلم, و تبريرك اللي تحت ما بينفع لأنو "عصر السرعة" لدول بمستوى سوريا الموردي مختلف عن عصر السرعة الأميركي و عصر السرعة الأفريقي, و هلم جرا اقتباس:
عندك أول شي الفرق التاريخي, مستوى المعيشة يتحدد لزمن و مكان محددين, بالتمانينات ما كان في امكانيات تقنية و بنيوية مش بس بسوريا انما بكل دول العالم (أقصد امكانات بنوية مقارنة بالموجودة حالياً), يعني طبيعي ما كان الهاتف واصل للكل لأنو كانت تكنولوجيا الهاتف أكثر تخلفاً من هلأ, بعد عشرين سنة! تاني شي, كان في بالتمانينات عوامل سياسية مثل الحصار الخانق و جيش بحالة حرب داخل لبنان كان مستنفذ موارد.. و الحصار بشكل أساسي كان خانق هالدنيي, يعني اللي كان يتشرشح ليجيب لتر زيت ما كان لأنو ما عندو حقو, انما كان لأنو ما كان في زيت بالبلد... هلأ في زيت بالبلد... بس احسبلي قديه النسبة المئوية من راتب الموظف حق القنينة؟ و بالنسبة لسبب الهجرة, اللي عم يهاجر ليروح يشتغل خمسطعش ساعة ما عم يروح لحتى يتفنطز بمصاريهون هنيك, انما بيحاول بعدد من السنين يجمّع مبلغ مالي يقدر يشتري فيه بيت أو يبدأ مشروع عمل بسوريا... لأنو بمستوى الدخل السوري هالأمور صعبة جداً |
اقتباس:
اقتباس:
يا أخي ليش شو فرئت الخليج عن سوريا ما هنيك بتفيق عالشغل وبترجع بتنام عالشغل وبسوريا بتفيق عالشغل وبتنام عالشغل وهلأ أنا بفيق عالشغل وبنام عالشغل مع إني لا بسوريا ولا بالخليج وبرجع بقلّك وضع الشغل بالخليج أفضل من سوريا بمراحل, ولا تصدق انو في حدا بيتغرب عن أهلو وبلدو ليعيش نفس العيشة يلي كان عايشها ببلادو, لأنو ما بظن إني ضحّي بالعيشة بسوريا بين أهلي وصحابي وروح عيش بدولة غريب فيها مابعرف حدا كرمال نفس الراتب ونفس العيشة.... أنا برأيي تغوغلك شوي وتشوف متوسط دخل الفرد بسوريا لحتى تعرف معون حق الشباب يسافرو ولا لاء |
اقتباس:
ع كل مانو موضوع مناقشتنا ... بس اللغة العربية .. مابتنحط نهائياً ع جنب .. اقتباس:
اقتباس:
بس إذا بيعيش ع قدو بتكفي وبرياحة .. بس مشكلة الشعب العربي .. هيي المظاهر .. اقتباس:
اقتباس:
اقتباس:
الشعب عم يقول انو مستوى المعيشة سيء .. طيب ... كان أسوء من زمان ... وهلأ صار احسن .. بالنسبة لهديك الأيام .. ومازال في تحسن .. مافيك تقول انو الوضع عم يبقى متل ماهوي .. وأكيد مارح نوصل لمرتبة الغرب بفترة قصيرة .. بس انو في أمل .. اقتباس:
|
اقتباس:
|
اقتباس:
أما العامل السوري ... ف بيضل إلو كرامتو .. وإذا ماكان محترم .. مابيرضى يشتغل شو ماكان .. بالنسبة للراتب .. قلتلي راتب الخليج أكبر من الراتب السوري ب200 مرة .. طيب إذا حسبنا شوي منلاقي انو متوسط دخل الفرد بسوريا بحدود ال 12 ألف .. ضربن ب 200 .. بيطلع ..2400000 اكيد قصدك عاللي بيدخلو بالخليج طول حياتو بيساوي 200 مرة الراتب السوري .. ف برايي انتي اللي لازم تغوغل .. اقتباس:
اقتباس:
|
الوضع بشكل عام جيد بعض الشيئ
بس في تحسن ملحوظ بس ما في امكانيات لنكون احسن من هيك بشكرك على الموضوع :D |
اقتباس:
بيجي مكتب بيقللك راتب 4000 دينار وسكن ومدري شو .. بتروح .. بيعطوك اول شهر شهرين .. وبعدا .. بتضل عال1000 ... هيك صار .. وعم يصير .. ماعم احكيك من عندي .. هادا واقع ... في إلى رفقة .. راحو .. ورجعو .. عكل .. إذا حابب تجرب وتردلنا خبر ... نحنا ناطرينك ... |
اقتباس:
شو صعبة الواحد يقر بخطأو اقتباس:
اقتباس:
موظف رابتو عشر آلاف ليرة, و عندو مرة و ولدين بدو يطعميهون و يلبسهون و يدرسهون و يداويهون... و فوقها بدو يدفع آجار... ما راح قلك بالشام(لأنو بالشام بيطير الراتب آجار)... خود أي مدينة سورية و اعمللي حساباتها, و اقلعلي عيني و فرجيني كيف بدو يعيش من العشرين مليون سوري قديه نسبة اللي يطلع و يفوت متل ما عم تحكي؟ اقتباس:
اقتباس:
الفرق هو سرعة أو تسارع التطور, و هون بنصحك ترجع تقرا مثال السيارات اللي حكيت عنو سابقاً اقتباس:
و طالما بترجع تحكي عن السيارة و كأنها صارت دليل رفاهية مجتمع, خود شريحة الموظفين بالدولة (و هي الشريحة اللي لازم تندرس, مو الأغنياء) و شوف قديه النسبة المئوية منهون اشترى من راتبو (من راتبو, مو من اللطش) سيارة, و شو نوع السيارة اللي اشتراها, و روح قارن هالدراسة هاي بنفس الشروط بالأردن أو لبنان أو قبرص (هاي دول الجوار) و تعا خبرني شو لقيت... أنا بستغرب لما بدك تجي سنجق عرض تبيّن للناس انهون علاكين, انو الوضع الاقتصادي منيح و انو اللي عم يهاجر عم يهاجر ليتفزلك... عمي مسؤولين الدولة حكيهون ليل نهار عن الوضع الاقتصادي السيء, و في ناس كبيرة بالدولة عم تحكي بالموضوع و تشير إلى الأسباب و منها طبعاً الفساد و سوء الإدارة, و لما بيطلع وزير العمل بيصرّح انو اذا تسرحو كتير عمال سوريين بالخارج راح تكون مصيبة لأنو هدول مورد اقتصادي للبلد لا يمكن الاستغناء عنو... افتح أفق شوي... العدسة الضيقة بتخدع |
عكل ... شو ماكان الوضع بسوريا ... وبرا سوريا ... شو ماصار فينا ..
بتضلا سوريا ...وطننا ... بلدنا .. أرضنا .. وشعبنا ... والموتة عترابا ... بتسوى العيشة ع نفط الخليج .. وبس .. |
اقتباس:
بس الاقتصاد و المال ما بيفهم بالعواطف.. ما حدا يتشنطط و يروح يشتغل برا و يترك أهلو للفراغ, مافيك تتجاهل هالشي أبدا |
اقتباس:
والله معك حئ لعمى تعى شوف الخليج ما بتنطاء لا جو ولا حياة ما في احلى من بلدي |
اقتباس:
انا موظف و راتبي بحدود 17 الف \ محسوب عالوظائف المدعومة ماديا في وزارة الكهربا ولا باخد رشوة من حدا و لا بطلع براني مو لشي بس لانو مافي تعامل مع المواطنين و لا مراجعين \ اجرة سكن 5 الاف اجرة نقل 1000 ليرة محسوبك حشاش دخان \حمرا طويلة بدي باكيتين \ ب70 ليرة باليوم يعني بالشهر 2100 ليرة مصروف خليوي و كمبيوتر \بطاقات نت \ 1000 ليرة مصروف كهربا و مي و هاتف مو اقل من 2000 ليرة هي صارو 11 الف لسا ما اكلت ولا شربت طيب العيلة الصغيرة من اربع افراد بيكفوها 6000 ليرة بالشهر اكل و شرب؟ الطفل الصغير بشوشتو بتكلف 10 ليرات و اذا عملها ع حالو 5 مرات باليوم بيكلف 50 ليرة يعني بالشهر 1500 ليرة وين عايش انت :? بعدين دخلك في بشري بيشتغل 15 ساعة و بيكون مرتاح جسديا؟؟؟؟ و كيف ممكن يكون مرتاح نفسيا اذا عيلتو واهل بيتو \ ما رح جيب سيرة اصحابو \ مو قادر يشوفون؟ |
اقتباس:
اول شغلة يا معلم مين قلك انو السوري اللي بالخليج بيتقارن بالباكستاني او الهندي , السوريين اللي بالخليج بنسبة كبيرة منن بيشتغلوا اما بالتجارة والاعمال الحرة او بمهن محترمة تعتمد على شهاداتن الجامعية , صح رواتبن مو متل اول بس اضعاف راتبن بسوريا و على الاقل اللي بيشتغل هنيك في عندو امل كبير بالاخير يقدر يجمع شوية مصاري لما يرجع على بلدو, واكيد هالامل اكبر بكتييير من ال 12 الف ليرة اللي ما بتكفي اكل وشرب هي شغلة لقيتها عن متوسط دخل الفرد في سوريا تبرز أهمية التقرير الوطني الأول لحالة السكان في سورية ليس من كونه التقرير الأول من نوعه فحسب بل من كونه يعبّر عن منعطف نوعي في تطوير الوعي بالعلاقة الأساسية بين السكان والتنمية"، سيرا أستور-رئيسة الهيئة السورية لشؤون الأسرة! "يعتبر التقرير الثاني من نوعه على المستوى العربي بعد مصر، سورية أدركت من زمن طويل الدور الرئيس لقضايا السكان في التنمية"، لينا موسى- صندوق الأمم المتحدة للسكان والتقرير بيقول باحد فقراتو إذا ماتناولنا مسألة السكان بمنظور العلاقة بين السكان والموادر الاقتصادية المتاحة فان سورية تصنّف عندئذ ضمن مجموعة الدول كثيفة السكان، فقد تنامت العجوزات المالية في الدولة حيث يتجاوز حجم الدين العام 750 مليار ليرة سورية والعجز بالموازنة وصل عام 2009 إلى 226 مليار ليرة سورية وارتفعت معدلات البطالة وانخفضت المقدرات على التشغيل، وتزايد الهجرة الداخلية، وارتفاع عدد الفقراء في سورية حيث وصلت نسبة من يعملون براتب 9000 ليرة سورية وأقل يشكلون حوالي 62% من مجموع العاملين في القطاعات الاقتصادية، وأن 76.5% من الذين راتبهم دون ال5000 ليرة سورية يعملون في القطاع الخاص. يعني 9000 ليرة متوسط الدخل بالشهر للغالبية من الشعب, بيقدر حدا من اللي شايف الوضع جيد يشرحلي كيف انسان , على فرض عندو بيت ملك وما عم يدفع تلت ارباع راتبو اجار, بيقدر يعيش ب 9000 بالشهر؟؟؟ |
اقتباس:
اقتباس:
هلأ بالله عم تحكي جد ولا عم تمزح بهالحسابات يلي عم تساويها أكيد عم تمزح لما قلك الراتب بالخليج أحسن من الراتب بسوريا ب 200 مرّة فأنا ماعم قول إنو الراتب بالخليج بيساوي الراتب بسوريا مضروب ب 200ً لكن لو قارنت بين الراتب يلي بتاخدو بالخليج مع مصروفك والراتب يلي بتاخدو بسوريا مع مصروفك بتشوف إنو الفرق كبير اقتباس:
اقتباس:
|
اقتباس:
كان فيه يشتغل كم سنة زيادة .. ويصمد كم قرش .. ويعمل شي مشروع صغير .. وبعدا يتجوز .. اقتباس:
اقتباس:
بدك تاخد بالحسبان انو في كتير ضغوط ع سوريا .. من قبل كل المجتمع الدولي .. ومنيح اللي وصلنا لهون .. وكتير خير الله .. اقتباس:
اقتباس:
سبق وقلت انتا " اقتباس:
أول شي عندك الحجم البشري .. والإقتصادي .. والعسكري .. بيختلف .. ف مافيك تقارن سرعة تطورنا بروسيا أو ايا دولة تانية .. نحنا منقارن مع حالنا .. كيف كنا وكيف صرنا .. |
اقتباس:
هل تعلم انو بجملتك هاي عم تقلي "معك حق" قدها مترين؟ الحياة الطبيعية انو الواحد يلاقي شغل, و هالشغل يأمنلو استقرار مادي يمكنو من متابعة مسيرة الحياة الطبيعية... انت بذاتك عم تقول انو هالشغل ما بيأمنلو, فكر فيه... اذا حابب اقتباس:
اقتباس:
|
اقتباس:
حتى بعز الحصار الاقتصادي على سوريا .. و لما كنا ننطر يوم كامل على باب المؤسسة لنجيب علبة السمنة كانت أفضل من هالأيام .. عالأقل الطبقية ما كانت واضحة المعالم متل هلأ و كانت القدرة الشرائية للراتب ( برغم صغرو ) أكبر من هلأ |
اقتباس:
مو شرط بكل المدن .. بس هيك الأغلبية .. يعني أكيد هاللي عم شوفون كل يوم مانن من كوكب تاني .. |
اقتباس:
|
اقتباس:
صح .. وكتير صح هالحكي ... كانت أفضل .. لأان ماكان في مظاهر متل هلأ .. اخي بهديك الأيام .. كان الواحد يقبض أربعتالاف .. يدفع 2 أجار بيت .. والباقي .. أكل .. وعالعيد بيجبلو قطعة تياب .. وهلأ بهالأيام .. بتقبض تسعتالاف .. بتدفع ستة أجار بيت .. والبقية أكل وشرب .. بس إذا بدك تحط كل يوم 500 ليرة بالقهوة ... و300 بالنت .. و400 بالمقهى .. ومدري . شو .. بتفرق أخوي .. |
اقتباس:
طيب شفت حدا مات من الجوع.؟ |
اقتباس:
|
اقتباس:
بتكفيك اجرة سرافيس لوحدك هالـ 3000 خاصة هلأ على ايام عولمة الاسعار ... بغض النظر عن الدخل ( هي نظرية الدردري ) |
اقتباس:
سوري ... دبر راسك .. بس إذا بدنا نعد وسائل التدبير ..... رح نثير القرف بين قراء القسم |
اقتباس:
حلو الواحد يصرف ... ويعيش حياة حلوة .. ويترفه .. بس لازم يعيش لحتى يعمل كل هدول مو .. طالما الإنسان عايش .. (متأمن الاكل والشرب ..) كلشي غير هيك بيتأمن بعدين .. :D تحية إلك ,.. وللكل .. :D .. |
اقتباس:
خيو مفاهيمك للحياة غريبة كتير , يعني معتبر انو توفر السكن اللي ف بيت في مي وكهرباء هو الشي الطبيعي واي شي تاني هو فزلكة !!!:? الانسان الطبيعي من حقو يتمتع بحياتو متل ما هو بيحب مو يعيش متل الدابة و يشتغل باكلو وشربو وهو مبسوط واذا هالظروف مو متوفرة بوطنو و ما في امل تتوفر قريبا فوين الغلط اذا راح على بلد بييحقق في هالشي اللي بيخلي يعيش كبني ادم بيحترم نفسو |
اقتباس:
الأكل و الشرب و المسكن, ضرورات أساسية, بس مش الوحيدة... في ضرورات تانية لا تقل عنها أهمية أبداً, و ما عم احكي عن رفاهيات, عم احكي عن ضرورات نحنا بشر, مش آلات أنا ع كل حال أدليب بدلوي, و بعتقد اللي بدو يفهمني فهم عليي.. و اللي مابدو, هاي مشكلتو اقتباس:
|
أنا حتى حسابات الأكل و الشرب ما بتطلع معي لحتى واحد يقدر يأسس أسرة براتبو
خلينا نقول راتبو 10000 و انو الزلمة كبس ع حالو و عاش ب8 آلاف, منيح؟ (آجار و مواصلات و أكل و شرب, الزلمة لا عندو موبايل و لا يفوت عالنت و لا يروح و لا يجي, من البيت للشغل و من الشغل للبيت, و كمان ما بيبرد و ما بيجيب مازوت) هالزلمة بيوفر من راتبو 2000 ليرة كل شهر, ع هالحسبة بيوفر 24000 كل سنة... اذا اعتبرنا انو خلال العشرين سنة المقبلة ما صار معو طارئ, و لا مرض, و لا حتى اشترى تياب و ما طلع من الشام ع ولا مطرح... بعشرين سنة بيوفّر 480000, يعني نص مليون الا طجة... عشرين سنة مشان يوفّر عشر آلاف دولار وحدة من تنين.... يا بيسرق, اذا بيطلعلو, يا بيهاجر, كمان اذا بيطلعلو.... و عمار يا بلد |
اقتباس:
|
| الساعة بإيدك هلق يا سيدي 14:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
