|
هل من حق الشاب أن.........
كنا نتحادث أنا و بعض الزملاء في الجامعة لا أدري عن أي موضوع...
المهم انو واحد من الشباب قال انو الشب من حقو بل من الواجب انو يجرّب كل شي.. يقصد الملاهي الليلية و الخمر و الجنس و كل ماهو حرام ...الخ من شان لما يتجوز و يجيب ولاد يكون بيعرف منيح يحميهم من هيك أماكن و سلوكيات شاذة.. قامت بنت معنا ساندتّو برأيو الغريب و قالت انو الرجال لما يكون يعرف هالاشياء ما بياخد مرتو و ولادو عمكان غلط.. شو رأيكن بها الرأي |
:?no comment :shock:
|
واللهي أنا بشوف انو تجريب "الشاب" (بما انك عم تسأل عن الشاب ومو سئلان بالصبايا) للملاهي الليلية وللخمر وللجنس شي جدا طبيعي ومنو حرام أبداً ...
وما تنسى انو شغلة الحرام نسبية بتختلف من عقيدة لعقيدة ومن بلد لبلد ومن شخص لآخر ، وفرضنا طلع هالشب على ديسكو وسمع اغني ورقص وشرب وانبسط ومارس الجنس ... اي ... وبعدين ؟ شو هلمصيبة السودا يعني ؟ |
اقتباس:
اي يرقص وينبسط بس بعيد عن الخمر والجنس ... |
اقتباس:
شرب الكحول = كوارث ، والحنس = ايدز ؟؟ انت "تفضلتي" باعطاء حالات متطرفه .. وين بتشوفي لمصيبة ازا واحد شرب كحول أو مارس الجنس مع صديقتو او حبيبتو ؟ الواحد فيو يشرب الكحول وينبسط بدون ما يعمل كوارث وفيو يقيم علاقة جنسية وينبسط بدون ما ينقل لحالو الأيدز ! |
الشب مو بكيفو بدو يجرب بس مظبوط حكي flower bomb مو ضروري الجنس والشرب ....:larg:
|
عزيزي
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اللي انا ما فهمته منك انه انت من شو مستغرب هل من موقف البنت ام من موقف الفتاة عى العموم مو خلاف بخصوص الشب انا رأيي الغير متغير بهيك موضوع لو كان هو بيقبل على اخته و حدة من (حريمه)و بالحلبي حريماته) انها تعمل نفس الشي متل ما بيعمل فيعمل اللي بيريده اما انه يعمل فيها مناظر و يطول و يقصر و بس حدا ذكر سيرة وحدة من حريماته بتقوم بتضرب النخوة بعروقه و يصير يشر من الشرف شرشرة هيك واحد بقوله لف لسانك بحلق و اتضبضب مو هيك المرجلة بتكون اما بخصوص البنت بظن (و ان بعض الظن اثم) انها عم تحاول تقول و لو بطريق غير مباشر i'm free اذا في حدا مهتم |
اقتباس:
وشرب الكحول الا ما يأثر عليه بأي شكل ممارسة الجنس انا بعرف انها اهم وأول طريقه ينتقل فيها الايدز قرأت المعلومه بأكثر من كتاب |
اي اي لازم يجرّب :larg:
ما في شي بالدنيا بعلّمك أكتر من التجربة.. |
اقتباس:
اقتباس:
يمكن عم تحكي عن الاسراف بشرب الكحول...بس انو الواحد بيفوت عالديسكو بيشربو كم قنينة بيرة او كم كاس ويسكي ما بعتقد بيصير كوارث من وراها.. خيتو مانك سمعانة بشي اسمو واقي؟؟؟ |
مرحبا
صديقي , لا تكمن المشكلة في (التجربة) و إنما في (التحكم بالتجربة) : أذكر أول سيجارة أضافني إياها صديقي , و كيف أن هذه السيجارة ستنقلني من عالم المراهقة إلى عالم البالغين , و لحد الآن ألعن هذه اللحظة مع كل سيجارة أسحبها. و دمتم |
اقتباس:
والله هون المشكلة بتلاقي الشب وسخ وبيعمل السبعة وذمتها وبنات عمها وعند اخواتو بطلع روحهم ومرات ما بيخليهم يحملو موبايل ولما امو تخطبلو ركز ع كلمة امو بتلاقيه عامل تحريات عن البنت حتى يتأكد من اخلاقها هاد شخص عايش بوشيين و99% من شبابنا اللي بقومو بهاي الامور هيك تفكيرهم اما ازا هو بيطلع مع اختو وبتيجي صاحبتو واخوها بتنزل اختو بتركب مع اخو صاحبتو وصاحبتو بتركب معو هاد شي تاني صحيح غلط بس ع الاقل ما عندو انفصام بشخصيتو |
اقتباس:
|
اي..
اش عليه.. خليه يحرب و يكتشف... مرة واحد حب يكتشف المشروب... بعد مدة جرب النسوان.. بعد مدة بسيطة نقلناه على المستشفى ..بين الموت و الحيا..لانو معدتو انبخشت و انصاب بالتهابات متنوعة بأعضاؤو... خلي العالم تجرب عمو... |
اقتباس:
|
طيب شي ظريف.......مادام أنو مسموح للشاب أنو يجرب.............لي البنت ما تجرب كمان...........يعني انو من منطلق الحرية نفس الشي..........:pos:
|
:shock::shock::shock:ف ردود كتيير بدون تفكييير,يعني يا ناس في الله و انتو عم تحكو و ناسيين هلشي!!!!!!
بئا يريت تنسو لموضوع و بلا حكي حرام.. و بلا حكي عن لحريي لانو لحريي مش بس بهيك اشيا هيي بشيا كتيير غير هيك .. موضوع فاشل تافه... :pos::pos::pos::jakoush::jakoush: |
اقتباس:
علل لو سمحت .. |
كلو عم يجرب عيني ....مو بس الشباب ...بدك تناقش الموضوع؟ عممّ .... :lol:
|
اقتباس:
انا مارح احكي عن الشرب لانو في اختلاف رح احكي عن الجنس طالما الجنس شي عادي مع غير الزوجة برايك طيب انا بدي مارس الجنس معك ومع اختك ومع امك عادي انا شب من حقي هالشي ولا عندك اعتراض |
اقتباس:
وأمي .. ابي مكفيها وموفي .. فـ كمان رح ترفضك .. وأختي .. للأسف ماعندي أخت ، راحت عليك يعني .. بس بشكل عام ... ازا الأطراف راضية ومقتنعة بيلي عم تعملو ليش لحتى انا يكون عندي اعتراض؟ وبصفتي شو ومين لحتى بدي قرر للعالم كيف لازم تتصرف وع انو مبدأ لازم تمشي ؟؟ |
اوه !!! ابو العبد هيي عم تحكي وجهة نظرها, بس انتي طول بالك و ما في داعي للحكي لكبير:shock:
انا مش معها انا ضد يلي هيي عم تحكيه,,,بس كمان ما بسير ترد بهلطريقة عليها حرام..:jakoush: و انتي كمان يا مروش طريقتك بلحكي مش حلوة..:pos: |
اقتباس:
انا كنت عمناقشك برأيك ماكنت عمقلك كيف بتحبي العالم يمشو ولاتفكري اني كنت عنجد عمبحكي لانو انا كمان برفض وبشدة:ss: على كلن شكرا عالتوضيح :deal: |
اقتباس:
ماحكيت شي برات الطريق عمنتناقش انا والمخلوقة معلش الي بالمدرج يتفرج :frown: |
اقتباس:
ماشي ههههههه يعني خلص البرنامج :clap: |
اقتباس:
بجد .. كتير بستفقد هالفكر بهالأيام عند البنات بشكل عام .. وبمجتمعاتنا بشكل خاص ... ... منرجع لموضوعنا ... الشغلة أول شي .. مش شغلة حق وباطل .. الشغلة بترجع لضمير الواحد ... هلأ بالنسبة للملاهي الليلية .. هيدي حق مشروع :lol: والشرب ... من المسلمات ... منجي عالجنس .. هلأ إذا بتقصد العلاقات العابرة ... هيدي لابحبذا ... لامن قريب ولامن بعيد .. مابيجي منا غير المرض ووجع الراس ... يعني من حقو يحب ... بيجرب مثلا تجارب جنسية بسيطة ... (بوسة ... كذا ومذا .. :p) بحيث تكون ع المستوى الإجتماعي مقبولة نوعاً ما ... وماتضر حدا ... بالإضافة لكون الجنس (من أساسيات استمرار الوجود اللإنساني .. ) وهوي غريزة ماحدا بالكرة الأرضية بيقدر ينكرا ... ف انا بشجع هالنوع من الحب .. بس العلاقات الجنسية العابرة ... مش معها نهائياً ... . . بالنسبة لهي : اقتباس:
اقتباس:
اقتباس:
بالنسبة للدخان .. هادا موضوع تاني ... كون العلاقة الجنسية خالية من النيكوتين .. اقتباس:
. . . THE,unforgiven ... " |
اقتباس:
اقتباس:
|
يا جماعة الشرب ما بيأدي لآي كوارث اذا كان العم يشرب انسان طبيعي!!!! ويمكن الاغلبية من الناس طبيعيين ما؟؟؟ حتى الانبياء و الرسل كانو يشربو...
أما الجنس اذا كان الهدف منو التجريب أو اذا كان مجرد من المشاعر فهوي عبارة عن تطبيق غرائز فقط... وأنا ما بحترم الا الجنس القائم على عواطف حب حقيقية.. وبما أنو الحب لايموت أبدا.. فهذا يعني الزواج الى الابد. |
اقتباس:
:shock::shock::shock:؟؟؟؟؟؟؟!!!!!!!!!!!!!!! !!!!! لا تعليييييييييق:shock::shock: :jakoush: |
غريبة تفكير الشباب بهيك مواضيع
يعني بالبداية انا فيي قول انو ماني مع شرب الكحول لمجرد انو ليكو عم اشرب ولاني مع ممارسة الجنس مع من هب ودب .. قال جمع خبرة .... بس كمان ماني ضد الشغلتين نفسون .. لما بيكونو عن قناعة حقيقية يعني ما في احلى من لكاس لما الو نديم .. وانا بشرب كحول بكل الانواع .. بس مستحيل اشرب لحالي .. ولا اشرب مع انسان ما بحبو .... ومنظر الكحوليين المدمنين بكرهو جدا .. يعني في فرق بالمبدا نفسو .. ليش عم اشرب وع اي اساس وشغلة الجنس ... في شي اسمو بالطبيعة البشرية حاجة جنسية .. وسبب انو هالحاجة احيانا عم تكون عشوائية هوي القمع يلي صايبها من المجتمع ..... انو اوعا .. هيدا بعبع اسمو الجنس ... واذا انفرد رجل بامراة فالشيطان ثالثهما وما بعرف من هالحكي ما بحترم يلي بيمارس الجنس لانو هيك طلع ع بالو .. وراح لم من الطريق شي حدا كيف ما كان لهيدا الهدف وبحترم جدا يلي مارس الجنس مع انسان فعلا بيحبو وبيقدر يحترم الجسد يلي عم يتقدم الو .. اما انو الواحد يجرب كلشي من شان ما يطلع ما بعرف شو يوم زواجو .. فهيدا تبرير ما الو معنى بالمرة الاستثاء الوحيد لكلامي اجا بهيدا الرد اقتباس:
|
طيب لشو الزواج لكان؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟
|
اقتباس:
لهيك الواحد بيتزوج ؟؟؟؟ الزواج انو تختار تعبش حياة مع شخص ع طول انسان تتحمل منو اجمل واسوا عاداتو وانو تكون عائلة ضمن اطار القانون الاسري يلي فرضو الانسان اما اذا كان بس من شان تفريغ يلي جوا...............فهيدا ما الو علاقة بالزواج لا من قريب ولا من بعيد |
اقتباس:
طيب انتي قلتي انو انتي مو مع الجنس العابر وانو انتي مع الجنس اذا كان اشخص الي بتمارس معو شخص بتحبو كمان صح طيب ليش لحتى مارس الجنس مع انسانة بحبا من دون زواج مو هاد تقليل من شأن هالانسانة انو انا فرغت حاجتي الجنسية بدون مايكون في بيننا علاقة بيتوجها الزواج وبدون ماحتى ضحي بشي مشان هالانسانة؟؟؟ يعني عادي هيك انا لو حبيت انسانة مارس الجنس معا بعدين اكتشف انو لا والله هي مارح تتحمل تعيش معي شو معنى هاد الشي؟؟ ورح اسالك سؤال (هلأ اختصرتي الحب بتفريغ الحاجات الجنسية والحب ابعد بكتيييييير من هالهشي)؟؟؟ لك ياعالم والله نحنا بشر مو حيوانات |
ارتياد النوادي الليلة المليئة بالفجور و الرذيلة بغض النظر عن اي ديانة سماوية
وممارسة الجنس مع عاهرات امتحن هذه المهنة لجني المال وبيع اجسادهم الرخيصة مثلهم لأي رجل يعترض طريقهم هو برأيي أكبر انحطاط للأخلاق انا ضد ممارسة الجنس تحت اي ذريعة ولكن نغفر لمن مارسه تحت اسم الحب مع امراة واحدة ونقول انه شيء طبيعي ممارسته مع عاهرات وبيع النفس والجسد لأجل رغبة جنسية لا يلهث ورائها إلا الحيوانات اقتباس:
إن لم تستحي فافعل ماشئت زمان تحليل الرذائل |
هلأ بغض النظر عن أي شي
الأسلوب يلي عم يحكي فيه الشب ما عجبني ..أنو شو هي ليجرب بس وليحمي أولاده بالمستقبل :shock::frown: يعني برأيي هاد بس بدو يبرر لحاله شي هو مو مقتنع فيه قصدي أنو برأيه هالشي غلط لأنو بدو يحمي أولاده منه :pos: وبنفس الوقت بدو يجربه :? ما بعرف بس حسيتها مو زابطة :sick: |
اقتباس:
وماحابب يمارس هالجنس مع عاهرات علما انو هو ماعندو مشكلة بين الحلال والحرام بس بيخاف يأيدز بيقرف من هالعاهرات الملوثين برجال كثر.. شو يعمل بها الحالة؟؟؟ مو يروح يتزوج احسله ؟؟ بعدين مابعرف ليش بتقدسو مشاعر الحب بين المراة والرجل في شي بالحياة بيستاهل اكثر من هيك |
اقتباس:
ويبيع جسمه وشرفه واخلاقه ولله يا مروش نيال هالرجال فيكي ونيال شريك المستقبل طيب باعتبار كتير عندك مبيحات شو رايك بالنزوة الجنسية اثناء العلاقة الزوجية باعتبارو الزوج المثالي متعود يمارس مع العاهرات قبل الزواج باعتباره مابيقدر يكبت شهوته القاهرة بدو ينبسط مابيقدر بيموت بعدين طلعت بوشو وحدة متل فلقة القمر ونام معها شو رايك بها القصة هل تعتبر خيانة زوجية؟ |
اقتباس:
بخالفك الراي وبشدة ومابسمحلك لانك هيك بتكوني عم تشملي نفسك وتشملي كتار متلك مابتخيلهم هيك بعتذر منك مريوم |
اقتباس:
عمم يعني بشكل عام ان كان شب او بنت ...يعني مو بس الشب .... مو قصدتك الك ولا الي ولا هوي ولا هيي ....ماني عم حدد شخص وقول انو عم يمارس العيب .... |
بعدين حاب بس ضيف نقطة صغيرة انو الشب اي شب بهالدنيا
وهي غريزة موجودة بكل ذكر بس يمارس الجنس مع وحدة حتى لو كان بيحبا بتوقع من عينو ومابظن انو يتزوجا لانو بنظرو رح تكون رخيصة |
| الساعة بإيدك هلق يا سيدي 08:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون