|
هل تملكون علاجا للغيرة القاتله؟
السلام عليكم جميعا اعضاء الأخوية الكرام..
اليوم حبيت آخد رأيكن بموضوع و ياريت ماتبخلو علينا بآرائكن الصائبه وتجاربكن المفيده..بدي إحكي عن الغيره ومتل ما وصفتها فهي غيره قاتله..مدمره..ممكن تدمر العلاقات وتقتل الحب بين أي شخصين سواء كانو أحباب أو إخوات أو أصدقاء أو قرايبين أو..أو.. المشكله الأكبر بقي انو هالنوع من الغيره بيدبح صاحبه وبيتعبه وبينغص عليه حياته لإنو بيكون بيغار من كل شي كل شي مهما كان صغير..انا بعتقد انو الغيره نعمه بس هالنوع يعتبر نقمه ومرض و مابينسكت عليه..دوركن بقي تقولو حلول لهالمشكله أو علاج يساعد علي التخلص من هالنوع من الغيره و يخليها تكون معتدله ومناسبه وإلكن كلكن تحياتي وشكري علي كل مرور وكل رد. |
الغيرة حق .. لكل شخص او شخصاية
لكن لما يصير زايد ... بيتعدى حدود الغيرة .. بيصير اسمو انعدام ثقة .. او قلة ثقة .. علاجو شوية ثقة .. غير هيك مافي :lol: |
العلاج مفي اسهل منو .......
مثلا انتي عندك شخص بيغار غيرة من هالنوع وبيهمك امرو الحل الامثل انك تمثلي دور الانسانة اللي بتغار غيرة قاتلة وبهالطريقة رح تواجهيه بسلاحو ورح ينزعج ويستفسر ومرة ورا مرة رح يتغير انا بنصحك فيها لان جربتا كتير ومشي الحال .... |
شوفي الغيرة حلوووة ومنا حلوة ..... كيف ؟؟
الغيرة بالعمل و الدراسة و الإجتهاد حلوووة كتير بالنسبة للحب بئولوا الغيرة بتقل الحب ....انا ماني مع هل الفكرة ...بس لسا ما جربتها ...يعني ما التقيت بهل البنت يلي بتغار عليي من النسيم... بس بتم الغيرة من منظري علم النفس مرض يحتاج المعالجة ومتل ما قالوا الشباب الثقة كفيلة بالتخلص من هل الشغلة وانا بتمنالك شب يغار عليكي من نسمة الهوى ...هيدا دليل حب صدقيني |
ولو اني اراها مرض عضال
بس لازم نراعي مشاعر يلي بيغارو علينا كتير كتير ودايما نحاول نبعد عن كل شي بيخليه يشك فيه ونعطيه الثقة فينا ونحاول ما نتصرف اي شي بدون علمو وهيك يمكن يمشي الحال مو اكيد هاه |
الغيرة كانت سبب فشل علاقة قديمة يعني احيانا بتوصل الغيرة لدرجة الهلوسة والجنون يعني حتى لو بتيجي عينك ببنت لاياسيدي لو شحادة عجوز مارقة بالشارع بتصير مشكلة الها اول مالها اخر
والحل الي لقيتو بالنهاية انو تنتهي هالعلاقة مع اني حاولت كتير وحاولت امشي على مبدأ وداوها بالتي كانت هي الداء بس مامشي الحال اتهمت انو انا ماعندي ثقة فيها وقال انو البنت مالازم ينشك فيها لانو مخلصة فالج لاتعالج مع اني ندمان نوعا ما بس بلا وجع راس :larg: تحياتي اخ طازة |
احكي معو بلكي بتفهم الموضوع وببطل يغار
|
هلأ بدكن الصراحه انا بجن غيره بس بحاول ما كتير حسس يلي بحبو بهالشي حتى ما يحس اني ماني وثقانة فيه بس انا بالحقيقه بكون عم أغلي من جوا غلي
شو بعمل بغار من الهوا بغار من الغرفه بغار من التخت بغار من ال تي في بغار من رفقاتو بغار من امو بغار من اختو بغار من خيو لأن بحبو بجنون بغار من كل شي بيلمسو ومن كل شي حواليه بس مستحيل حسسو بهالشي ابدا ع طول رح حسسو باني كتير واثقه فيه وبينله نتفه بسيطه من الغيره بس |
الغيرة الايجابية_أو الحدّ الأدنى من الغيرة_نجدها ونحافظ عليها فلا تزيد لتصبح مرضا عندما يكون حبنا حقيقيا تجاه ذلك الشخص ويتضمّن اضافة للمشاعر الجميلة والسّامية أمرين مهمّين:
1_ الثقة المتبادلة وخاصة في حالة حبيبين وهاد لازم يكون موجود اذا كان الحب حقيقي بشكل طبيعي 2_تمنّي الخير والتوفيّق للطرف الآخر دائما...يعني الشعور انّو انجازو أو تفوّقو انجاز لنفسي أنا الحبيب أو الصديق أو الأخ.....الخ |
بتجيبو ملعقتين عسل + ملعقتين مرهم اسود + 3 ملاعق فازلين
بينخلطو منيح وبنحط ع الخليط دماغ عصفور عمرو ما يزيد عن 4 ايام بينحطو بالشمس وبيندهن منهم اللي بغار لمدة يومين الوجه والايدين والرجلين ازا بدكو تحصلو عليها جاهزة اتصلو على 333 |
هدول الشباب بعرفون منيح...
وين رحتي وين اجيتي ..ليشرحتي لبيت عمك بدون ما تخبريني.. مين عندون بيت عمك؟؟ كانو ولاد عمك الشباب هونيك؟؟ اي ..اي ضحكتي معاهون طبعا وانبسطتي؟؟؟ ليش تلفونكون كان مشغول .. اتصلت عشر مرات مشغول مشغول.. مع مين كنتي عم تحكي.. ليش لبستي بنطلون جينز.. انا ما قلتلك الجينز ممنوع.. ما قلتلك ربطي شعرك.. ضروري يتطاير هون وهون وليييييييييييييي.. حلو عنا ياه.. تركي وخلصي منو.. خلي يروح يغار على حالو |
اقتباس:
|
اقتباس:
|
اقتباس:
اي وبعدين شو كمان:-/ انو يعني والله الشباب مظلمومين معكون يعني لو غرنا عليكون بتقولو خنقتونا ولو ماغرنا بتقولو مابتحبونا :frown: |
اقتباس:
بس انو كيف بدي اعرف عمر العصفور مابظن يرضى يعطيني شهادة الميلاد :? |
اقتباس:
علاج للغيرة ؟؟؟؟؟؟؟؟؟؟؟؟؟؟ :confo: اي مبينة .... صابون غار :p |
اقتباس:
اقتباس:
اقتباس:
|
اقتباس:
:D:D |
اقتباس:
|
الغيرة .. شعور اصفر بيحرق الاخضرين..
الحل.. انو الواحد ينفد بريشه قبل ما ينحرق ريشو واذا ما بيقدر ينفد ... معناها لازم يدير وجهه ع الطرف التاني ويطنش |
اقتباس:
نور الغيلي طلبيتي:oops::oops: |
الثِقة بـِ النفس أولاً وَ الثقة بـِ الآخر ثانيا ً,. |
مرحبا يا جماعه..بالأول بدي إشكركم كلكن علي مروركن وردودكن حتي وإن كانت مزح ولا تمت للموضوع بأي صله..بس أنا بدي وضح شغله..إنو هالغيره مو قصة ثقه..الثقه موجوده بالشخص ذاته بس الشخص اللي بيغار ماعنده ثقه بحب الشخص اللي مقابيله..يعني كلكن حكيتو كإنو شاب وصبية بيحبو بعض..طيب شو لو بنت ورفيقتها؟؟شو لو أخت وأختها؟؟نوع غريب من الغيره..مابعرف إذا فهمتوني ولا لا
|
اقتباس:
|
اقتباس:
|
اقتباس:
|
اقتباس:
|
اقتباس:
هيدا احسن علاج والله جربوه:lol: |
اقتباس:
و المناقشة كتير مهمة لازم تعرفي شو الشغلات اللي بتخليه يغار و تحاولو تشوفو حل بيقنع الطرفين بس اولا و اخيرا الغيرة رح تبقى موجودة لانها دليل عالحب بس ممكن تتوصلو لطريقة تخففو منها شوي |
الحب القاتل ....
|
بتعذب كتير اذا زادت عن حدا
لان بتصير اقرب لقلة الثقة بالطرف الاخر عمليا عم حاول اتجنب اي شي ممكن يثير غيرة الشريك بس مش دايما عم تظبط ومش دايما بقدر اشتغل هيك انا ماعم لاقي دوا حاليا بس لاقي بخبركون:pos: |
أنا اللي بعرفو أني كنت غار ولما حسيت أنو غيرتي عم تعذبني وتعذب حبيبتي فكرت بالموضوع وتخيلتها كيف بتكون لو ما عملت شي يخليني غار فطلع معي أنها بهالحالة بتكون إنسانة مالها لا يدين ولا رجلين ولا عينين ولا مخ وهذا شيء ما برضاه فلذلك بطلت شغلة الغيرة بأني ما عبر عنها وهيك شوي شوي ما عدت حس فيها
|
| الساعة بإيدك هلق يا سيدي 06:34 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون