|
متحررة ؟! wow !!
نعسانة ..رح موت من نعسي
بس اجاني الإلهام شو اعمل ؟؟ صار معي موقف من عشر دقايق ، ضرب عالوتر ، وخلاني اكتب عن الموضوع اللي صرلي عم فكر فيه زمان. الفتاة المتحررة كل واحد فيكن عندو تعريف للتحرر عند الفتاة هون ، وشو بينفهم منو مما لا شك فيه ، انو أي ذكر ..أيييييي ذكر بدون استثناءات ( عالأقل لهي اللحظة) لما بيحكي مع فتاة "متحررة" بفكر انو كل الحواجز والعوائق الدينية والاجتماعية والسياسية والأخلاقية حتى انشالت من قدامو. انو اذا حطيت قدامو فتاة متحررة ، كأنك حطيت فتاة عارية ، أو ممكن تتعرى بأي لحظة !! ما عم بفهم ..يعني شي مو مفهوم .. اااااااااااااه نسيت اسألك :: انو انت شو مفهوم التحرر بنظرك ؟؟ عند الفتاة تحديداً !!؟؟؟ و كيف بتنظر للفتاة المتحررة ؟؟؟ انتبه !!!!! متحررة مو غير شي ..! وكيفك مع استغلالها ؟؟؟ يعني هاد هو الموضوع ...يا ريت كان فيني اكتبو بالعربية الفصحى وبطريقة أرقى و موسعة أكتر، لأنو الموضوع بيستاهل ، بس يالله مو مهم ..المهم الفكرة ;) |
مفهوم الفتاة المتحررة بيختلف من مجتمع لتاني بس بشكل عام الفتاة المتحررة هون متل العاملة شي جريمة بنظر الجارات و اهل الحارة ..الخ و ع شوفي راحت شوفي اجت حتى لو كانت رايحة ع شي متحف او معرض رسم مو مهم المهم انو طلعت برة البيت هالفاجرة ..:shock::?
بس مو هون الفكرة بتخيل انو المهم انو تكون هي مقتنعة بحالها و بس!! لانو وللاسف بدنا شي عشرطعشر سنة لحتى نفهم انو البنت المتحررة مش بالضرورة تكون قليلة حيا و اشياء من هالقبيل... |
البنت المتحررة بالنسبة الي
ومتحررة بالمعنى الحقيقي.. هي البنت الحرة بكل ما للكلمة من معنى... |
البنت المتحررة .. هي البنت القادرة تدير حياتها بدون مساعدة أي شخص ... وبتشتغل من راسها ...
وبتفكر ... هادا التحرر ... مو تعري ...:p :D |
البنت المتحررة بنظري هي بنت مو معقدة
|
تحرر الفتاة هوي انها ما تعمل شي وتخجل فيه :gem:. نظري للفتاة المتحررة انها محظوظة غير عن غيرها من الفتيات يلي ما صارتلون ظروف متلها مشان يتحررو:cry:. اقتباس:
ما بظن في فرق اذا متحررة أو لأ اذا التقت بشب مانو متحرر واستغلها. |
الفتاة الي قدرت تتحرر من قيود الرجل هي فتاة متحررة
بس ليش بحس الفتاه المتحررة نرجسية لابعد الحدود |
المتحررة هي الفتاة التي تعمل ما تقتنع به (( عن تفهم و عقلانية لا طيش واستهتار ))دون الرجوع الى عادات و تقاليد المجتمع حولها و الذي في اغلب الاحيان لا تعجبه تصرفاتها و عقليتها
تستطيع ان تدافع عن فكرها بمنطق قابلة للمناقشة لا اشعر معها باني امام انسان له كيان وتفكير و شخصية بالنسبة للاستغلال اعتقد بان نسبتهن بين المستغلين اقل بكثير ممكن لا تملك الحرية بحكم ممارستها لحريتها و تجربتها في الحياة تعد اكثر خبرة |
اقتباس:
|
ما في شي اسموا فتاة متحررة يا صديقتي ...في شي اسموا إنسان متحرر
الحرية غاية غير متناهية الحدود وليس لها وصف يحدده... عندما يمتلك الانسان الحرية الفكرية و المناقشة العقلانية يصل لفهم ما يدور حوله وبس |
اقتباس:
|
هل التحرر يعني تحرر الجسد أم الفكر عليكم أن تحرروا عقولكم من خرافاتِ أجدادكم أولا ً وَ لأجسادكم حديثٌ آخر ,. |
تحرر المرأة برأيي هو التحرر الذهني و المقدرة على إبداء رأيها عن قناعة كاملة مع اسقاط أي اعتبارات لأي قيود يفرضها المجتمع لأنه بمجرد انصياعها لهذه القيود عن غير قناعة كاملة فهذا يعني أنها مأسورة بصورة أو بأخرى ..
و المرأة المتحررة أعتى على الرجل من المرأة التي تأسرها أفكار و مخاوف من أوهام فكرية أو اجتماعية قد تكون وسيلة ضغط عليها و سلاح ضدها لا معها.....هذا إذا ذهبنا مع المفهوم الشكلي للتحرر .... |
اقتباس:
بس إذا هون بأخوية بتصير عبارتك "كل واحد فيكن عندو تعريف للتحرر" (نقطة عالسطر) اقتباس:
اقتباس:
:akh: |
ليش البنت بمجتمعنا فيها تكون متحررة :?
|
اوك ..هلأ هو الموضوع كاتبتو وأنا سكرانة ..وبضيع لحالو
وهلأ ضعت أكتر :shock: بس الفكرة مهمة اقتباس:
اقتباس:
بس أنا عم احكي هون عن الإنسان الأنثى فقط (هون بأخوية) اقتباس:
عم بحكي عن تحرر العقول أكيد ...شو بدنا بالجسد هلأ. اقتباس:
اقتباس:
اقتباس:
وبقصد التحرر العقلي ..واللي هو أهم من التحرر الخارجي اللي مالي علاقة فيه أبداً ..لأنو بتصور ما فيها تتحرر من برا اذا بدها ..ومو مهم ..الأهم انها تتحرر من جوا ومشان موضوع الموزنبيق يا عزيزي ..اذا انت بتنظر للأنثى المتحررة كإنسان ..فغيرك(من الذكور بسوريا ) بينظرلها ك "غنيمة" يعني الحصول على شيء من أنثى متحررة هو أسهل من الحصول عليه من أنثى غير متحررة الرسالة اللي بدي وصلها لهاد النوع من الذكور انو الأنثى المتحررة فكرياً تحرراً سليماً ، صحياً ، هي ممكن تكون أشرف من أشرف أنثى غير متحررة ومحافظة عالمابعرف شو . طبعاً قلت ممكن . *فكرة هامشية :في ذكور بخافو من الأنثى المتحررة ، وما بفضلوها كرفيقة إما حتى ما يحسوا بشي نقص ، أو حتى ما تستقوي عليهن باعتبار مافي عندها روادع تقاليدية الموجودة لصالح الذكر ..بخافوا من عقلها كمان ..كتير اشيا . بالنهاية : التحرر هو التحرر الفكري ..الدائم ! هو المقياس لكل الأفكار المخزنة والصادرة والواردة. والتحرر من التقاليد البالية لا يعني انعدام الأخلاق . والتحرر من الدين أيضاً لا يعني انعدام الأخلاق أو الروادع . فالأشخاص ( هون عم بحكي عن الجنسين ) المتحررين بشكل صحيح لديهم من الروادع ما يكفي ليعيشوا حياة شريفة وكريمة أكثر من أي رجل دين . وأي شخص متدين . التحرر يقضي على الأفكار الغريبة عن الطبيعة الإنسانية فقط ..لكن لا يقضي على الضمير ولا على الحس الإنساني الطيب . بل يجعل الكثير من الجوانب الإنسانية التي غيبتها التقاليد والدين ، تشع ، وتظهر ! هذا هو التحرر ..وهو نفسه تحرر الفتاة فكرياً ، لا يعني إمكان تعريها ولا انعدام أخلاقها ، بل انعدام غباءها!! |
اقتباس:
........ |
اقتباس:
اقتباس:
|
اقتباس:
تماما ً وهون جوهر المشكلة يا عزيزتي أنو نعم في مشكلة بالنظر إلى المرأة المتحررة إن وجدت .. لأنو الأغلبية " البشر عموما ً في مجتمعنا " غير متحررين .. يعني هي قضية أنسانية بحتة .. الأنسان غير حر في مجتمعنا .. " يعني ما تعتقدي الرجل المتحرر " فكريا " ما بيعاني من تصنيف لألو .. ورجم و أحكام مسبقة ( سواء المتحرر سياسيا ً ، دينيا ً ، اجتماعيا ً ) .. لذلك القضية تتعدى مرأة رجل .. لتصل إلى عزلة للفكر الحر .. بمجتمع ما بيأمن بالفردية بنوب يعني انتي لازم تذوبي وتشبهي تماما ً كل الناس .. " هيك فوتوكوبي " هلق المرأة بمجتمعنا " للأسف يعني " مرتبط مفهومها .. بالجنس يعني مسبة أعضائها .. اسم امو للواحد إذا عرفوه بيبدو تنقير ومزح وحركات .. وشرف المرأة .. بين رجليها و هي شرف لابوها واخوها و .. و .. لهيك من الطبيعي يعني بمجتمع بيشوف المرأة بهالمنظار .. أنو يقيس تحرر المرأة بجانبه الجنسي .. فأي قد تكون المتحررة .. مع الجنس أو لا تكون .. مع الحشمة او بدون حشمة .. بالنهاية هادا قرارها وهادا جوهر التحرر .. " برأيي " ان يكون السلوك مبني على القناعات الشخصية مو ع شي تاني ويكون الإنسان حر يتخذ القرار المناسب لمبادئه .. يمكن برجع .. ويمكن لأ |
اقتباس:
هدول أديبات عظيمات (وأخص بالعظمة نوال)..وصلتلنا فكرة التحرر تبعهن عن طريق الحروف ..وكلنا منحترمهن . لكن ....... يوجد الكثير من الأشخاص الذين يكرهون هؤلاء الكاتبات وما يقدمون ..ويصفونهم بأبشع الصفات وهم الفئة (والفئة الغالبة) من مجتمعنا التي أتحدث عنها:D |
بتعرفي شو؟؟
اكتشفت انك كتير بتحببي التعميم يا انسة متمردة:shock: _________________ انا بنظري في كذا متحررة ... حسيت انك ذكرتي متحررة واحدة فقط ( قصدي نوع واحد فقط ) هلا بالنسبة الي في المتحررة الكتير ... هاهاها .... هي بحسها معقدة نفسيا بالاحرى ضعيفة شخصيا .... لانو متأكد انو مالها واثقة مشان هيك بتسخدم اما جسمها او طريقة كلامها او او او .... الخ في المتحررة العادية : هي كتير اوكي خخخخ لا عنجد يعني بعمري ما فكرت انو ممكن استغلها لتحررها بلعكس كتير بحس حالي مرتاح معها ,, بحسها من الأشخاص الواثقين من نفسهن . وبالنهاية كل واحد عندو فكرتو عن المتحررة :D |
انا برأيي ان البنت كمان تحررها بعقلها مو بجسدها ..
البنت اللي تفكر و تقدر تواجه اي موقف مهما كان هاي برأيي المتحررة .. و اللي بتقدر تعبر عن اللي جواها و القوية مو الضعيفة .. |
اقتباس:
البنت اللي تفكر و تقدر تواجه اي موقف مهما كان هاي برأيي المتحررة .. و اللي بتقدر تعبر عن اللي جواها و القوية مو الضعيفة .. بنظري مش غلط يكون تحررالبنت بجسدها كمان يعني التحرر ممكن يكون بالجهتين(فكر و جسد):D |
اين الاجابة
فى معظم الثقافات العربية تستخدم كلمة (فتاة متحررة او بنت سبور ) كمبرر لفعل او قول لوتصرف صدر عن فتاة غير مألوف عادة فى مجتمع ما اوطبقة ما
سيبكو من الكلام المكلكع ده وخلونا كده نسأل كام سؤال
|
السؤال هو : ممـــــــــــــــــــــــ ـــــــا تتحرر المرأة
|
:shock:السؤال هو : ممـــــــــــــــــــــــ ـــــــا تتحرر المرأة
|
التحرر دائما يكون من قيد فما الذى يكبل المراة حتى تتحرر منه؟
:shock: |
اقتباس:
اما بالنسبة ل مما تتحرر المرأة فبتخيل انو ما في داعي نحكي بالبديهيات انو انا و انت من بلد عربي بغض النظر عن انت وين مطرحك هلا او حتى من وين انت لانو للاسف كلنا بالهوا سوا و كلنا منعرف" البير و غطاه" صح ؟؟ اما التحرر ف كما سبق حكينا انو التحرر ما بيكون بس للمرأة او بالاحرى ما فينا نقول بنت متحررة بس فينا نقول انسان متحرر.. هون الوضع بيختلف و هون كمان بتلاقي جواب ع سؤالك المرأة و الرجل هم المجتمع بمعنى انو ازا تحرر الرجل و تحررت المرأة بيكون المجتمع تلقائيا تحرر ما الذي نريد ان نحرر المجتمع منه؟:? هاد اغرب سؤال مرق علي ع قد ما انو بديهي.... رح اخليلك حرية الاجابة... يعني تطلع حوليك ماشي يمكن انت عايش بوسط كأسرة و هيك يعني متحرر( كل الاحتمالات موجودة) وهالشي رائع جدا جدا بس شو مشان باقي العالم؟ :D |
:yahoo::yahoo:كلام جميل كلكم حلو حكيكم بس انا مابدي خناق بدي شد شعر وضرب بتهيء لي هاد التحرر ههههههههههههههههههههههههه ههههههههه:lol::lol::lol:
|
اقتباس:
على كل انتي وبترفلاي..عم تحكوا عن شريحة فكرية معينة..أو حتى شريحة عمرية معينة:pos:.. وكتير ظلم نعمم هاي الشريحة عكل المجتمع.. يعني مشوف انو شباب وصبايا جيلي..عندن ميل للتحرر الاجتماعي.. أو حتى الفكري .. (تصوري :lol:) إستاذنا العربي (ويلي هوي كتلة ثقافي) مرة حكلانا عن كتاب نوال "الإه يقدم استقالته" وقرألنا مقاطع منو.. وكانت ردود الأفعال كتير طبيعية.. كان في كتير تعليقات وكتير انتقادات.. بس طبيعية جدا :gem:.. انا متفائل بجيلنا :larg:.. :akh: |
اقتباس:
* تتحرر من العادات و التقاليد ألتي لم تعد تناسب عصرنا تتحرر من الشك المزروع في أراضينا..(شك النسوان الرجال.....شي فظيع) تتحرر من عقلية قاسية تقتصر على حبس المرأة في منزلها ..مما قد يأدي إلى كارثة في لحظة فقد السيطرة * لا فكما قل الشك الموجود في مجتمعنا من قبل المرأة و الرجل...عند تخلص الطرفين من سوء الظن..ستنتهي النميمة سيكون مجتمعنا مثاليا... * المجتمع المثالي ..لا وجود له ...كلنا يعلم أنا المثالية ليست موجودة..و بالتالي نكتشف ان مجتمعنا لايمكنه التحرر.. * نحرر المجتمع من عادات وتقاليد..خانقة..مم... متـأصلة في نفوس أبائنا.. تعليق.. ليس كل فتات يمكنها التحرر.. ماأراه أن بعض الفتيات في مجتمعنا يستطعن التحرر من عدة جهات.. جسدية وعقلية.. ولكن أغلبهن يتحررن نفسيا....(يخلقن علاقات وهمية بين الشباب ..الحب و القصص الرومنسية التي يهواها الشباب في أيامنا..) مما يأدي إلى نتائج سلبية في المستقبل..(بنات مو خرج تحرر..يعني إذا تحرروا مصيبة) أما من يتحررن عقلياً..فإني أحسدها.. إستطاعت النجات من تأثير الأجداد في نفسها استطاعت أن تخلق جوا قليلات هن من أستطعن خلقه إني أحسدها حقاً.....(ماشالله مشان ماصيبها عين هلق:p) اما من يتحررن جسدياًَ فإننا جميعاً نعلم ما نهايتها..لا داعي للحش |
برأيي : متحررة يعني طبيعية..
بس كانت طبيعية يعني.. سليمة التفكير خالية من عقد الأهل والدين والاجداد.. |
والله مافيكي تحددي مفوم للتحرر لانو نفس المجتمع ككل والشخص نفسو بتلاقي ممكن مو انو متحرر لا فلتان وبيقلك انا متحرر
التحرر هوي انو الواحد مابيضل حبيس لفكرة ربيو عليها اجداد اجدادو لانو لكل زمن ظروفو ولكل ظمن طريق للتكيف معو ماهيك؟؟ متل ماقلتلي لهلئ في شباب انو بنت متحررة اولالا يعني فيني ساوي كل شي معا لا طبعا لانو البنت المتحررة (والمتحررة مو غير شي) بتكون اوعى وافهم من انها تغلط بسهولة لانو هي بتعرف هالزمن هاد كيف وبتعرف كمان كيف بيطلع عليها الشب يلي قدامها وتقدر تتصرف على هالاساس انا هاد رايي ويسلمو :) |
بتوقع الموضوع رغم إنك حاولتي تعطيه أبعاد كتير ...إلا إنو بيتلخص ب..
الفتاة المتحررة كالفتى المتحرر وكلاهما طريق صعب جدلي غير منتهي ... تحياتي الحارة ظل جيفارا |
| الساعة بإيدك هلق يا سيدي 12:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
..
