|
الحاجز بين الأعضاء القدامى والجدد حقيقة ولا مجرد خيال
مرحبا صبايا و شباب في شي حسيته بأخوية ما لقيته بأي منتدى تاني إنتسبت اله مابعرف اذا انتوا حسيتو فيه رح نشوف هالشي هو الحاجز بين الأعضاء القدامى والأعضاء الجدد يعني ليش بحس انه الأعضاء القدامى بمكان والجدد بمكان يعني متل السكان الاصليين والمهاجرين والجدد بقصد فيهن الي انتسبو لاخوية من سنة وبعد هيك يعني انا مابقدر احكي على الفترة الي ما كنت فيها هون بس من لما انتسبت لاخوية لليوم ما حسيت في اي تجاوب او رغبة من اي عضو قديم مخضرم باخوية لحتى يكون صداقة او علاقة قوية مع عضو جديد شوفو يمكن انا عم شوف الموضوع من وجهة نظري بس لهيك عملت الموضوع لحتى شوف اراء الباقين بقى شو قولكن هاد الحاجز موجود ولا من خيالي الواسع :D |
اي وانا معك:cry::cry:
|
شوف خيو
المشكلة مو بس بين القدامى والجدد .. المشكلة بعدد المشاركات الموجودة تحت اسم كل عضو في ناس مسجلة بال2005 أو بال2006 ومشاركاتون قليلة حسب ظروف كل واحد بس هاد مابيعني انن مالن اعضاء فاعلين وانو الاخوية هي المفضلة عندن المشكلة كمان بين القبضايات و الزعما و المستشارين و اللهاليب !!! وانا متأكد انو في ناس لما بينطرح موضوع أول مابيلاحظو...كمية المشاركات شيت صاحب الموضوع و بعدين بيقررو يردو ولا لا!!! يعني الواحد قاعد بالسقيفة أو بالمسابقات و على كلمتين تلاتة و بيصير بعد فترة زعيم او مستشار بيحسب حالو صار شغلة ..وبيبلش احراجات و سخافات و كأنو المنتدى ملك أبوه ... رح أعطيك مثل ...بالصالون موضوع مقلاية ..الزلمة صاحب الموضوع طلب أول شي انو الجداد لايتدخلو بالموضوع لانو "في موجة بياخة" تجتاح الاعضاء الجدد وكمان القدام !!بس معليش القدام صارو منهن و فيهن...!! وكمان العضو اللي تقل مشاركتو عن ال1000 مابيصير يشارك وكأنو الاعضاء اللي فوق ال1000 مشاركة من الطبقة المثقفة الفهمانة المهضومة الواعية واللي تحت ال1000 بياخة و تهريج و لساتون"صغار"على هالشي.... انا معك وحاسس باللي حاسو |
ابو نجبو
انا معك بالي قلتو يمكن كمان عدد المشاركات اله دور بس في شي من الي قلته غلط لان على حسب معلوماتي انه المشاركات بمسابقات او السقيفة ما بينحطو بسكو مشاركاتك يعني مشان ما نظلم الي مشاركاتن كتيرة لان بجد بتكون مشاركات باقسام جدية مو هيك وهيك بس حبيت وضح هي النقطة :D |
اقتباس:
في اوئات بيبعدو عن الشر لأنو في كتير ناس بتحب تتحركش هوني 2 مشاركات قسم المسابقات لا تحتسب 3 البياخة مو بالجداد أوبالئدامى البياخة وين ما رحت فهاد عزر مانو مئبول:frown: |
اقتباس:
|
اقتباس:
جرب بنفسك |
اقتباس:
|
الطرح كتير حلو و بشكرك عليه
الحئيئة كلامك مزبوط 100% لازم نشجع الأعضاء الجداد بتحميسون و دعمون ليستمرو و يعطو أكتر يعني هلاء أنا ماني أديم بس بحس بهالشي أنو واضح كتير يا ريت نكون كلنا أخويا مو قبليا.. و أنو يتم تقييم الأعضاء مو عن طريئ عدد المشاركات بس يعني لازم يكون عن طريق مستوى المشاركات و فعاليتها بالمنتدى ... |
اقتباس:
اقتباس:
|
اقتباس:
اقتباس:
هلئ مشاركات السقيفة + المسابقات + البريد مو محسوبين ضمن عداد المشاركات وفيك تشوف بنفسك هالشي .. فمو مستحيل عضو يصير عندو مشاركات كتيرة اذا كان من رواد هالأقسام بس بربك يعني وزنها بالمنطق كيف رح يكون حساب هالمشاركات ع ناس وناس :? يعني حتى تقنياً بالمنتديات ما فيك تساوي هالشي ع ناس وناس .. انو والله ناس بيكتبوا أو بالاحرى بيلعبوا بالمسابقات بنحسبلهون ياهون بس ناس معضوب عليهون ما بنحسبلهون ياهون اقتباس:
ويللي تحت الـ1000 مشاركة مو أنو كمجمل هني تافهين .. بس صارت معنى بمقلايات تانية .. انو فاتو ناس بديو يسألوا اسئلة محرجة وهني مانون على معرفة منيحة بيللي عم ينقلى وكمان ناس فاتت وصارت تسأل من دون ما تعرف ولا شي عن يللي عم ينقلى وكمان وكمان ناس استلمت المقلاية وصار دورها بالقلي مع انو ولا حدا من الاعضاء بيعرف عنها شي .. وضاعت المقلاية .. وهيك :lol: |
اقتباس:
|
كيف الشبيبة
انا من الأعضاء القديمين نوعا ما يعني من شي 4 سنين هون الحاجز اللي عم تحكو في هو بطيعة الحال موجود برأي السبب انو نحنا باخوية بالمجمل كنا كلنا أيد واحدة مع انو كنا نختلف بالأراء كتير بس كنا اكتر من صحاب مرت فترات علينا انو انا شخصيا صرت أحسب فترات حياتي قبل أخوية وبعد أخوية وصرت قول بيني وبين حالي انو لو هلاء أخوية ماعادت موجودة شو بيصير فيني وأحيانا وصلت فينا القصص لحد انو نبكي وهي كانت اول مرة بحياتي موقع انترنت بيعمل فيني هيك علما انو انا من سنة 2001 بستخدم الانترنت هلق اللي صاير انو مرت فترة كتير غريبة على أخوية وهي انسب عدد كبير من الأعضاء بشكل ما كنا متوقعينوا والأكتر من هيك الطريقة اللي بيكتبوا فيها مثلا سابقا كان شعارنا انو نحنا مو منتدى خليجي لأنو الكل بيعرف طريقة التعامل بالمنتديات الخليجية أجت فترة لما فوت على اخوية ما شوف مواضيع إلا من نمط معين اعرف شخصيتك من لون عيونك من طول أصابيعك ومن نوع طعامك ومن موديل شعرك :shock: انا ما بقول انو بأخوية ما كنا نكتب مواضيع للبياخة كنا نكتير نمزح بس بطريقة مختلفة بعدين أحترام الفكر ماعاد موجود متل أول هلاء بتطلعلك وحدة بتكتب كلام الله مولاه وغريب خير الله مافيك الا ماترد بنوع من العصبية وبتطلعلك وحدة تانية عندها قدرة غريبة لتحول كل موضوع للشق الديني والطائفي (مع انو نحنا لغينا حوار الأديان مشان الخلافات والمشاكل) يعني بشكل عام صار في فجوة كبيرة بين الجداد اللي عم ينحدروا تقريبا من فكر واحد هو عدم تقبل الأخر ولما شخص ما بيقبل حدا وعن و فكر باتجاه واحد ممكن يكون راديكالي او ليبرالي المهم يكون باتجاه واحد أكيد ماراح يلاقي تجاوب ومنرجع منفسر أكتر ااذا صار شي |
في بحكيك من الصحه ....بس الموضوع مو حاجز ...بقد ما يكون ترك انطباع وفكر ورؤيه ...
مو بس موضوع طق حنك ...ومسابقات .... اخويه مو متل اي منتدى عادي للتعارف وطق الحنك والتسالي مع كل التغير الي صار فيها ..بس لسى الها طابعها الخاص ....الفكري ..الثقافي ...التعليمي .. فني ..ابداعي .اخويه جامعه كل شي مافيك تجي تقول لناس اشتغلت وتعبت كتير تجي تضربلك صحبي من اول يوم مع ناس عم تفوت للتعرف وتقلي شو لابس اليوم وشو محشش اليوم ....رغم عتبي ع الاعضاء القديمين لترك اخويه تتراجع بكتير امور ... المشكله الي عم تصير انه كتير اعضاء ماعم تبين لكثره اعضاء الجدد الراغبين بالتسالي والمسخره ...والاعضاء القدامى الي ماعم يحاولو يشوفو الفرق بين كل عضو ...... برجع بقلك اخويه مميزه رغم التراجع الي صابها بس لساتها مميزه ...ومانها منتدى عادي اواخديه منحى محدد مشان هيك عم تشوف هل الشي ..... |
اقتباس:
وبأخوية هيك مشاركة ما بتمد للموضوع بصلة بتروح انا مثلا كتير مشاركات بترووح إلي عادي بس طريقة تفكير الأعضاء الجداد هي كمان بتخلق حاجز يعني عم نتطلع على عدد المشاركات ما منشوف المضمون هي مشكلة وكمان مشان ما نكون مع طرف واحد هي الطريقة أحيانا بتكرسها الطريقة المتبعة بأخوية يعني في ناس بتجاهد مشان يصير عدد مشارماتها عالي مشان تقدر تحمل وتقدر تشترك بعض المواضيع هلق في اقتراح براسي بدي اطرحوا ع الأدارة مشان نحل هالمشكلة :D |
انا كمان جديدة بالاخوية.. بس بأول شهر من اشتراكي بالاخوية انبعت الي برايفت من 5 من القدامى كتير بالاخوية وواحد مشرف انو هلا فيكي بينتنا ومن ها الحكي واستمرت الرسايل بيناتنا وفي منون صارو صحاب الي .. لانو الواحد اول ما يفوت على مكان جديد مو لازم يطلع كل بياختو وسطحيتو..
بعدين في شغلة كل الاعضاء بالاخوية بيعرفوا انو المنتدى كان ارقى بكتير من فترة وهلق نازل مستوى المشاركات كتير... بس مزبوط بسمع كتير احيان لما بسال حدا من القديمين اذا بيعرف فلان بيقول " لاوالله ما بعرف هادا من الجداد" |
اقتباس:
|
اقتباس:
يعني الواحد لحالوا بيكبس على البرايفت وبيبعتلها وشوفي الغموض باسم راديا يعني هلاء لحالي راح اكبس على برايفت و أبعتلك :sosweet::p |
شو بدنا نعمل ؟ثورة ع اهالينا اللي سمونا هيك اسم ؟؟ما بيصير بس نحنا ما عنا لوقت لنظل نختار نيك نيمز و لنلبق هاد مع هاد بقى اسمك و خلص بتختزل وقت :D
|
اقتباس:
هلئ ليكني انا ما بعتبر من الاعضاء القدامى ولا الجداد يعني نص نص بس فيني حس بالاعضاء يللي من اول مشاركة الهون مميزة .. فكيف لأعضاء مخضرمين ومارر ع راسون الاف الاعضاء الجداد فوحياتك المبدع مبدع ولو كان تحت التراب رح يضل مميز ومبدع .. و ع فكرة أنتي من الأعضاء يللي بحسّون مميزين :p أنو هيك بحب حكيكي وشكلك :? مدري كيف أشرحلك ياها |
انو انا قلت من باب المزح بس جد اسمك كتير غريب وحلو وناي اسمها حلووووووو
;) |
ماشي ...:deal:
و شو مشان شعوب دول الاعتدال؟؟كترانين هالايام :jakoush: |
كل شي الا تكوني حاسبتيني من دول الاعتدال لأني ما بطيقوووون
وبتعتبرها مسبة انو اتشبه فيووون :lol: |
اقتباس:
اي انا معك بهلالحكي انه المبدع والمميز ببين فورا ...بس بضل بدو فتره ليثبت حالو باخويه ويحس برياحه .... وماتنسى عدد الاعضاء الكبير الموجو د باخويه والنوعيه والكميه الي بينكتب فيها ..والي بخلي الواحد يضيع احيانا ... وانا بحترم فيك جرأتك .. ...:D |
اوف اوف اوف شوهاد يابا؟
بعدين شو عم تحسو ماتحسو ؟ هوي في شي من هزا القبيل انو في حاجز بين الاعضاء الجدد والاعضاء القدامى بس المشكلة مو من الاعضاء القدامى المشكلة بالاعضاء الجدد (مو كلن مع احترامي لبعض الاعضاء الجدد اللي بيبن ابداعن وحسن مناقشتن من خلال ردودن ) يعني بيضلو بالمسابقات وازا بتعمل موضوع بيقومو يتمسخرو ويقلبو الموضوع مزح فالموضوع يكون يحكي بشي بيصير يحكي بشي تاني donc الشغلة مو من الاعضاء القدامى لانو في اعضاء جدد صرنا معن رفقة وماشالله عليهن بيعئدوووو :D هاموش: ويجا هلاء انت شخصيا عم تحس بالحاجز؟؟ اي انت معزتك بمعزّة رامي:pos: |
يعني الي طلع معكن بالاخر
انه الجدد لانن سطحين وتافهين ومدري شو فهاد الحاجز موجود اي لا وصلنا لبعض لكن :pos::pos::pos::pos: |
اقتباس:
بس مو من الكل طبعا يعني بس شايفة كيف الكل حاطط على الجدد وانت منن :p يعني في هيك وفي هيك |
ويجااا
انت ما اقترحت حلول انا قلت الاسباب اللي بشوفها واللي حاكي فيها مع الاعضاء القدما والجداد يعني في أعضاء جداد أكتر من رائعين متل مرتي وخطيبتي :sosweet: في أعضاء قدما مو مناح بس بدنا حل هات شو عندك |
اقتباس:
انا كمان بحط عالاعضاء الجدد ومو كلن اكيييد وع قولت زين ازا عندك حلول هات اتحفنا بما عندك خاااي |
اي ها
اخيرا حدا بده يحكي بالموضوع شوف اخي انا بشوف انه الحل لازم يكون على اكتر من طرف القدامى لازم شوي ينزلو من فوق ويشاركو بمواضيع كم عضو جديد طبعا المواضيع الي تحترم من وجهة نظرهن يعني اكيد ما يشاركو غصب عننبس انه يعطوا فرصة لان بيني وبينك في ناس على اسم كاتب الموضوع يا بتدخل يا اما ما بتدخل بنوب الجدد ( السطحين منن :p ) يعني الي مهتمين يمواضيع المسابقات والحكي الفاضي يخففو شوي علينا يعني والله اول ما انتسبت باخوية كان غير مع هيك في كتير من الجدد يحترمو الباقي على المشرفين يعني لازم يحافظوا على نكهة اخوية المواضيع الي ما بتناسب تحذف مع رسالة صغيرة للعضو بانه ما لها نكهتنا ما بعرف انت شو رأيك |
اقتباس:
ع فكره انا بعتبرك من الاعضاء الاقرب للقدامى ....:D |
اقتباس:
الحقيقة أنا من الناس اللي بيتطلعوا على اسم الشخص الكاتب وأسم الموضوع يعني بس انا ما بحكم على عضو قبل ما أقرالوا وشوف كيف بيكتب انا مثلا كل واحد عندو فكر رديكالي وديني ومتعصب وما بقرب على مواضيعوا بتجبلي عصبي يعني واد بيكتب وما بيقبل رأي الأخر ما بقرب على بنوووووووووب :p بس ما دخل القصة بجديد وقديم حتى في أعضاؤ قدام ما بقرب على مواضيعون وفي ناس ما بتقرب على مواضيعي شغلة نسبية :p بس المشكلة الجو بأخوية أختلف كتيييير وهون المشكلة :D |
اقتباس:
الله يسامحك هون القصة انه ما بدي مين يعتبرني جديد وقديم بدي مين يعتبرني عضو باخوية وبس ;) |
هلأ مو كل الأعضاء القدامى منسجمين طبعاً . بس من خلال الزمن والعشرة الطويلة والتعرف على طبيعة تفكير كوادر أخوية وتعامل البعض مع البعض الاخر نشأت صداقات وطيدة بين بعض هالكوادر . بالمقابل كتير اعضاء حديثي العهد قدروا ينخرطوا بجو أخوية العام ويصيروا جزء منها بشكل سريع . وعلى كل الحالات هاد موضوع نسبي . وتفكيرك مبالغ فيه شوي .لأنو ما في شي اسمو تجمع سكان اخوية الاصليين :p |
انا بشوف مافي حاجز بين الشباب الي بس شهر ونص والكل قصدي الاغلبية :oops: مامانعو اني كون صديق اللي امتنعو عن الحكي معي يمكن يكون جراء مواقف بالكس اخوية مفيها تفرقة ومنتدى رائع ....
حاجة انو الناس بتحب بعضها هون ......:larg::larg::larg: |
اقتباس:
في منتديات متل منتدى العلمانيين العرب مثلا ما بيشترك فيها عضو غير الناس اللي على سوية عالية وكل واحد بدو يكتب شي بيعد للعشرة لانو الكل سويتهون عالية.. |
اقتباس:
في شب كمان اسمو رضوان حط كذا موضوع بقسم علم النفس وبغير اقسام ولفت نظر كتير.. واكيد عمل رفقات بسرعة.. يعني الشخص الكويس بيفرض حالو بين العجقة.. ومية وردة:D:D:D:D |
اقتباس:
هلأ شوف ويجا القصة وما فيها (طبعا رح احكي من تجربة ) انو مثلا اول ما كنت جديد هون باخوية حسيت بهالشي .. لانو ما كان الي اصدقاء او كنت بعرف حدا .. ومع الزمن صرت بعرف ناس كتير وهالشي خلا علاقتي باخوية وببعض اعضاء قدامى كتير منيحة وما عدت حسيت بانو في حاجز ... وغير هيك لانو معظم الاعضاء الجدد بتكون مشاركاتها بالسقيفة وبالمسابقات .. لهيك ما رح يلتقو بالاعضاء القدامى بس لو الاعضاء الجدد يشاركو بالمواضيع الجدية اكتر من المسابقات رح تشوف انو ما رح يصير في حاجز .. يعني بالمختصر الاعضاء القدامى بيشاركو بمواضيع جدية والجدد بالمواضيع المسابقات والسقيفة ... لهيك صعب شوي انو يلتقو .... :D |
بغض النظر عن اني منسق
بالنسبة لكتير منكن هون .. اعتبر جديد ... وما حسيت بهالحاجز يعني الفكرة اللي بدي قولها كل حاجز ... بهالحياة ... الخالق الوحيد لهالحاجز .. هوي الشخص اللي بيحس انو في حاجز يعني هالحاجز الي عمتحكو عنو ... هوي الذات تبعكن خلقتو ... في كتير عالم بتحس بهالحاجز .. وكتير عالم كمان ومنهن انا لاء .. الشغلة مو بالاعضاء القدامى .. الشغلة ممكن تكون بالاعضاء الجداد .. قانعين حالهن انو هدوليك قدامى وما بيتحاكو ... وعلى اساسها بيحكمو .. دون أي محاولة ... هالحكي ما بقصد فيه اي شخص هون ... انما مجرد وجه من وجوه هالحاجز الي عمتحكو عنو |
اقتباس:
واهتمامات مختلفة ما هيك في وجهة نظر بهالحكي اقتباس:
بس انا مستغرب انه حتى لما كنت جديد ما حسيت بهاد الشي ما بعرف بلكي انت جيت على اخوية وبتعرف كم عضو ولا ما كنت بتعرف حدا يعني قصدي وجهة نظرك ملفتة شوي وحابب استوضح اكتر |
| الساعة بإيدك هلق يا سيدي 22:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
