قرصان الأدرياتيك
 

مرحبا
اول شي عن جد حابة اتشكرك من كل قلبي :D:oops:
وبحب عزيك ببيو لصاحبك وقلك الحمدلله ع سلامتك وان شالله ما تكون انزعجت من اجواء روما :deal:
وحابة ضيف انو قديشك انسان طيب بشخصك وكتير حباب واهم شي انك ما بترفض اي طلب لاي حدن
وبجد لطفك غمرني قرصان :oops:
وبالعكس ما خذلتني ولا شي انو استغرب ليه الاستازة قالتلنا انو الموعد تأجل يعني هي نعمة الله :yahoo:
بس عنجد اسفة باللي صار مع بيو لرفيقك:cry:
فمالقيت شي اقدر اتشكرك فيو غير اني حط هالموضوع تقلك :larg:

وحابة ضيف انو قديشك انسان طيب بشخصك وكتير حباب واهم شي انك ما بترفض اي طلب لاي حدن
وبجد لطفك غمرني قرصان
انتي كمان اكتشفتي هالشيء فكرت حالي الوحيدة :lol:
عن جد هاد القرصان مميز وما في منو
قلبو ابيض وطيب و وجامع كل الاشياء الحلوة " بس ما تتغر قرصانيتو وخلينا نفتخر بصداقتك الغالية"
اول واحد انتقدتوا باخوية كان قرصان وبوقتها كرهتوا بس اثبتلي بالدليل القاطع ان انسان يستحق كل الاحترام
وفوق كل هاد دمو خفيف
وانا كمان بقلك ثانكيو قرصان على شخصيتك المميزة

هلا عيون
هلأ الموضوع حطيتو شكر لقرصان الادرياتيك اتشكرتو ع شغلة عملي ياها
فكلمة شكرا قليلة عليه
حبيت اعمل هالموضوع وانتو ازا عندكون شي تقولوله لقرصان اتفضلو
باب الحوار مفتوح دايما :larg:

لاءا عادي بس ليه يمكن يصير شخصية اسطورية باخلاقو
ميرسي ع المرور :D

اي والله لساتني حاطة ايدي ع قلبي وناطرتها تفوت وتعملها :lol:
وبعدين لا تفاول عليي :frown:

فاتت وعملتها :larg:
كفو كفو ام الريم :gem::gem: :gem:

عنجد مافي منو هالقرصان ومنشان الموضوع عرفتي شو بتعملي ساريتا

قرصان بتمنالك الافضل وخليك هيك لانو عنجد مافي منك :D


صاحب الظل القصير وشبك انت هيك مبسووط؟:yahoo:

انو ولله عيب ارحموها يعني:p

شايفه انتي :p

بدي صير اخد خمس ليرات ع كل مره بنقل موضوع :larg:

خمس ليرات !!!
لسه عم تحكي فيها قولي ضولار هيك بتكوني عاطلة عن العمل طيلةاشهر السنة:p

شعب مابيعرف ومابيفهم غير بلغة القرش

تضرب :x
اي معليه اصلا رمروم بتمون ;)

قرصانووو اممممم


و الله فكرتي عنو انو بياخد و بيعطي ( اسلوب الحوار معو حلوو)

اكتر من هيك ما بعرف



بس مرة حكينا عن الجزيرة السورية
فانا قلتوا هي عند الحسكة موو :larg:

وكانت اول مرة منحكي فيها :lol:

تحية لقرصان بغيابووو

100000000000000000000000000000000000000 يورو

وينو قرصان ماعاد بيّن:p

الله حيو خال شهم والله شهم

رسالة لساريتا وكل محبي القرصان
بيتشكرك كتير ويقلك خجلتيني ويعتدر لانو ما بيقدر بس يقرا المواضيع وما يقدر يكتب ردود في خلل باخوية عندو بروما

العفو
وميرسي انك وصلتيلو الرسالة :D
وياريت تنبسط بروما كنا متمنيين انو نلتقي بس ظروف خاااي;)
موفق قرصانو :p
وميرسي لكل اللي مرو :ss:

أول شي أنا خجلان أرجع رد بالموضوع وخليه يرجع لفوق، حاسس عم أعمل شغلة ما مرتاح منها، بس الضرورة تدفعني أنو أتشكر الأشخاص اللي عبروا عن محبتهم ألي برغم عدم الاستحقاق!!! ساريتا شكراً كتير كتير بس لا تعيديها (مدة لسان)، بقصد أنو لا تعيدي فتح هيك مواضيع وفضايح، وإذا لازمك أي شي كمان أنا بالخدمة، وبتمنى تخبريني شو صار معك بالموضوع! بكل الأحوال بشكرك من جديد. وأنت هدهود خانم حبيب القلب كيفك؟ وينك يا قمر ما عاد تضوي لياليّي، ما بتعرفي مضيع البوصلة، وما فيّي أبحر بدونها؟! لك شفتِ قرصان بدون بوصلة؟! قلتلك ضايعة... ضايعة ومعفن سماها فلا تحرمينا من نورك، عالأقل وصلينا لشي ميناء قريب... مو أكتر. وأنت أم الريم خايفة علينا من فادي، ليش ما بتعرفي أنو أبو الفيد قلب طيب وأبيض وبيسامح دغري دغري؟! هاي ما حبيتها منك... بكل الأحوال أحلى تحية إلك وللعقيد! وبتشكرك فيرناندا شكر قلبي عكلامك الحلو بحقي، بس لا كتير تشدي إيدك... ترى مو كل شي تسمعيه بيكون صح!!! آخ لو فيني حط سمايلي أبو لسان ممدود شي عشر متار ونص... ! ويحد سوري عراسي حارتك، وأنا سألتلك عالشي اللي طلبتو والجواب كان بالإيجاب، بس الجامعة بترفض أي تسجيل إلا إذا كان عن طريقها! وأنتِ يا وردة بيضا ليكني ها هلق رجعت لأكتب هالكلمتين شكر... شكراً عسؤالك! وساتو يا رجل أنت إنسان طيب بكل معنى الكلمة، خليك هيك ولا تتأثر بأدران البشر... الله محييك ومحيي الجميع. سامحونا!

من عيوننا عيون
بس شو مشان البوصلة يا مان دغري لقطت الصنارة؟;)
شوي شوي
بعدين مو حلوة قدام العالم :p
خليها ع السكيتي اضمن

ومشي الحال بالموضوع ميرسي :D

شفتي ساريتا انتي خجلتيه وهو ما لقى غيري يرمي عليه خجلو
ليش قرصانة عشان انا مسكينة مسالمة عملتني شوي بوصلة ضايعة وشوي l'ampe élèctrique محروقة
بس انت قرصان وضايع فوسط البحر شو بدك احسن منو شو بدك بالميناء
وانا بوصلة وضايعة فمكاني ومو عارفة من وين ابدا طريقي
تبدل معي؟؟

يا ستي شكرا ع هالمعروف اللي عملك ياه .
بس باينتك متأثرة ب Homer Simpson كتير !!!!

ايه واش بو هومر سيمبسون:adal: لا حدا يقربلي عليهه هه؟:sly:
هاد جحشي الي :sosweet:

اول شي انا بشكرك:D كتير للموضوع الذي سمح لنا من خلاله التعبير ولو بجزء صغير عن مشاعرنا اتجاههوهو الغالي قرصان

انه انسان يستحق الشكر والشكر الدائم واني افرح اللاخوية كلها لانها حوت مثل هذا الشخص الرائع والنادر جدااا


تحياتي الك قرصانو :D

قلتلي ابو الفيد ... شو حكينا الف مره :frown:

ساريتاااااااااااااااااااا ... لك لاء، مو هيك، لا تروحي لبعيد كتير، الله وستين وكيلك، وللأمانة، القضيّة محبّة خالصة مو أكتر! وأنت هدهودي مين قال عنك لمبة محروقة أو بوصلة ضايعة؟! فشر اللي بيقول هيك، فشر بنص عينو، إيوا!!! عم قول إنّي مضيّع جحشة خالتي... قصدي بوصلتي، وما عاد أعرف وين روح بهالمركب الفاشل، فقلنالكِ يا قمر بكلّ بساطة، لا تغيب بين الغيوم... خلّيك مضوّي، عالأقل بهتدي بشويّة من نورك... استبينا؟! أكيد؟! تمام هلا؟! صافي يا قشدة؟! لك قلبك أبيض وبعرفو من هيك أنا مرتااااااااااح... ! كورنوليو... شكراً ألك! وأنت أبو حميد لك ما قلتلك خجلت واحمرّوا خدودي... ناقصني تكبير راس أنا؟! بيجوز تكسير... إي إي جيب الجاكوج والحقني عالسندان! هلا عكلمة نادر حسيت حالي عشوي رح أنقرض،بس بشرفي أنت دهب وأربع وعشرين قيراط... خلصنا خيّو مديح وإطراء، دبحتوني... حاجتي... وحاجتكن، شبعنا! بس قبل ما أتركك بقلك شكراً مع شوالة ورد أبيض! رييييييييييييييييييم، وينك؟! ريييييييييييييييم؟! نعم! ليش عم تعيّط؟! لك كنت عم جرّب صوتي: طاخ! العفا... ليش هالإرهاب؟! بشرفي الله يعينو ها ها ها ها ها... مين هاد؟! لك هو... إي إي... بس رح قلك شغلة: حاضر سيّدي المهم بلا قتل بالبوط العسكريّ!

:?
شبك؟
شوصايرلك؟لهلدرجة ؟ انو
كن شوي؟
بعدين انا فكري بيروح لبعيد يعني ما تحكو هيك شغلات قدامي :o

لك كل الود والاحترام مني قرصان ...:D

ساريتا خانم... أنا بطلت مو بس أحكي... كمان بطلت... !!! نسيت شو كان بدي بطل... وأنت يا صن شاين آرت يا أحلى شمس بهالأخوية بتشكرك كتير عمشاعرك الطيبة!

شومشان انا ماابديت مشاعري تجاهك قرصانو:p


بس والله ها ليك مو لانو ادامك يعني (مع انو هااا اسمع هالحكي مابقولو لمين ماكان ومو ايمت ماكان:frown:) والله انو مافي منك بس لولا هالعشرطعشر علة بس انو مافي متلك عنجد عنجد (اي اي صدق هففف ليش ماتصدق شو اصدك انا كذابة:jakoush:)

وقرصانووو هوي الوحيد اللي مابيدقق ع العربي اللي بكتبو:lol:

مبسوطة كتير اني تعرفت عليك عنجد:D

يعني لازم فضايح عالملأ؟! ناقص كمان تقوليلن أنّو بدنا نتجوّز!!! بس يا ولد... بس يا رضيع (جاكوج) بس يا حمـ... بس يا ابن...!!! لك لاه أبي ما بيستحق المسبّات، طولي بالك شو ابن الـ ما الـ...! بكلّ الأحوال رتّوشي أنا كمان مبسوط بالتعرّف عليكِ جداً وما حلوة هلا نجيب سيرة الإملاء والنحو والفقه ولساتنا عم نتعلّم... إيوا!

قم للقرصان وفِّه التبجيلا ***** كاد القرصان أن يكون شرشبيلا
:ss:

بتعرفي ألي زمان ما فرحت متل هاللحظة... كأنّي كنت مضيع كنز والتقى :D.
بكلّ الأحوال شايفك صايرة سنفور غضبان... مو عاجبك العجب ولا الصيام برجب!!!
على فكرة هلكت وأنا حاول ركب على اسمك بيت شعر وما عم يزبط، غيريه!
كامل احترامي ومحبتي... :D.

إي والله يا هدى في بيناتنا شاعرة ونحن مو دريانين بس يا ريت تعدّل اعوجاج قلمها شوي :p.