|
إيران بين الخيانة والكـذب !!!
أحد عشر يوماً هي المدة التي حددها أمس القائد العام للجيش الإيراني عطاء الله صالحي لتدمير إسرائيل ومحوها من على الخارطة... ليس هذا التصريح بجديد على مقاومي الخطابات الرنانة في إيران فهم يزيلونها من على الخارطة كل يوم وشعوبنا تهلل وتصفق لكن الجديد فيه هو هذه الوقاحة بتحديد مدة الأحد عشر يوماً لإزالة إسرائيل من الوجود... أحد عشر يوماً كافية لإيران لتنهي بها مصيبتنا التاريخية المستمرة منذ ستتين عاماً ولكنها لاتفعل إيماناً منها بقضايانا قضايا العرب والمسلمين والأبرياء الذين تقتلهم إسرائيل في بلادنا كل يوم... أحد عشر يوماً تكفي إيران لكي تمحو الكيان الذي يحتل أرضي في الجولان منذ أربعين عاماً ولكنها لاتفعل إيماناً منها بالحلف الإستراتيجي مع سوريا ومحبةًً بالشعب السوري وبقضيته المركزية وإلتزاماً منها باتفاقيات الدفاع والهجوم المشتركة مع سوريا... أحد عشر يوماً تكفي إيران لتدمير الكيان الذي يفتك بالفلسطينيين منذ ستين عاماً ولكنها لاتفعل إيماناً منها بنصرة الشعب الفلسطيني وقضيته العادلة.. إيماناً منها بأن ألاف الفلسطينيين الذين يذبحون بأرض فلسطين بأيدي الإحتلال يستحقون الحياة... وإيماناً منهم بأن فلسطينيي الشتات يستحقون العودة إلى أرضهم... أحد عشر يوماً تكفي إيران لمحو الكيان المجرم الذي امتهن تدمير لبنان منذ ثلاثين عاماً وقتل الآلاف من مواطنيه ولكنها لاتفعل إيماناً منها بأن هذا الكيان يجب أن يواجه بالمقاومة وبالمقاومة وحدها.... ومن أولى بالمقاومة من زعماء محور الممانعة في طهران... أحد عشر يوماً تكفي إيران لتدمير الكيان الذي يعيث فساداً بمقدسات الفلسطينيين في القدس الشريف إيماناً منها بأن الجهاد فرض عين على كل مسلم للدفاع عن مقدسات المسلمين وأروحاهم حسب فتاوي مرشدي الثورة في إيران إلا إن كانت هذه الفتاوي تسري على المسلمين العرب دون غيرهم... ومن أولى بالدفاع عن مقدسات المسلمين ممن يتشدق بحمل راية الإسلام والجهاد ليل نهار... أحد عشر يوماً تكفي إيران لإزالة الكيان الذي يحتل مهد المسيح ويستبيح مقدسات المسيحيين إيماناً منه بأن إسرائيل كيان مجرم لادين له ولايستحق الحياة... ياخيبة أمل الفلسطينيين والسوريين واللبنانيين والعرب بكم وياخيبة أمل المسلمين والمسيحيين والشرفاء والمقاومين بكم... ويافرحة الشيطان الأكبر وإسرائيل وبريطانيا بكم ويافرحة أرثر بلفور وشارون وغولدمائير آل بوش بكم... أحد عشر يوماً وأحد عشر يوماً وأحد عشر يوماً ولم أجد إلا ثلاثة مبررات لصبر إيران على إسرائيل وهي: إما أنهم بتآمرون علينا ويجب عليهم الإعتراف بمتاجرتهم بدماء أطفالنا وبخيانتهم لقضايانا ومتاجرتهم بها وإستخدامهم لهذه القضايا كأوراق لعب لمصلحة النظام الإيراني وأنهم يستطيعوا أن يدمروا إسرائيل ولكنهم لايفعلون ذلك... وإما خوفهم من تخييب آمالنا بأن تأخذ عملية محو إسرائيل من على الخارطة إثنا عشر يوماً فتنزعج شعوبنا ويخيب أملها وهو أمر لايمكن أن تقبل به إيران... وإما أنهم مازالوا يبحثون على مرادف لكلمة "العلوج" في اللغة الفارسية ليستخدموها مستقبلاً ... ودمتم. |
ليش أنا عندي قناعة و ايمان انو ايران ....بعبع و جعجعة عالفاضي....
واللي بيزعل وبيوصلك لمرحلة القرف..انو ممكن نتنقد أي نظام ...اي حكومة ...بس لاتقرب عال"سادة" و "الايات"...وكأنو هنن خط أحمر و أغلب الناس أصبحت تعتقد " عن طريق وسائل الاعلام العربي و السوري خصوصاً" انو ايران هي المخلص و هي طوق النجاة و انو الحرس الثوري هو جيش المهدي المنتظر اللي رح يدخل القدس و يرجعها لاهلها .... مابعرف ليش الناس بتحب تنسى أو تتناسى التاريخ.... |
انو كيفك ؟
فادي من عاشر قوما 40 يوما صار منهم فما بالك بهالسنين كلون يعني حط بالخرج |
اقتباس:
يعني صاروا منهم وفيهم. تحياتي ألك ! ! :D |
أحدى عشر عاما أحدى عشرة دقيقة
هني هيك حاسيين بالاحدى عشر دقيقة تبعوت المتعة |
ما تعلقوا امال كتير عالفرس بحياتهم ما حبوا العرب
|
اقتباس:
لانو العرب يا حرام مساكين و مغضوب عليهم من كل شعوب الدنيا و الكل بلا استثناء عم يفكر كيف بدو ياذي هالشعب المسكين المحطم...:? لك خلص لسة نازلين ايران راحت ايران رجعت ايران قامت ايران نزلت ايه و بعدين يعني كل هالثورة ع ايران ما بتتفسر الا بشي واحد (وجهة نظر متواضعة) انو احنا عم نستحي حتى انو نفكر بانو في حدا تاني عم يتحرك ولك حلو عن ايران... تركوها بحالها... لنشوف شو بدو يطلع معهم... شو ورانا احنا صارلنا فوق ال60 سنة و احنا عم نستنى و نشوف... منخسر شي لو استنينى كمان شي "11 يوم"؟ |
انا بتفق مع ابو نجبو انو ايران عم تبعبع بعبعة عالفاضي بس شو هالقوة يلي خلت ايران توقف بنص مؤتمر الاوروبي وتقول انو اسرائيل عنصرية يعني وما همو شي الرئيس احمدي نجاد ثم ازا كان ولابد حكت ايران انو في مهلة 11 يوم شو مصلحتها تبعبع وليش لتبعبع ازا كانت مو قادرة تعمل شي هي الجعجعة ممكن انو تهزلها مركزها ادام العالم ويستوطو حيطها كل الدول يعني اكيد بيكون دارسها مزبوط وعلى قاعدة من فولاذ ولا شو رايكوووون؟؟؟:?
|
اقتباس:
مافهمت الفكرة قصدك انو عاشرونا كل هالسنين فصارو متلنا خونة أما عاشارو اسرائيل كل هالسنين فصارو جزء من المشروع الاسرائيلي؟؟ بالحالتين في وجهة نظر بالحكي |
POSITION: absolute; TOP: -400px } P { MARGIN: 0px }
اقتباس:
اقتباس:
يعني ببساطه حاج يسوقو علينا الهبل لأنو بحال هالحكي صح فالجماعة خونة وقادرين على تدمير اسرائيل وماعم يدمروها وتاركينها تدبح بالفلسطينيين والعرب وتحتل هالأراضي وتبقى تهديد للمنطقة بهالشكل هاد وفوق البلا بيطلعو هنن قادة محور الممانعة والمقاومة.. أما اذا هالحكي كذب فمعناها هالجماعة فاضيين وعم يتاجرو بقضايانا لمصالحون ومابيقدرو يقدمولنا شي... أما بالنسبة لموضوع خطاب نجاد أمام مؤتمر مكافحة العنصرية فأسفي على هالزمن يلي صار فيه كل واحد بيطرق خطاب وبعد الخطاب بيطرق كاسو بكاس الأميركان من تحت الطاولة بطل قومي.. أسفي على هالزمن يلي نسينا فيه شو معنى البطولة... |
اقتباس:
|
ليش العالم ما عاجبتون إيران ما باعرف؟؟
عالعموم إيران على الأقل حتى لو ما كان همها تحرير فلسطين ففي على الأقل مصالح مشتركة بينها وبين العرب وما رح يتضرر حدا من هالتحالف غير أمريكا وصدام ما حارب إيران إلا لأنه تغيرت الحكومة الأيرانية الموالية لأمريكا وقت كان العراق مع أمريكا وبعدين شي حس إنه أمريكا ما همها إلا تقضي على إيران وبعدين رح تبيعه قلب على أمريكا يعني مثل ما ساوت أمريكا مع أسامة بن لادن والسبب أنه إيران وسوريا ما ساوو شي لهلأ لأنه لوحدا ملاحظ إيران عنده حدود مشتركة مع أفغان ستان والعراق وسوريا عندها حدود مشتركة مع العراق وإسرائيل يعني إزا صار شي حرب بدها تصير على جبهتين لكل دولة لذلك مستبعد يصير شي لحتى تنسحب أمريكا من العراق على الأقل والأحسن من أفغان ستان |
يعني واضح إنو هاد الخطاب هو للاستهلاك الداخلي بالدرجة الأولى في ايران ثم للاستهلاك الخارجي للفئات والأحزاب المؤيدة لايران في دول المنطقة ويعتبر جزء من الدعاية السياسية العسكرية الايرانية.
وبالنسبة لموضوع الخيانة فنحنا لازم نتعلم نستفيد من مواقف الدول يعني لازم نعرف نستغل سياسات الدول يلي بتتقاطع مصالحها الداخلية أو الخارجية مع مصالحنا في استرجاع حقوقنا ونتوقف عن سياسة من ليس معنا فهو علينا لأنو بالنتيجة ماحدا معنا حتى نحنا مش معنا يعني إذا مصر التي تعتبر نفسها قلب الوطن العربي خارج الصراع منذ عقود فأي عرب وأي معنا. ايران اليوم تبحث عن قضية لاستمرار في عسكرة المجتمع الايراني والاستمرار في مشروعها بان تكون دولة ذات تأثير فعال في المنطقة ونحنا لازم نعرف نتعامل مع هاد الأمر بطريقة تخدم مصالحنا وحقوقنا والصراع العربي الاسرائيلي هو مسؤولية عربية أولا وأخيرا لا ايرانية ولا فنزولية. |
اقتباس:
|
اقتباس:
يعني اذا كان كلام قائد الجيش اليراني للاستهلاك الداخلي ولا الخارجي اذا ما كان بيضرنا ليش لحتى نعمل ثورة ضدو؟ ليش لحتى ما نستفيد منو؟ يا خيو ما فادا بس كمان ما ضرنا ليش لحتى نحاربو بس بالاخير قبل ما نطلب من الفرس ولا من الاتراك يحاربو اسرائيل و ينهولنا مشكلتنا معها مو لازم نحنا بالاول نحارب مشان قضيتنا و شو بدنا بغيرنا |
هل يستطيع اطعام شعبه الجائع في احد عشر يوما؟
|
اقتباس:
انشاء الله مفكر انو جد عداء ايران لاسرائيل وكل هالعياط والشعارات الفارغة تبع نجاد هي نتاج عداء فعلي , هي كلها تضارب مصالح , اسرائيل كانت مفكرة حالها صارت القوة الوحيدة القادرة على السيطرة على المنطقة , ايران حاليا عم تنازعها هالسيطرة والخلاف مو على تدمير اسرائيل ولا على انو ايران همها الوحيد ترجع للفلسطينيين حقوقن وانما الخلاف على توزيع الادوار واقتسام الغنائم بين ايران من جهة واسرائيل و امريكا من جهة تانية يعني العرب هني الخسرانين بكل اللي عم يصير وهني بصراحة بيستاهلو, لانو من بداية البشرية لهلق القوي بياكل الضعيف, وشي طبيعي انو ضعف العرب يخلي قوى مجاورة الن متل ايران تطمع فين |
اقتباس:
اقتباس:
اقتباس:
mhsen77 ، ritka عليم الله خجلتوني:D:D |
اقتباس:
احنا شعوب اتكالية ولو ما كنا هيك ما كان ايران صارت تعطينا هيك وعود استمدتها من ضعفنا وقلة حيلتنا بنفس الوقت ما في احد بينكر انو ايران تعد قوة لها وزنها خف او ثقل عالميا وبدل ما نخون او نرفع شأن ايران ليه ما يكونو العرب قوة على الاقل اذا ما استطاعو يستردو حقوقهم المسلوبه ما يسمحو لأي قوة تتعدى على حقوقهم المتبقية |
اقتباس:
أنا مالي شايف بمواقف و تصرفات ايران أي نتائج ايجابية....العالم كلو ضد ايران و شفنا شو صار بمؤتمر مناهضة العنصرية... بالعكس تماماً .... التسليح الايراني عمبيخربط المنطقة أكتر مما هي مخربطة ... دخلك شو الفرق بين امريكا و كوريا الشمالية.... الشعب منتعل امو على أبوه و الحكومة عمتصرف مافتح و رزق على تطوير الصواريخ اللي ماحدا بيعرف لمين رح تتوجه بالنهاية.... اقتباس:
:D |
اقتباس:
:D |
اقتباس:
اليوم ما في مجال لحرب مواجهة منظمة بسبب انسحاب مصر من المواجهة وميزان القوى المايل وبنفس الوقت مافي اتحاد سوفيتي نتكتك معو وننحسب عليه لنضحي فيه ومن هون لازم تستنتج أهمية ايران:deal: أو بالأحرى لزمتها إلنا ولزمة تسليحها ودعمها العسكري للمقاومة يعني بدال حرب المواجهة حرب المقاومة ودعم فصائل المقاومة وبدال السوفييت الايرانية وإلا ع أي أساس بدنا ندخل أي مفاوضات.؟؟؟:sick: تطلع ع طلبات الادارة الأمريكية وطلبات الاسرائيليين شو هية وقف دعم حزب الله والمنظمات الفلسطينية بالدرجة الأولى وبالتالي هي أقوى نقطة بالمفاوضات بالنسبة إلنا والتانية العلاقات مع ايران كمان هي بتشكل قلق. من الحكمة السياسية إنو ما نقدم ثمن السلام مجانا وبدون سلام:jakoush: وإلا بعمرها ما بترجعلنا حقوقنا طالما خيار المواجهة مستبعد حاليا نتيجة ميزان القوى المحروف وبالنتيجة هذا رأي.:D اقتباس:
|
اقتباس:
اما عن زكر غزة وفلسطين عندي استعداد ارهن انو المواطن العربي زعلو رفع الكاز والبنزيين اكتر من مدبحة غزة لأنا اكتر شي بهمنا قوتنا وقوت عيالنا |
اقتباس:
هلق بالنسبة للزعل طبعا حقو المواطن يخاف على عيشتو وعيشت ولادو يعني ما بتوقع يكون في جوعان عم يفكر بحل للقضية الفلسطينية بس ما فينا ننكر التجاوب الشعبي يلي ما زالت تحظى فيه بالشارع العربي بالأخير مش مطلوب من كل مواطن عربي يكون فدائي أو مسيح مصلوب للقضية. |
اقتباس:
اقتباس:
اقتباس:
تحياتي إلك. |
اقتباس:
وشعار الاردن اولا شعار يطول الحكي فيو وما بدي اطلع عن الموضوع وبعدين هاد الشعار مو ابتكار اردني قبل هيك كان في مصر اولا بس دايما الاردن مشكك بمصداقيتو وانتماءو وباقي الدول العربية منكرة نفسها في سبيل القضية آخر شي انا ناوي نزل موضوع عن حرب ايلول بالمنبر اللي 90% من المواطنين العرب مو عارفيين شي دقيق عنها وعن اسبابها |
اقتباس:
اقتباس:
وفي موضوع السيطرة الاقليمية لا تنسى إنو مشاركة ايران كظاهرة صوتية بالصراع دعمتها كتير يعني اليوم عم تندعى بصفة مراقب لكتير مجالس عربية مهمة من القمة العربية وإنت رايح وبيبقى لبنان أكبر مثال. اقتباس:
|
رد على الجميع
رد على الجميع
ياشباب ما بصير ننسى أو نتناسى أنه إيران مسلمين وبيجمعنا معهم نفس الدين وإنه هارون الرشيد وابنائه مع إننا نمدح فيهم دائما كانو يعتقدون بخلق القرآن يعني مذهبهم غير مذهبنا ومع ذلك كانوا قادة أقوياء حكموا العالم فمو أي واحد مانو من نفس المذهب يعني خلص والمسلمين بهالعالم فوق المليار مسلم ودولهم من حيث الثروات مكملة لبعض فإذا توحدوا رح يصيروا قوة عظمى ونووية فما بصير نقول على أي واحد مو عربي ما همه غير مصالحه الخاصة ومن هالحكي وما لازم ننسى أنه حتى أمريكا مو همها لا المصالح ولا القضاء على العرب ولكن همها القضاء على الإسلام وما في دليل أكبر إلا قول بوش لما بدأت حربه على الإرهاب (بدأت الحروب الصليبية) أما قول البعض إنه إيران فجأة صارت مهتمة بفلسطين فهالحكي خطأ لأنه المتابع لإيران بيعرف إنه إيران والعراق من لما كانو بحرب مع بعض كانو عم يدعو العالم العربي و الإسلامي ليوقفو بوجه إسرائيل ولكن لا حياة لمن تنادي أما الأردن فما بصير ننسى إنه وقف مع العراق أيام حرب الخليج وهو الدولة الوحيدة في العالم الي وقفت مع العراق وساعدته ليواجه العالم رجاء يا شباب الي بدو يحكي أي شي يكون واقعي ومنطقي وما بصير الواحد يقول الي بيسمعه على وسائل الأعلام بدون ما يشغل مخه (مع إحترامي للجميع) لأنه يا شباب ما حدا مستفيد سوا أمريكا ووراها حلفائها إنتبهوا لهالشغلة وفكروا فيها منيح ((نحن قوم أعزنا الله بالإسلام فإن إبتغينا العزة بغيره أذلنا الله)) |
جزاك الله عنا كل خير يا أخ wile.... مشكلتنا أننا نقع بالفتنة ونحتاج دوماً لأخ واعي ذو نظرة متسامحة من أمثالك لينير لنا صراط الحق ..... ولكن أحفاد القردة والخنازير ما فتئوا يزكون نار الفتنة بيننا يريدون ألا يلتئم شملنا وألا تتوحد كلمتنا وألا تعلو رايتنا مستغلين أحقادنا وتعصبنا وجهل بعض الأخوة من الذين يغرر بهم....بالإضافة طبعا لعجزنا عن اعمال عقلنا وتحكيم ديننا فيما تبثه وسائل الإعلام وهم يدسون السم في الدسم لنستطيبه ونفسد أدمغتنا به حاربهم الله....جزاك الله عنا كل خير.
وإن كنت أصبت فيما أسلفت فمن الله وإن كنت أخطأت فمن نفسي الأمارة بالسوء. والسلام عليكم ورحمة الله وبركاته |
احذروا من أيران ..
|
ايران الغول بدها تهجم على الخراف الضادية وتلتهمهم حتى اخر نعجة :o اي احذرو ا ايران !!
انو أديش العرب بيموتو بدور الضحية وروح قلبهم يلعبو شخصية القتيل كل شعوب الأرض وشعوب الكواكب المجاورة والغير مجاورة عم تتأمر علينا نحنا العرب المساكين الدرويش المعترين ؟؟ العرب كلمة كسيحة صابها الهلع والجزام والخرف وانفلونزا الجرجير ((عشبة )) بس تفيقو عملولي مس كووووووول:frown: شي بيخجل بكرهك أيران ياغول بياكل العرب العو الايراني :sly: |
اقتباس:
كيف بتدعي للتسامح و بتقول عن الغير ابناء القردة و التماسيح !!! ثانيا ايران عم تنهج الطريق الأقذر للوصول لغاياتها ...و هو اللعب على الوتر الديني ...يعني متل مو العثمانيين رجعونا الف سنة تحت زريعة الحكم الديني ...كمان أيران عم تحاول نفس الشي ..بس بطريقة اكثر قذارة بما انو عم توظف الطائفية مشان تمشي امورها |
اقتباس:
اوكي احذروا العو الأيراني |
اقتباس:
عجبك صح يلعن ديبي أنا شايف كيف بفهم عليك روح ألبك العو متعود على شوفت العوعوات ((شلون بتنجمع كلمة عو )) :pos: انشالله ياكلك العو:p |
اقتباس:
بتعرف انو بالسياسة لازم تكون مع عو اكبر منك حتى يحميلك مصالحك بهالزمن هاد و من المثال السابق لازم تكون اي دولة مسنودة من دولة قوية حتى تمشي مصالحها فا يا ريت تقترح عالحكام العرب شي عو بلكي بستفيدو من نصيحتك وبتكسب فيهون حسنة |
اقتباس:
هلق احذروا التدخين لأنو يؤدي لأمراض قلبية ووعائية ويضر بالجنين والحامل واحذروا من المخدرات لأنها تسبب الإدمان وتدمر متعاطيها واحذروا توتر عالي لأنو بتحرق أصابيعك بس هيك احذروا ايران ليش؟؟؟؟؟ |
اقتباس:
وسبب لاهدار ماء الوجه مما يؤدي لمضاعفات تؤدي الى زيادة افراز هرمون الخجل (ايضا ان وجد) والذل و.... |
ويستمر العمل على الحلم الفارسي ليل نهار |
طيب خلال هال احد عشر يوم اسرائيل رح تتفرج على دمارها و ما تعمل شي؟ دخلك ما حدد كمان شو رح يصير بايران خلال هالاحد عشر يوم, الا ايران محاطة بفقاعة مضادة للرصاص والقنابل و الصواريخ النووية؟ |
عندي حالة استغراب من الكتاب الذين ينتقدون سياسة ايران الذي صمدت امام الاستكبار الأمريكي مع الحصارات المفروضة عليها ولكنها ابت الا ان تواصل سياساتها المستقلة وبدون تبعيات كالدول العربية الخائنة.
العرب هم اولى بالدفاع عن قضيتهم مع العلم ان العالم يعرف كيف ايران تدعم المقاومات التي تجاهد ضد الكيان الصهيوني والعرب يستميتون للدفاع عن هذا الكيان الغاصب. لاعتب على ايران الفرس بل العتب كل العتب على الحكومات العربية الخائنة ولم نرى لهم دور فاعل للدفاع عن ابسط حقوقهم. ايران تسير والعرب نائمون |
| الساعة بإيدك هلق يا سيدي 07:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون