|
هل قتل داروين الله !
في دير ويستمينستر Westminster Abbey وسط العاصمة البريطانية لندن على بعد امتار عن قبر داروين عالم الأحياء صار متل نقاش بين شخصين بيمثلو النظرية الدارونية و شخصين اخرين بيمثلو وجهة نظر الدين ..كان عنوان المناظرة " هل قتل داروين الله ! "
الله شخصيا يبدو انو اتدخل ببداية النقاش بعد ما تعطل ميكروفون البروفسور ستيف جونز يلي بيمثل الدارونية ! بس كل شي اتصلح بعد ما اتغير المايك .. السؤال الأول كان ...بتعتقدو انو داروين كان عندو تحفظ على قبرو بالدير !! جونز اكد انو من الممكن انو يكون داروين كان معارض للفكرة ! ..بالوقت هاد كانت بداية كلمة السيد روبرت وينستون ممثل الدينية انو الله قتل داروين !! و ليس العكس ..طبعا كان في كتير ودية بالنقاش و طول الوقت كانو الحاضرين عم يضحكوا من النكت يلي كان الطرفين عم يحاولو يحكوها عن بعض ... الممثل التاني للدينية كان صريح كتير و قال انو كل شي موجود هو كان نتيجة و سيكون نتيجة حتمية لأرادة الله ..و انو نظرية التطور ما فيها اي انتقاد للدينية و ما بشوف فيها مشكلة بحيث انو الله رسم الخطوط العريضة للبشرية و مسيرة حياتها بطريقة غير قطعية , الشي يلي سمح للبشر انو يتمتعوا بأرادة كاملة بلأضافة للمسؤليات الأخلاقية ! البروفسور جونز قال انو ما كان عندو اي مشكلة بالأيمان بالله بس لما ابتدا يتعلم بالمدرسة اشياء بتناقض يلي كان يتعلمها بالكنيسة يوم الأحد غير رأيو ..و اتكلم انو الدين مثلا بيخليك تقتنع انو الديناصورات و الأنسان تزامنوا بنفس الحقبة ! و اضاف انو بالفعل داروين قتل الله ..لأنو كتير من الدينيين بالقرن قبل الماضي الحدو بسبب نظرية داروين عن التطور يلي دمرت الدعائم التكوينية للأديان ! طبعا الكل كان متفق انو الباس الداروينية بالدينية و العكس ...رح يدمر الفكرين معا .. بصراحة النقاش كان طويل كتير بس هيك كان ابرز نقاطو .. انا حبب انقل النقاش من دير ويستمينستر لأخوية ..و نتشارك الأراء عن داروين ..و اثروا عن الدين .. و هي بعض الصور من متحف التاريخ الطبيعي ب لندن بتظهر بقايا ما يقال انو القردة يلي كانت قريبة جدا عن الأنسان ..يعني قبل ما تصير انسان ...صور اجدادنا يعني ..هههه   http://dc105.4shared.com/img/1052525...12.jpg?sizeM=3 http://dc105.4shared.com/img/1052525...16.jpg?sizeM=3 |
الله قتل داروين بدلالة إنو قبر داروين موجود والله حي يرزق عنا بالأخوية ...
اقتباس:
|
اقتباس:
اضف لما ذكرت ومن وجهة نظري أنا في حديث ديني بيقول" ان الله اذا أراد أمرا هيىء أسبابه" طبعا لأنو بيأمرك بمكان تاني انو تفكر وتشغل عقلك بالكون وبنفسك . فأي شي بدو يصير من خلق او تغيير كلو بتتهيىء أسبابو اولا ليخرج وينولد . وحتى نتعلم ونفهم نحنا كمان شخصيا ما بقدر قول مافي خالق للكون وللعوالم , بنفس الوقت ما بقدر الغي تفكيري وعقلي وما اتوقع يلي خلقلي عقلي انو يمنعني من استعمالو , :D |
بتوقع انو النظرية الداروينية باغلب بنودها ما بتتنافى مع الدين ... وكوني مؤمن بالله ... فا انا مؤمن بهالحكي يلي قالو سام:
اقتباس:
ولأني مؤمن بالله وبعلمو... فا أيا شي بيعملو الله الو اسباب والو نتائج ... بجوز تكون غايبة عنا بالوقت الحاضر ... وبجوز ما تكتشف هالاشيا الا لبعد 100 قرن ..... بس بعرف انو هالاشيا موجودة والها اسباب ونتائج .... بالنسبة للنظرية الداروينية ... ما بستبعد ابداً انو تكون صحيحة ... وما بستبعد كمان .. انو تكون الشغلة اللي تسمى (الحلقة المفقودة ) هيي نظرية الخلق بس باسلوب تاني ... و:D |
اقتباس:
|
قبل نظرية داروين في خلق او اصل الانسان هناك اشياء اعظم من خلق الانسان بكثير .. مثال ...بسيط ..ناخذ الرادو لو حبينا نعرف كيف يعمل جهاز الرادو هو عبارة عن جهاز يتكون من مقومات ومكثفات وترانززترات تلتقط الاشارات الكهرومغناطيسية وعن طريق هذه القطع التي تعمل وفق الحسابات الالكترونيات دقيقة لو زاد او نقص لما اتضح الصوت.... القصد من هذا المثال ان هناك من وضع حسابات مهمه في صناعة الرادو يعني الشغله مو صدفة..... طيب هذا الكون الذي يعيش فيه الانسان والذي يعتبر الانسان فيه ذرة غبار مقابل حجمه مع الكره الارضية.. هذا الكون الذي يعمل بدقة متناهية مجموعات شمسية وكواكب تسبح في الفضاء بشكل عجيب كيف للكرة الارضية وعطارد وزحل والمشتري تسير خلف الشمس بشكل متناغم لملايين السنيين هل هي وليد الصدفة ....الدقة التي تسير بها الارض حول الشمس مع تناوب ميلان محور الارض هل هو وليد الصدفة.. وجود الماء على كوكب الارض وهو من ذرة هدروجين واكسوجين ولو زاد او نقص لم يعد ماء هل هذا وليد الصدفة.. انظر لدقة ما حولنا كل شيئ له وزنه وطعمه ورائحته هل هذا وليد الصدفة.. لا شي وجد بالصدفه انما هناك من وجده .. كما اوجد الانسان التلفزيون والاقمار الصناعية والصواريخ والحواسيب والطائرات وفق مقادير هندسية ايظن هناك من اوجد الانسان وفق مقادير معينة الله عز وجل يقول (( انا كل شيئ خلقناه بقدر)) بقدر يعني معادلة كيميائية فيزيائية حيوية اللي يكون ولو كان الانسان اصله قرد لستمر تحول القرود الى بشر الى يومنا هذا ولكن معادلة البشر تختلف مع القرود حتى ولو كان القرد اقرب في الشكل للبشر لاننا نسينا ان البشر ايظن فصيل حواني ولكن كل ما يميزنا عن الحيوانات هو العقل اما باقي الامور فالحيونات تفعل ما نفعل من اكل وشرب وجنس وانجاب ورضاعة وعناية وانتماء وذكر وانثى قوي وضعيف وغريزة..وهناك الكثير من الحيوانات تتشابه في الشكل الخارجي وهذا لايعني ان الاصل واحد...نظرتنا نحن المسلمون تقول ان هناك خالق واحد لهذا الكون ونحن البشر مجرد ذرات صغيرة تعيش في هذا الكون الفسيح فلا شي لدينا اسمه وجد من العدم هناك خالق وهناك مخلوق..........
|
اقتباس:
بس باللغة العربية لقيتلك مصادر ديني ...ما بتنفع :lol: بس بالانكليش لقيت مصادر ممكن تفيد بعض الشيئ : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وهون فيك تعرف اكتر بشوي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وانشالله ما كون ضوعت الموضوع :oops: :D |
اقتباس:
والله معك حق يعني شلون كل هادا ممكن يصير صدفة؟؟؟؟؟؟؟؟؟؟؟؟ مو ممكن أبدا وبنصحكن تبحثو وتقرؤو عن الإعجاز العلمي في القرآن الكريم وبعدين قلي إذا نظرية داروين صح ولا لاء وألف شكر لعبر المحيط (كفيت ووفيت) |
انا برأيي انو اصل النقاش لازم يكون بالشكل هاد ...الدينية هي المجبورة تشرح و تفسر بنود نظرية التطور ..مو العكس !!
لأنو نظرية التطور هي حقيقة علمية غير قابلة للجدال ..و الصور يلي تفرجي هياكل عظمية لانواع بشرية هي اقرب لبشر من القرود بتثبت صحة داروين ! طيب ليش ما نذكر بأي الكتابات الدينية انو كان في انواع بشر قديما مختلفة عنا و قريبة للقرد كانو هني اول من دفن موتاهم بمراسم !! على وجه الأرض ! ..يعني البقايا هي كان الها اثر كبير بالنسبة الي انو فكر بالداروينية من جديد مشان انو الله موجود بأخوية و داروين بالقبر ,,فيمكن انو الله لساتو موجود لأنو المؤمنيين يبدو لهلئ ما سمعوا اخبار انو داروين قتل الله ! |
اقتباس:
|
اقتباس:
هناك علم اسمه علم الجينات هذا العلم المسمى بعلم الجينات يبطل نظرية داروين وانصحك وانصح كل شخص مهتم بعلم البشرية بأن يطلعوا على هذا العلم لان كل انسان يحمل في جيناته خارطة جينية من ابونا ادم حتى الجين الذي يخصة.. واتمنى زيارة هذه المواقع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - او - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - في علم DNA يثبت ان جميع البشر هم من نسل رجل واحد وام واحده وان الجينات عند البشر تختلف عن القرود او الدلافين تماما بل ان كل حيوان لدية جين خاص بفصيلته وكل فصيله هي عالم اخر من الجينات لا ترتبط لا من قريب ولا من بعيد بفصائل اخرى ... واثبت علم DNA ان ادم وجد قبل ما يقارب 70 سنه اقل او كثر... وفي هذا العلم يعطيك كيف انتشر البشر في الكرة الارضية وصدقني سوف تذهل من بعض الحقائق ..وتستطيع انت ان تعمل تحليل DNA السوبر كود لك وسوف تعرف جينك وجين ابوك الى ان تصل الى جين ادم....... عموما تظل نظرية داروين مجرد نظرية قبل اكتشاف عالم DNA ولكن بعد هذا العلم الجديد لا اعتقد بأن احد من الغرب مازال يؤمن بها |
اقتباس:
|
برأيي الشخصي داروين ما قتل نظرية ( الله ) وما هدم امكانية وجوده
الشي اللي عمله بأنه نفى ايا امكانية لصحة لنظرية الخلق الاسطورية تبع آدم والضلع الأعوج والتفاحة والحية بعصرنا العلم عم يلعب دور بتهذيب النظريات الدينية وارجاعها للمنطق البشري لكن الليونة بالتعامل مع الموقع من الجانب الديني ما عم تكون كتير فعالة لدرجة ممكن فيها "تنكسر " الافكار الدينية من كتر مانها مخشبة وغير قابلة للنقاش . هلشي بسبب كتير ردات فعل قاسية من الاشخاص الما بيرضوا اهمال النتائج العلمية .. انه واحد يجي يقلي ( النبي آدم ) انه شو وضع نبوته هلشب ؟! لمين رسالته كانت للقردة والفيلة يعني ؟! من فترة التقيت بشخص كان عم يحكي على هلفكرة .. هوي زلمة جدا مثقفة وجدا مؤمن بنفس الوقت عطاني صورة كتير حلوة وفعلا بتستحق الاحترام .. الزلمة طلع بنتيجة بأن الخلق قصة (رمزية ) يفترض من الأديان تاخد العبرة بعيدا عن حرفية القصص . مع اني ما بخش بمخي ايا شي من النظريات الدينية بس بصراحة احترمته للزلمة كتير واعجبت بتفكيره . شكرا ايلفن علموضوع :D |
الى الأخ عبر المحيط ...
نظرية قصة الأجداد يلي اوجدها ريتشارد داوكينز معقدة جدا و في كتير من العلماء شافو انو من المستحيل انك تتعقب اجداد شخص ما من الوقت الراهن لترجع للعصور الوسصى لأنو السلسلة أسية !! يعني خلال 30 جيل لترجع للعصور الوسطة رح يكون الشخص عندو 2 أُس30 ..يعني مليارات الأجداد ..فعملية التعقب مستحيلة ! منجي للشي المهم بكلامك ...انو اكتشفو من خلال الDNA انو ادم هو اصل البشر....اسمحلي وضح النقط التالية .. كلامك بيقول انو البشر مقسمين لمجموعات بيتشاركو بالجد (اذا عدنا للوراء)..الجد هاد يمكن فاجئك و قلك انو مو بالضرورة جد الجنس البشري بس ...لأ ..بل هو الجد لأكثر من نوع من الأنواع الحية يلي واحد منها هو الأنسان ...كيف يعني ... داوكينز رسم الخط التاريخي للتطور البشري و يلي بيرتبط بكل المراحل المتعاقبة بكافة انواع الحياة على وجه الأرض !!!و بكل مرحلة من المراحل هي نحنا منتشارك مع جد واحد ,,,تبعا للسلسلة المتعاقبة اول جد نحنا منتشارك معو من الأحياء التانية هو الشيمبانزي و البونوبو و يلي داوكينز قدر انو الشي هاد كان قبل ستة ملايين سنة بمعنى تاني ...انو قبل ربع مليون جيل ..الشمبانزي والأنسان و البونونو عندون جد واحد ...و هيل بترجع لورا لحد الأنسان و البكتيريا ببتشارك بجد واحد ........... انتي فهمت بمصطلح الجد الأخير Most recent common ancestor ,,انو هو ادم ...لأ ,,هو مو بالضرورة يكون انسان ...و هالجد هاد بيتشارك فيه اكتر من نوع من الأنواع الحية النقاش طويل كتير ...و الي رجعة مطولة .. |
تكملة ..
و لازم نميز Most recent common ancestor of HumanBeing بين ول Most recent common ancestor of All Livings الأول هو جد الجنس البشر يلي بشكل خاطئ يُعتقد انو ادم التاني هو جد كل الأحياء على سطح الأرض !! الجد هاد بيتغير مع التقدم و الرجوع بالسلسة الزمنية للتطور الحيوي على الأرض |
و يمكن انو حدا يقول طيب ليش هلئ في قردة ! ..و انو الحوت ولتمساح و البعوض كل نوع عندو ال DNA الخاص فيه
السبب هو شي اسمو الطفرات Mutations و الأنتقاء او الأصطفاء الطبيعي natural Selection يلي بتخلي جزء من النوع يتحول ..مو النوع كلو !! |
برجع بقول ...مو الداروينية هي المجبورة تقدم شرح و تبرير للدينية
بالعكس ..الدينية هي المجبورة تقدم شرح للداروينية !! انتقلنا للحكي من داروين ل داوكينز بس لنفهم اكتر شو المقصود بالتطور. ........... شكرا اخي ابو طوني |
إذا صدقنا نظرية داروين يعني المفروض يكون في كائنات عاقلة غير الإنسان
لأنه مو معقولة إنه مافي غير القرد تطور يعني ليش القرد الي تطور بس؟؟ ليش ماتطور الحمار مثلا؟؟ وليش ماعم نشوف كائنات عم تتطور هلأ؟؟ يعني الغزلان هي هي الي موجودة من عصر الحجري لهلأ فليش ما تطور وصار شي كائن ذكي؟؟ |
معلم ..ذكرتها انا من قبل .
.انو التحول بيصير ضمن نوع معين بسبب طفرات بتصيب جزء من النوع الحي ,,مو النوع الحي بكاملو ! ,,,اضافة لأنو ممكن يكون الأنتقاء الطبيعي يلعب دور كمان بأحداث تغيير ببعض افراد النوع الحي الواحد ... الحمار و الغزال الموجودين هلئ هني نتيجة تطور حصل بالماضي ... و عملية التطور هي عملية جارية عل الدوام..بس بطيئة جدا جدا ..يعني بدها مأت الألاف الأجيال ,,يعني عشرات ملايين السنيين لتلاحظها ... لبسطها شوي متل ما قالها داوكينز ,, الأنسان و الشيمبانزي بيشتركو بجد واحد مشترك قبل تقريبا ست ملايين سنة هدا اسمو "The most recent common ancestor " ..اذا بترجع كمان مليون سنة بصير الأنسان و الشيمبانزي و القردة الرمادية بتشترك بجد واحد كمان بكون اسمو "The most recent common ancestor" كل ما بترجع لورا بتلاقي انو المجموعة يلي بتشترك بجد واحد عم تكبر .. حتى مثلا ازا رجعت ربع مليون سنة رح يكون الأنسان و الشيمبانزي والقردة الرمادية والثدييات والزواحف و الحشرات و وحيدة الخلية مشتركة بجد واحد كمان بكون اسمو "The most recent common ancestor" السيد عبر المحيط اعتبر اولThe most recent common ancestor انو هو ادم يلي بيتفرع منو البشر ,, العلماء اصطلحوا اسم اول "The most recent common ancestor" ادم بس مجرد اصطلاح انو هادا هو اول جد البشر ما بيشتركو في مع اي نوع حي تاني |
اقتباس:
والله يا حبيب نظرية داروين مافاتت بمخي يعني هالعلم يوم بقول شغلة اليوم الي بعده بيكتشف شي شغلة جديدة وبيطلع القول القديم خطأ وبعدين نظرية داروين بتناقض الأديان(ومنها الإسلام)وعلى إعتبار إني مسلم رح قلك إنه بالقرآن الكريم مذكور إنو الفرس والروم إلتقو في أدنى الأرض-ووقتها فعلا كان قد صار معركة بالقرب من البحر الميت- وبيجي هلأ العلم بقلاك إنه فعلا أكثر نقطة إنخفاضا على سطح الأرض هي موجودة بالقرب من البحر الميت. وفي آيات إعجاز علمي بالقرآن لتقول بس وكل يوم بيكتشف العلم أشياء كانت قد ذكرت في القرآن. إيه فمو معقول هادا القرآن يكون كتب بالأرض مو؟؟ يعني من وين إجا ممكن إنت تقلي؟؟ وبما إني رايق فانقدني لتشبع ورح إتقبل رأيك بكل صدر رحب:deal: |
ما انا سؤالي يا عزيزي
شو اثر داروين على الدين برأيك ... انتي ما بتشوف في اي اثر ...هدا رأيك ,,بشاركك فيه مليارات البشر .. ......................... ورد خطأ بردي الأخير ..قلت بعد ربع مليون سنة ..الأنسان و الشمبانزي و القردة الرمادية و الثديات و الزواحف و الحشرات و وحيدة الخلية كلها بتشترك بجد واحد ...التصحيح ..ربع مليار ..مو ربع مليون .. |
اقتباس:
اولا..لابد نعرف شغله وحده ان كل شي له بداية وله نهاية مافية شي يدوم مدى الحياة حتى الكواكب والنجوم التي لها ملايين السنيين نسمع من وكالة ناسا عن نهاية لبعض هذه النجوم... من هنا نعرف ان جميع المخلوقات على وجه الكون هي معرضة للنهاية... واكبر دليل على ذلك العصر الجوراسي والعصر البليوسيني الذي انقرض اغلب من كان يعيش في تلك العصور ...عوده لطفرة الجينية او التحور الجيني اخي قلعة هي تغير في قواعد او ترتيب لصبغة الوراثية للازوتية وليس تغير في الشكل البشري يعني . كل انسان يوجد فيه طفرة جينية لكن هذا لايعني انها تلغي الخارطة الجينية للبشر.. بمعنى اخر لو هناك اخوين من اب وام سوريين لو عاش احدهم في اوروبا ولاخر في افريقيا الوسطى وبعد 2000 سنة سوف نجد ان ذرية الاول في اوروبا تختلف بعض الشي عن ذرية الثاني في افريقيا الوسطى سوف نجد هناك طفرة لدى الذريتين لكن لم تغير من جنسهما البشري هذا هو المعني الطفرة الجينية اصبح هناك تغير جيني استقل عن الاخر ولكن مازال كلا الذريتين يحملون الصبغة الوراثية للاب السوري.. اخي قلعة علم DNA دقيق جدا اصبح يستدل به حتى في الاحافير والعصور القديمة واصبح هناك معاهد ومراكز عالمية تعمل على تطويرة والاستفادة منه الاستنتاج كما بداء الانسان على وجه الارض سوف ينتهي كانسان.......وكما بدا القرد سوف ينتهي كاقرد وكما بدا الفيل سوف ينتهي كافيل كل شي له بداية ونهاية لا يوجد تحول او طفرة من جنس الى جنس اخر يعني من طحالب او بكتيريا الى قرد ثم بشر هذي صعب تصديقها ولا بتركب في العقل وكلام اخي wile صحيح ليه ما تطور بقية الحيوانات؟ اما بخصوص مصطلح ادم ما بتفرق لانو النتيجة هي وحده جميع البشر هم من اب واحد مايهم شو اسمه او لونه اما بخصوص انو الدين لازم يشرح لداروين .... انا ياسيدي راح اعطيك بعض الايات القرأنية قال الله عز وجل (( يا ايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند اللّه اتقاكم)) لم يقل ذكور واناث بل قال ذكر وانثى وبعد زمن وبعد الكثرة اصبحتم شعوب وقبائل وقوله تعالى (( يَا أَيُّهَا النَّاسُ اتَّقُواْ رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاء وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيباً )) هنا حدد الله عز وجل نفس واحده لا تقبل الجدال ولم يقل ان خلقناكم رجالا ونساء كان صار كلام ثاني وقوله تعالى (( إِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِنْ طِينٍ)) لاحظ هنا ورد كلمة خلق وهي ضد تحور او انقلاب او انتقال او طفرة وقولة تعالى (( ألم تر أن الله خلق السماوات و الأرض بالحق إن يشأ يذهبكم و يأت بخلق جديد)) في هذه الاية الكريمة يرينا الله انه يستطيع كما جاءبنا كامخلوقات يستطيع ان ينهينا وياتي بخلق جديد وقولة تعالى (( وَمَا مِن دَآبَّةٍ فِي الأَرْضِ وَلاَ طَائِرٍ يَطِيرُ بِجَنَاحَيْهِ إِلاَّ أُمَمٌ أَمْثَالُكُم مَّا فَرَّطْنَا فِي الكِتَابِ مِن شَيْءٍ ثُمَّ إِلَى رَبِّهِمْ يُحْشَرُونَ)) سبحان الله سبحان الله ولنا عوووووووووووووووده |
اقتباس:
و شلون أكل ولا ما كان ياكل لا لحمة ولا بيض ولا كل منتجات الحيوانات آدم أصلا من وين إجا؟؟؟ إذا ما عندك مانع تجاوبني لأنه هالأسئلة عم تزيد شكوكي بمصداقية نظرية داروين |
شباب ..
ما في شي اسمو ادم حسب داروين او داوكينز .. تم اصطلاح الأسم ادم على اول جد البشر ما بيشتركو فيه مع احياء اخرى ..يعني مجرد اصطلاح ..لأنو الجد التاني بيشترك الشيمبانزي فيه معنا ..و الجد التالت و الرابع و الخامس هيك كل ما رجعنا لورا , عدد الأحياء يلي بتتشارك بالجد بتزيد ...حتى نوصل لجد بيتشارك فيه كل الأحياء .يعني علميا ما في شخص اسمو ادم ...ادم علميا هو اول مجموعة بشرية نتجت من تطور القرود ..و المجموعة هي بالمليارات !! .. هلئ ليش القردة موجودة لهلئ ...قلتها كمان من قبل ,, لما تحولت القردة لبشر ما كل القردة تعرضت للتحويل ..قسم منها تعرض للتحويل هاد و صار بشر بسبب الطفرات و الأصطفاء ..اما القسم التاني بقي قردة و عم يتحول ببطئ جديد لبشر ..لأنو عملية التطور او التحول بدها ملايين السنيين سيد عبر المحيط قلت لكل شي نهاية و بداية ...حلو بس الكلام هاد مو علمي ,...اذا بدي احكي بطريقتك هي بقول انا كمان في مقولة انو الطاقة لا تتبدد و لا تخلق من عدم ..مع انو الكلام هاد علمي اكتر ..بس ما فينك تجيب اي كلام و تخلي ينطبق عالبشر سواء كان علمي او غير علمي ..دراسة اصل البشر او تطور الأنسان امور حساسة و دقيقة و بعترف انو كتير من حقائقها مثبتة بس بتبقى فرضيات ... مبنية على اساس علمي. الايات يلي يا عزيزي انت ذكرتها واضحة جدا و ما في اختلاف على معناها ..بالفعل معناها واضح ....بس ما هون مشكلة داروين ..انو جعل التشكيك مو بمعاني النصوص الدينية بل بالنصوص نفسها ... طيب ليش ما نذكر بأي دين من الأديان انو كان في ديناصورات ...مثلا او انواع كتير انقرضت . وكل الأمور يلي اكتشفها الأنسان مؤخرا !! مثلا ....بدراسة جنين الدلفين ..تبين معون انو بالأشهر الأولى بحياتو الجنينية بتظهر عندو ذراعين صغار مع يدين و اصابع ..و بتختفي الذراعين هدون بالشهر الرابع اثناء حياتو الجنينية ...طيب هاد شو بدل ...بدل انو بالفعل الدلفين هو نتيجة تطور كائن حي قديم او لساتو موجود و اغلب الظن انو برمائي ..و لعلمك انو الدلفين بالذكاء بيجي بعدي انا(كأنسان) و بعد الشيمبانزي ... |
مابعرف انا ليش حاسس انو داروين لما حط نظريتو بالاصل كان فيها نقص و اعوجاج قام حط شغلة الاصطفاء و الطفرات حتى يعطي نظريتو مصداقية أكبر.....
يعني البارحة كنت عمتفرج على برنامج علمي بيقللك انو العقارب من 400 مليون سنة ظهرت و انو المستحاثات اللي اكشتفوها عن العقرب كانت مطابقة للشكل الحالي الموجود... وعلى فكرة انو العقرب بيتواجد بكل المناطق المناخية المختلفة"صحاري-غابات-مناطق حارة-مناطق باردة" طيب ليش ما تطور هالعقرب وصار شي تاني مثلاً... 400 مليون سنة كافية لتطورو على ما أظن... وكمان في الصراصير و القوارض و القنفذ و قدنيل البحر....هي كلها من مئات الملايين من السنين على وضعها الحالي... |
اقتباس:
لو استطاع يشرح كل الظواهر كنا قلنا انو داروين قتل الله و حضر جنازتو كمان !! .... بس فيني قول شغلة ..انو حتى معارضين داروين مو معارضين للأصطفاء و الطفرات ..بس بجادلو ..انو يا عمي عملنا دراسة على نوع من الذباب و تابعناه مخبريا لأكتر من مية الف جيل ..و الطفرات يلي ظهرت ما غيرت نوع الكائن !..يعني ما صارت الذبابة فراشة ! الفكرة انو اذا الطفرات هي بتسبب تحول بالنوع او ما بتسبب ,,هدا هو السؤال |
اقتباس:
انا عندي لك نصيحه اعمل ريلاكس و هدي اللعب شوي خلي الالحاد على جنب اعمل اطلاع موسع على علم DNA شوف ابعاده شوف الحقائق ...... الان في دولة الامارات و الاردن والسعودية اقاموا مشاريع جدية تتعلق بعلم DNA يريدون ربط هذا العلم بعلم التاريخ يردون معرفة السلالات العربية والاشورية والبابلية وغيره وفيك تروح لروابط التالية: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
أول الشي النظرية الداروينية الاساسية فيها نقص وحلقات مفقدودي وهيدا الشي محدا بينكرو..
بس بعد ماقريت ردود عبر المحيط..استنتجت أنو هوي ابدا مانو قارئ الداروينية.. وما عندو اي فكرية عن النظرية الطفرية يلي هيي جزء من الداروينية ويلي بتعتمد عقوانين الوراثية.. كمان بس نحنا نحكي عن الداروينة فنحنا عم نحكي عن المذهب الدارويني الجديد مو عن النظرية الاساسية لداروين.. والداروينية الجديدي لساها عم تتطور لحد هاللحظة وبالاعتماد عقوانين الوراثي والاصطفاء الطبعية ومبدأ الانعزال.. كما انو الاخ عبر المحيط مازال مصر انو الفيل من فجر التاريخ خلق فيل ورح يبقى محافظ عتركيبتو الوارثية ذاتها لبعد ملايين السنين..وهيدا الشي اثبت العلم خطئو..حسب النظرية الطفرية يلي تم التأكد منا.. وكنت بتمنى يكون عندي الوقت لجاوب عن كل تسأل على حدا..لكن للأسف غير مرة انشالله.. بالنسبي للسؤال إذا داروين قتلو لله ..فما بظن عالغلب جرحو جرح عميق وخلاه ينزف.. بس لسا الله عمرو طويل ..سعدو يطول بعمرو.. :akh: |
يا جماعة فهمنا إنه آدم كان أول مخلوق على وجه الكرة الأرضية وإنه آدم تسمية فقط
بس هادا الكائن شلون كان بعبش؟؟ ومن وين كان ياكل؟؟؟ وشلون كان بيتزاوج؟؟ رجاء جاوبوني |
عيوني و حبيبي Wile ...
انا ما عم اعرف وصّل فكرتي او انتي ...! هلئ جدك الأول (الله يطول بعمرو اذا عايش ,,و الله يرحمنا و يرحمو اذا ميت) مين هو !! هو جدك الأقرب يعني والد ابوك ..حلو ..نفس الشي الجد الأول حسب داوكينز هو الجد الأقرب للبشرية يعني جد البشرية مو جد الكائنات كلها ..و هدا الجد هو اقرب جد نحنا ما منشترك مع اخوتنا القردة و غيرون من الأحياء فيه !! ..و هدا الجد علميا هو مو شخص واحد ...هو اول جماعة بشرية ..و عددها بالمليارات... كيف عاشو و كيف تزوجو ..عادي كانو يمارسو وظائفون الحيوية متلنا او يمكن احسن بشوي .. للمرة العاشرة ,,بعد جدنا الأقرب ..بصير كائنات اخى تشترك معنا في ...يعني كل ما بعد الجد كل ما اشتركو كائنات اكتر معنا فيه ..و الجد الأبعد هو جد كل الكائنات الحية على و جه الأرض و هو بالأغلب اول و ابسط اشكال الحياة ,,يعني خلية وحدة و يمكن كمان من دون نواة (بس بيبقى جدنا و لازم نحترمو ! ) استاذي عبر المحيط ... انا كتير ريلاكس و مو معصب ابدا ..و شكرا جزيلا عل اللنكات عنجد فادوني كتير ..بس المشكلة اللينكات يا عزيزي عم تحكي بنفس الأفكار يلي انا عم احكيها ..يعني كلها مستندة على نظريات داوكينز !! ..بس كأنو انتي عم تفهمها متل مو انتي حابب .. و مشان انو تتأكد انو انا كتير ريلاكس بدي ادعي لله يحشرك معي بالدنيا الأخرى !! هههه ...بس خايف تكون ما بدك تنحشر معي !! وقتها بدعي الله يحشرنا مع بعض بصيدنايا !! ... مو مشان شي ..بس حابب اكسبك و انحشر معك بشي محل .. و كنت بتمنى من عزيزي جيمي انو كان عندو الوقت ..كان اكيد النقاش رح يكون اثرى ...بس ماشي غير مرة و يعطيكون العافية .. |
هوي محسوبك بكلوريا بس منحاول قدر المستطاع..أو شي كمثال بسيط عالنظرية الطفرية..
فراشة "العثة" فراشي ذات لون ابيض بتعيش على على اشجار البتولار ذو الساق الابيض.. وهالشي بأمن للفراشي حماي من اعدائها الطبيعين..حيث رؤيتها بتكون صعبي.. خلال ملايين السنين كان يحدث طفرات بتأدي تخلق فراشات بلون اسود..وكانت تعتبر الطفرة ضارة.. لأن وئتها كانت تصير الفراشي واضحة لاعدائها الطبيعين ..(لونها الاسود فوق الشجر البيض) ولكن مع ظهور معامل باحدى المناطق حولت ادخنتو عدد كبير من الاشجار حول المعامل للون السود.. وبالتالي الفراشات فقدت حمايتها كونها اصبحت واضحة لاعدائها الطبيعين..(لونها البيض فوق الشجر الاسود) وهلئ بس ظهرت طفرة الفراشات السود..قدرت الفراشات السود تحمي نفسها..وعمبدأ الاصطفاء الطبيعي.. فالفراشات السود قدرت تستمر..في حين الفراشات البيض لأ.. وبالتالي خلق عنا فراشات سود ..في حين بمناطق اخرى ضلو الفراشات بيض.. وبالتالي خلق عنا نوعين.. متميزين عن بعضهم بالتركيبي الوراثية.. اقتباس:
اقتباس:
لكن في بالمعادلة تشابه بينك وبين جدك بنسبية 70% ..وبينك وبين القرد في شبه بالتركيبي بنسة 50%..لأن البشر والقرود الهن جد واحد..متل ما في شبه بين تركيبة الحصان والحمار.. (انا اختصاصي مو وراثي وما بعرف النسب الدقيقة) اقتباس:
اقتباس:
اقتباس:
تماما متل القرد والانسان يلي لساهن بيشتركو بالصبغة الوراثيي لجد واحد.. والتمايز مازال مستمر بين البشر انفسهن فالتركيبية الوراثية للرجل في اليابان مختلفي عنها للرجل في اوربا (حسب مبدأ النعزال).. وبشتركو بين بعضهن بنسبي معيني.. |
بالنسبة إلي ..بشوف انو داروين وضع لأول مرة بالتاريخ نظرية عن اصل الأنسان و نشأتو ممكن انو تدخل العقل ...يعني عطى تفسير كتير منطقي و لحد ما علمي جدا و واقعي ...بعكس الأديان يلي .فيها كتير شغلات العقل ما كتير بيقبلها ..مثلا داروين ما بيقول انو في جمال بتطير !! ...داروين ما بقول انو في شخص بيمشي على المي ! ..داروين ما بيقول انو في اشخاص كان عندها سيف ممكن انو تقسم الأرض نصين بضربة وحدة !! ...او ناس بداخل النار و هي عم تشرب و تاكل ..او واحد عندو سفينة جمع عليها كل الكائنات كلها,..بما فيها المجهرية !!
الفرق بين الدين و داروين ...انو داروين وصل لفرضياتو بعد تجارب ,, اما الدين وصل لألنا جاهز قبل الاف السنين !! مثلا متل نظرية داروين او النسبية لأنشتاين او الفيزياء الكمية ..كلها العلماء وصلوها بعد استنتاجات و دراسات و تجارب علمية ..لهيك مهما بقيت النظريات هي غامضة ..بس امكانية تصديقها واردة اكترمن النظريات الدينية يلي هي كمان غامضة بس الأولى عندها اساس علمي ...اما التانية فأساسها ....ميثولوجي . |
اقتباس:
كلامك صحيح ما عندي اطلاع كامل على نظرية داروين .......... ولكن اكتفي مثل ما اكتفى غيري حين علم ان نظرية التطور في كتابة اصل الانواع ان الاحياء جاءت من اصل واحد مشترك وتنوعة حسب الحاجة هنا اكتفيت لان العلم الجديد ابطلها جمله وتفصيل ولا يحتاج انو نتعمق في نظرية اولها خرافه لم يستطع صاحبها اثباتها في القرن 19 ونحن الان في القرن 21 اثبت العلم الجديد ادله قاطعه بأن لكل كائن حي شفرة تخصة...وياليت تأتي انت بما يثبت صحة نظرية داروين في هذا القرن؟ حتى علماء العصر الحالي حين ربطوا بين الطفرة الجينية ونظرية داروين وجدوا ان حدوث اي طفرة جينية في اي كائن حي لا تعني ظهور جناح جديد او عين ثالثة او ريش بدل الجلد..... والتشابه في التركيبة 50 او 70 % لا يعني ان القرد ابن جدك لان الانسان بيضل حيوان مو رجل فضائي خلق مثله مثل باقي الحيوانات اعطي امتيازات من قبل ربه... وبكره يجي واحد وبيقول الببغاء مثل الانسان بيتكلم بيصير ابن عم للانسان بسنبة 40% ........ في الاخير جاء الانسان على هذه الارض وهو انسان ولم يكن جده و جد القرد واحد او اي كائن حي اخر ... وهذا ينطبق على جميع الكائنات وسؤال لداروينية هل مازال الانتخاب والتطور الطبيعي مستمر الى الان ام انه انتهى؟ وهل هناك كائنات حية في عصرنا الحالي مو عاجبها حالها وجالسة تطور؟ ....على سبيل المثال ...هل فيه كائن حي بدا يظر له جناح صغير رغبه منه الانتقال من عالم الزحف الى عالم الطيران...وكيف استطيع كائن حي يبيض ان يصبح كائن ثدي يلد والعكس ؟ - - - علم الوراثة وعلم DNA وعلم الاحافير والتشريح اثبتت موت ونهاية الداروينية عليه ..العوض ومنه العوض |
يا أصدقائي نظرية دارون خاطئة جداً ... جزيلاً ...
لأنو أصل الإنسان مو قرد ... أصلو حمار :frown: اتفضلو : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
اقتباس:
و كتير امثله صغيره تانيه .. و انا شخصيا ما بشوف انو الله قتل داروين ولا دارون قتل الله يعني القصه مش حرب .. انما نظريات مختلفه ما بدها عنف و يا هي النظريه يا هي .. أنا شـخصيا بآمن بالله و بهالقصص و بآمن بنظريه التطور معا يعني عندي انفصام بالشخصيه مثلا :? ؟؟ ما بعتقد .. و لكن في حلقات مفقوده بكلا النظريتين .. في شي نحنا ما حضرناه و كنا موجودين وقت حدوثه و بذلك هالحلقه المفقوده يمكن تكون صله الوصل بين النظريتين أو حتى لو مافي اي صله فأنا ما بشوف انو نظريه التطور كتير بتأثر على ايماني أنا .. |
والله البكالوريا بتضرب المخ بس ياريت تاخدوني على قد عقلي
يعني بس حابب أعرف برأي داروين أول كائن حي من وين إجا؟؟؟؟؟؟؟؟؟؟؟؟ |
اقتباس:
نظريات بعض العلماء بتعتمد على استخدام الغازات و الضغط و هالقصص .. بس الجواب النهائي ما حدا بيعرفه لسـّا |
واحد من الأثباتات المهمة لنظرية داروين هي دراسة المستحاثات fossils يلي بتعود لمراحل مختلفة من تاريخ الأنسان القديم و هي صورة لجمجمة امرأة سميت Lucy و عاشت قبل حوالي 3.5 مليون سنة ..
بتمنى من اللي مهتمين بالموضوع يرجعوا للصور الموجودة ببداية الموضوع يلي بتعود لل Neandertals و هني بشر عاشو بحقبة بين حقبة Lucy و وحقبة الأنسان المعاصر Modern Human ..و خلونا شوي نتأمل و نلاحظ شو صار لليوم هاد ...  من الواضح انو القسم الأمامي للجمجمة عم ينمو بشكل واضح و الفرق بين لوسي Lucy وال Neandertals واضح ...و بعدين ....الفرق كمان بين ال Neandertals و الأنسان المعاصر modern Human كمان واضحة ,,, يعني كلام داروين كان صحيح...بالفعل متل ما قال داروين ..انو الأحياء هي عبارة عن مجموعة ادوات لحل مشاكل البقاء ..مثلا ...القلب بيحل مشكلة ضخ الدم ..الرئتين بتحل مشكلة ايصال الأكسجين للدم ,,,و الدماغ كمان نفس الشي بيحاول يحل مشاكل يلي بتحيط بالأنسان لأنو هو مسؤول عن التفكير ....طيب لوسي و اخواتها كانو بيعيشو بأفريقيا من دون اي معارف من دون حتى اي لغة و انجبرو بعدين يعبرو البحار و المحيطات ليعيشو بأماكن تانية ..و خلال الرحلة الطويلة صادفو كتير من المشاكل يلي بتهدد بقاؤون ,,فصار في نمو للجبهة الأمامية للجمجمة وما يقابلها في زيادة بحجم الدماغ ليتمكنو من البقاء و التعايش مع الظروف الجديدة ,,,, شباب القصة هي حدثت خلال فترة اكتر من 2 مليون سنة ,,يعني ما بين يوم و ليلة شوفو الصور و عملو المقارنة و فكرو بالموضوع و اعطوني رأيكون .. |
هههه ..ما كنت مفكر انو صورة لوسي رح تكون كبيرة هيك ,,,حرام كتير طالعة بشعة ...
على اي حال ..هي صورة تانية بتوضح اكتر علاقتنا مع الأحياء القريبيين كتير النا ...و اشتراكنا معون بجد واحد ...الجد هاد بيشترك بدورو مع القردة بجد واحد اسف اذا هلكتكون بالصور ... خلص ما بقى رح ضيف ولا صورة ... لاحظوا لوسي و اخواتها ...و شكل الدماغ يلي كل مالو عم يكبر ليصير بيشبه البشر اكتر .. شكرا  |
اقتباس:
وبيتكاثر بالانقسام الخلوي.. اقتباس:
اقتباس:
نعم عزيزي لسا التطور مستمر وكان حكيي واضح بردي السابق:D.. اقتباس:
بالنهاي عزيزي عبر المحيط انا ماني مابدي اقنعك بشي:D.. والله موجود شفتو انا:lol:.. لكن انك تقول علم الوراثي قتل الداروينية:pos:..فهالشي -عدم المؤاخذي- افتراء كبير..لأني عندي معارف مختصين بعلم الوراثي وعم يستخدمو نظراياتو لتفسير الحلقات المفقودي بالداروينية.. اقتباس:
وبتمنالك ايمان من حديد:D.. وتحياتي للكل.. :akh: |
| الساعة بإيدك هلق يا سيدي 20:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون