|
تحت الله بشبر
لاحطت انو بعض الاشخاص وهن اغلبية وانا بوقت من الاوقات كنت منن بغض النظر هالشخص ديني او لاديني او ملحد بتلاقي انو بيعطو بعض الشخصيات قداسة وبيعملوهن تحت الله بشوي والي بستغربو انو في عالم بتعتبر سب الله حرية شخصية بس تعا سب حد من رموز ال(اياً يكن) بتقوم الدنيا ومابتقعد مثلا قعود كفِّر للصبح ماحد بيقلك تلت التلاتة كم بس جيب بسيرة حسن نصر الله او جيفارا او الماغوط او او او ......... بتكون فتحت على حالك بواب جهنم انو ليش دايما عمنعطي \\قداسة\\ لهالاشخاص يااخي حتى لو كان مقاوم وشريف وكل شي *يعني الاحترام مابيكفي؟؟!!!! يااخي شو مابدك بس ماتوصل لدرجة التقديس |
هلا في فرق كبير بين الحالتين
لما تسب ربك هالشي بيكون بينك و بين ربك و ايه نعم هاي حرية شخصية هاد دينك انت بدك تنشوي بجهنم انت حر ما حدا في يقلك شي بس لما تكون عم تحكي عن شخصيات عم نعيشها و نشوفها متل حسن نصر الله زي ما كتبت فوق او جيفارا..الخ بتكون عم تفتح مجال للنقاش ممكن تطلع منو بنتيجة مو متل ما تحكي عن دين اللي اولا و اخيرا بيخصك الك... الك انت و بس.. :D. |
ممممم
مافهمتي علي القصد من الموضوع انو ليش عمنعطي هالشخصيات هالقداسة القصة مو قصة الله انا عطيت مثال انا بس بدي اعرف السبب :D |
انو بحس لما تسب الله ... الله ممكن يكون شايفك وباي لحظة في يشختك ويلعن سلسفيلك ..
بس لما تسب مثلاً "الامام علي" فا هالشخصية بالحياة الدنيوة ما عاد الها وجود .. بس الها شعبية واتباع كتيييير وهني بيعتبروا حالهن مخولين ليدافعوا عن هالشخصية بيحال حدا اهانها .. اما ربنا .. ما بدو حدا يدافع عنو .. هلأ هاد الموضوع كتير انطرح .. ما عاد اتزكر ازا بيني وبين رفقاتي ولا بأخوية ... بس بحسو شائك ومقعد شوي .. وبالنهاية كلو بيرجع للتربية ..وكيف هوي بيتعامل مع الشخصيات او مع الله ! الي رجعة :D |
اقتباس:
بالوقت اللي هي شي كتير مهم و مقدس بالنسبة لصاحبها.. فاذا اجا فلان من الناس و صار يتفصحن عليك بدك تثور و تدافع عن وجهة نظرك بشتى الطرق و الوسائل.. على سبيل المثال... انا بشكل عام بحترم وجهات نظر الاخرين شو ما كانت بس ازا اجا حدا حكى عن شي موضوع مقدس بالنسبة الي و لنقل فلسطين (على سبيل المثال لا الحصر) بشلّ املو ازا كنت مقتنعة بانو غلط انا عم بعطي فلسطين كمثال حتى نوهّ انو ممكن يكون هالشي المقدس مش شخصية كرجل او بني ادم بشكل عام ممكن يكون شي تاني شايف كيف؟ :D |
اقتباس:
بس لما نجي نحكي عن شخصيات متل حسن نصر الله جيفارا او غيرهن ليش لحتى يوصلو لدرجة القداسة؟ ملاحظة: ياجماعة انا ماعمبعمل مقارنة بين الله وهالشخصيات انا كل هدفي من هالموضوع اني اعرف شو سبب تقديس هالشخصيات |
اقتباس:
بس مثلا لنقول حسن نصر الله مع اني انا شخصيا بحترمو كتير وبحبو وبقدر الي عملو بس مابحاول انو يوصل معي هالاحترام لدرجة القداسة |
كلامك عين العقل ابو العبد
|
حرية الرأي اهم من الله و عيسى و محمد و علي و حسن نصرالله و سوريا و فلسطين و ايران و اسرائيل و بشار الأسد و الملك فهد و العلوم والخرافات والعادات والتقاليد و الجغرافيا والتاريخ ,,,و حتى البديهيات والمنطق
و المشرفين بأخوية . |
اقتباس:
هلا انا كان قصدي انو (على سبيل المثال)واحد من نصرالله او غيفارا او غسان كنفاني..الخ شخص عظيم من جهتي بحترمو كتير جدا ..و لما حدا يجي في بعتبر انو اجا فيني بطريقة او بأخرى لانو هالرجل مهم بالنسبة الي و انا بعتبرو مثلي الاعلى بالحياة!!! بالنهاية الشغلة بتصفي قناعات..بمعنى انو: ممكن تكون بتحب هالشخص لانو عمل كتير اشيا بحياتو..ممكن لانو بيزكرك بحيّالله حدا بتحبو..ممكن يكون صاحب قضيةمتلا!..الخ مع الوقت بيصير هالشي او هالشخص جزء ما بيتجزئ منك... من تكونيك و شخصيتك! :D. |
اقتباس:
اقتباس:
وتعريف التقديس هو: اقتباس:
|
اقتباس:
اقتباس:
بعدين شو دحش موضوع حرية الراي بهالموضوع:? |
اقتباس:
هلا انت شفت بزمناتك عالم بتحج لغيفارا متلا؟ ولا بتتبرك بالمي اللي تحمم فيها نصر الله؟ انو هيك قصدك؟ يا رجل فوتني بالحيط! :lol: |
دخلك ماالزِّك:pos:
القصد من التعريف انو في عالم بتنزه مثلا مثلا حسن نصرالله وبتعتبرو معصوم عن الخطأ ونفس الشي جيفارا ونفس وكمان في ناس وصلو لمرحلة انو مستعدين يعملو مدبحة اذا حد مس شخصيات من هالنوع انشاالله وصلت الفكرة:frown: |
اقتباس:
اكيد مو القصد المشرفين ...بس احيانا كتير بصير حذف لأراء ..يعني انا ما رح علمون شغلون لأنو هني ادرى ,,,مثلا بموضوع بالمنبر صار حذف لردود عضو كان عم يتمسخر عليي شخضيا ...انا انزعجت ليش صار الحذف ,لأنو من حق اي شخص يتكلم عليي بالطريقة يلي بتعجبوا , اكيد مو حرية الرأي هي الموضوع..بس انا كان رأيي لو فهمتو صح ما كنت استفسرت ابدا ,,,على اي حال انا كان رأيي انو القداسة لحرية التعبير والرأي بس . |
اقتباس:
هلا شخصية (بما انو صايرة و صايرة و نصر الله مثال) احنا كوضع حاليا منحتاجها تطلع حواليك احنا كشعب ما فينا نعمل شي غير انو نستنى بطل اسطوري يجي و ينقذنا و يحرر اراضينا ويطلعنا ع القمر و يرجع الاندلس ..الخ. بما انو هالشعب لقي او ع القليلة اقنع حالو انه لقي ضالّتو (من ضالَّة) بهالشخص فـ شي بديهي يتحول هالشخص لمقدسة من المقدسات في ظل الوضع الراهن.. |
أبو العبد..أول شي مرحبا عليك
تاني شي ...عندي تحفظ على عنوان الموضوع ..كان لازم يكون" فوق الله بمترين "....:lol: حبيب الموضوع يمكن اختصار بكم جملة.... هو بالحقيقة أغلب الناس ما بتقدّس أو بتقتدي بشخص معّين .... هي بالاصل "موضة" و "تقليد" لا أكتر ولا أقل... انا "منفتح" و "فهمان" "مثقف" "عربي" "مقاوم" ......الخ والي رجعة موسّعة أكتر... :D |
كان من الاول:pos:
بس مش حسن نصرالله هو الي رح يرجع القدس ولا هو البطل الاسطوري زمن المعجزات انتهى وزمن الاساطير خلص بح ماعاد في تعا بكرا:p وطول ماتفكيرنا بهالطريقة عمرنا مارح نتقدم خطوة وحدة لان رح نضل نستنى بطل اسطوري بعد حسن نصرالله والي بعد لي بعدو وهلمَّ جراً لك عراسي والله:D |
اقتباس:
وناطرك ابوشريك:D |
انا بظن والحمد لله ما بكفر كتير ..
بس بظن انو الله بيسامح لانو الله ... بينما هالاشخاص اللي عم تحكي عنن هني بشر ومابيسكتو متل ربك .. |
بتصور انه عم يصير التقديس لهيك شخصيات ..لان في شي ملموس عم تقدمو هل الشخصيات بعض النظر ان كان صح او خطا ..بس بالنسبه لجماهيرها ...عم تلامس افعال وتضحيات عم تقدمها بتخليها تصير مثل ورمز ..ومقدسه ..مشان هيك ما بتسمح بالمجادله او النقاش عنهم ....
اما الكفر بعتبرو انا فشه خلق ..وحركشه بالله ..مو اكتر ...يعني محبه بالاخير :p |
اقتباس:
يعني معقول لو واحد حكى عن جيفارا مثلا قوم واصمطو كفين اعمل قفا بدل تمو :pos: وهالشي وارد وصارت قدامي وحتى لو جيفارا عمل تضحيات هاد مابيعطيني مبرر اني الغي الاخر وامنعو من ابداء رايو برجع بقول انا بعترف اني بيوم من الايام كنت متعصب لشخصية السيد حسن بس يااخي لقيت الموضوع زايد عن حدو وانو يعني لو انا عملت مشكلة مشانو مثلا رح ينتصر على اسرائيل؟؟! وحتى لو انا بكرهو رح هل ياثر هالشي عليه؟؟! اقتباس:
|
اقتباس:
لازم تعرف شغله انه نحن شعوب مستحيل نتقبل الرأي الاخر ..ومتعصبين لرأينا ..مشان هيك بتلاقي صعوبه انه تلاقي حدا يتقبل انتقاد لشخصه او معتقداته ..بدنا كتير لنوصل ...وهدا الشي تمسكنا وتعصبنا مو جاي من فراغ و بسهوله كمان اله اسباب وظروف ..وبدها موضوع لحالو ... ع كل الاحوال ..الواحد يبلش يمرن حالو ..بعدين بالاخرين ... :D |
اقتباس:
خلينا هلا بالشخصيات وبالنسبة للتغيير انا مابشوفو صعب ابدا يمكن بدا شوية عقلانية وشوية تفكير بالموضوع ويفوت يقعدلو كم يوم بالاخوية بيطلع خالص:p |
حكي كتير حلو ابو العبد
وخصوصاُ هي العادة صايرة كتير عنا بسورية يعني صار سب الرب عندن متل شربة المي مشكور عالموضوع |
في فرق كبير بين التقديس والاحترام.. باخوية حرية الرأي مكفولة بس الاهانة والشتائم للشخصيات العامة والاعضاء ممنوعة
وهي ضوابط الصالون مثلاً اذا بتحب تشوفها: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بس بدي علق عالشب يلي قال هالحكي: اقتباس:
وحتى لو انت موافق انو هو يسبك أو يتمسخر عليك هالشي ممنوع باخوية فاذا انت مصر انو يتمسخر عليك ومو عاجبك اجراء الادارة فيك تحكي انت وياه عالماسنجر واتمسخرو على بعض براحتكون باعتبار حق يلي عم يقرا اي موضوع انو يقرا مشاركات عليها القيمة مو مسبات ومسخرة وهيك بتشوف انو الموضوع ماعد حريتك الشخصية أو حريتو منترك هالموضوع على أمل نلتزم بهالضوابط :D |
اقتباس:
|
اقتباس:
|
اقتباس:
أما بالنسبة للقصة يلي صارت معك قما بعرف كيف اكتشفتي انو هاد يلي صار وبهالسوء النية هاد.. انو بس رديتي انتي لانحزفت الردود مع انو الاسلم انو تفكري مثلاً انو بوقتا ما كان المشرف موجود ووقت فات حزف الردود وهالشي كان حيصير ان كنتي رادة أو مو رادة... بس صحيح دائماً في خطط شيطانية من الادارة والبعض بيكتشفا :lol: |
اقتباس:
شوف احنا من مصغرنا بنتربى في بيوتنا انو في ناس شي مقدس ما بصير ننتقدهم حتى بينا وبين حالنا هالشي الو كتير ايجابية بربي عنا نوع من الادب اتجاه اباءنا ورموزنا الوطنية بس ياترى ابوي ورمزي الوطني وشيخ الدين اللي بمثلني هو رمز بالنسبه الي بس اكيد مو رمز لغيري فوقت غيري بتعدى ع هالشخص بصير عنا ردة فعل عدائية وبنتقاتل معو مع انو ممكن يكون عندو وجهة نظر مقنعة ولو الو وبصراحه انا بعترف اني من الناس اللي عندن ردة فعل عدائية بس بعترف انو اخوية ركبتلي كوابح وصرت استخدمهم مرات ولقيت نتيجه منيحه لهيك انا بجوز ما بمانع انو نحط النا رموز ( اكيد ما نقدسهم) بس نتقبل النقد البناء واللي ما فيو اهانه الهم برحابة صدر من الاخرين:larg: |
اقتباس:
|
اي أبو العبد ...........روووووووووووق.........
ما حدا أحسن من حدا ......يعني قوم عمول ثورة ع الاستعمار وارأسمالية والبرجوازية وع اللي بدك ياه بتصير متل جيفارا.... عمول حزب وحارب اسرائيل بتصير متل نصر الله يعني بالنهاية ما في شي اسمو حدا مقدس في شي اسمو حدا عمل شي منحترمو .......و....نقطة انتهى. |
اقتباس:
ونحنا ماعمننجر ورا كراهية الاخر الا لانو عنا تقديس لهالنمط من الشخصيات هلا انتي ذكرتي الاباءماشي انا معك الاباءمتل الوطن هن انتماء اقتباس:
ياريتك قريت الموضوع منيح قبل ماتحط هالرد |
اقتباس:
أنا عم قول اني معك بهالحكي قلبا وقالبا............ وشكرا...........جدا ...........جزيلا.......عالتنويه:deal: |
اقتباس:
بس متل ما عم يقول أبو العبد في كتير ناس من إعجابها بشخصيات معينة بتصير تقدسها ... عندك من الفنانين للزعما السياسيين للمفكرين و أنت رايح ... يعني لأعطيكون مثال من بعد إذن أبو العبد ... تامر حسني فنان مصري حقق بزمن قياسي شعبية كبيرة .. و يمكن الزلمة عمل شي حلو ما بدنا نظلمو .. بس اللي بيضرب عالراس لأنو لما غلط و انحبس بتهمة التهرب من الخدمة الإلزامية الناس شاحت و ناحت بالطرقات و عالإذاعات و التلفزيونات .. و منحبك يا تامر و مستنييك يا تامر .. انو ليش ؟!!؟ بالنهاية هالشخص إنسان و مو معصوم من الخطأ و لازم لما يغلط يتحاسب على غلطو متلو متل غيرو و مو موقف مظبوط من اللي بيحبوه انو يدافعوا عنو أو يلاقولو مبررات .. هالحكي بينطبق على كتير من الشخصيات اللي عندها نتاج متميز و كاريزما قوية متل جورج وسوف و زياد الرحباني و حسن نصر الله و سعد الله ونوس -على سبيل المثال لا الحصر- :D |
انت عم تحكي عن حرية الرأي
والزلمة جر يقدس يلي بدو ياه |
اقتباس:
|
خيو الواضح حالياً وبالمختصر المفيد
انو الدنيا كلها ماشية عالمواعظ والحكم وبعرف يلي قلي بس ما بعرف يلي عليه وبصراحة مين هاد جيفارا أو حسن نصر الله أو أي شخصية الها بصمة بالتاريخ قدام الله وقدام الأنبياء يعني مسموح سب الله وسب الأنبياء تحت مسمّى الحرية الشخصية بس هدول ما بيصير قرب عليهون تحت مسمّى احترام الشخصيات انو مرحبا شخصيات بالنهاية هنن بشر متل كل هالبشر يعني تناقض ما بعدو تناقض |
اقتباس:
بقصد صاحب الموضوع يعني انت |
اقتباس:
تانية انا ماضربت حدا على ايدو وقلتلو لاتقدس فلا وعلتان ثالثا انا عمبطرحة وجهة نظري وبتوقع انو ((هي حرية تعبير)) ولا انا غلطان ورابعا هي مشكلة عمنعاني منها |
| الساعة بإيدك هلق يا سيدي 23:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون