|
صارت معكن شي ؟؟؟؟
مرحبا صبايا وشباب
انا من فترة وصايبتني حالة غريبة مو طالع على بالي اعمل شي طول يومي نايم او على النت تارك الدراسة مع ان فحصي قرب وشغل تركته وما عبالي اشتغل قرفان كل شي ما مشتهي اعمل شي لك وحتى ما عم يأنبني ضميري على اي شي يعني قبل كنت اذا ما درست او ما عم اشتغل حس في شي ناقص بس حاليا حتى هاد الشعور فقدته قولكن شو الحل وفي حدا اختبر هالشعور قبل هامش : حطيت الموضوع هون لان بيهمني بس اذا طلع مو على قد مستوى الصالون فانقلوه ومنعتذر سلف :D |
ولله ضحكتني لانه هي حالي من 3 شهور
|
ولله ضحتني لانه هي حالي من 3شهور
لاء ومو هيك عم نام شي مو بالمعقول:? قول دراسة خلصنا بس صرلي عاطلة عن العمل 3شهور ومن الملل وكترة الفراغ ماعم حب دور وفتش بس انو شو السبب؟؟ ولله خليتني انتبه لهاالشغلة اما بالنسبةلتأنيب الضمير مو مستاهلةولوووو |
اقتباس:
ماشر البلية ما يضحك ما هيك بقولو بس انا صرلي على هالحالة اكتر من سنة :cry: |
القرف، عدوى عم تنتقل للكل... ومنستنى لعل وعسى...
|
اقتباس:
لا بجد انتي كمان صايبتك هالحالة :shock: |
أحييكَ على صراحتك مع العلم أن أكثرنا يُعاني من بعض ما ذكرت وَ لا يستطيعون أن يُعبروا عن ما يعتريهم خجلاً صديقي إن الحالة التي تمر بها طبيعية جداً وَ أي شخص مر في هذهِ الحالة أو سيمر لاحقاً أنتَ في حالةِ اكتئاب يا صديقي حاول أن تغير من واقعك أو من الروتين الذي أنتَ به غير نظرتك للحياة قليلاً وَ أكسر الحاجز بينكَ وبينَ واقعك هُناك مشوار طويل ومُرهق أعلم .. دراسة وَ عمل وَ التزام أعلم كل هذا الحياة رحلة مُتعِبة يا صديقي كُلنا مُتعبون لكننا نسير نسيرُ بـِ خطىً ثقيلة وَ نقول كفى مللنا هذهِ الحياة لا يا صديقي أنظر بـِ إيجابية للحياة كن أنتَ وحقق ذاتك وَ انتصر على رغباتك فكر مَلياً بما قلته وَ صدقني لن يَنفعكَ أحد في هذا العالم إلا أنت كُن ,. :D |
اقتباس:
|
ليس عَيبا ً يا بيضاء أن نكونَ مُكتئبين كُلنا نمر بحالات مُشابهة تجعلنا كائناتٌ مُتعبة أنتِ مُتعبة كَيفَ حالك ؟ :D |
أنو صارت بزمانا معي وما بتتخيل مقدار قساوتا لما بتحس هيك وأنت لوحدك ... ما بدي أحكيلك مشان ما تعتازو محارم والدنيا ليل :p
هلا أنا رايقة :larg:صرلي فترة منيحة ورح ضل رايقة رغم أنو بتجيني فترات بتراجع فيها بكل بساطة بنصحك .. اقعد مع حالك .. صارح نفسك مين أنت وشو بدك ... شوعاجبك وشو ما عاجبك بحياتك ... وشو الأشيا يلي صار وقت تغييرا ولا تنسى ... حب نفسك متل ماهيي أكثر وأكثر فكر دايماً ...الحياة هي رحلة ما منعرف أدي بتطول بس بما إني رح عيشا والوقت عم يمرق ويمرق عليي ... خليني كون سعيد فيها، ببساطة الحياة وصعوباتها هي غريمتي ما رح اخسر سعادتي أدامها أبداً :D |
لا ولوووو لا إكتئاب ولا شي
حالة طبيعية عمرها محدود رد فعل على القرف المحيط بتمر بسرعة بدون نتائج سلبية ما تعتل هم بس انت تفائل و طلاع برى غرفتك واشغول حالك بيشي مهم وبالتدريج بتخلص من الحالة و بتبعتلي مسج فيه كلمات شكر |
السبب باعتقادي بالدرجة الأولى انك ما عم تشتغل أو تحس انك عم تأنجززز شي حاليا(عمل أو خلافو..)
أما باقي الأسباب طبيعية عند الكل وخاصة فترة الحزّة واللزّة:sick:_ما بعشق البطانية واللحاف الا فترة الفحص وباقي السنة بضللوا عاطلين عن العمل_ بس انو ما في تأنيب ضمير؟؟؟ما بتوقّع وأكبر دليل انك نزّلت هالموضوع;) |
وكلنا نسير على نفس الطريق ولك لا تشكيلي ببكيلك:cry:
|
اقتباس:
الحكي الي حكيته صحيح مليون بالمية والشي الي بيخليني متاكد اني بعرف تمام انه هالحالة سببها القرف الي عم يواجهني من سنة لليوم فلهيك شكلي مكتئب دمت :D اقتباس:
وبيني وبينك قعدت كتير وحددت شو بدي ورسمت اهدافي لخمس سنين وكلها اخداف بتهمني ورح تغيرني بس متل ما قال اللامنتمي يبدو اني لازم اطلع من الحالة قبل بس ما عم اعرف كيف اقتباس:
بس هاد رد الفعل الي عم تحكي عنه هو للاسف اكتئاب بس نحن ما منحب نسمي هلامور صح لانه بمجتمعنا ( عيب ) واكتر شي بحب فيني :lol: اني ما بفكر بهالطريقة فللاسف رح قلك شكله اكتئاب ورح ابعتلك مسج شكر من هلئ :D اقتباس:
فما بظن انها المسبب بس قصة البطانية واللحاف فهي صفة عندي 250 % من البشر هههه :D اقتباس:
خلينا نلاقي حل :D |
خد من الصيدلة حب زولام
|
اقتباس:
يا زلمة انه معقول يلزمها دوا شو لهادرجة :cry: |
ماتنساني من الحل ....لان انا بهل الحاله من زمان .......
قرف ....ملل ...كرهاني حالي ..مو طايقه شي ..ماعم حس بشي اصلا ...ومابدي شي اصلا ... شو بيطلع هيك ؟؟؟؟؟؟؟؟؟ |
هادا لانك ...يا صديقي... مانزلت عالجميلية عند ابو سمير بياع الاكسبريس و لدعتلك فنجان كبسة تقيلة مع سيكارة لوكي
عميل متل ماعمبقللك بتلاقي الحظ بلش يركض معك...وبتحس حالك..هيك...مقبل عالحياة الزلمة ابو سمرة وشو صبوحي و متفائل جداً خدا من تجربة شخصية....:larg: |
اقتباس:
بقى انتي شو رايك اقتباس:
:D |
اقتباس:
هلا ممكن ايد انو في اكتئاب بالنص... بس انو مافي دافع يااخي... يعني لو شو مااشتغلت ولو شو ماعملت كلو متل مابعضو مابياثر.. ان وبعدين بالاخير كلنا رح ننتهي بنفس الطريقة |
اقتباس:
بقولولي انت سوداوي وشو بعرفني قال بتفرق انك تعيشي وانك ما تعيشي |
لك يااخي لا سوداوين ولا شي...
بس انو عنجد..انا وصلت لنتيجة.. انو يااخي شو الدافع؟؟؟ شو النتيجة بالاخير؟؟ درست؟؟ وبعدين؟؟؟ بدي دور ع شغل والشغل سبعة بالمليون ليقدرو يلاقو شغل بهالاوضاع..وازا حظك متل حظي فاكيد مانك من هالسبعة... ولنقول فرضا يعني كنت من هالسبعة..اشتغلت وبعدين؟؟؟؟ بالاخير كلنا رايحين ومتجهين بنفس الاتجاه.... اي شي بعرفني اقتباس:
|
اقتباس:
انا وصلت لهون بس كل ما بقول هيك بقولولي انت غلط طيب اقنعوني ما بعرف كيف بس انت غلط خدي بقى |
اقتباس:
انا صح حتى اثبات العكس:larg: |
شوف يا عم ويجا أنت مشكلتك مو عويصه ولا شغله ياعم بس هيه مجرد خمول بس هالمره طوّل معاك كتيييييييييييير هاد كان نفس حالي من بعد ماخلصت دراسه تركت الشغل وتركت كل شي وضليت قاعد في البيت الـ24 ساعه شويه ألعب بلاي ستيشن لأ على النت شوي لأ أشغل أغاني بصوت عالي لأ أنام كانت حياتي فارغه بس للأسف كنت مبسوط وما بيأنبني ضميري بس بعد فتره وقفت وفضلت أفكر أنا كيف صرت هيك وشو الحل ؟؟! وفجأه طلعت في راسي حكاية السفر وما كدبت خبر سافرت وها أنا بقالي 4 سنين خارج البلد وحاسس بنشاط وطاقه رهيبه لأني لقيت كل الي ممكن يشغلني ويخليني أفكر وتحياتي يا ويجا أفندي  |
يا سيدي الدراسة مجال تعيس
بتخلي الملاك ابليس هم وغم وتعتير وأفضل طريقة للتخسيس نوت: عادي هاد صار الوضع الطبيعي للمواطن العربي المغوار |
اقتباس:
اقتباس:
لو انك ابني سفقتك بهدلي :frown: |
اقتباس:
انا عم حلل الوضع فئط لاغير... الحل مابعرف شو هوي.. لانو حاليا دراسيا ماعندي شي بس انو عندي لازم دور ع شغل ومعدني فقدت الامل فيكي تقولي.. مابعرف بجوز الواحد بدو شي انو يضغطو انو عندك deadline لشي محدد ممكن الواحد يقدر يتخلص من هالحالة مابعرف |
اقتباس:
بس قاطع التلفزيون والراديو والنت بتلاقي الامور عم اتخف بتوقع من بداية الاسبوع الجاية رح طبق هالوصفة ع حالي قبل ما وصل لمرحلة الاكتئاب المستعصي |
انا ما عم يصير معي الشي الي عم تحكو عليه ... معبيي وقتي بالشغل والحب :oops:دقوا عالخشب وبلى حسيده :x
شو حكينا عن السمايلات ؟ ما ع اساس اقتنعت وما عاد تستعملون ؟ اقتباس:
|
لككككككككككككككككك ااااااااااااااااااااااااه
واللي الي حولينا مخلينا بهالحالة انا كل يوم الصبح بفيق وبجي عالشغل متل الي جاية ع مشنقتو عنجد قرف ايمتى رح نخلص من هالحالة |
خيو بس تخلص فحص طلاع مشوار على افغانستان
بترجع ولا أحلى و بتقول دخيل رب بلادنا ودخيل رب الإكتئاب :o :larg: :larg: |
اقتباس:
|
اقتباس:
حاول تطلع تقضي يوم بالطبيعة أو تعمل شي مالك بالعادة تعملو ... مثلاً تزور مكان جديد قضي يوم بعيد عن النت والتلفزيون إذا بتقدر أعمل حركات بتنشط الدورة الدموية ... اعمل رياضية ... امشي لمدة نص ساعة عالأقل يومياً مشي مشي ... مش مشي شغل أو دورة سواق متل ما منعمل نحن الصبايا :lol: لما بتكون بالحمام هيك وقربت تخلص حاول شوي تخلي مي باردة تجي عليك ... ليك هي أنا بيقولولي عنها بس ما بنفذها لأن قلبي بيوقف من البرد بس تعودت أبدا نهاري بدل ما غسل وشي بمي سخنة ... بتكون مي باردة وإذا حوليك شي مركز تدليك بيكون شي عال العال ... لأن جد أوقات الجسم بيكون بدو نفضة وشد براغي ...:p واعملك فتلة بقسم علم النفس:larg: في كم موضوع بيحكو عن موضوع التفكير الأيجابي و قانون الجذب .. الخ.... اقراهم ونفذ يلي بتقدر عليه في نقطة ما بعرف إذا بتفيد بس أنا بصراحة براعيها بمكان شغلي ومعيشتي حاول تخلي لون المكان يلي بتشتغل فيه أو بتدرس فيه يكون مريح والإضاءة فيه جيدة كمان إذا كنت من محبي الألوان الغامقة باللبس بنصحك شوي تغير وتجرب تلبس لون جديد ... أنا بنتبه أنو الألوان كتير بتأثر عليي لهيك بعمل جهدي ألبس لون مفرح ومصطهج قدر الإمكان.... :oops: ويا سيدي هالحال و الخمول عم تمر فيه صار ت معنا من قبل ولهلا بتصير أوقات :-/ وكل ما ذكرته أعلاه هو حصيلة من تجربتي وتجربة غيري ممن يعاركون الحياة :hashish: بتمنى فعلاً لاقيك أكثر نشاطاً ... مو بس بتمنى ...عندي ثقة بهالشي طالما عندك الرغبة بأنك تلاقي الحل :D |
اقتباس:
اقتباس:
|
اقتباس:
هديك اليوم كنت عم قلو لفادي اذا بضل فاتحه التلفزيون بس كمان خمس دقايق زياده بتقضي حياتك معي من دكتور نفسي لدكتور نفسي ... :p:cry: اقتباس:
|
اقتباس:
لك يا اخي ستايل الموسيقا اللي عم تسمعو .... حط اغاني حلوي مو نكد بنكد .... سماع مثلا لهيفا ..روبي .. عمتك ماريا .... خالتك نانسي ...هاللي هنّي يعني ... نزاع ادنك فترة وبعدين تعا لننضفّلك ياها .... :lol: |
اقتباس:
ذكرتيني لما مرة نصحتا لرفيقتي وهي هيك بتحب أغاني التراجيديا قلتلا روحي اسمعي شي هابط شوي بلاها الأغاني الكتير راكزة وحزينة روقت بمجرد ما سمعت كلمة أغاني هابطة :p |
حتى انت يازلمة :o
يازلمة انا دائما هيك بصير معي .. بالمرة مابحس شي ناقصني حدا لو علي الف شغلة ينعن اختو هالضمير ازا عادي يصحى كل سنة بقول هالسنة بصحى ومابصحى |
مو المهم نشخص المرض يا شباب , المهم متل ما بتعرفو أنو الدوا , والدوا عندي
في عدة أنواع من الأدوية النوع الأول :أنو الواحد يغير جو ,يعني مثلا يعمل حزب سياسي يسمي بلا ولا شي من أهم أهدافو للحزب التغيير الدائم , يعني مو تغيير النظام كونو مش عم يمشي ,لا لأنو النظام صار عم يمشي لورا , تغيير الحالة المقصود بالتغيير , رح تسألوني كيف يعني , رح قلكون يعني بالصيف شعار الحزب (تعو نقعد بالفي,مش لحدا هالفي) أو خود شعار تاني مثلاً (هات في وخود تنابل)وبالشتي بتغيرو الشعار وبتنتقلو من تحت الشجرة على شي حيط جنوبي وبتغيرو الشعار مثلا (طلعت يا محلا نورها شمس الشموسة) وهكذا الحل التاني : بوجهكم على غزة وهونيك مانو فاضي الواحد مو يقعد بالفي ما نو فاضي يشرب مي وبما أنو هاي صعبي على ما يبدو في شغلة أسهل بس نتائجها مضمونة أنو بتروحو فيها وهي سيارة شحن قلاب بتحملوها حجار مباشرة على الجدار المحمي مع الجولان المحتل , يادوب توصلو وقبل ما واحد منكون يمسك حجر بيكون انكتب عمر جديد للي بينفد بريشو وبيقضي باقي حياتو إذا فيكون تسمو هيك حالة حياة بتكون بش فندق عشرطعش نجمة وشمس وبيضل يغني باقي العمر :لكتب اسمك يابلادي عالشمس الما بتطل |
| الساعة بإيدك هلق يا سيدي 22:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون