|
القرف ..لهون وصلت
الساعه 2 ظهرا ....يبدأ كاالعاده بعد الارقام ...وهي على زياده بكل ساعه (763) شهيدا ..اصبحنا ارقام !!!!!
أتابع الطبخ ..وكأنني من عالم اخر ...وأستمع ...مقابلات ..شجب ...صراخ ...ألم ... وانا بين الترتيب ...والاعمال اليوميه المعتاده ... مظاهرات ...منع مظاهرات ...أقول في نفسي ..ايه كالعاده ....شاطرين بالحكي .... مسرعه الى تناول الغداء ...اشعر بجوع فظيع بعدين عندي شغل كتير بخلص ...بالمقابل ..نساء يبكينا ابنائهون ...على شاشه التلفاز التي لم اعد استطيع تغيرالقناه ....ولا أعرف لماذا .... أبدأ بالاكل ..اممممممم طالع الاكل طيب ...وفجأه ...يلفت انتباهي الذي تباعد في كثير من الاوقات عم يحدث ... يلفت انتباهي لقاء مع أب فقد ابنه ...وابنه الثاني بالمستشفى ...واتابع استمتاعي بتناول الطعام ...متلو متل كتير ناس ...وكتير أباء .... احاول متابعه غدائي ...فجأه ...توقفت يدي ...بروده ...نظرت اليه عبر الشاشه الوحيده التي تربطنا وليس شي اخر لا الانسانيه ولا العروبه ولا شي تاني ..فقط تلك الشاشه .... ذهلت ...يتكلم ذلك الاب ...الى المذيع ...اي والله ابني مات ...والتاني بالمستشفى ...ملامح وجه كانه يخبر نكته ...توقفت عن الطعام ...ويتابع اي ابني الي مات ...مافينا دفنا ...لان المقبره محتله كمان ..فا تركنا بالبراد ...ومافينا نخليه كتير هونيك لان عايزين البراد ........لح منشوف محل ندفنو فيه ..اي والي بالمستشفى ....وقت الي نصاب سحبتو وحطيتو بالبيت ...وتركتو فتره لان كنت لازم شو ف الي مات اول شي ... انا ...تابعت ...طعامي ...توقفت عن االسمع ...كما توقفت عن الشعور .... كذلك الاب المتحدث عن أبنائه ...كقصيده غزل حب ....... هنا ...هنا ...اما تلك الشاشه ..السوداء ...التي تربطني بكم ...فقط لا شي اخر يربطني بكم ...أعلن ..موت الانسانيه بداخلي . فأعزروني لاني اتناول الطعام ...ولاني أضحك ..ولاني اتابع الحياه ..وكانكم ..مسلسل كرتوني امام اعيوني ... فلم اعد اشعر الا بالقرف من نفسي ...ومن القرف بانني لا استطيع ان افعل شي سوى متابعه الحياه ... وهنا اعلن موت الانسانيه والشعور..بداخلي ... يوميات مقرفه ....ههي يومياتنا كما هي مقرفه حكوماتنا وحكامنا |
اقتباس:
اقتباس:
أشــاركك نفس القـرف والاشمئزاز .. والخزي والعـــار. |
للاسف كنت عمتابع نفس المشهد، و حسيت أو بالاحرى "ما حسيت" بنفس الشي..
|
يعععععععععععععععععععععععع ععععع شو مقرف:?
|
اقتباس:
اقتباس:
اقتباس:
|
اكتر وقت ممكن الواحد يحس حالو بلا شعور
ويكره حياتو ويحس انو قديش هو سخيف لما يشوف اهل غزه .. وبعد كل شي عم يصير معهن عم يحمدو الله عنجد مو معقول هالشعب الله يقويهن |
كم هو صادق ومؤلم ما كتبت
يحفر بداخلي الفراغ لاصبح عبارة عن فقاعة في هذا الغالم دون حس او شعور فقط القهر يشكل كل ما حولي انه زمن القرف .......حتى من نفسي |
للأسف الشديد اليوم طلعنا مظاهرة واكلنا قتل ونرشينا بالمي وقنابل مسيلة للدموع
وغير انو مصور قناة الجزيرة اكل قتلة حشك ولبك واعتقلوه فوق كل هالشي والوصول للسفارة الاسرائيلية صار اصعب من الوصول لفلسطين حسبي الله فيهم بس |
اقتباس:
وانقتلت فينا .... اقتباس:
...فا منصير فقاعه كما قلتي ....واي فقاعه |
ما بعرف انت باي مظاهر عم تحكي... بس اذا عم تحكي عن مظاهرة البلد -الي انطلقت من الجامع الحسيني- .. فقالتلي امي انو المنظر كان اكثر من رائع .. ع امتداد كل الشارع برات الجامع واقف المصلين ... والشرطة من قواة مكافحة الشغب حاطين العصي ع جنب.. وشباب الاحزاب حاملين اعلامهن وواقفين على الرصيف بصمت تام .. قالتلي امي كنت لو بتزتي الابره بتسمعيي رنتها .. ما كان في صوت غير صوت المأذنه .. طبعا بعد ما خلصت الصلاة بلشوا كلهن بصوت واحد هتافات .. بيجوز بعد هيك اكلتو القتله ما بعرف .. بس شوف الغريب هدول الشرطه هلا كانو حاطين العصي وعم يصلوا جنب العالم وبعد بشوي بيجوز اشتبكوا مع بعض
اقتباس:
انا بدي اعلن معك موت انسانيتي .. امي واختي الصغيره صارلهون اسبوعين عم يطلعوا ع اعتصامات ومظاهرات وانا قاعده محلي ... ما عم اقدر اعمل شي ... بنحضر الاخبار .. بنتأثر .. وبعد بشوي بنرجع لحياتنا الطبيعيه ... مكتوفين الايدي.. بنتفرج عليهن وكانون من المريخ .. ما بيعنولنا ما بيقربونا .. |
اقتباس:
وهي انت يا صديقتي عبرتي ....عن الي عم حسو بطريقه فظيعه .....من المريخ .. .... المشكله مات الاحساس فينا ....يا ريمي ..وما عم نعرف مين بدنا نلوم ....انفسنا ...حكوماتنا ...ولا الله ...اذا في ؟؟؟ مشان هيك ماعاد عم حس بشي ...الا بالقهر والقرف ... |
اقتباس:
ع القليله انت عملت شي واكلت قتله حشك ولبك ..وحسيت بالمي ....:D اما انا ...ماعم اعمول شي ..غير اني اتفرج ع الشاشه ...المطلخه بالدماء ...واتابع حياتي ....بلا انسانيه ولا احساس |
اقتباس:
|
أشاركك نفس الشعور بالقرف المخزي...
|
اقتباس:
وهدا الحديث الي صار بيناتنا ..خلاني طلع ع حالي ...وشوف لاي مرحله من عدم الاحساس انا موصله ....وفكر ليش موصلين لمرحله من القرف .... والي بخليني شوف الدم ووالقتل والدبح والي عم يصير وكانو ..فلم امام عيوني ....ولا عم اقدر غير اعترف اني انقتلت من جوى ... وعن جد سؤال ....وينو الله من كل هدا ...؟؟؟؟؟؟؟؟؟؟؟؟؟؟؟من الاطفال ...والقتل والدبح ...وينو ؟؟؟؟؟؟؟ ولا خلص قتل فينا الاحساس ...وراح |
اقتباس:
القرف المخزي ..الي عم نعترف فيه ....وبعدم الاحساس ...وبكل بساطه اني بس هيك عم تابع حياتي .ولا كان في شي عم يصير ......... |
اقتباس:
صار الله والانسانية شغلات معدومة بنظري لو في الله ..... ما صار هيك شي ( وما بقتنع بقول انو الله عم يختبر الصبر وانو مين ضربني كف ع اليمين بدرلو اليسار..........ما خرطت مخي بالمرة ) ولو بهالعالم في شي اسمو انسانية لكان اتوقف من زمان |
اقتباس:
واطفال بغزه شقف ..عم تنرمى بالطرقات .... لو في الله ..ماكنا شفنا رجال عم تبكي ...وتطلم ... لو في الله ما كنا شفنا نساء عم تودع ولادها بهل الطريقه البشعه بالموت ... لو في الله ...مابعرف ...شو بدي احكي ..ما كنت حسيت بهل القرف ... لو في الله ما كان خلانا نوصل لهون ..االا اذا الله طلع متل ام قالت ريمي يهودي ... |
اقتباس:
الوقفة مع شعبنا في غزة مو اعتصامت وشعارات وحكي هالمرحلة صارت بدائية مع انّا بتنفس شوي عن اللي جواتنا الله يكون معك |
اقتباس:
ما بعرف بأي بلد انتي وليش ما طلعتي بس عالاقل حاولي ترضي ضميرك وبس |
ما قلتلي ع اي مظاهرة طلعت ؟ بالبلد او الرابيه ؟
|
اقتباس:
حسيت انو الشرطة عم بيدافعو عن امهاتن وحياتك |
اختي العزيزة كاتبة الموضوع.....والله اشعر بشعورك عندما اتفرج على هذه الشاشة ولكن للحديث تتمة...الهدوء ....ثم الهدوء ...ثم الهدوء
|
بصراحة يا جماعة وقت عم شوف التلفزيون وشوف مناظر الدم والقتل والضرب كتير بخجل من حالنا
بخجل بكل معنى الكلمة وا اسفاه علينا نحنا يللي شايفين اخواننا العرب عم ينقتلوا وماعم نعملهن شي وا أسفاه على يللي بشوف هالمناظر بالتلفزيون وبينزعج لمنظر الدم ومشان يروح انزعاجو بحط على قنوات الاغاني وبينسى وكانو ما شاف شي الله ينصرهم يارب |
كتير في او اوقات بنشعر في القرف من انفسنا
متلا وقت انو اهل غزة ما عندهم وقود نحنا بنقترح عليهم يستخدمو الحطب والنار لطبخ في الوقت اللي بنسخن اكلنا بالميكروويف |
من كلامك ذكرت موقف ما بعرف كيف ممكن اربطوا مبارح باليل كنت عم اتفرج ع ال CNN
طبعا هي قناة أمريكية وأكيد ما راح تكون لجانب الحق الفلسطيني بس والله العظيم انذهلت لما شفت كيف بيلعبوا بالخبر لو هلة بيجو قلت عن الاسرائيلين حرام يعني حطو صور اسرائلين عمر يرضوا وخايفين وأصوات صفارت النذار شي دقيقتين وحطو صورة جريح فلسطيني صاحي وعم يحكي وعين الله عليه غرررررررررررريب وقتها انا شعرت بالقرف |
اصدقائي دعكم من هذه الاحاديث التي لا تثمر ولا تغني من جوع .....هدا القرف الي عم تحكو عنو واقع مرير .....انا بكل صراحة اقولها ودمي رخيص امام اي طفل من اطفال غزة .....لا للقرف لا للاستسلام .....اخوتي اراكم تحكمون على الاشياء من مجريات 14 يوم ....قلتها اكثر من مرة ....اهالي غزة محتاجين الينا ونحن اقوياء ....لا تشعروا العالم بانكم اضعف من اهالي غزة ....قوتهم هي قوتنا ....
|
والله معك حق
والكلام على قد مو رائع على قد مو محزن ومخجل :D |
اقتباس:
اقتباس:
اقتباس:
|
اقتباس:
اقتباس:
اما انه لا للقرف ولا للاستسلام ...سمحلي هدا حكي بس ...لان لما منجي ع الواقع بتلاقي شي تاني ..والعكس تمام ..... لم اتحدث نيابه عن اي شخص تحدثت عن نفسي بانني وصلت الى مرحله من اللامبالاه والقسوه والقرف من هل الوضع ومن المناظر .....وقلت عذرا غزه ........... اقتباس:
|
شباب بدي أحكيكون بصراحه واللي مو بيعجبو كلامي من حقه يدافع عن حالو هاد الشعور يللي عم تشعرو فيه مو شعور بالقرف لأ هاد شعور بالضعف أيه بالضعف أستضعفتو حالكن مو انتو لحالكون لأ أنتو وكل واحد بيحمل الهويه العربيه أيه أستضعفنا حالنا وبعدنا عن بعض وهاد سهل أمور كتيره على الغرب منها أن الغرب قدر يفرق بينا ويحسسنا بالفرق بينا وبين بعض وقدر أنو يحط أيدو على أرض فلسطين ويدوس ويدبح وينسف ويحطم كل مخلوق على أرضها الطاهره أنا بقول لتاني مره أحنا مو ضعاف أحنا أقوياء بس لو ننسى خلافاتنا ونحط أيدينا بأيدين بعض  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
| الساعة بإيدك هلق يا سيدي 13:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون