|
بتـرحلك مـشوار (( عالـمعرض )) ؟؟
انـّو من فـتره لـفتره أنا بحـضر معارض مـتعدده بأكبر و أصغر معارض شـيكاغو .. أهـم المعارض اللي برحلها هوّ الـ (( Art Institute of Chicago )) و اللي بيحتوي على عدد كـبير جدّا من اللوحات المتنوعه لأشـهر رسامين و فنانين العالم ..فيه صاله عروض لكل مرحله من المراحل بالتاريخ ( ابتداء بالفراعنه و انتهاء بايامنا هي )) و فيه صاله عروض بتخص فنان معيّن بيتغير كل فتره .. هالمعرض بحـاجه لحـوالي يوم كامل 6-7 سـاعات اذا مو أكتر ليقدر الشخص ياخد فكره شبه كافيه عن التلات طوابق اللي فيه و يطلع على اللوحات المعروضه ..
هي صـورته من الخارج - ماي فيفوريت بليس بشيكاغو :p - :  المعرض التاني اللي بـروح عليه من فـتره للتانيه هوّ (( Museum of Contemporary Art in Chicago )) و هوّ مختص بالأعمال الفنيه المعاصره و مودرن ارت و البوب ارت و هالقصص الصرعه هي :yahoo: .. و هو عباره عن اربع طوابق بطابقه الأرضي في مسرح و صـاله خاصه بيتم غالبا استئجارها من قبل المدارس و الجامعات .. و الطوابق التلاته الباقيه متخصصه بشكل منـوّع بالفنون المعاصره و الحديثه .. فيه فنون مرئيه كتير منها الفيديو و الصور و الفوتوغراف و فيه صالات مغلقه بتعرض فيديو ثلاثي الابعاد (( بتحس حالك قاعد حد المتحدث و عم تقلو كرمال الله وطي صوتك سمعانك والله سمعانك :lol: )) و هي صورته من الخارج :  و هلـئ بما انـّو خبرتكم عن المعرضين المفضلين عندي (( غير معرض جامعتي )) رح بـاخدكم معي كل مرّه بروح عليهم بس كل واحد بيدفع عن حاله ها من هلئ :pos: .. اللي بدو يروح بسـجّل اسـمه على لوح البوظ و بينتظر .. يـلّا نـبلّـش صـياعه :clap:.. |
طيـــب هــــدول بيفتحـــــوا أيــــام العطـــل , وايــــش ســـاعــــات دوامهـــم , ازا
مـــا فيـــها غلبــــه يعنــــي ؟ ! ! ؟ :oops: |
اقتباس:
الـ art institute of chicago فأوقاته تماما متل الـ Museum of Contemporary Art و كمان الثلاثاء بعد الخمسه فري .. حاليا عم ينعرض اشيا بتخص العماره بـ Museum of Contemporary Artو الـ مغلق بعض اقسامه art institute of chicago بالتـوفيق و لا تنسى تورجينا الصور اللي رح تاخدهم (( بالسرقه لانو ممنوع التصوير بـالـ Museum of Contemporary Artو ممنوع استخدام الفلاش بـ art institute of chicago)) |
اقتباس:
هههههه :o انشالله , بلكــــن لقطنانـــا كــــم صــــوره , بــــس رح تكـــــون جــــدا تعيســـــه , (الصــــور) , بــــما انــــه ممنـــــوع التصـــــوير ! ! :p بالنسبه للــ Art Institute of Chicago دايمـــا بشـــــوف عنـــده نــــاس كتيــــر , بـــس مـــا فكــــرت انـــي أدخلـــه . . ! ! :? عــكـــل حـــال شكــــرا عالمعلومــــات ! ! :D |
منروح مشوار ع المعرض شو عليه؟...
هاتي لشوف :lol: :D |
وانا بروح كمان
فرجينا كم لوحة على ذوأك |
ايش في يا جماعه , يعني ازا انا غبت اسبوع عن الموضوع برجع بلاقي الغبره هالقد أدا عليه ! ! :pos: قلنا بنشطكوا شوي فجبنالكوا هالصور , الي أنا شخصيا أخدتها من متحف ART INSTITUTE OF CHICAGO مشان نحرك الموضوع شوي ! ! :larg: طبعا اليوم أتبهدلنا بالمتحف مشان حضرتكم تنبسطوا , لأني أستعملت فلاش الكاميرا وانا ما أنتبهت على كلام مورننج أنه الفلاش ممنوع , بس أنا سألت صبيه بالمتحف وحكتلي التصوير مسموح بس المحترمه نسيت تحكيلي أنه الفلاش ممنوع ما علينا . . . :pos: بتركوا مع الصوّر شوي ! !            يتبــــــع . . . :D |
بنكمل مع الصور . . .       يتبــــع . . . :D |
بنكمل مع الصور . . .       يتبع . . . :D |
بنكمل مع الصور . . .        |
برضو بنكمل مع الصور . . . وهي أخر دفعه . . .  المــــــتحف من الخارج :     وهيك خالصين , أتشوفوا صور النيفي بير , ولا بلاش نطلع عن الموضوع الرئيسي , وناخد مخالفه ! ! من ناحيتي بشكر صاحبة الموضوع , وبقلها ضلك أدعمينا بهيك أفكار ! ! :D |
يعطيك العافية يا عدي على هالصور الروعة الظاهر شيكاغو عزيزة عليك كتير لتعبت و صورت هالصور و اكلت بهدلات;) |
اقتباس:
أيه , عراصي حارتك جورج. ومين ما بعز بلده التانيه يا مان ! ! ;) |
اقتباس:
|
اقتباس:
|
اقتباس:
كل فكري انك بالاردن عايش... |
اقتباس:
يعني القصة بنوب مانا قصة شبق جنسي انا بالنسبة الي بستمتع بجمالية الجسد العاري وهاد لا يعني ابدا انو عندي هيك شي:D |
اقتباس:
|
اقتباس:
الجمال وتذوقو هوي اكبر متعة ممكن ينحكى عنها بالنسبة الي وازا الشخص بيعرف حالو مو قد انو يتفرج على هيك صور او انو هالصور بتثيرو بشكل غلط وسلبي فهون هوي يقر ما يتفرج اما اذا كان غير فعادي جدا:D بالمناسبة تم طررح هالموضوع مرة وصار نقاش طويل عريض حولو:D |
اقتباس:
ومني:D |
اقتباس:
والله شبق وخبق ما بقدر جادلك , لأنه شكلك متأكده أنه الرسام عنده خبق جنسي . . . :pos: بس هاي ميزة كل رسام ,يعني كل فنان بدو يرسم اشي يميزه عن غيره , ومتل ما زكرت وشم الجمال , أنه ممكن الفنان عم يتأمل جمال الأنسان من الداخل بدون ملابس , وعم يضهرلنا هالجمال من خلال رسوماته . . . . . شكرا عالمرور . . . :D |
اقتباس:
صباح الخير أبو نجبو . . . ! ! :lol: أنشالله بنرجعلها , بعد شي خمسطعشر سنه ! ! :D |
اقتباس:
تفسير منطقي جدا ! ! عطّرتي الموضوع بمرورك ! ! بترك مجال لصاحبة الموضوع , بما أنها بتدرس هالأشي هاد وأكيد عندها خلفيه أكبر منّا . . . ! ! :D |
اقتباس:
هلئ ما بدنا نرجع نفتح الموضوع صار انفتح بأخويه أكتر من مرّه و بالقسم هون تحديدا بأكتر من موضوع فيكي تطلعي على لمحه عنـّه من خلال الرابط التالي : أضغط عنا للانتقال لموضوع الفن العاري Nudity art الرسم للاجسـام العاريه بالرسم فينا نشبهه تماما بالتشريح بالنسبه للطبيب يعني وقت طبيب ذكر بشـرّح جسد أنثـى ما بيلقى على اكتافه الاتهامات اللي بتم القاءها على اكتاف الفنان في حال رسم اجساد عاريه مع انـّو ممكن الفنان يكون عم يرسم من مخيلته و بدون ما يصير في اي ملامسه بينه و بين الجسد .. فـرجاء يا ريت ما يتم اطلاق التـهم جزافا ً .. الرسـم هو مفهومه معقده من الأفكـار و ما هو فقط الاشيا السطحيه اللي بنشوفها على سطح اللوحه بل غالبا يتخطاها لبعيد جـدّا من الرموز و الافكار .. |
اقتباس:
فيك تقرا ردي فوق .. و شـكرا عالرحله الحلوه أنا رايحه لهنيـك الثلاثاء القادم بـركي أنا ايضا بعمل جوله صور و بنـزلها .. هامش ** شـفت لوحه بيكاسو العجوز الأزرق اللي عم يعزف عالغيتار (( احدى لوحاتي المفضلين :hart: )) ولا بعدهم مسكرين قـسم بيكاسو :frown:؟؟ |
اقتباس:
لا والله ما شفتها ليش في من أعمال بيكـــاسو فيه ؟ ! , بس طوال رحلتي , وأنا أسأل الموظفين في لوحات لليـــــوناردو دافنشــــي و يحكولي أطلع فوق أنزل تحت عالغرفه هاي والغرفه هديك و عوفوني عمري لما سبيت ليوناردو على بيكاسو ! ! عكل حال أنشالله بزوره عن قريب وباخد فكره أكبر عنه وعن اللوحات الي فيه, بس والله هالمكان بدو وقت كتير كبير , يعني خلال 4 ساعات وأنا بتفرج وبدخل من غرفه لغرفه , وكل شوي بشك أنه هاي الغرفه اجيتها قبل هيك بس بكتشف أنه لأ . . . بس أتفاجأة من شغلتين : الشغله الأولى أنه فري , والشغله التانيه ليه الفلاش ممنوع ! ! . . همتك بهالأجوبه ! ! :D |
اقتباس:
هلئ المهم و مشان ما نكون عم نطق حنك (( كتير :p )) ففهي نقطه حلوه انت ذكرتها عن الفلاش .. الفلاش بيأذي الألوان اللي باللوحات لـذلك ممنوع والتنفس على القرب من مسافه معينه ايضا بيأذي الألوان لذلك بتلاقيهم مانعين الاقتراب للوحات اللي مش محطوطه ضمن زجاج .. هلئ انو انت دخلت فري فلازم تكون رحت نهار التلاتا لأنو التلاتاء فري بس غير هيك مش فري .. و يا هلا :D |
اقتباس:
لأ أنا رحت نهار الأحد المضى , متل ما هيّه الصّور مترّخه . . . قلتيلي , أنا كنت شاكك أنه الفلاش مو منيح للالوان , بس مو متأكد ! ! بقول ليش لما أجيت بدي أحط أيدي على لوحه 30 واحد كبسوا علي ! ! على فكره : في ناس من هون حكالي أنه قبل فتره بسيطه أستأجروا الموناليزا من اللوفر الفرنسب وحطوها فيه لمدة أسبوع , بيحكيلك كانت الدخوليه مبلغ , بس كمان كانت طوابير الناس , ومنها الناس بتطلّع , وبيعملولهم قرشين حلوين من هالتبادل الثقافي . . . أهلبــــن :D |
| الساعة بإيدك هلق يا سيدي 08:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون