|
بدي نصيحة من أخواننا الطلبة
صباحكم مسائكم:D
باعتبار أني صرت من العاطلين عن العمل:cry: وصار عندي وقت فراغ كبير عم يخليني فكر كتير واتشتت كتير واتذكر كتير قصص شي حلو وشي بشع المهم بلا كترة حكي انا بكل تواضع عم فكر ارجع ادرس:oops:اي نعم انا خريجة معهد متوسط تجاري اختصاص محاسبة سنة 2002:larg: وعاملة كورسات على كل برامج المحاسبة والمايكروسوفت اوفيس وكتير قصص لكن ناقصني بال cv شهادة جامعية:cry: وباعتبار صار في تعليم مفتوح وجامعات خاصة وافتراضية عم فكر ارجع ادرس وباعتباري من خريجين المعاهد التابعة لوزارة التعليم العالي فبقدر ارجع كون سنة تانية بجامعة التجارة والاقتصاد حصريا وهاد شجعني كتير وبقدر سجل من هالفصل وبكون سنة تالتة السنة الجاية متل هالايام اذا الله راد بتنصحوني ارجع ادرس:shock: بعد 5 سنين وانا خلاقي ديقة شو بتنصحوني مليت من الحياة هي حابة اعمل شي جديد شو بتنصحوني؟؟؟؟ حابة اعمل تغيير جذري بحياتي |
رح قلك شغلة، بالحياة .. الأنسان لي بتنتهي طموحاتو برأيي بتنتهي حياتو .. بتوقف عند نقطة معينة .. وخلص !! مشان نكون ناجحين وراضيين ع انفسنا لازم نحدد مسار حياتنا ونحاول نوجهو دائما بفوق ع طلوع يعني، تصوري انك ماشية بجبل وعم تطلعي ... بتضلك تطلعي وتطلعي لحد ما توصلي للقمّة .. بعدها ما رح يكون عندك خيار غير النزول وبأنحدار حاد .. لهيك الأنسان لازم ع طول يطمح انو طلوعو ما يوقف وانو يضل يتقدم ويتقدم لحتى ما يواجة التراجعات لي بترافقها تراجعات على كل الأصعدة !! //نحنا لي منوجة مسار حياتنا ومش قدرنا// وتزكري، مافي شي اسمو صار متأخر :D |
شكرا لمرورك مروش
انا بصراحة كتير حابة بس ماحدا عم يشجعني من العائلة وحتى الأصدقاء وكلهم عم يتوقعولي الفشل هلىء هنن مابينلاموا انا بطبعي شوي فوضوية وخلاقي ديقانة كتير ها الايام:cry: قراري اجا من فشلي بكتير اشيا لهيك وانا مقررة اخد من ها الدورة كورس كامل يعني 12 مادة لاني لازم كون تالتة السنة الجاية يعني متل مابتعرفي راح الكتير27 سنة مو قلال:gem: |
وايت روز
تصيحة اخ لاختو كملي اول شي يمكن تتعذبي سنة او سنتين بس لح تنفتح قدامك مجالات اوسع و تنين حلو الواحد يطور بحالو و تالتة انو شغلة الشهادة الجامعية مهم هلق و فيكي خلال سنتين تصير معك شهادة جامعية و اذا بتحبي اسئلك بالكلية الاقتصاد من عيوني |
بنصحك بكلشي الا الدراسة :sick:...كرهان رب الدراسة _لاتسمعي مني:p_
|
اقتباس:
والضربة لي ما بتقتلنا بتقوينا .. و27 مو كتار ابدا لساتك صبية زغيرة وما تخلي القوانين الشرقية تحكم تفكيرك .. انو انت بتأمني بحالك بس الأجواء لي حواليكي ماعم تشجعك .. واي واحد منا رح يكون صعب علية يكفي بلا دعم ، لهيك ما تسمعي لعيلتك فتشي ع حدا يزودك بالطاقة ويوقف وراكي ليسندك .. ما تسمحي للدائرة لي لافتك تحبطك وتوطي من معوياتك وما تحاولي حتى انك تبرري هيك تصرفات !! وبالأخير بدي قلك خلي طموحاتك متل *النجمة * بلا حدود ... |
انا جاهز لاي شي بدك ياه بالاختصاص لي الك لانو انا هالسنه بينضرب ع قلبي و بتخرج
مع خبرة دكتوراااااااااااااااااااا ااااااااااااااااااه ف اذا بدك شي يا زميلة انا هوون بين الايادي (بلا معنى) و سجلي و ان طريق الالف ميل يبدأ من حمص :larg: |
اقتباس:
انا كنت اليوم بالوزارة سالت وبحبشت مابقدر ارجع على الكلية تعليم موازي بقدر ارجع مفتوح او تعليم افتراضي والافتراضي تكلفته كتير كبيرة بالوقت الحالي لهيك اخترت موازي والشي يلي شجعني اني بدخل سنة تانية هي لقيتها حافز قوي كتير ولله شكلي رح اسمع نصائحكم يا شباب وروح بكرى سجل قويت معنوياتي:gem: بكرى ماعاد احكي مع حدا بصير كبيرة والكبير كبير:larg: |
اقتباس:
اقتباس:
|
اقتباس:
|
اقتباس:
|
حبيبتي وايت روز الدراسة وايام الجامعه احلى شي بالحياة عن جد بشجعك كتير تكملي وشو سنتين بمرقو متل لمح البصر
يعني انا لو الله يعطيني عمر وطولة بال في نفسي اعمل ماستر تسويق بلك بغار منك وبكمل |
اقتباس:
عالعموم الشهادة الجامعة صارت من الضرووووريات حتى للبنت فامضي قدما وفقكي الله:D |
اقتباس:
|
اقتباس:
|
من شان تغيير جذري بالحياة
يا اما كفي دراستك فعلاوبرايي الشغلة ما بدها كتير تفكير لانها اذا ما نفعت ( وهاد ما بتوقعو ) ما رح اتضر بنفس الوقت لازم تاخديها بجدية .. انو بدك تدرسي لانو هيك بدك ما لاي سبب تاني وشو بدك من حكي الاهل .. لو رديت ع اهلي يوما ما ما كنت سجلت جامعة بحياتي ( قدمت البكلويا 3 سنين ورا بعضّ!!!!!! واخر مرة ما كان حدا معي انو خلص هي البنت فاشلة مية بالمية ...) بس التناحة هيي يلي خلتني عيدا وسجل الفرع يلي كنت بتمناه دائما ..... المهم انو يكون هيدا يلي فعلا بدك ياه.. او الاقتراح التاني روحي اتزوجي :o والله بتنقلب حياتك راسا على عقب:yahoo: |
بحب وضح رايي بمثال صغير .....
شوفي ابي الله يديمو عمرو 52 سنة ومهندس السنة الماضية سجل بدورة لتعلم اللغة الانكليزية لان لغتو فرنسية وصار اشطر مني ....... بعدين رح قول شغلة اخيرة بحياتك لا تفقدي املك بشي واحلامك دائما خليها بعيدة المنال لان اذا حققتيها معد يصير للحياة معنى بعيد الشر عنك .... هيدا رايي ...... وبقلك التعليم المفتوح سهل ومواده بسيطة وانا وكل الشباب باخوية ما بيقصرو معك .... انا اقتصاد رابعة وتخرج ...... شو بقدر ساعدك انا جاهز بنصحك بادارة الاعمال لان بسيطة ومجالاتا واسعة ..... موفقة ...... |
اكيد ما بدك رأي شخص بيعتبر شهادة الانسان احد اكتر العوامل اللي بتأثر على تقييم الناس وفرز العالم بتم على هالاساس :D
|
اكيد بشجعك وبنصحك انك ترجعي تدرسي..
لانو بالنهاية هالشهادة اللي حتاخديا بعد سنتين...حتكون سلاح بايدك... ومتل ماانقال ابلي خلي طموحك يوصلك وماتخلي هالطموح يخلص ودايما طمحي لشي اعلى... وموفقة:D |
ليك ما في شي مستحيل عالانسان.. اذا انتي بدك تدرسي من كل قلبك فرح تنجحي. بتذكر كان معنا بالجامعة شخص عمرو شي 50 سنة متخرج ك Biologist و متزوج و عندو اولاد و مرتو دكتورة و عندو شركة صغيرة, بس ما بتذكر شو هي بالتحديد. فالزلمة غار من مرتو و بلش يدرس معنا طب و علاماتو كتير كويسة.. فروحي الله يوفقك :D |
مثال واقعي :
ماما عمرها 53(الله يمد بعمرها)كملت تعليمها الجامعي وحصلت ع الشهاده يعني بتدرس مع طلاب بعمر ولادها وحاليا بتاخد كورس لغة انكليزية,, بس يكون عندك رغبة وارادة ما في شي صعب,وانتي صغيـــــــــره 27 سنه .خلي كلامهم الك يكون دافع لتثبتي لهم العكس روحي كملي الله يوفقـــــــــــك ,, |
وايت روز انا كمان بنصحك بالدراسة
يعني انتي اشتغلتي وهلاء صرتي بطالة وكمان لح تدرسي وازا خلصتي بيصير قدامك مجالات اوسع وبيصير cv تبعك معبى يعني مشتغلة كزا سنة وعندك تجربة وكمان بتكون معك شهادة جامعية |
اقتباس:
اي انصحك و بقوة أن ترجعي للدراسة اذا دخلتي كلية التجارة .... مستقبلك يكون أحسن و اذا تحتاري فرع جديد ...... يصير عندك اختصاصين موفقة :D |
أنا كمان بضيف صوتي لصوت الشباب وقلك يلا عالدرس بدون تأخير... وإذا مفكرة حالك كبيرة شو بدي قول أنا ولساتني عم أدرس؟!!! موفقة باختيارك...
|
يا بنتي بلالك هالشغلة
روحي خديلك واحد حليوة وابضاي امّور ومنغنش هيكي بتتحكمي فيو متل ما بدك واتجوزيه وابنو عيلة وعيشو في تبات ونبات وجيبو صبيان وبنات وهلم ما جرى يعني بالاول وبالاخير رح تتجوزي وتعملي عيلة الله وكيلك لساتني بربيع عمري وعيفانة حالي بقا عارفة شو هوي شعورك منيح وحاسة انو حياتي بلا معنى وما الها هدف منوووووووووووووووب:frown: -------------------------- موفقة بدراستكو حبيبتي لا تسمعي مني هاد بس فشة خلق :p |
شكرا لكل يلي مروا وشكرا كتير لتحفيزكم وانشالله يكون من جد
مو بس من دافع تحفيزي للكل:D |
اقتباس:
|
بالتوفيق روز:D
|
أنا برأيي أكيد تابعي دراسة بس لا تتركي الشغل
حدا بصح له شغل وبيتركه :D |
اقتباس:
شلشتنا ها .. :lol: * : تعني مُتصدر .. و لا تنسى الضمة أول الكلمة .. |
اقتباس:
 |
اقتباس:
|
| الساعة بإيدك هلق يا سيدي 11:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون