|
رأي مجنون بالسياسة
حتى اليوم لم يسبق أن وصل إلى كرسي الحكم في وطن (بين الماءين) أي مجنون لأسباب عديدة , أهمها أن الجنون عدو الإعتداء ، فالمجنون لا يمن أن يكون البادىء بالعدوان على أحد أما باقي الأسباب فليس هي الغاية من كتابة هذا الموضوع , بل أحببت أن أنقل إليكم بعض آراء المجنون السياسية من داخل العصفورية , وبما أن العصفورية في هذا الوطن الممتد بين المحيط والخليج مثلها مثل أي مكان آخر فسكانها محرومون من أهم حقوقهم , ولا يتمتعون من الحرية إلاّ بحرية تحريك الفم واللسان لإصدار الأصوات البشرية , أما حرية الحركة والإنتقال فحدث ولا حرج ولذلك من يريد أن يسمع آراء المجانين السياسية في أكثر المواضيع العالقة والشائكة والساخنة والذي هو مؤتمر المصالحة في الرياض , فما عليكم إلاّ الوقوف أما باب العصفورية بسبب وجود بعض الحريات المسموحة لكم داخل سجونكم الكبيرة , وعند وصولكم أمام الباب نبدأ النقاش حول هذا الموضوع
|
الرأي الأول :
هل تظنون بأن القاددة المجتمعون قد اتفقوا ؟؟؟؟ أنا كمجنون أقول لا ولم ولن يتفقوا ، للأسباب التالية 1ً - لأن الإتفاق بحاجة إلى خلاف وهم تفقون تماما على الأساسيات وهي ................ 2-لأن الخلاف في وجهات النظر يعني أن هناك اتفاقاً على وحهات نظر أخرى ( طبعاً بالألف المقصورة) ، وماهي الأمور التي يتفقون عليها غير لعن سلاف سلافنا ؟ ولذلك أستنتج حسب نظرية ابن متعوس المنحوس بأنهم لا ولم ولن يختلفوا من أجل مصلحتكم ومصلحتنا ( المقصود مصلحة من خارج ومن داخل العصفورية)إذا كان عندكم غير هذه الآراء أيها العاقلون فتفضلوا ولنسع نحن المجانين ما هي النقاط التي كانوا مختلفين عليها وما هي النقاط التي صاروا متفقين عليها ، وما هي النقاط التي مازالوا مختلفين عليها يرجى استخدام الأفعال الناقصة في الردود قدر الممكن لأنها الأكثر تبعيرا ( يعني تعبيرا) عما يقومون به |
يبدو ما حدا من العاقلين حابب يسمع رأي المجنون بالسياسة رح بتناقش وبتحاور أنا وذاتي تصطفلو رح بتندمو
سعود الفيصل: سيتم إخبار الزعماء العرب بكل ما جرى في القمة |
اقتباس:
|
انا عم بسمعك خيي...
كمل لقلك بتحب المتة بسكر او بلا؟ |
المهم ماننقطع من الماء الساخن بيكفينا حلاوة نتائج الإجتماعات ما في داعي للسكر , صب خيو صب
|
بثينة شعبان: «استمرت أربع ساعات وسادتها أجواء ايجابية وبناءة».وقالت أيضا
ان اللقاء الثنائي الذي سبق القمة بين الملك السعودي والأسد، استمر لأكثر من ساعة، وان الملك عبد الله «كان أكثر من رائع في علاقته مع الرئيس الأسد، إضافة إلى أن المقاربات من قبل القادة الآخرين كانت جيدة وهادفة وبناءة» |
لا تاكل هم
عندي سخان مي متل اللي منشوفو بالافلام هاد تبع الكهربا اللي بيشبه ماكينة القهوة كمل خيو كمل |
وسادتها أجواء ايجابية وبناءة».،
ولك طول عمري وأنا سابقو لإبليس بالعمر بست ساعات وست دقايق وست ثواني,ما سمعت بكل هالحياة التعيسة أنو سادت اجتماعاتون أجواء سلبية أو هدّامة ,يلعن رب هالحكي عند الصبح ,كأنو مو شايفين حالنا صرنا آخر البشر مو أخير أمة أنجبت للناس وان الملك عبد الله «كان أكثر من رائع في علاقته مع الرئيس الأسد، إضافة إلى أن المقاربات من قبل القادة الآخرين كانت جيدة وهادفة وبناءة» لا مو معقول ما شفنا لا كاسة المتة وكاس الويسكي ولا رقصو بالسيف، بدو يجي واحد عاقل يتفهمن عليي ويقول أنو تبعنا ما بيشرب ويسكي وبيرقص بالكلاشنكوف مو لساتو عايش لدور جدنا خالد بن الوليد ولا بعمرو حمل سيف ممكن هالحكي , بس على الأقل كاسة متتتتتتييييييييييييييييي ما بتقول شي , وين الكرم العربي واللا بس لناس وناس |
في هذا الوقت، أكد الملك الأردني في هذا الوقت، أكد الملك الأردني عبد الله الثاني والرئيس المصري في العقبة، ضرورة تحقيق التضامن العربي بما يخدم المصالح العربية ومواجهة التحديات المشتركة.
|
اقتباس:
|
مشيرة(أي د.شعبان) الى ان أمير الكويت «أدى دوراً مميزاً في إطلاق المصالحة ومتابعتها».
|
يعني ..ما بعرف انا مجنونه ولا عاقله ...
بس الي بعرفو انه مستحيل يختلفو ع انه يلعنو رب الشعوب .بس اكيد مالح يتفقوا على المصالح الشخصيه ومين وكم القبضه بالاخير ..ومو بالضروره القبضه تكون ماديه ..يمكن تكون اي شي ... صايرين متل بطوله العالم لكره القدم ..يعني نحن متل الطابه كل كم سنه منكون بملعب ..ووبموقف .. يعني يلعن ربهن عند هل الصبح ..اذا طلعو او نزلو ...مستحيل يختلفو ومستحيل يتفقوا .... موضوع روعه بالجنان ..:D |
اقتباس:
دخلك ومين فيو ما عم يؤدي دورو بشكل مميز ، كلّون بيمثلو أحسن من عادل إمام ومنتفعاتو .على الأقل بكل عرس ألون قرص ، يعني بكل المسلسلات والمسيرات والأزمات آخدين دور البطولة |
اقتباس:
راحو راحو ... لسا هاد المؤتمر بمقدمة لمؤتمر الوحة ,يعني الهرجان السينمائي لسا ما بلش ، ياحرام بكر بالدوحة بيغطو حتى على مهرجان ملكة المزايين , وسباق الهجن ، أخ لو يسلموني حكم هالكون خمس دقايق كنت ركبت كل واحد منهن على جمل وحطيتلو (للجمل مو للزعيم) فلفل أحمر بمؤخرتو ,، و حا حا يا جبل ما يهزك ريح |
اقتباس:
ع راسي حارتك يا يوب |
اقتباس:
يلعن سماك فرطتني ضحك يلعن رب الجنان ما احلاه يا رجل كمل انا وصديقتي sun shine art سمعانينك خيتو بتشربي متة معنا؟ |
معلم عم سخن مي جديدة لانو اجا ضيوف جداد...
|
وأكدت شعبان أن «النقاشات سادها الوضوح والصراحة والشفافية»
|
اقتباس:
يعني بدك تقلي انه حتى الجنان صار بدو حجز ...وانه في زعماء وفيه متضهدين .. طيب انت بتقول بجنانك لح يتغير شي ..اكيد لا ...وانه لح يصير احسن اكيد لا ...انه متل ما قلت كل فتره عنا مهرجانات خطابيه ...مشان يعطو افيون للشعوب ... ترى الفلفل الاحمر غليان ...وصاير اختصاص الهنود فقط ...ولان ربك موزع الفلفل الاحمر ومشتاقاته ع الشعوب ...مشان هيك مالح تستلم ولا دقيقه ....ماتحلم تستلم يا غالي انت بعدين امتى طلعت عاقله لسى ميارح شرش الجنان كان طاقق ... انه ليش حاطط ع بثينه ..دخيل عينها ..شوف كيف صارت بعد عمليات التجميل . ... |
اقتباس:
من وين بشتريون هدول ؟؟؟؟؟؟:? |
خيتو شفتي ابو عبدو السمان؟
في جنبو كشك بيبيع دخان مهرب من هنيك واذا بتجيبيلنا بطريقك غلواز احمر شني خرمان عليه |
اقتباس:
طبعا سادها الوضوح لأنّو الشباب دافنينو سوا وما في داعي حدا يحلف بحياتو ، فالوضوح واضح وضوح الشمس وبصراحة كمان الصراحة مبينة , وكل واحد بيعرف شو قبض التاني ، ومين بعتك مين دفعك مي دفعلك ما حدا بيعرف طمّن بالك هيدي مصلحتنا أما الشفافية رح بأجل الحكي عنها لأنو لسا الصبح وشي بيخلي الواحد يقرف ومنشان ما يروح وضوئي قبل صلاة الجمعة بعلق عالشفافية منين منين .. اللي سقوها بدمع العين , ياسيدي ورجاني الشفافية |
اقتباس:
|
اقتباس:
وبعدين شو هاي حاطط ما حطط ،وكيلك الله ماعندي شي حطو لا عليها ولا على غيرها القصة وما فيها أنو من الصبح لبكرا يا فتاح يا عليم يارزاق ياكريم استفتحنا بالتصريحات الصحفية تبعها , يعني لقيناه بالوجه , بعدين يعني لمين بدي حط لبو متعب , الوضع ما بيحتمل , مبارك هه ههااا ها، تذكرت موضوع الإنتهاكات والحكي عن الأسماء ، لو مسمي أبوه زبلة كان كسب أجر وبوجّو عالجنة |
اقتباس:
|
انت بدك تضيعينا؟؟
ما نحنا محششين خلقة.. |
اي هاد هو
كانت عم تسال وين بتلاقي الشفافية وهالقصص.. |
اقتباس:
حيرت قلبي معاك...... ونا بداري وخبي ترررم قلت أعمل أيه وياك.......... تررررررم لأن سمعتلك أنو الموسيقا بتزيد كمية التبعير عند المواشي بالشرق الأوسط |
اقتباس:
احسن كل ما الواحد حشش .ببعد عن المهرجانات والخطابات الرنانه ...فا ضيع وحشش ..وشوف شو بدو يصير بربك ... |
ماهو انت مو عرفانة السر
هي الخطب الرنانة هي اللي بتعمل المخ..اضرب من الحشيش الله وكيلك |
اقتباس:
بعني الموسيقا هي الشغله الوحيده الي ممكن تخلي البني ادم ...انتبه ع كلمه بني ادم ...وخاصه في الشرق الاوسط ...انه شوي ها يحس حالو ها ارفع من الحيوان ..مع احترامي ..للتنين ...بس بينحسد الحيوان او الحمار الي انت بتحترمو كتير ...انه لا يقرأ جرايد صباحيه ولا بشوف مهرجانات وخطابات ع التلفزيون .... انه مين قلك تفتح الجرايد ..انا بستخدمها ..لمسح البلور ..في حدا عاقل بيقرأ جرايد ؟؟؟؟؟ |
اقتباس:
|
:o:o:o:p:p;)
|
اقتباس:
دخلك هاي الدكانة ما عندو متي, عند صديق خريج كمبيوتر وكان فاتح محل كمبيوتر عمل حادث المحل تدهور وتحول لبيع المتي ..وين صار بالريح |
اقتباس:
|
يعني إذا كان العشا سياسة والفطور سياسية , صارت الروحة على صلاة الجمعة ضرورية, رب ما بلاقيلي محل عند مفتي الفئران . بس المشكل لازم اتوضا بالجامع لأن الشوارع تعج عجا بالحسان كأغصان البان في بلد لا تعرف فيها من الشيطان
باي |
غلطنا ورحنا على صلاة الجمعة يا شباب وياريتها آخر روحة , وكيلكون الله فكرت أنو رايح صليلو للأخير (يعني لالله) تاري الإمام عم يصلي للقيادة الرشيدة الحكيمة الشفافة وآله وصحبه أجمعين , وبلا طول سيرة يا شباب واللي ما بيصدق يضرب راسو بالحيط يصطفل , وركب (الفاعل مستتر تقديه هو،يعود للإمام)ظهر فرسه ونخزها فشخرت ونخرت وهجم على الأعداء من الكفار وجاحدي وناكري نعمة ولي الأمور أبو المتاعب(عفوا أبو متعب) وآله وصحبه وجيرانه أجمعين وأقسم اليمين أن يدز ويدفش بهم أجمعين إلى نار الجحيم خالدين فيها ، وبعد هذه المعركة المظفرة التي قادها الإمام بعون ولي الأمر وأهله أجمعين ، على التعب أجسادنا , وعلى الشيب رؤوسنا من هول ما رأينا من البطولات، عدت متعباً , يعني منهكا من التعب منشان ما حدا يفكر متعب بن بو متعب ولي أمورنا وخادم الحرمين الشريفين , وكنت وعدت نتحدث عن القمة المصغرة حسب ما قال سعود الفيصل رضي الله عنه وعني وعن كل المسلمين , ولكن بعد هذه المعركة التي شاركت فيها وكررت ( من الفعل كرّ ،أي اندفع في القتال، هلق بيجي حدا بيقول شو دخل الكر ((يعني الحمار الصغير )) بالحرب ، وفررت يعني كمان هاي من الفعل فرّ الفصيح مو العامي اللي بيستخدمو شريب المتتة بشكل دائم
بالمختصر ما عاد إلي عين أحكي عن تصريحاتو بعد اللي عرفت أنو صحابي أكتر من يزيد بن معاوية , فلا تواخدونا رح منحكي عن تصريحات أبو الغيظ أو الغيض أو الغيط ,,وكلو عند العرب صابون |
وين رحت
شايف انت اللي قطعت الحبلة فينا تضرب انت واللي بدو يحشش معك هس ولا كامة بدي اسمع بلعها لشوف بلعها..شعب ما بينعطى وش |
اقتباس:
بعدين وين يا خيو الظاهر متقل نفس المتة راحت معك يومين يالله على كل أحسن من غيرك بكتيييير وشكراً على ضرب هالمتة بكل الأحوال |
| الساعة بإيدك هلق يا سيدي 20:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون