|
الاقليات وانتماءاتها القومية
لكل شخص عدة انتماءات احداها يدعى بالانتماء القومي " اللي بشكل عام بتم صياغته كمرادف للانتماء الوطني لكن شتان بين المصطلحين "
كيان الأمة بيتكون بشكل اساسي من القومية او فينا نقول شخصية الامة بتتميز بقوميتا ، البعض بقدس الانتماء القومي لمرحلة بيعتبر فيها الانتماء القومي هوي القاعدة الاساسية لبناء الدولة والامة وغياب الانتماء هاد يعني بالضرورة نهاية الأمة والدولة مع العلم بأن مفهوم القومية والانتماء للأمة كمفهوم عالما مانه عريق بعراقة الدول فمنشوف انه حديث نسبيا وبداياته كانت مع الثورة الفرنسية وقت لغت شي اسمه انتماء للملك الفلاني ووجهت الانتماء نحو الدولة والأمة ... بمعنى آخر الوطن . خلينا بسوريا لنحكي بواقعها وفلكها وبالاخص على الانتماء القومي المرتبط بالعرق " كردية تركمانية آشورية أرمنية ... الخ " الانتماءات الاقلية عدديا مقارنة مع القومية السورية ( وليس القومية العربية السورية .. ما بدي فوت بالتفاصيل الا ان الفكر القومي السوري بالاصل يرفض القومية العربية كقالب اله.. ) اغلب الاقليات " وان كان بنظري جميعها بس مشان ما تلافي التعميم " بتحافظ على انتماءها الذاتي وبترفعه لمرحلة التقديس ونادرا ما يصير تلاحم وانخراط كلّي بالمجتمع السوري " شكل من اشكال المحافظة على القيم والتقاليد بعيدا عن التأثر بالمجتمع المتواجدين فيه وبتزداد نزعة التمسك بالقومية مع ازدياد شعورن بالمحاربة والنبذ " شو هوي الحل المناسب للتعامل مع الاقليات غير المنخرطة وغير المنحلة ؟ منطقيا مافي غير حلين .. اما توفير جو مناسب لتنمية المشاعر القومية او اجراء عدة مدايقات بمحاولة لنزع الهوية القومية وسحب الشرعية من وجودا . في حال ازدياد عدد الاقلية في ظل الترحيب واعطاء حق التعبير عن المشاعر القومية وتأمين اجواء مناسبة الها.. ما ممكن نصل لمرحلة تقسيم دولة في حال مطالبة الأقلية " اذا كترت اعدادها يعني " بحصولا على كيان خاص متل ما صاير بملف كردستان العراق والطموح الكردية بالشمال العراقي ؟ هل من الصح وضع قيمة لرأي شخص بيعتبر انتماءه لقوميته فوق انتماءه لوطنه ؟ ومن جهة تانية .. الشخص اللي بيحمل اصول قومية غير سورية وسائبت الايام مع اجداد اجداده للهجرة للبقعة المدعوة سوريا بأي حق فينا نطالب بنسيان هويته وانتماءاته والا منسحب عنه شرعية الوجود بالدولة اللي خلق فيها ؟ ما بالاخير الوطن وطنه تماما متل ما هوي وطني فعلى ايا منطق بدي اظلمه وجرده من حق المواطنة ؟ * هامش : بعرف مسبقا بأن البعض بده يحكيلي بفكرة القومية الوطنية وكيف فيها تشمل كافة الانتماءات القومية بغض النظر عن شو ما كانت تكون بس خلينا نكون واقعيين .. بسوريا مافي شي اسمه انتماء وطني بمعناه الحقيقي .. انما تسمية مستعارة للانتماء السوري .. وبطرح الموضوع من عندي سلّمت بهي النقطة . سمعونا رأيكم |
أولا أصل المشكلة برأي يعود لتغييب الانتماء الوطني (سوريا) لفترة طويلة على أساس تمكين وتعميق الانتماء القومي(الوطن العربي) الأمر الذي أدى إلى تأثر الانتماء بحلم الوحدة العربية وانتعاشه بفترة الوحدة والحقبة الناصرية وضعفه حاليا ضمن الظروف الموضوعية الحالية التي أصبحت فيها الوحدة العربية جزء من الموروث الثقافي.
برأي الخروج من هذه الازمة ليس بتغييب الشعور القومي أو إذابته للأقليات التي مازالت على اتصال مع جذورها القومية (لأن المواطنيين السوريين ليسوا من نسل يعرب بن قحطان مباشرة بل ضاعت قومياتهم ولغتهم الأصلية عبر مراحل التاريخ) وإنما يكون بتعزيز الانتماء لسوريا الانتماء للوطن سوريا التي تتكلم العربية كلغة رسمية وانا مع أرشفة وتأريخ كل اللغات وكل الموروثات الثقافية لجميع أطياف وإثنيات الشعب السوري لأنها تشكل الغنى الحقيقي والفريد لسوريا كوطن للانسان. |
انا برأيي المتطرف . ما في شي اسمو دولة سوريا ,,هي كذبة كبيرة (او يمكن مزحة ..و مشت بعدين ) ..لأنو ..
مو السوريين هني يلي رسموا الحدود ,,,بمنطقة الشام المتداخلة القوميات والأديان ,, الفرنسيين والأنكلييز هني يلي رسمو حدودنا ,,فمن بدايتها يا كرام ,,الدولة يلي ما ساهم ابنائها علا الأقل برسم حدودها ,,في شي رح يكون غلط ....منجي عا مرحلة الأستعمار و الخروج الطوعي للفرنسيين ,,صار في مقاومة صح ,,بس بين كل 1000 متعامل مع الفرنسيين كان في مقاوم واحد ...و راحو الفرنسيين ,,و استلمنا العسكر من هداك الوقت ...و خود على جرائم و تصفية وكل شي بدك ياه ,, الحالة المزرية لي وصلنالها كانت بسبب انو سورية عبارة عن ارض ما بيجمع ابنائها غير حب الوصول للسلطة و تصفية الأخر ... الموضوع بينجر عالبنان و فلسطين و العراق . ملايين القتلى العراقيين على ايدي عراقية ... فلسطين ..العوض بسلامتكون ...نباعت من زمان لبنان ,,كل طائفة عندها حليفها الخارجي يلي بتفضل مصالحوا على مصالح لبنان الوطنية ,,, خلصنا مسخرة و كذب ..نحنا ما في شي بيجمعنا |
اقتباس:
لكن اني اعتبرها " الوحدة العربية " موروث ثقافي فلا والف لا يا زميل عياش :lol: لأن اللي بدي يعتبر القومية العربية نقطة مرجعية اله .. فهو عما يهين القومية السورية وينقص من قيمتها ويعتبرها ناقصة وما بتقدر ترتقي لحد انتماء منفصل .. الشي اللي برفضه شخصيا بشكل كبير . اقتباس:
بس الحل اننا نذيب قوميتن ونحاربن ونسلبن حق المواطنة !! مع معزتي الكبيرة يا حكيم .. لو كنت انت من الاقليات كنت اعتبرت الحكي السابق اهانة لوجودك ولكيانك قبل ما يكون اهانة لقوميتك . مع العلم بأن التاريخ اثبت بأن محاربة الشعور القومي بشكل العامل الأول بانتشاره وتعزيزه عند اتباعه . اهلا عياش:D |
اقتباس:
اقتباس:
أبو طوني بتفهم حماسك بس ياحبذا تكون متروي أكتر بردودك:D وبحييك عل الموضوع المرتب:D |
اقتباس:
بظن الحالة الارمنية .. حالة خاصة .. ما بتشبه الاقليات التانية بسوريا |
اقتباس:
قصة " سوريا الكبرى " او " سوريا الطبيعية " مانا قصة جديدة لابل تعتبر بديهية ومنطلق تفكير ومحور عند بعض السوريين .. لكن بمنطق بعيد عن وجهة نظرك اللي بالنسبة الي اول مرة بسمعا . بالعادة بتم الحكي انطلاقا من فكرة التاكيد على توحيد تاريخ بلاد الشام للاستدلال على ضرورة الوقوف بحكم التلازم بين اهل بلاد الشام بالقضايا والموافق .. مو متل ما انت صغت فكرتك بكذبة وجود سوريا وكذبة وجود شعور قومي سوري . سايكس بيكو ما كان المخطط التقسيم الأول اللي عانت منه سوريا ... مر مخطط تاني " بسلام نسبيا " صيغته كانت بتنادي بتقسيم سوريا لدولة الشمال ( حلب ) والشمال الشرقي( الجزيرة ) والجنوب ( الشام ) والوسط ( تدمر وحمص ) .. بس مرق بدون ما يتم تنفيذه .. وما بعتقد انه موضوعنا نحكي على تاريخ سوريا وتقسيمها لأن ببساطة المجموعات الجزئية بالضرورة تحمل على الاقل صفة او اكثر من المجموعة الشاملة وبالتالي القومية السورية موجودة شو ما كانت تكون حدود سوريا ( وحتى في حال تقسيمها بتبقى احدى المناطق حاملة للفكر القومي ) . اقتباس:
حب السلطة ما بيعمل شي " من ناحية التاثير السلبي " قدام اعتبار الوطن قطعة ارض لامة هلكام واحد ما بيشتركوا بأي صفة وبأي تاريخ وبأي فكرة وأي طموح !! اذا بدنا نحكي بما يتعلق بمقومات الوطن منشوف سوريا بتشتمل على اجزاء كبيرة .. يمكن مانا بأحسن احوالها لا بل يمكن منقدر نعتبرها بأتعس احوالها .. بس مع هلشي ما بتقدر تأسقط عنها لقب الوطن . شعور المواطنة متردي جدا وماله وجود وهلشي قلته انا بهاموش الموضوع بحكيي على غياب الشعور والانتماء الوطني .. لكن غيابه حاليا ما بشكل اي دلالة لغياب الوطن !! اقتباس:
عندك اي تصور على حل ممكن يفيد ؟ :D |
اقتباس:
بس على ارض الواقع مافي ولا قومية اذيبت لمصلحة قومية اخرى ( اذا اعتبرنا بأن القومية السورية بمقارنة القوميات الاخرى ) مع الحفاظ على التراث.. تحويل الواقع المعاش لتراث منسمح للاشخاص فيه يحتفظوا بتراثن منكون عما نقتل الفكر القومي " سريريا " والسؤال بيطلع .. في حال رفض القومجي x التخلي عن قوميته لصالح القومية السورية .. شو ممكن يكون الحل ؟ خصوصا بأن الولاء للقومية مغيارة للقومية السورية ما بيعني ابدا بالضرورة عدم الولاء لسوريا كوطن . اهلا بعياش :D |
اقتباس:
اقتباس:
الاول الانتماء لسوريا كواقع معاش ووطن حالي بغض النظر عن وجود إنتماء قومي أساسي(كردي - سرياني - أرمني- تركماني - شركسي - آشوري - ...) وهون ما منكون أسسنا لانتماء قومي سوري (ما قصدي جماعة الزوبعة مع احترامي إلون) وبهل الحالة السوري يلي انقطعت صلتو بأصولو القومية (الفينقي مثلا) رح يضيع. الثاني الانتماء لسوريا كقومية وحيدة والحفاظ على التراث القومي الإثني كموروث ثقافي وأجد نفسي ميال لهذا الخيار هلق ما بعرف إذا فينا نبلور من هون احتمال تالت ويلي هو بحاجة لفلاسفة وعلماء اجتماع لحتى نأسس لانتماء جديد فريد من نوعه هو الانتماء السوري يلي بيجمع قومية وطنية (السورية) مع قومية إثنية اجتماعية ثقافية (أرمنية - كردية - سريانية ...الخ) وبنفس الوقت يقبل بعدم وجود التانية عند بعض الأفراد (يلي ضاعت أصولن التاريخية القومية). الموضوع بالنسبة إلي صار شيق كتير وغامض ما بعرف إذا رح يطلع شي بالنهاية. بالنسبة لموضوع الخصوصية بشوف إنو القومية الكردية حاليا هي التي تملك الخصوصية لانها القومية الوحيدة يلي صارلا حاليا مشروع اقامة كيان قومي إلها على جزء من سوريا وطبعا هاد ما بيشمل كل المواطينين الأكراد ولا مجال للتعميم. |
اقتباس:
ذكرتني بنشيد بلاد العرب مااوطاني |
بالقدر الي قدرت افهمو من الموضوع بقول :
الانتماء مشكلة حقيقية والهوية الوطنية ضايعة عند ابناء الوطن الحقيقيين ( اللي كل اجدادهون انولدو بهالبلد وما عرفو غيرو بلد ) فكيف بدنا نحكي عن الانتمائات المشروعة للاقليات الوافدة لهالبلد . من الطبيعي ان يحن الشركسي للقوقاز وان يحافظ على عاداته التي جلبها معه وان يشعر بالانتماء للأمة القوقازية أكثر من انتمائه للامة العربية التي لا يمت لها بصلة . اما الانتماء للوطن ( سوريا ) فمحاربة هذا الشركسي ومضايقته والتمييز في تعامله والتشديد في منعه من اقامة مهرجانات تعريفية بثقافته ومعاهد تدرس لغته أو احتفاله بمناسبات وطنية هي عوامل واسباب تؤدي الى اضعاف انتماء الشركسي الى هذا الوطن ولن تؤدي باحساسه بالمواطنة لأن حريته محدودة . اما السماح له بممارسة كافة الحقوق وعدم التمييز ضده ومنحه تلك الخصوصية في الحنين الطبيعي والغريزي الى ارض الاجداد يساهم بانصهاره في بوتقه المواطنة وتعميق احساسه الوطني . بالمختصر : الشعور بالانتماء لأرض الاجداد شئ طبيعي لا يمكن محاربته . والانتماء للوطن الجديد يتعزز من خلال المساواة الكاملة وعدم التعرض لهذه الاقليات . اما الانتماء الى القومية العربية فهذا شعور بدء يفقد من ابناء هذه القومية الاصليين . هاموش : مثال الشركسي فقط مثال . وهو شامل لأي اقلية بأي بلد ... هاموش تاني : الارمن كمثال متساويين تماماً مع السوريين وبالتالي كتير من الارمن عندهون احساس عظيم بالانتماء الوطني أكتر بكتير من سوريين اصليين من هالشي منستنتج انو المحاربة بتعطي نتيجة عكسية . وانو القبول والانفتاح على الاقليات هو الحل السليم و :D |
اقتباس:
و بظن انو ما في اي مشكلة بهالاقليات غير عند الاكراد (( يلي بظن انو تسمية اقلية ما كتير بتنطبق عليهن اذا عرفنا انو عددون بسوريا بيتجاوز المليونين كردي )) و المشكلة معهم من الطرفين من طرف السلطة و من طرف الاكراد انفسهم لا هني راضيين بتندمجو بالمجتمع متل باقي الاقليات ولا السلطة بدها تعطيهم يلي عم يطالبو فيه بالاخير الحل بوجود حلول وسط بين كل المطالب بحيث ما تكون على حساب الوطن |
اقتباس:
مشكلة الأكراد هي محاولتن تطبيق ما حدث في العراق هنا بسوريا رغم الاختلاف الشاسع والجوهري سواء من ناحية التركيبة الديمغرافية أو من ناحية الأكراد أنفسهم يعني اليوم الأكراد السوريين يلي أغلبيتهن بيسكنو بالريف غير قادرين على ادراة حكم ذاتي ولا يملكون الحد الأدنى من الكفاءات اللازمة. |
اقتباس:
مين قلك أنو التركمان وضعن كنير تمام بسوريا, عطيني حق واحد بس آخدينوا كأقلية قومية بالبلد, نحن ممنوع علينا حتى تشكيل جمعية خيرية, ولك في زلمة تركماني من اللاذقية فتح دورة لتعليم اللغة التركمانية بضيعتو فكانت النتيجة اختفاءو من الوجود. بكأس أمم أوروبا الماضية في واحد تركماني هون بالشام كان بشجع منتخب تركيا مشان هيك علق علم تركيا عالبلكون وبنفس الوقت كانوا مقابيلو جارو عربي كمان بشجع منتخب تركيا و معلق علم تركيا عالبلكون, النتيجة انو المخابرات اجت و أخدت التركماني شهر زمان بعدين رجعتو, السؤال هون أنو ليش أخدوا التركماني بس و ما أخدوا جارو العربي مع أنو تنيناتن معلقين علم تركيا, الجواب لأنو حزب البعث الأسدي الارهابي يعتبر التركماني عميل لتركيا حتى يثبت العكس. بحياتك سمعت وجود مدرسة تركمانية في سورية, ولك بحلب في 14 مدرسة ارمنية و بالشام في مدرستين شركسيات و نفس الشي مدارس السريان بالقامشلي, لكن التركمان ممنوع منعا باتا مع انو نحن عدديا أكتر من هدول القوميات بقى لا تجيبلي حكي مغلوط من راسك |
اخي الكريم ان الحل لمشكلة الأقليات القومية في سورية يتلخص بكلمة واحدة ألا وهي الديمقراطية
اذا تم اسقاط حزب البعث الاسدي الارهابي و عمت الديمقراطية و التعددية صدقني لن تسمع بشيء اسمه مشكلة اقلية قومية بل رح يزداد التلاحم و التماسك بالبلد |
اقتباس:
الاتراك والتركمان عندهم نزعة عنصرية تجاه العرب وبالاخص الذئاب التركية وهاد الشيء لاحظتو من خلال عملي معهم ... بيكرهوا شي اسمو عرب وبيطلقوا مسمى زنوج الصحراء على العرب .... هاد من عدا حبهم للسيطرة والتوسع على حساب الطرف الاخر ... والكبرياء الزايد و و و من مواصفات سيئة وفي عنكم مثل مشهور بتركيا "" اشرب الشراب .. و@#@# العرب وفهمكم كفاية ... لذلك انا اشد على أيدي المخابرات أنها ماتقصر مع التركمان باعتبارهم عنصريين متشددين وولائهم المطلق لتركيا الى أن يثبتوا وطنيتهم وولائهم لسوريا .. |
اقتباس:
بل قولي رح نصير ولاية من ولايات تركيا .. والاكراد رح ياخدو راحتهم ويقومو بانشاء دولتهم المزعومة ... انا ابارك النظام في سوريا بمنع كل منع تسول له نفسه من الانفصاليين التركمان والاكراد باللعب بأمن الوطن |
هلق ما تكون متفق مع النظام شي وتكون مانك شايف سوريا بلد أهل للاستقلال أو شعب مستقل شي تاني سوريا لا يساوم عليها أبدا
|
اقتباس:
التخويف من عدو وهمي بيعطي السلطة ميزتين : الاولى مساندة الشعب لها في القضاء على اي فئة تشعر بخطرها على وجودها وسلطتها. والثانية : عدم تفكير الشعب بالتغيير لظنه بأن كل فئات الشعب الاخرى هي خطر على وجوده وان الفئة الحاكمة ( بكل سيئاتها ) تحمي هذا الوجود . |
اقتباس:
اولا انا قلت انو عددون اكتر من مليونين و يمكن يكونو تلت ملايين مو مليون يعني نسبتهن بسوريا بتجاوز ال 10% من تعداد السكان و اذا عرفنا انو نسبة الاقليات بسوريا بتتجاوز ال 50% يعني هنن اكتر من 20% من الاقليات بهالحسبة هي ما بيكونو ابدا اقلية و مشان المشكلة مع الاكراد انا معك انو هيدا هوي السبب و يمكن هالسبب من زمان بس مابين بشكل واضح الا بعد غزو العراق اقتباس:
انا رئيسي بالشغل تركماني وزميلي كمان تركماني و ما شا الله عيلهن شباب طيبين و كل شي واصلهن متلهن متل اي موظف تاني بالشركة بس يا حبيب اذا بدك تعمل دولة تركمانية ضمن سوريا اكيد ما حدى بيسمحلك متل ما تركيا ما بتسمح تقوم دولة للاكراد ضمن اراضيها |
اقتباس:
بالشام شبه منحلين بالمجتمع وما بتحس عندن ايا نزعة لقوميتن بعكس حلب تماما الارمن الحلبية متكتلين بمناطق خاصة فين " يمكن هلشي مالن ذنب فيه كون حلب كلها موزعة طائفيا -قوميا " المدارس التابعة للمؤسسات الأرمنية بتفرض دراسة اللغة الأرمنية على طلابها .. وبنفس الوقت بتحط عراقيل اما انضمام الطلاب غير الأرمن للمدارس . في عندن تجمعاتن الاجتاماعية الخاصة " حزب طاشناك على سبيل المثال " بمحاولة لتحزيم الارمن وتنسيبن لهيكلية بشارك فيها كل ارمني . يمكن ما عندن طموح بعيدة متل انشاء دولة او الحصول على حكم ذاتي .. الا ان قوميتن عايشة وفي الها اسمائها ولحد اللحظة ملف المحرقة اللي مورست على الارمن مانه مسكر ويعتبر الحصول على اعتراف دولي بالمجزرة الأرمنية احدا احلام القومية الارمنية لهيك ما ترددت بأني اشمل الارمن مع التركمان والاكراد كأقليات محافظة على قوميتا . :D |
اقتباس:
يعني ما عندون تاريخ سوري ... هني لجأوا لسوريا .... و بعدين أخدو الجنسية و صاروا مواطنين سوريين بس هادا ما بيعني أنو نصير ندرّس التاريخ الارمني .. و اللغة الارمنية بمدارسنا يعني مثلاً ...عدد الجزائريين يللي بفرنسا ...أكبر بكتير من ارمن سوريا ... ما شفنا فرنسا اعترفت باللغة العربية لغة رسمية بفرنسا |
اقتباس:
لو فرضنا جدلا أن الأكراد بيشكلو 20% من الشعب السوري فهذا لا يعني أبدا أنهم ليسوا أقلية أي أنهم أكثرية بل يعنيي ببساطة أكبر الأقليات الأكثرية هنن كل شي بيرتفع عن 50% بظن هي هية النسبة المعتمدة. هلق في أمر الدولة الكردية فمقومات قيامها في سوريا شبه معدومة لا الشعب الكردي المعظمو بيشتغل بالزراعة عندو الكفاءات المناسبة ولل التوزيعة الديمغرافية للأكراد ممكنة ولا الظرف الدولي ممكن حتى التعاطف الشعبي غير موجود ولازم ما نغفل إنو موال الحكم الذاتي ما بيمثل المزاج الكردي العام لانو عبر تاريخ سوريا الحديث شهدنا مواقف لمواطنين أكراد برهنوا فيها عن روح وطنية عالية وهالشي ما بيجي من فراغ طبعا. بالنهاية بشوف إنو الانفتاح على الأكراد وتحسين وضعن المعيشي أهم بالنسبة إلون من أي حكم ذاتي أو ماشابه. |
اقتباس:
انا بشوف الارمن وخاصة بحلب .. " ببقية المحافظات وضعن مختلف كتير " مجموعة بترفض الاحتكاك مع البقية ولحد معين عندن نظرة فوقية لحد اللحظة ما عرفت شو مصدرها :lol: بيمتلكوا كل عوامل لحتى نسميهن قومية .. انما فينا نعتبرا قومية سلمية ما بتطمح باقامة دولة بعكس ما تعودنا من القوميات الأخرى . الارمني بيمتلك مجتمع خاص فيه وعايش بشكل منغلق تماما فيه ، بيمتلك لغة مشتركة بتجمعه مع الأرمني فقط ، حتى بيملك انشطة ونوادي رياضية ( يرموك ... عروبة ) :lol: بيمتلك طموح قومية عليا بتجمع الأرمن مع اختلافات اللي صايرة بين الحزبين الأرمنيين .. الطموح هي بالحصول على اعتراف دولي بصحة المعلومات التاريخية الدالة على المجازر التركية الممارسة بحق الأرمن . فالأرمنية قومية حية وناشطة ومافينا ننكر وجودها .. ان كانت سلمية هاد ما بيعني انحلالها ابدا بالمجتمع السوري وعلى فكرة وقت بتوقف مع شخصين ارمنيين بيبدوا بيحكوا مع بعض بالارمني بشكل مستقصد ليحسسوك بعدم رغبتن يوقفوا معك :lol: انه تعلم ارمني وتعال احكي معنا نحن وقت منكون مع بعض هيك منيحكي :pos: :D |
اقتباس:
بعدين شو عم تحكي شركة وزميلي ومابعرف شو, حبيبي أنا بدي حقوق لغوية وثقافية فقط. ممكن تقلي ليش ممنوع علينا نعمل مدارس تركمانية على غرار المدارس الارمنية السريانية الشركسية ممكن تقلي ليش ممنوع علينا نعمل جمعيات خيرية تركمانية ولك جمعيات خيرية يا عالم متل باقي الاقليات ممكن تقلي ليش ممنوع علينا نعمل صحف او مجلات باللغة التركمانية متل الارمن نحن مو أخدين هالشغلات البسيطة لحتى بدك ايانا نعمل دولة موجودة في خيال البعثيين |
اقتباس:
اي الارمن قومية مهمة ما حكينا شي .. بس مانها قومية سورية يعني ما الهم حق مهضوم بسوريا بالعكس .. سوريا صاحبة فضل عليهم لما استقبلتهم و كمان هني الهم فضل عالمجتمع السوري ... بمساهمتهم فيه بإيجابية |
بمجتمعاتنا العربية بشكل عام والسورية بشكل خاص ما في شي اسمو انتماء وطني او انتماء قومي متل ما حكيت سابقا بموضوع الاثنيات ، الانتماءات دايما للاثنية اللي بينتميلها الشخص مو لوطنو..
يعني انا علوي قبل ما كون سوري وانا كردي قبل ما كون سوري ومسيحي قبل ما كون سوري يعني الشخص انتماؤه لجماعته الاثنية هوي الاساس اللي بيفرض عليه انو يرفض الانتماء للمكان وللجغرافية بل يرفض الانسان كفرد مستقل بعيد عن تأثيرات عشائرية الطابع ودولة المؤسسات التي تؤمن للفرد هوية هي الاساس في تكوين الوطن والانتماء له وسأستعير جملة لاحد الاصدقاء لاقول ضاع الانتماء الوطني وحل محله انتماء بل انتماءات اضيق من المكان وابعد من الانسان |
اقتباس:
توجد الاقليات بكثرة في البلاد التي تكونت على اساس الهجرة يعني بشكل خاص العالم الجديد كندا امريكا و استراليا ونيوزيلندا .. ومنشوف انو في تجربة انسانية قيمة ومهمة بهيدي البلد.. لم تحارب الانتماءات القومية ولا الدينية وفي ظل دولة المؤسسات الل حكينا عنها الانسان صار حرا وصارت علاقته بقوميته القديمة حاجة عاطفية لا حاجة مادية نفعية.. وبذلك صارت علاقته بوطنه الجديد علاقة بلد يؤمن له العمل والحرية والحق في المشاركة باتخاذ القرار.. بمعنى اخر نحن في وطن يشعر ابناؤه بالانتماء له بالكاد.. فكيف نستطيع ان نطلب من الاقليات الغير عربية الانتماء له على الهامش: بيلفتني كلام الاصدقاء والاقرباء المهاجرين لاوروبا او كندا انو بيصيرو يحكو بلغة " عنا بكندا منعمل هيك" او عنا بفرنسا منروح..." بهي الطريقة بيلفتني الانتماء اللي بيتكون بسرعة عند هدول الاشخاص لبلد ما كانو بيعرفوه قبل خمس سنوات مثلا |
من مقال للدكتور خالص جلبي " نوستالجيا عندما حصل على الجنسية الكندية"
كانت القاضية الكندية تنطق بكلمات واضحة بطيئة تكررها باللغتين الفرنسية والإنكليزية: أيها السيدات والسادة نحن نعلم الرحلة الصعبة التي قطعتم، والأوطان الغالية التي فارقتم، طمعاً بمصير أفضل، لتستقروا في هذا البلد الرائع. أيها الناس نحن فخورون بهذا الاستقطاب لثمانين إنسان ينتمون إلى ما يزيد عن ثلاثين جنسية؟ تابعت: دخلتم هذه القاعة مهاجرين، وتخرجون منها مواطنون مثلي لا أتميز عنكم بشيء. الحق أقول لكم ادخلوا هذا البلد بسلام آمنين، واعتنقوا الدين الذي به تؤمنون، وتنقلوا واعملوا في أي مكان تحبون، وادخلوه وغادروه في اللحظة التي ترغبون، تعلموا قول الحق والعمل به، وفي ذلك لومة لائم لا تخشون. علَّموا أولادكم ذلك، وعلى محاربة كل ألوان التمييز العنصري والجنسي كونوا حريصين. في النهاية ختمت القاضية خطبتها: والآن قوموا فليسلم بعضكم على بعض فقد أصبحتم بنعمة الله إخوانا. عندها لم يتمالك معظم من في القاعة عن إمساك دموعهم، مبللة بذكريات مؤلمة من جمهوريات الخوف ودياسبورا التشرد. كان أكثر الباكين شهيقا عائلة فلسطينية، امتلأت منها المآقي بالدموع واحمرت الأحداق. |
اقتباس:
بالنسبة دول عالم الجديد فكلامك صحيح وبزيد عليه بأن اميركا اكبر مثال قدامنا على دولة متعددة الفئات القومية وبشكل المواطنين غير الامريكيين الاصل نسبة كبير .. بس شو هوي الاجراءات اللي صارت والطرق المتبعة بالتعامل مع الاقليات لحتى يحسوا بأنهم معنيين ببناء البلد ومعنيين بالمحافظة عليه وتطويره .. بمعنى تاني هنن بينتموا اله ؟ خطبة القاضية مؤثرة وكلماتها حلوة ومعبرة بس في حالتنا .. انتِ قلتِ بان المواطن السوري " العربي " ماعنده روح الانتماء للارض فكيف بدنا نزرعا بالاقليات القومية او العرقية ؟ كيف بتم تشكيل الانتماء للفرد وكيف بتم حضن انتماءه وترقيته وتوجيهه ... بالاصل هل يمكن توليد الانتماء وتوجيهه ؟ اقتباس:
بابا سافر على فينزويلا 6 اشهر رجع عما يحكيلنا " عندن " بفينزويلا كيف بتصير الافراح والاعراس والمظاهرات والاحتجاجات :lol: |
اقتباس:
وقتها بتحترم هادا البلد و بيخف شعور اللامبالاه تجاه هذا الوطن اللي اكثر شي ممكن تشعرو تجاهو هوي الشفقة.. كل الشباب السوري تقريبا عندون شعور بللامبالاه تجاه هادا الوطن وكلمة من نفس المقال لخالص جلبي.. ربما اتمنى ان ادفن في هذا الوطن لكنني متأكد انني لا أريد ان اعيش فيه |
على هامش الموضوع ..
أحلى ما في سوريا هو الفسيفساء يللي بتكوّن مجتمعها التعددات الدينية و العرقية و القومية .... و هادا مصدر غنى لسوريا .. مو مصدر ضعف المجتمع السوري عندو طاقات كبيرة ... بس بينقصو المناخ الملائم ليقدر يظهرها |
أستغرب كيف لـ فئة كبيرة من العالم الجرأة بأنها تطالب بحقوقها كـ سوري ... دون إنكار انو عمتحكي بصفتها / شيء ما غير سوري "هندي على سبيل المثال" / .
بس تعتبر حالك أقل ما يمكن / سوري / وتهتم فيما يتعلق بسوريا الوطن فقط وتنسالي تاريخك السابق ... وقتها ممكن منطقياً اتقبل مطالبتك بحقوقك كـ سوري اقتباس:
|
اقتباس:
بس هادا ما بيمنع من احترام خصوصية كل فئة من هالفئات و بالنهاية .. ما بحب اللوحات الباهتة ... يللي ما فيها غير لون واحد تعدد الالوان .. هو يللي بيمنح اللوحة روعتها |
هلأ بس نخلص من الأنتماء القومي
حكولنا عن الأنتماء الطائفي . لنشوف شو ممكن يبقى معنا من سورية :larg: |
اقتباس:
:D |
اقتباس:
|
اقتباس:
خلينا نمشي خطوة خطوة .. اقتباس:
اقتباس:
اقتباس:
صفحة الاخوية اكبر دليل على مغالاة الشعب السوري بدفاعه عن وطنه .. والمنبر هاد فيه اكبر عبارات وجمل الانتماء للأرض وفداءها بالدم وعشق ترابا ... يمكن كون شوي متشائم هلفترة .. بصراحة صرت شوف الحكي هاد جزء من " الافكار المثالية " اللي بتم ادراجا لملاقاة التأييد العام لا اكتر ولا اقل .. ما عما قلل من حب الشبيبة هون لوطنن ... كام شخص مشترك بعمل فعلي لخدمة الارض اللي عما يغالي بالدفاع عنها .. العملي الفعلي ككلمة ممكن نحسا كبيرة ومتشعبة بس على الواقع ممكن يكون العمل هاد من اصغر الجزئيات البسيطة متل الامتناع عن رمي المحرمة بالطريق .. هلنقط بتأظهر مقدار حبك للأرض .. لا بعدد الاشعار الكاتبها ولا بعدد المرات اللي مدافع فيها عن قضاياه ومتشاكل مع اصحاب الجنسيات العربية الاخرى ومهزئن وكاسرلن راسن هامش : سوري على آخر فقرة .. شردت بالحديث كتير:lol: بس انه من زمان بقلبي هلكام كلمة وما صرلي احكين لهلق :lol: :D |
اقتباس:
حق المواطنة بيحصل عليه كل انسان عايش على تراب الوطن .. قانونيا ما بدنا نفوت فيها لأن في اجحاف كبير بهلقصة كعدم اعتبار ابن المرأة السورية مواطن سوري يمتلك حقوق .. بس اجتماعيا " كون حكينا كله مقتصر على الرؤية الاجتماعية وما عما نسن قوانين وتشاريع هون بالاخوية " منقدر نطالبه باسقاط تاريخ اجداده وانما النبذ مصيره ؟ اقتباس من فيلم اميركي طويل لزياد الرحباني : اقتباس:
[quote =المحارب العتيق;1252829]هلأ بس نخلص من الأنتماء القومي حكولنا عن الأنتماء الطائفي . لنشوف شو ممكن يبقى معنا من سورية :larg:[/quote] بتم الرمد افضل من العمى يا عم :lol: فخلينا على القومية على الاقل التعصب القومي ما كتير منتشر بعكس التعصب الطائفي .. فـأنه يعني بلاها هلسيرة :pos: اقتباس:
|
| الساعة بإيدك هلق يا سيدي 23:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
