|
مصالحة سورية سعودية...مصرية قطرية احتضنتها قمة الكويت الاقتصادية
 ذكرت أنباء صحفية أن انفراجا ما حصل في العلاقات بين القادة العرب الذين التقوا في الكويت اليوم على هامش المؤتمر الاقتصادي وشارك في اللقاء العاهل السعودي عبد الله بن عبد العزيز والرئيسان المصري حسني مبارك والسوري بشار الأسد وأمير قطر حمد بن خليفة ال ثاني وأمير الكويت صباح الأحمد الصباح والعاهل الأردني الملك عبد الله الثاني. كما تحدثت الأنباء عن حدوث مصالحة سعودية سورية وقطرية مصرية بعد توتر ساد العلاقات بين هذه البلدان العربية. وكان التلفزيون السوري قد توقف عن بث أعمال القمة العربية في الكويت بعد إلقاء الرئيس السوري بشار الأسد خطابه وبالتالي امتنع عن بث خطاب الرئيس المصري حسني مبارك. كما قطع التلفزيون المصري بث كلمة الرئيس السوري في مستهلها. وفي كلمته أمام القمة الاقتصادية قال العاهل السعودي الملك عبد الله بن عبد العزيز أن على إسرائيل أن تدرك أن الخيار بين الحرب والسلام لن يكون مفتوحا في كل وقت وان مبادرة السلام العربية المطروحة على الطاولة اليوم لن تبقى على الطاولة. واستطرد العاهل السعودي يقول إن الانشقاق في الصف الفلسطيني هو أخطر على الفلسطينيين من العملية الإسرائيلية في غزة. وأعلن الملك السعودي تبرع السعودية بمليار دولار لإعادة إعمار غزة. ودعا أمير الكويت الشيخ جابر الأحمد الصباح في كلمة ألقاها في افتتاح القمة كافة القيادات الفلسطينية إلى الوحدة والتكاتف مشيرا إلى أن حقوق الشعب الفلسطيني لن تتحقق إلا بقيام دولة فلسطينية عاصمتها القدس. وأضاف الشيخ الصباح أن اعتماد القرارات الدولية هو النهج الأمثل لإحلال الأمن والآمان في المنطقة وذكر أن القمة الاقتصادية ستتدارس خطوات عملية لتثبيت وقف إطلاق النار. كما أعلن أمير الكويت عن تبرع بلاده بـ 34 مليون دولار لتمويل وكالة غوث وتشغيل اللاجئين الفلسطينيين (الاونروا). وقال الرئيس المصري حسني مبارك في كلمته أمام المؤتمر انه من المؤسف أن نسمح باستغلال مأساة غزة لاختراق عالمنا العربي بقوى من خارجه تتطلع إلى الهيمنة وبسط النفوذ وتتاجر بأرواح الفلسطينيين ودمائهم. وشدد مبارك على أن مصر لا تخضع أبدا للابتزاز. أما الرئيس السوري بشار الأسد فصرح بان معالجة الوضع الراهن في قطاع غزة بحاجة لقرارات سريعة وحاسمة فيما يتعلق بوقف العدوان وانسحاب القوات الإسرائيلية وفك الحصار فورا وفتح المعابر. وأشار إلى أن سوريا ستشارك في إعادة إعمار غزة. وأضاف الرئيس السوري في كلمة أمام المؤتمر الاقتصادي في الكويت أن بلاده تدعم بشكل صريح وغير ملتبس المقاومة الفلسطينية. 2009-01-19 17:16:05 - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - شوفي ورا هالمصالحة ؟؟؟و انو ليش بهالوقت تحديداااا؟؟؟:? |
اي يتهنو ...بدهن حفله تحشيش ع الصلحه ....انو مبكرين الجماعه ليتصالحو ...ينطرو شوي تاني ...شو وراهين ...:pos:
|
اقتباس:
|
اقتباس:
سيزيد العطّار الدمار.. الذي أوجده الدهر .. |
اقتباس:
|
اقتباس:
فمن يدعم المقاومة سيبقى كذلك ومن يتواطئ عليها سيبقى كذلك أيضا, وهالشي أكدوا الأطراف بخطاباتن قبل لقاء المصالحة,, اي انو هالمصالحة هدفا تلطيف الأجواء مو أكتر, لأنو الحق ماعليه مصالحه, أما الدبلوماسية فشأن آخر .. مين جاب سيرة التشآوم  |
هالمصالحه اجت بهل الوقت لانو بكره بوش طاير
يعني ماعاد حدا بالوقت الحالي يضغط عليون |
اقتباس:
بس فيه ناس بالعائلة المالكة اوسخ من بوش شخصيا (( بندر بن سلطان على سبيل المثال )) بيضغطو عالملك وبي الملك وعملوها من قبل او ناسي؟ |
انشاءالله بتروء الحوال
اهم شي يساعدوا غزة والباقي مش مهم تصالحوا تزاعلو |
اقتباس:
الله يجيرنا من اللي جايي ان شالله خير |
اقتباس:
هنن قالوا نحنا ما عملنا شي لغزة إدام شعوبنا فخلينا نطلع بانجاز ليحكوا في شوي ،،،، وعمرا ما لح تتغير مواقفن للرؤساء الا اذا تغيرت مواقعن |
حابين يذكروا الجماعة ((نزيهه)) في حقوقها السابقة في الرد والمكان المناسب والوقت المناسب والاسطوانه القديمة بعد رحيل بوش.............يمكن بعد بوش نشوف جراءة نزيهه....;)
|
حبو بعضون حبو بعضون
:clap: |
هدول الجماعة بيعتمدوا على الدعم الخارجي وهلا عمو بوش راح
بعدين الحراك الشعبي يلي صار مانو قليل أبدا ...فحبو يبيضو وجهون ..بس ما كتير رح يطول رح يرجع يسود. من بعتمد على الشعب هو المنتصر وكما قال المرحوم حافظ الأسد (لا حياة إلا للشعب ..ولا انتصار إلا للشعب، لأن إرادة الشعب هي إرادة الخير ،وإرادة الخير هي إرادة الله وإرادة الله فوق كل إرادة.) |
انشالله خير ..
|
انا مو مصدق انو العاهل السعودي حكى هيك بالفعل انا متفاجئ بموقفو الكويس والعظيم انشالله خير
|
هل ممكن ان نقول ستعود المياه الى مجاريها ؟؟؟
|
اقتباس:
|
اقتباس:
فإذا اتفقوا على ماهية هالمي, ومن وين بتمرق مجاريها .. ممكن تشوفا بمجاريها!! عكل حال نحنا مابقى فينا نتفائل إلا بالأفعال. وعقولة المتنبي: السيف أصدق أنباء من الكتب, في حده الحد بين الجد واللعب |
اقتباس:
كان المفروض تصير من قبل سنتين من هل الوقت ...وشو الفائده دخلك ..ولا شي ...بالاخير كلو واحد عم يمشي ع مصلحتو .... |
اقتباس:
الغلط يمشي ضد مصلحتو تحت شعارات كاذبة أما بالنسبة للتوقيت, فأن تصل متأخرا خير من ان لاتصل أبدا |
اقتباس:
اوكي مصحلتو ...كشعب وكا دوله انا معك بهل الحكي ....بس ما تكون مصالح تانيه ..ودول تانيه ...ع حساب دول ... اما بالنسبه للتوقيت ..للاسف الشباب وصلو متأخرين كتير كتير ...ووصولهم كلف 2000 شهيد بغزه ...و1000 شهيد بلبنان.. وهنا لا انفي بان اسرائيل هي السبب ..ومن يتحمل مسؤوليه الي صار .. حلو الواحد يكون متفائل ...بس كمان خلينا نكون واقعين ونطلع ع الواقع الي نحن فيه وع هل الصلحه ..شو لح تغير ...بعد كل الي صار ..... :D |
اقتباس:
اقتباس:
فالأحداث مرتبطة ببعضا هون, هني مادعوا للمصالحة بعيدا عن صمود شعب بلبنان أو غزة, هاد الصمود الي هني مادعموه وبس بل تآمروا عليه كمان .. بهالطريقة هني ماوصلوا متأخرين كتير .. هني كانوا متخلفين كتير وهلئ دعوا للمصالحة الي لا يسعنا إلا انتظار ترجمتا من قبلن بأفعال على أرض الواقع .. اقتباس:
لكن أنا سبق وذكرت برد سابق انو هاد شأن الدبلوماسية والسياسة, بدك تسمعي الطرح للآخر وتناقشيه وتصبري عليه وتعطي فرص, وبعدين بتقرري انك تدعميه أو لأ وواقعيتك هون خلفية مفيدة بالتعاطي مع هيك دعوات. :D |
اقتباس:
وبعيدا عن كل الاديان ....وعن كل الطوائف ...ولانني اتحدث من منطق العقل والواقع والقلب ..وبعيد عن اس انتماء لاي حزب او جماعه ....بعتبر انه وضعنا من اسواء الاوضاع واللوم ع الجميع ...مع احترامي لطرح الاخر ..وفكر الاخر ... وماني ضد اي فكر او طرح بغير واقعتي وواجهتي نظري ...بس للاسف ....!!! خلينا نشوف شو بيطلع من هل المصلحه ... :D |
اقتباس:
وان ماصار فباللغة الدراجة بقلك .. كل هالحكي مابطعمي خبز!! تحياتي,:D |
حلو أميركا بتدمر ... ونحنا عنا نفط كتير ...منعمر ... شو هالشغلة .. متل "دقي وعصري ...
.... . . :cry: |
| الساعة بإيدك هلق يا سيدي 07:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون