|
النظرللامور بشكل شاقولي أفقي......
انو ما بعرف.........يمكن مليت ووصلت لحالة القرف التي لا توصف.......وحدة غربة.........ضغط عمل......وكل ما بفكر أنو ارجع عا جهورية موزمبيق العزيزة جداً...........وبنزل لهنيك............بحس حالي غبي جدا جزيلا عا ها تفكير الانبطاحي.......أنو شو بيرجعني عا شقى وتعتير...............شيت ربون...........وبرد بضب هل البقجة........من أول وجديد........وبرجع عا ها الصحرى..........أنو نظرت للموضوع بتجاه افقي شاقولي......وقلبت موضوع من الف جهة وجهة كمان ما طلع مع سماي شي..........العمش شو محشش أنا........صعي نست اسئلكون.........حدا عم بيصير معو متل حكيتي؟؟؟؟؟؟؟؟؟؟:cry:
|
بدك الصراحة؟؟؟مافهمت عليك شي:oops:
|
في غربتي.........أضجرني الضجيج.........وتعبت عيني من القصص
|
الغربة يا صاحبي لو عايش فيها ملك زمانك بضل فيها أشياء سيئة جداً
بيكفي انك بعيد عن الناس الي بتحبون, بيكفي انو إذا مرضت والتحشت بالفرشة مافي مين يعطيك حبة دوا مافي أحلى من بلدو الواحد رجاع نظور للأمور بشكل أفقي بيضوي :D |
انا ساكن بحلب حاليا وكتير اوقات بصير فيني مشاعر شوق واشتياق للرجعة لبلدي الام سوريا فكيف انت بشرفي الله يعينك :p
|
تعال لعندي ....................... رووووواق ! :larg:
|
اقتباس:
|
اقتباس:
بس كل ما رحت عمكتب الجوازات والسفر وإلتلن انو بدي تاشيرة ذهاب عحلب... بئلعوني :shock:.. ابصر شو صاير :lol: |
اقتباس:
|
ما تفكر كتير ...قتلو لهل القلب ...وهل العقل وخليك عم تشتغل احسن الك ...
وين بدنا نرجع اه ...؟؟ وع شو ؟؟؟؟؟ مافي غير الحب والحنين وبس ...غير هيك مافي شي ...فا قعد انضب ولا تفكر ولا تحشش تاني مره هيك تحشيشات :pos: |
اقتباس:
أنا ما بضمن قديش رح عيش و لا بضمن قديش الناس اللي بحبهم و بعاد عنـّي رح بعيشو .. كما انـّي ما بقدر اضمن قدرتي على التفاهم معهم لكل العمر وبـذلك هالـشي و ببـساطه بيـعني انو معلش الحياه بتـستاهل شـويه تضحيه ماديـّه على حسـاب الوقت و الحب و هالقصص العلاك هي .. أضيفي الى ذلك انـّو البلد بلـدي و أنـا مجبوره فيها و بعـيش فيها حتـّى بأسـوأ الأوقات مش بس برجع عليها وقت بتكون اوضاعها تمام .. يا رجل هفــففف شـو ظريف الشـعور لما الواحد يفكـّر بالرجعه .. خـــــييي :larg: |
بيني وبينك بدها روحه عالموزنببيبيق تبعتك هاي!!:o
|
اقتباس:
اكيد الماده مو كل شي ..ابدا ابدا ....والحب والحنين اهم ...ووالغربه مو بس للماده عزيزتي ...رب المصاري عند الجرح ..... محدا بيضمن حياتو ...ومحدا بضمن اذا منشوف الي منحبون ولا لا ... اما يا صديقتي عن التضحيه ....حديثها يطول ...ضحينا بالناس الي منحبون كرمال هل الوطن ..ضحيت بدراستي ...ضحيت باعز الناس كرمال هلالبلد ...واكيد هدا مو علاك مصدي ؟؟؟؟؟ لما بموت حدا مقرب كرمالل هل البلد ..واكيد ما بتعتبري هدا مزبله وعلاك مصدي ...فا ماتحكمي ع الامور من برى ..... وكنا بالبلد باصعب اوقاتها ...لما كنت انت بالبيت مع اهلك ..واخواتك انا كنت عم دور ع اخوتي بين زنزانات الوطن .... لما كنت تلعبي مع رفقاتك ..كنت العب لحالي ,,لان ولاد الجيران بخافو ,....يلعبو ...معي خوفا من جلاد الوطن ... لما كنت انت باخر الشهر تسافري ....كنا ممنوعين من الطلعه من البيت ... ولما كنت انت بحضن اهلك ...انا كنت بين جدران التحقيق والاسئله ...... فا مو كل شي ماده ..مو كل شي ..حب وحنين لان انقتل كل شي ....وبدك ما تواخينا انه نحن مزبله ..... ولك ودي :D |
اقتباس:
و انا ما قصدت عنّـك انت انما عن شامي للنخاع لما تقليله ما يرجع .. في شخص بعرفه ذكرتيني فيه صار معه موقف جدّا مضحك انو هو ما بيرجع عالبلد كرمال نفس اسبابك تقريبا .. من فتره قرر يكسر هالحاجز و يرجع قام حبسوه كم ساعه بالمطار قال مو خادم عسكريه :lol: ياخ من وقتها لهلئ بس تفتحيلو السيره بصير لونه على اصفر !! المهم .. رغم كل شي .. أنا ما مشاعر الحنين هي اللي عم تتحكم باللي عم قلك ياه انا فعلا من قبل ما اطلع من البلد و انا ما بدي اطلع - كان عمري 15وقتها - .. و مدري ليش طلعت :? ! و لذلك انا مع استغلال كامل الفرص للعوده - زياره او غيرها - في صدد انو من ضمن الاشيا اللي الواحد ما بيعرف شو تساوي فيه الايام انـّو ما يعود قادر يفوت عالبلد :) .. ما يعود عنده رغبه .. ما يعود عنده ناس .. يصير غريب .. الخ الخ .. لذلك انا مع استغلال الفرص كامله و ضب البقج بجميع الاحوال .. و بس .. تحياتي الك عزيزتي :D |
اقتباس:
اقتباس:
بس يا صديقي الغربة مو بس البعد عن الوطن كمان..............بتحس احيانا انت بهل الوطن انك غريب.........وكاسك يا وطن:nirvana:.......صعي نسيت قلك انو عم ئلب الموضوع بجميع الاشكال الهندسية.........يلعن دينو ما عم بيظبوط |
اقتباس:
اقتباس:
اقتباس:
|
اقتباس:
|
زكرتني بحالي
خايفة ليجي يوم حس اني غريبة بالغربة ( بطبيعة الحال ) و بس ارجع ع بلدي الام موريتانيا حس حالي كمان غريبة بصفي حاملة هالبقجة و حاضنتها و مش عارفة اروح و لا ارجع .. انزل ولا اطلع ..الخ معك حق عنجد تفكير انبطاحي ;) |
بدك الصراحة الغربة بين اهلك وناسك اصعب بكتير من الغربة بين ناس هني بالاصل غراب عنك
لهيك لاتزعل من غربتك فهي اسهل بكتير من غير غربات:pos: |
بدك تسامحيني بهاي النقطة بس مدري ليش هالمرة ما زبطت معك:o
لما تكون بغربة جنب الغريب ما بتزعل انو بتزعل اكيد طبعا بس الااكد من هيك انك رح تزعل اكتر بكتيييير لما يكون الغريب هو وطنك !!!!! صعبة لما تكون شايف الوطن بصورة معينة و حامل كتييييييير اشياء حلوة بزاكرتك عن شي معين ولما ترجع( عموزميق) تلاقي كل شي نقلب و عاد في شي محلو :shock: ساعتها رح تكتاب و تضرب بوز وهه :pos: |
اقتباس:
بالنسبة للغربة مرة واحد حكالي قصة طريفة:o هاد ياسيدي مرة واحد سافر على اوروبا واشتغل واتعلم هنيك واتعود على البلد وعادات هالبلد من ترتيب ونظام و..... و وصار تقريبا من اهل البلد حتى صار معو الجنسية وبس صار عمرو 50 سنة اتقاعد بحكم انو قوانين هالبلد بتفرض عليه هيك فوقتا حن لبلدو واهلو وقرر يرجع رجع هالزلمة قعد سنة بعدين ودع ارتحم فاهلو قالو كان حاسس انو رح يموت لهيك رجع:cry: طبعا هو مو من هيك مات ولا كان حاسس لكن مات من وضع هالبلد مات من قرف هالبلد يااخي واحد متعود عالنظام ومتعود عالاتيكيت وشغلات كتير تغيرت عليه اجا ضغط وسكر وقلب بعيد عنكون وودع اخي انت لما تغربت شو كان سبب غربتك يعني سياحة مثلا ولاهيك اجا عبالك اكيد لا انت اتغربت مشان تحسن وضعك فلاتفكر بهالقصص ولاتعيش على الاطلال اذا هيك الله راد واتحسن وضعك ولقيت انك ماعدت بحاجة للغربة فوقتا فكر بالرجعه |
هيك طلعت فاهم و عين الله عليك :o
بعدين صحي شو هاي ضفضع بلا رجلين؟:shock::? |
اقتباس:
|
هس ،،،،، شوي شوي وطّو أصواتكون شوي فيقتونا، كل شي صار واطي عندكون إللا أصواتكون
أنتي صن شن طن وين ما رحتي بتعملي مشاكل. كنت مبارح بالجمهورية اللي أنا عايش فيها, لا تكذبي علي بكشفك دغري ها لأنك لليوم ما عرفتي تتعلمي الكذب , مع أنو أنا المجنون أحيانا بكذب وبعمل حالي عاقل وما بنكشف ، اليوم الشرطة والهيئة رحلو بناية كاملة حوالي 200 شقة سكنية وأخلوها خلال ساعة ، ليش ياحزركون مارح تعرفو ؟ أكيد ما رح تعرفو ، رح قلكون شو ،قال طلعت العمارة مسكونة وفيها جنّي، قلبت الأمور بعقلياتي الصغار قلت مافي غيرها ها صن شن طن عاملتها شي فلم بعدين يا سيد شامي للنخاع إذا طليت بالغربة بطل عندك حنين بس مابتعرف لمين وليلية بيسرق من بين المغتربين وبيصير يوديك لبعيد يودّيك ، وتصيح متل الديك كا كو كيك, أما إذا رجعت لمين بدك تحن عالعفاريت , صار في بالشام عفاريت أكتر وأكتر اتصل فيي الصبح وتعا لنشوف شو بدو يصير بالعفريت اللي بحارتنا أنا حابب أرجع عالبلد بس للأسف حتى الدخول عالعصفورية بدو واسطة تقيلة ، قلت بلاها هون وين مارحت و وين ما كنت عصفورية، وشو ما قلك صنفريييه صنفرلو عالصنفرييه صن فر صنفر صن فر يا صنفور وتصبحون على وط....... تصبحون على عصفورية |
عا روزنة عا رزونة............يا ارضينا شتقنا..........يا ريحين عا الوطن خودو مني كلمة...........ساكنة في بالي من دهر......تكبر مع النسمة......اكتوب عا حيط البلاد............نسمة الوطن نسمة
|
اقتباس:
|
اقتباس:
صدقني أخي أبو سمرا إن سياط العقل التي تساط بها هنا حتىوأنت في عز النوم هي التي تلسعنا وعلى كل أنا عم فكر نزل موضوع شبهه يومي بما اراه وأسمعه وأشمه وأحس به من ممارسات حيوانية في مملكة الإنسانية |
اقتباس:
على كل الاحوال يا صديقي شكلي بدي كورس عندك بمملكه الها بركي بطلع موديل جديد ... احسن شي الواحد يضل مجنون وبعيد حتى عن الحنين الى الوطن |
اقتباس:
ماني كتير معك بهالحكي صرلي بهالبلد تقريباً تلاتين سنة و المشكلة أنو من وقتها ما تغير شي بهالبلد إلا نحنا |
اقتباس:
|
| الساعة بإيدك هلق يا سيدي 20:45 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
