|
هنيه ..غزه ....أيه ؟؟؟؟؟
ان ما يحصل في غزه هو أيه من أيات الله هي الجمله ...الي قالها هنيه في خطابه اليوم على التفاز .... مع كل احترامي لكل الديانات والمعتقدات ... وانا ماني هون عم احكم على حدا او اتهم حدا او حتى اجزم بشي ...بس الصراحه شي بجنن وبيفزور .. انا كانسانه عندي عقل ومبدا وفكر وعيون عم شوفها ...مابقدر اتقبل هلالحكي الي قاله انه يكون أيه ... اي ايه عم تحكي فيها ...ايه انه يموت اكتر من 300 طفل بهيك وحشيه ... ايه ايه بتقول اطفال اضل متمسكه بجثث امهاتهون ل 3 ايام ... ايه ايه بتقول ..قتل وتقطيع اطفال ..شو هل الايه الي بتقو ل : اطفال ورضع عم تموت ونساء عم تدفن اطفالها ..دمار ...جوع .. اذا هي الايه ..فا سمحلي أكفر فيها ... انا ماعم اتهم حدا وماعم قول انه هدا السبب او هداك .. بس مو معقول يعني بهيك مناظر وظرف ..يطلع ع التلفزيون ويقول الي عم يصير يغزه ..ايه من ايات الله ....شو ما يكون قصدو ... |
يعني ماحدا بيختلف انو القصد من كلام الزلمة انو صمود المقاومة و عدم انكسارا طيلة 17 يوم وهي عمتجابه خامس اقوى جيش بالعالم لوحدها بدون اي تمويل و لا طائرات و لا جنود احتياط ...لهو أية من ايات الله
اسرائيل احتاجت ل ست ايام بس حتى تركع جيوش أكبر اربع دول عربية |
وين تعليقك يا ريمي ........اما يهودي او مافي
|
اقتباس:
بس الصراحه انا كنت متوقعه يطلع بحديث تاني ع القليله اقوى ...واقرب للناس ...انا ماني ضد حماس بالعكس ....بضلها مقاومه واشرف من غيرها ... بس مو تجي تقلي انه والله موت 300 طفل ويتشقفو ميه قطعه ...بدك تقلي هدا ايه ... انا ضد الطريقه الي حكى فيها او نقول الاسلوب ... الي صار بغزه بركع السما كلها ... |
اقتباس:
|
الزلمي ماحكى شي غلط , وبعدين كيف منسمح لنفسنا ننتقد زلمي عم يعيش كل اللحظات الي عم تصير بغزة وهو كقائد يعتبر , معليش خيتو مرقيها هالمرة :larg:
|
صديقتي الغالية...اتمنى ان تتقبلي كلامي بكل رحابة صدر وخاصة اني لمست ضيق صدرك عن ردودنا ....نحنا هنا لسنا لنجامل وانما لنعطي اراء ولو اختلفت عن بعضها ...وانما تمثل قناعة كل منا عن موضوع معين.................اولا بكلا الموضوعين الي قراتهم لك لمست انهزامية انا شخص ارفضها ....تانيا العصبية التي تشعرين فيها وانتي تتالمين على اطفال ونساء وشيوخ غزة عصبية وحزن بلا حلول .....وانما تستبدل بازمة قلبية بدلا من قذيفة ممكن ان يرمينا فيها الصهيون .....المهم ...كي لا اطيل ....اسماعيل هنية وكل اهالي غزة ....يموتون ويتقطون اشلاء ....بتعرفي ليش ....من اجل كلمات بسيطة ....بس انا بعرف انو بتعنيلهم الكثير ....بعض هل الكلمات مثلا (الكرامة -الصمود-الشرف)برايك بيستحقوا هيك تضحيات ولا بلا هم ............
|
حماس فشلت سِياسيا ً وَ انتصرت إعلاميا ً بفضل ِ أشلاءِ أطفال ِ غزة تحية للمقاومة وَ سُحقا ً للكُرسي من المثير للجدل دعوة عباس لـِ ضبط النفس بـِ قوله : نصحنا حماس أن تبقى على التهدئة ماذا تريد يا عباس ؟ ومن المثير للإشمئزاز موقف مبارك بـِ إغلاق المَعابر وَ انتظاره تحقيق إسرائيل أهدافها بل وَ لعبهِ دور رجل ِ السلام " قتل القتيل وبيمشي بجنازته " وَ الطريف موقف حزب الله" المقاوم " وَ خطاباته الرقيقة دونَ نصرة المقاومين في غزة يبدو أنها جريمة مُنظمة ! نشكر دور الإعلام العربي وَ الصلوات الطاهرة وَ المُظاهرات الحاشدة المُنددة بـِ هذه المواقف العاهِرة شُكراً لكم |
يللي بيعيش عنا بغزة بيعرف إنو فعلا آية من كل قلبي الله يحميه |
" إننا ننظر بعيوننا ان لكل جندي اب وام، صديق وصديقة، يحبونه وينتظرون عودته سالما " - ايهود باراك في خطابه الاول في الكنيست بعد انطلاق العملية العسكرية ...
" لن تستسلم حماس، ولو ابيدت غزة عن بكرة ابيها " - اسماعيل هنية في اول خطاب مسجل له مع انطلاق العملية ... هنا في غزة ... صمودهم ثمنه دماء الابرياء ... في حرب هي ليست حربهم ... ومصير لم يختاروه هم ... بل فرضت عليهم ... سواء ممن نسميهم "مقاومة" او من اسرائيل .... هناك اشياء اكبر بكثير من مجرد الخطابات ... ما هو على الارض ... يندى له الجبين ... اطفال غزة ... هل كانت اجسادكم الغضة يوما جاهزة لحرب كهذه ؟ |
أشعُرني صَغيراً جداً أمام سؤالكَ الشاهق يا صَديقي مُنذ فترة شاهدتُ رجلاً خليجيا ً يقول : تبرعنا وعملنا اللي علينا ضحِكتُ جداً وَ كأنَ المسألة دعمٌ مادي أو مَعنوي " إننا خونة كُلنا " مَودتي لكَ وَ يا خجلي مِنكَ أيها المُتشائل :D |
أخي المتشائل يعني بصراحة و انا أشعرني صغيرا متل ما قال صاحبنا
و انا مع انو ما يحصل يندى له الجبين و تشيب له الولدان كمان و كل عبارات القشعريرة و الفزع ، و انا مع انو اجساد اطفال غزة الغضة ما كانت مستعدة للحرب و القتل .. يعني ايمتى كانت مستعدة اجسادهم الغضة للحرب و القتل من و قت ما " انسرقت " فلسطين أو من وقت ما سُلِّمت او من وقت ما بعرف شو بيناسبك تسميها .. أكانو مستعدين يوما ؟؟ بس العفو منك شو بدك يكون موقف المقاومة ... أو عفوا ممن يسمون " المقاومة " ؟ شو بتتحمل المقاومة مسئولية ؟ |
أذا عذرا ....لانني اسمح لنفسي بالقهر عندما ارى أشلاء الاطفال ............................................عذرا لانني أسمح لنفسي بتفكير منطقي وعاطفي ..ام ان المنطق لم يعد له مكان في حياتنا عذرا لانني لست مع اي قائد او حاكم امام اطفال اجساد اطفال كفرت بالحرب عذرا لانني اشعر بالقرف من السياسه واهل السياسه امام نساء يقتلون كل دقيقه عذرا لانني لست مع اي حزب او منظمه .. عذرا لانني انسانه غاضبه لاتستيطع ان تفعل شي سوى الكلام امام بشر يدبحون ويبادون بدون أنسانيه عذرا لاني اشك بوجود الله واياته عند عاهات اطفال لاذنب لها بشي عذرا لانني امام اجساد لا استطيع التصفيق لاي قائد ... وشكرا ابو ريتا ع طريقه المسخره بالرد وصلتني الفكره ..ولك مني كل الود ...... |
ان الله يبتلي من يحب
|
اقتباس:
اقتباس:
|
اقتباس:
اقتباس:
الله يشد معكون كل الاحترام و التقدير لارواحكن الطاهرة |
اقتباس:
شو دين هالحب الاعوج ؟ :shock: اقتباس:
يعني انا باعرف اناس اجو من مصر بالتسعينات وساكنين عندنا بغزة ... في لبيتهم باحة واسعة نسبيا ... في منطقة الزيتون ... بالليل وهالعالم نايمة ... اجى "المقاومين الشرفاء" ... وضربو صاروخ من باحة هالمنزل ... وهربو ... بالمقابل ... ردت المدفعية بقصف المنطقة ... لولا "العناية الالهية" لكان اصحاب المنزل عند ربهم الآن ... مقاوم ... وطني ... شريف ... ثوري ... ؟ حسنا ... لك الحق ... ولكن ضحي بحياتك لا بحياة الاطفال والنساء .... ضحي بممتلكاتك واضرب الصاروخ من باحة منزلك ... لا من باحات منازل الآخرين ... |
اقتباس:
وكانو اسرائيل يا خطيتون ما كانو ضربو النساء والاطفال لولا المقاومه ؟ |
اقتباس:
يعني اول شي حاب انو ما يساء فهم كلماتي ... في من من استشهد ناس بتنحط ع الجرح بيطيب ... ناس شرفاء كتير ... بس الموجود حاليا ... عليه علامة استفهام ... من الواقع على الارض ... "المقاومة" ما عم تقدر تفرض شي عسكري او سياسي ... فبالتالي بتحاول تفرض الشيء اعلاميا ... لفهمك لعبة السياسة ... كيف ممكن نحشر اسرائيل بالزاوية ؟ سقوط الكثير من المدنيين ... تحديدا هاي هي النقطة ... المقاومة مانها معينة اليوم بحماية المدنيين ... بالعكس ... اليوم معنية بسقوط اكبر قدر من المدنيين .... قبل اسبوع اسرائيل ضربت مدرسة لوكالة الغوث التجأ الها عدد كبير من المدنيين ... ادى هالقصف لاستشهاد 47 شخص ... صارت ضجة اعلامية ... انو لشو مدنيين ... بليلتها بث التلفزيون الاسرائيلي شريط مصور ... لمنصات اطلاق صواريخ تم تثبيتها على سطح المدرسة ياللي احتمى فيها المدنيين ... انا ما بشوف انو هاي مقاومة ... انا بشوفها عمالة ... لانو عم يساهم بشكل اساسي لايقاع اكبر عدد من المدنيين واكبر قدر من التدمير بالبنية الاساسية للمجتمع الفلسطيني ... سواء مدارس او مؤسسات ... مثال آخر ... شوفي كيف الفرق هون ... فرضا ... منزل سين من الناس مستهدف ... الجيش الاسرائيلي بيقوم بالاتصال فيه ... وبيبلغو باخلاء المنزل وابلاغ الجيران ... في منهن بيبلغ الجيران وبيخلي البيت ... وفي لانو "مقاوم شريفط بيهمو يسقط مدنيين كتير ... شو بيعمل ؟ بيخلي بيتو وما بيحكي لجيرانو ... بيروح الجيران ضحية ... لهالسبب بالاحيان الاخيرة صار الجيش الاسرائيلي يتصل بالجيران كمان ... لانو مانو معني بسقوط النساء والاطفال ... المعني بسقوط الاطفال هو واحد بيعرف انو مطلوب وبيطلع بسيارتو وبياخد معو بالسيارة اطفالو ... مشان تطلع مادة العامية دسمة ... قصف اطفال ... او ياللي بيترك زوجاته الاربع واطفالو بالبيت وما بيبلغهن انو رح ينقصف البيت وما بيبلغ الجيران ... ليموتو وتطلع مادة اعلامية وكبش محرقة .... او ياللي كان معو الخبر انو اسرائيل رح تقصف خلال 48 ساعة من بدء العملية كل المقرات الامنية ... وما قام بتبليغ المساكين من الشرطة ... راح لجحرو اختبأ وتركهن للموت .... الطوباوية والشعارات شي ... والواقع بغزة هون شي تاني ... اليوم يا ستي ... عم بتصل مساعدات دولية للشعب في غزة ... المفترض تكون مجانية ... ياللي بيحصل ان المقاومة الشريفة ... بتبيعها بالسوق كيس الدقيق... بـ 150 شيكل ... مع العلم انو قبل الحصار كان سعر الكيس يتراوح بين 70-90 ... بدك نحكي عن مقاومة ... في نوعين من المقاومة ... نوع من الشباب المغرر فيه من قبل تاجر سلاح كبير مشان تمشي تجارتو .... ونوع من الشباب ياللي عم يشتغل مقابل راتب شهري ... فعن اي نوع بتحكي بالضبط ؟ ؟ |
عجيب كلامك ...يعني لو عمنحكي على شي ميليشيا عراقية أو لبنانية...يعني ممكن استوعب
بس انته عمتحكي عن القسام والاقصى و ألوية الناصر و كتائب ابو علي مصطفى... يعني مابعرف..اسمحلي كلامك لازمو مصادر...ومصادر موثوقة كمان... بعدين اسرائيل ما بدها هيك حجة حتى تقصف المدنيين و تاريخ اسرائيل من الاول شاهد على هالشي يعني لما اسرائيل ارتكبت مجزرة قانا..كان في صواريخ منصوبة على تانك الامم المتحدة..!!! |
بتمنا قول ل sun shin art انو انتي حكيك بينفهم بس لازم اسالك اذا بتامني بالقدر والازم تكوني بتعرفي انو هوي اللي مكتوب للانسان بعدين اللي ميصير بغزة فعلا هو قدر من الله واختبار ولا بدك بكل صراحة رح احكي كيف بدك تتحرر غزة والمقاومة قاعدة وحاطة اجر لاجر بعدين في شغلة تانية الجهاد مذكور والو ايات بالقران العلمانية مو معناها ينسى الانسان دينو او يكرهو القدر مكتوب ونحنا ما منصنعو نحنا منمشي فيه والا كانت الدنيا خراب شكرا لالك عالموضوع بس اخر كلمة بالتعليق هيي ........
في بالقران ايات عن حق المراة ومساواتها بالرجل وبكل الكتب طبعا ليش نحنا منقول هيك الله قال باللي بدنا اياه واللي ما بيعجبنا منتركو او منعارضو بالاحرى لازم تعرفي انو كلشي محسوب ومقدر بحياتك ...... شكرا ....:D |
اقتباس:
اقتباس:
اقتباس:
يعني لو انته ساكن جنبو مابتعرف انو لازم تخلي بيتك وانو جارك مستهدف ! والاحلى انه الجيش الاسرائيلي عم يتصل بقيادات حماس ويطلب منهم الاخلاء .. شو كل هل شي شايف القارىء غبي ؟ اقتباس:
اقتباس:
اسطوانه مشروخه يرددها كل محور الاعتدال لاقيلك منتدى سعودي يمكن ينبسطو عليك |
اوكي ... بس انو ابو نجبو على اي نقطة تحديدا بدك دليل ؟
المدرسة ؟؟ رح ابحث عن فيديو ... وبحط رابطو .... بس هون على الحارك .... اذا اليو تيوب عم يشتغل عندك ... ومانو محجوب حفظا لسلامتكم ... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هيدا فيديو ... لشو انضربت عدة مساجد بغزة ... وهيدا فيديو اطلاق صواريخ من مدرسة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - مع العلم ان كل مدارس القطاع حاليا مسكونة بمدنيين من ياللي بيسكنو باطراف المدن ... بعد ما اتصل فيهم الجيش الاسرائيلي مشان يتجهو لقلب التجمعات السكنية حفظا لسلامتهم .... |
اول شي اتمنى انك تصحى معي شي خمس دقائق
عن جريدة النهار - السبت 3-1-2009 اقتباس:
اقتباس:
وهي عن الشرق الأوسط ... اقتباس:
لارد عليك .... اقتباس:
اقتباس:
اقتباس:
اقتباس:
|
قبل شوي عالجزيرة كان طالع الدكتور عزمي بشارة طبعاً حكى كلام كتير بس أهم شي حكا أنا بنظري
انو اليوم اغتالو الشهيد سعيد صيام المهم بحكيو انو عم يقول انو صيام كان ببيتو وماكان في أي إطلاق للنار حتى من فرد مي ماكان فيه, الغريب شلون عرفو بوجودو وشلون قتلوا, على هوا حكيو انو الصهيون اجاهم خبر بوجودو بالمنطقة الي قصفوها بس مين إلي خبرهن الله أعلم... لهيك اتهام حماس والقسام وكل المجاهدين الشرفا بعمَل دروع بشرية خوفاً على حالون هاد كلام جرايد ومافي منو شي من الواقعية |
هنيّة قال صمود غزة آية ما قال استشهاد كل هالعالم هو الآية
يعني عدم قدرة الصهيونيين على احتلالها بعد عشرين يوم من القصف بكافة أنواع الأسلحة المسموحة والمحظورة و ما قدرو يحتلوها أو يقضو عالمقاومة فيها وهاد هو المقصود بالآية:D |
اقتباس:
اما الواقعية .... باعتقد انو حضرتك بالمانيا ... فالواقع عندكم شي ... وبغزة ع الارض شي تاني ... |
اقتباس:
يعني جايبلي الرواية الاسرائيلة 100% أنا بعرف منين المقاومين بدهم يقاومو ؟ هم يدافعو عن غزه بك ياهم يروحو على سينا ليدافعو عن سينا ؟ لو دمشق لاقدر الله حوصرت يعني لازم علينا نروح على تدمر لنقاوم .. حتى لايتعرض المدنيين للخطر ؟ بالماضي كنت الوم حماس وتطالولت عليها وعلى خصمك وائل لدرجة انو السيد وائل حذفني من على المسنجر لكن وبهذه الأيام فهمت شو بيمثل التيار الدحلاني ومن على شاكلته مافعلته حماس بهل الحثالة كان قليل ، وكلام نصر الله عن عدم علمه بحجم المؤامرة |
اقتباس:
بدي اسألك سؤال واضح و صريح ... الجيش الصهيوني عم يقصف غزة قصف عشوائي ولا لأ ؟ تحياتي :D |
اقتباس:
1. سواء كانت الرواية اسرائيلية او سنغالية ...هيدا هو الواقع بغزة ... بدك نحكي بمنطق ... في حقائق موجودة ودلائل ومعطيات ... بالعقل بنفهمها ... مو بالعاطفة ... والشعارات الكذابة ... لاحكيلك شي ... مو انت ولا غيرك بينظر علي ثورية ووطنية وغيرها ... هالامور انولدت معنا ... انوجدت في حبالنا السرية التي لم تُقطع ... لكن رح برجع احكي ... انهن بيعرفو انو رح يصير رد من مكان الاطلاق ومع ذلك ... بيضربو من وسط التجمعات السكانية ويجلبو الدمار والمصائب للمدنيين ... مو على اساس عن مجاهدين ووطنيين وفدائيين ... وحابين الشهادة وخلافو من الشعارات ... فالاولى فيهن انو يضحو باموالهم .... فليضربو الصواريخ من منازلهم ان كانو صادقين ... بكرة بتنتهي الحرب ... سنقول مبروك لك يا حماس تدمير غزة... ومبروك التهجير الجديد الاهل غزة... وسوف تتوسل حماس الى هبات وصدقات المسلمين... وسوف تبنى بيوت اهل حماس واهل حماس فقط كما جرت العادة وتجري بما ان المساعدات الانسانية للنازحين الآن تباع باغلى الاسعار .... وأضاف أن العدوان دمر كليا 20 مسجدا وعددا من المباني التعليمية و5 مدارس و4 رياض للأطفال و10 جمعيات خيرية والعديد من الورش الصناعية والمخازن والمصانع ومزارع تربية الدواجن ومحلات الصرافة والدفيئات الزراعية وغيرها. لن تصلح حماس منه شيء .... كان الاولى بها ان تصلح ما دمرته بانقلابها ... ولكنها لم تصلح شيء .... شيء آخر ... قبيل انتهاء الهدنة ياللي وقعتها اسرائيل ومنعت الفصائل بالحديد والنار من خرقها ... مصر ارادت ان يتم تجديد الهدنة ... لكن طبعا ... لسبب ما ... تصرفت حماس على انها قوة عظمى بالعالم ... وارادت ان تتحدى ... لكن للاسف ليس بقياداتها في دمشق ... ولكن باجساد اطفال غزة .... وبعد كل التضحيات ... يخرج احد قيادييهم ... قيادي ارعن ... يقول ... نزال ان الحركة اى حركته غير راضية عن بعض الشروط وان المبادرة المصرية لا تخدم الحركة :o المبادرة لا تخدم الحركة ... هذا الحديث قبل يومين من الآن ... اي ان المسالة هي خدمة الحركة وليست خدمة الشعب الفلسطيني ... والشعب كله قربان لصالح مصالح حركته ... :oops: للنقاط الاخرى بردك ... وائل مانو خصمي ... وما عم اعتبر اي احد خصمي ... يجوز ان نختلف في وجهات النظر ... لكن لا احد خصمي وهاي احلى وردة لوائل :D التيار الدحلاني ؟ ما بعرف شو دخل دحلان والتيار الدحلاني ... ان كان هناك تيار دحلاني اساسا ... :? فيعني رجاء خليك باطار الموضوع ... لكن اقول ... اخت فتح لاخت حماس ... لا يعنيني احد منهن ... الاثنان جرا الخراب والدمار للمواطن البسيط ... |
اقتباس:
|
وهيدا رد لمارسيلو ... من صديق لي ... هو تحت الاقامة الجبرية من حماس ....
راجع السماء جيدا ... احنا بغزة بخير مليون ونصف .... ايش لما يموت الف يعتبروه زلزال ولا كوليرا والعدد الى على الاخبار كذب لانه فى عشرات المعتقلين داخل ما يسمى بالمشتل مدفونين ويمنع التصوير ... وحتى الان تم قتل العديد بتهمة الفرح على مقتل عناصر حماس .... ومن يعترض على حماس يقتل اليوم ... وهناك حالة من الارهاب .... الى بيقتل بتضيع عليه ... واسرائيل تختار اهدافها بدقة .... وباراك رجل معتوه ... لاولن تنتصر عليه الا اذا عادت فى غزة روح دلال المغربى وغسان كنفاني .... التى يعتقل ويقتل ابناء ثورتهم ... هى حرب تاخذ حماس الاطفال والنساء رهينة فيها .... |
أخ متشائل لاتفهم من ردودي إني عم هاجمك مجرد وجودكن تحت أصوات القصف والرعب الموجود لحالوا مقاومة
ومني إلك أحلى تحية والله ينصركم ويصبركم ويقويكم :D يسعدلي مساك |
اقتباس:
انا مالي مقتنع بهالحكي .. بس بهالإجابة بيكون انتهى النقاش لانو ما فيني غير فكرة القصف العشوائي لشخص عايش بغزة وذا ما في قصف عشوائي و استهداف مدنيين و مدارس و صحفيين و غيرو من هالحكي اللي بتعرفو .. بيترتب عليه شغلات كتيرة اولها انو اسرائيل بريئة من جرائم الحرب و الجرائم ضد الانسانية بتمنالك انت و اهلك الخير و السلام و المحبة تحياتي:D |
بتعرفوا يا جماعة , قريت من فترة انو لما بدأ القصف الاسرائيلي على غزة صار في ناس توزع حلو , على اساس اجاهن الفرج وراحت حماس
بالاول ما صدقت هيك خبر, بس لما عم اقرا اراء السيد المتشائل , صدقت وكتييير كمان |
اقتباس:
وأنت أن كنت حريص على حياتك وممتلكاتك كان عليك أن تخرج من غزه من زمن بعيد ، مادام هناك احتلال فهناك مقاومة ، ولست أنت ولا اسرائيل لتنزع منهم هذا الحق الذي تكفله كل الشرائع تحدد للمقاومة من أين تقاوم ، اقتباس:
اقتباس:
والحصار أسواء من الحرب ودمار الاقتصاد يعني بالتالي دمار المجتمع تدريجياً حتى تنكسر المقاومة وتنتهى قضية الشعب الفلسطيني على الطريقة الاسرائيلية ، وبما أنك ترفع العلم الشيوعي الم يقاتل الشيوعيين واليساريين بالمدن والقرى وتعرض عشرات الالف للقتل على يد القوى المهاجمه ؟ اقتباس:
|
لا حول ولا قوة إلا بالله دخيلكم سمعونا سكوتكم :cry: والله رح طق |
هالمقاومة رح تعطيكم درس لن تنسوه ابدا ً
تحية اجلال واكبار لرجال المقاومة وهاد المتشائل عم شك فيه .... بس فهمني شو عم تساوي بغزة |
في حوار مع احد مقاتلي القسام في الجهة الأمامية أجاب عن السؤال المطروح
بعيداً عن المبالغات هل أنتم قادرين على صد العدوان على غزة ؟ فأجاب بعيداً عن المبالغات نحن قادردون على أن نصمد ونصبر وألا نُهزم حتى لو قتلنا جميعاً ثقتنا بالله كبيرة ثقتنا بنصر الله كبيرة ، أن لانخذل كبيرة ، حتى لو تخلى عنا القريب والبعيد . كما أجاب عن سؤال آخر - كنتم أطلقتم على العملية العسكرية الا سرائيلية ، اسم الفرقان ماسر هذه التسمية ؟ فأجاب :اسماعيل هنية هو من أطلق الفرقان على هذه المعركة في احد خطاباته ونحن نتداولها اسوة به لأن هذه المعركة ستفرق بين الحق والباطل وهي من أيام الله وسيكتب عنها التاريخ كما كتب عن عين جالوت واليرموك . |
اقتباس:
يعني هو مواطن بغزة :? |
| الساعة بإيدك هلق يا سيدي 09:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
المبادرة لا تخدم الحركة ... هذا الحديث قبل يومين من الآن ... اي ان المسالة هي خدمة الحركة وليست خدمة الشعب الفلسطيني ... والشعب كله قربان لصالح مصالح حركته ... 
فيعني رجاء خليك باطار الموضوع ... لكن اقول ... اخت فتح لاخت حماس ... لا يعنيني احد منهن ... الاثنان جرا الخراب والدمار للمواطن البسيط ...