|
مناسبه عيد الحب لازم نفهم شو يعني حب
:Dانا كتبتها بالعاميه بس شفت هيك احلى واهضم اديش الحب بجنن وحلووووو كلو معاني سامية وكتير راقية بس مو أي انسان بئدر يفهمو لانه الحب شي كبير وعظيم بس أليلين أو نادرين الي بعرفو الحب عالم فتان وساحر عالم مستحيل أي حد يئدر يدخلو تذكرة دخوله هو ألب عاطي لانه اهم شي العطاء مش شو ياخدو الغايات من أأوى الاعداء فيه بتدمر كل العواطف متل نار وبتاكلو الحب ما بعرف زمان او مكان عايش وخالد لو بعيدين كانو لانه كفيل يخلئ للاتنين دنيا يسكنوها لحالهم وفيها بعيشو مع بعضهم بجسدو مشاعرهم من هيام وغرام وولع وبنارهم بدوبو وحتى بحسو انها الدنيا مو واسعة حبهم فبقررو يمسكو ايدين بعض ويطيرو متل عصفورين مو هاكلين هم شي اهم شي انهم مع بعض يضلو ازا انسان لئي حد يناديه حبيبي وكان آصدها وعم يحكيها من البو فهيك ما فيي احكي عنه غير ملك لاني ما شفت انسب من هيك يكون اسمو لانه ازا حبه انسان راح يئدملو كل شي من حب ودلال وحتى مستعد يوهب روحو كل شي برخص كل شي بهون وعذابه متعة وبوفر راحة وسعاده وبعطي كل ما عندو وحتى لو لزم الامر انه يضحي باعز شي بس غايتو رضا حبيبه عنه وهاي من اقصى آمالو لا ظرف ولا انشغال ولا شي بعطلهم عن حبهم و بلاؤوا بدل الطريقة الف بس ليتواصلو وإشيا كتيرة بس صعب احصرها........ الدور والبائي انت شو راح إتأدم للي ملكت عمرو وصيتي انتبه تئلب لوحش وتسير تجرح او تغدر وتئزي الب حبك وتعذبو وتكسر بخاطرو وبصراحة ما حد خسران غير واحد انطرد من عالم الحب بسبب تفكيروا بنفسو وانانيتو صدقا ما في اجمل ولا اروع من نعمة الحب في الحياه وانا ما فيي ازيد اكتر غير حلو الواحد يكون اد كلمتو |
اكرام الضيف واجب
بدي رايكم يا جماعه :ss: انا ضيفتكم الجديده :blush:
|
بس ممكن سؤال يا Ayoooooooosh هو وين ممكن نلاقي هالحب يللي بتحكي عنو لأني مو لاقيه لهلا كلو تسلايه في تسلايه ؟! :mimo: |
الدنيا ما خليت اكيد في حب بمعنى الكلمة :fheart:
|
رأي انو كلام رائع وموضوع حلو...
وكل الكلام اللي كاتبو صحيح اذا كان الحب حقيقي وخالي من المصالح الشخصية ونابع من القلب...فهي الشغلات هي اساس الحب..... شكرا على الموضوع:D |
بتمنى عنجد كل واحد بهالدنيا يعيش هالشعور الصادق
ومرسي يا أمر:flover: |
الى كل الحبيبة بأخوية هابي فلنتاين وبتمنى تكونو معا الى الابد متل هاي الصورة
 |
الحب أجمل سوء تقدير بين شخصين...
الحب سلطان لذلك فهو فوق القانون .. أن تحب اي أن تسكن روحك في جسم من تحب..... :hart: |
اقتباس:
يحرق حريشك يا نور هيدا اسمه حب ولا فلم رعب:?بخخخخخ |
ياجماعه حتى بافلام الرعب لئيو الحب الحئيئي طب نحنا ليه لهلأ ما لئينا :jakoush:
|
مرسي ع رايك والحب بيجي بدون سابق انذار او حد مئدر هالشي وبس يدخلو عالم الحب بيحكمهم في مملكته الأويه:gem:
|
الحب شي حلو
يطهر النفوس بس بشرط يكون بعيد عن الرغباااااااااات |
اصلا بالرغبه والغايه ما بتسمى حب بتسمى علاقة مصلحه ومرسي ع الرد يا احلى ورده
|
زرعتِ في قلبي ابتسامة ً ليلية ً حائِرة أنتِ جميلة جدا ً ,. |
اقتباس:
على كل انتبهي لما يجيكي ما تطنشيه وبعدين تندمي :larg: |
اقتباس:
|
كل عام وانتو بخير وعقبال العاوزين ......
|
اقتباس:
|
اقتباس:
وَ لـِ هذا لا أريدُ أن أكتبَ عنك فالقصائِدُ أبطالـُها مَوتى وَ أنا أحيا بك ,. |
اقتباس:
|
اقتباس:
|
اقتباس:
|
الحب ليس رواية شرقية بختامها يتزوج الأبطال .. لكنه الإبحار دون سفينة وشعورنا أن الوصول محال هو أن تظل على الأصابع رعشة وعلى الشفاه المطبقات سؤال هو جدول الأحزان في أعماقنا تنمو كروم حوله ، وغلال هو هذه الأزمات تسحقنا معا فنموت نحن .. وتزهر الآمال هو أن نثور لأي شيء تافه هو يأسنا .. هو شكنا القتال هو هذه الكف التي تغتالنا ونقبل الكف التي تغتال .. نزار قباني |
الحب... كـ البطاطا*
بتشوفها من برا ... انو شي مكعبل ومطعبل ومو معروف راسو من رجليه بس عمي تعا لقلك مسيك راس هالبطاطا.. قشرو .. قطعو.. شوية ملح ... وعالمقلاية .. بيطلع شي ناهي تماماً كمان فيك تاكلو مسلوق مع شوية زيت وملح او مشوي بالصوبية خصوصاً ... شي ظريف كتير بيطلع اي والحب هيك .. :angel: -------------- هامش: بطاطا* = جميع حقوق البطاطا والبطبطة والمتبطبطين في هذا المكان المقدس.... محفوظة للحج ياس وأي استخدام دون الرجوع للمعني بالأمر يعرضك للمسائلة القانونية، والحبس تحت ذمة التحقيق لمدة 7-12 سنة بتهمة وهن البطاطا القومية ودمتم .. وادامكم الله وبطبطو بعض بمعنى آخر .. حبو بعض :ss: |
على فكرة احمد البطاطا إلها اكتر من مية طريقة وبكل وحدة بتطلع اشهى من التانية
يا سيدي البطاطا نعمة من الله لهيك انا حبيتو لـ الله ..:lol: |
اقتباس:
ما بعرف بس عن اخوانا المسيحيين وقت يتزوجو بقولو ما بفرق بينهم غير الموت بس هدول طلعو اقوى حتى من الموت |
الحب أساس الحضارات
أحبوا بعضكم انه شعور رائع |
اقتباس:
|
اقتباس:
مش طبيعيه هالبنت !!!! يا هيك الحب يا بلا:o |
اقتباس:
|
اقتباس:
|
اقتباس:
|
| الساعة بإيدك هلق يا سيدي 12:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون