|
. . . أصوات سكنت في الذاكرة ,.
" وحـيد جلال "  . . الشَخصية الخالِدة " جون سيلفر " |
كنت خاف منو :wink1:
|
ايــــــــــــ:sosweet:ـــه غير شكل جون سيلفر ووحيد جلال كمان كان بدور "علي بابا"  :o بس طبعاً لا يًقارن بجون سيلفر :p راجعة مع شخصية تانية ببالي :lol: |
" قمر الصَفدي "  . . الصوت الحاد وَ الصارم في شخصية الآنسة " منشـن "  . . " ياســين " قي مسلسل الكابتن ماجد  . . جودي آبوت  |
مها المصري من الأصوات يلي كتير مطبوعة بذاكرتي لما بسمعا ما بقدر ما اتذكر "حكايات عالمية" بدور الرواي  وهي غنية البداية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :oops: وأيضاً بدور الراوي بمسلسل ليدي أوسكار مسلسلي الشهير :p :oops: وما بعرف إذا كمان أخدت فيه دور روزالي :? لأن الصوت نفسو  :oops: |
" إيمان هايل " احتلت قلوب الأطفال في كثير ٍ المُسلسلات الكرتونية منها : " سالي " . .  . . " أليس " في بلاد العجائب  . . رامي الهداف  . . " ليه واه " في صِراع الجبابرة  . . " الليدي أوسكار "  |
اقتباس:
سيلفر ذو الساق الخشبية :lol: |
ساندرا ماذا تفضلين من الأعمال الكرتونية ؟ جد جد , لاتخجلي :lol: |
اقتباس:
كان الو تجارب تمثيلية و غنائية |
عنجد انت مستشار وراقي بكل معنى الكلمة
رحت عاليوتيب وصرت اتفرج عالكرتون القدييييييم الدمعة على وشك انها تنزل بس لحقناها:p اييييييييييه رجعتنا لايام الهنا تحياتي:D |
يا سلام كان زماااااان :pمع اني ما بعرف كتير رسوم من هول:?
|
اقتباس:
بالفعل صديقي سامر بعض الأصوات لا تتكرر ,. |
اقتباس:
ليش ما عندكم Tv :lol: |
اقتباس:
بحب ليدي أوسكار جداً وجداً جزيلاً جزيرة الكنز خصوصي مع وجود جون سيلفر:hart: حكايات عالمية ... بعتبرو مسلسل كرتوني رائع جداً وبيعرف منيح على قصص فيك تقول تراثية من حضارات مختلفة ريمي :cry: بس منيح أنو نهايتو حلوة ساسوكي :p وجامبو الجبار صراع الجبابرة بس الفيلم مو المسلسل صاحب الظل الطويل (ميرو) :lol: ساندي بيل توم سوير بس لو كان يلبس شي برجلو وما يضل هيك حافي :frown: سالي .. لهلا بتذكر مشهد لما راحت تشتري بطاطا وبتقع تحت المطر وكيف كانت تطعمي الفيران بغرفتا :cry: وطبعاً من متابعي البوكيمون كنت :oops: هدول المسلسلات يلي لهلا أذا شفتهم عالتلفزيون ممكن احضرهم وفي شغلات يعني كنت حبا بس هلا ما بتحملا متل السنافر ... كعبول ... بسيط وشو بيعرفني شوفي كمان هات لشوف أنت شو كنت بتحب ؟؟؟ هاموش ... حاسة إنو في شي نسيانتو :? |
اذا بتجبلنا شخصيات كرتون لولو الصغيرة:p
العما الواحد صار عمرو 25 ورجع ولد عمرو 5 سنين:oops::oops: |
اقتباس:
أهلاً صديقي أبو العبد يا أخي أوقات بحن للطفولة لدرجة أني ببحث عنها بعيون الأطفال بتصدي أني بشعر أنو في مسلسلات كانت أكبر من وعينا بس كانت جميلة جداً بتحب توم و جيري مو ؟ :D |
في كمان محمد ابراهيم ... كان ياخد دور الراوي بأغلب المسلسلات يللي تدبلجت بلبنان و من الشخصيات يللي أداها ... شخصية مارك بساندي بل  بس ما لقيتلو صورة عالنت :sick: |
اقتباس:
كان في tv ابو شمعة :p بس ما بيجي عنا محطاتكن هون ;) راحو علينا بس هلء عم نعوض وا نشوفن علنت:o |
اقتباس:
انو ايه اكيد لليوم عندي كل حلقات توم وجيري وجرندايزر واحلى شي عدنان ولينا:o صديقي نحن بحاجة للطفولة |
ياااااي انا بحب ساندي بل و كمان بل و سيباستياان
هههههه يحيا يحيا ال صديقان بل و ا سيباستياااااان هييي:clap: |
شو خطر على بالك :lol:
|
اقتباس:
قلبي عبئول أنك لهلئ بتشوفي أفلام كرتون لأنو ذاكرتك قوية جداً وجزيلاً لدرجة أنك صدمتيني :p شوفي يا ديموزيل سوسو :lol: أنا بحب جزيرة الكنز بعدو بجي صراع الجبابرة " فيلم " بعدو أوسكار وكمان عدنان ولينا وكمان كمان توم وجيري وما بخفي إعجابي بكابتن ماجد :lol: حاسس حالي طفل كتير بالموضوع هاد :p |
حدا متذكر "مغامرات بن بن"؟ :o "أبحث عن أمي في كل مكان، أبحث عن أمي في كل زمان"، بيقطع القلب:cry:
و لا "طم طم أنا ابن الفلا، منذ الصغر أهوى العلا":clap: و لا التنين الصغير اللي كان بدو يصير رجل إطفاء:gem: شو كانو بيجننو ها الرسوم:sosweet: الله يسامحك يا نوار:p |
اقتباس:
" بلغتُ الشيخوخة َ وَ لم أزل أبحثُ عن أرجوحةِ الأطفال " خيو عاديي ولو , يعني هلئ رايح شوف جزيرة الكنز لحالي :lol: و هلا بـِ أبو العبد |
اقتباس:
اي اي .. بذكر هيك شي بس التنين الصغير كان رهيب ها :lol: بس بتعرفي تعي نرجع ولاد صغار بشرفي بدفع نص عمري :p انا صغرت عقل ونزلت الموضوع الله يسامحك انتِ شو فوتك هالفوته :lol: |
اقتباس:
يا سيدي أنا لما كنت صغير كنت حب تصير شخصيتي متل مارك :lol: اي ما رح تلاقي صورة لاني المُدبلجين بشكل عام مغمورين متل الموسيقين هيك العادة يا سيدنا :p |
" ياقلبي المشتاق
نم في ندى الاوراق ماما التي تحبني .. تأتي مع السحاب بشعرها تضمني .. بموجة الضباب " الله يرحمك:cry::cry::cry::cry::cry::cry::cry::cry: :cry: عنجد الله يسامحك ( من هو البشع حقا ومن هو الجميل ، الزهور لا بد ان تذبل والايام الجميله لا بد ان تنتهي ، بشار يجب ان تدير ظهرك للامس ويجب ان تواجه الغد بعزم وثقه ) بشار يابشار - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
جنيت يا رجل , مليت من الروتين كلو فلسفة وشعر وما بعرف شو , وبصراحة حبيت أتولدن :p اي بشرفي شي بجنن :lol: |
أجمل كرتون حضرتو
هو جودي أبوت صوتها مستحيل انساه مطبوع بزاكرتي عن جد كان فزيع وما ننسا عدنان ولينا كان رائع |
اقتباس:
لك العادة انتِ طفلة متلنا :p اي بيل وَ سيباستيان كان حلو اديه كنت حب يصير عندي كلب وفي متلو :lol: |
اقتباس:
يا صاحِبَ الظل الطويل :lol: بس كانت مجنونة ها :p |
اقتباس:
|
اقتباس:
وهبلا أحيانا بس كانت كتير مهضومه ولزيزه وأحلى شي وقت كانو يسحلو جراباتها ههههه |
نوار اكتر موضوع ليك يفرحني كتير كتير هو هاد الموضوع
خصوصي مع نوبة الحنين الي صايبتني هالفترة يعني الله بعتك حتى تساعدني ارجع في الة الزمن انا بشترك مع سندرا بسالي وصاحب الظل الطويل وليدي ليدي ما اروعها واليس في بلاد العجائب بس مو كتير والسيدة ملعقة وبرين - حين تغني الريح في الربيع- ولبنى السريعة وهديك البنت نسيت اسمها اغنيتها اقود القطيع ولحن الامل تبع مدرسة الموسيقى وبشترك مع برسونيتا في ابي ابي ماذا تريد يا ولد اريد ان اصبح رجل اطفاء وساسوكي والنسر الذهبي نسيت اسم البطل ولا تنسولي بليز روبن هود يمشي وحيدا في الغابات حوله الاصدقاء رو رو بن هود والقوس بين يديه لا يابه متل النار يصوب سهما هو كالابطال في الادغال روبن هووووووود شو كمان بيبيرو يا خير البنين بوفاءك صادق امين اما من الجيل المعاصر فبيعجبني القناص وسلام دانك لاعب كرة السلة حسان المجنون واكيد طبعا بوكيمون كانت عندنا رفيقة نسميها بيكاتشو تزعل انا اترجاهم ينادولي بيكابي ما يرضو -اشرار- حاسة اني نسيت حدا مهم ذكروني ذكروني اي سانديبل وبوليانا وشهلة وركزولي بليز على ماروكو اوددا اوددا اودا اودا دادا شعو رهيب والله |
اقتباس:
|
اقتباس:
الله ع هديك الايام |
صباحكم طفولة :sosweet: شكرا لموضوعك الجميل سرقني من وجع الايام مسكتني من أيدي ورديتني لحلم الطفولة ..اخدتني لبيتنا بالحارة العتيقة لبرد الشام وريحة الكستنا على الصوبيا ميمونة ..ل الاميرة ياقوت و ميمونة ومسعود واوسكار وحكايات عالمية السندباد وطمطوم والنسر الذهبي وجورجي ....حدى فيكم بيتزكر طمطم؟؟ هاد كان احلى شي عندي هو وفلونة وهايدي والاميرة ياقوت
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
| الساعة بإيدك هلق يا سيدي 03:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون