|
اغتصاب الزوجة ... بين الجريمة و الطاعة
اغتصاب الزوجة ... بين الطاعة للزوج و اعطاءه حقوقه و اغتصاب أهم حق في حقوق الزوجة اغتصاب الزوجة كتعريف بسيط : هو اجبار الزوجة على ممارسة الجنس من قبل زوجها يعني الزوجة يمكن تكون تعبانة من الشغل و من تربية الولاد و يمكن تكون نايمة يجي الفحل جوزها يفيقها ليمارس حق اشرعوا له القانون و الشرع و المجتمع يلي فايت بالحيط و الزوجة لازم تقوم و تخلي يجرح اوصالها و يمارس حقو و تورجي انو عما تستمتع كمان من اجل عدم اعتبارها ناشزة و ساعتها يكون الضرب و الهجر عليها بالمرصاد هلق رابطة الزواج بتنشأ عدة حقوق 1- حقوق مشتركة بين الزوجين 2- حقوق للزوج 3- حقوق للزوجة هلق الحقين يلي عما يشاركو بارتكاب هالجريمة هني حق الاستمتاع و حق الطاعة ( طاعة المرأة للرجل) هلق قانونيا : اقتباس:
و هون منشوف انو القانون وافق الشرع و العادات و المجتمع المتخلف بهالشي عدم العقوبة على اغتصاب الزوجة هلق التربية بتلعب دور كتير كتير كتير كبير لأنو نحن منعلم البنت و الصبية انت بس مهمتك ترضي زوجك جنسيا و ممنوع تقليلو لا حتى لو انت كرهان حالك هادا حقو و حتى لو كان حيوان جنسي هادا جوزك كفنك و كمان منشوف ربط الفحولة بالرجولة و القراار و السيطرة هلق بنهاية الموضوع : انت شو رئيك بهالشي ؟ و هل هادا حق للزوج و على الزوجة الإطاعة بالعمياني ؟ انتي لو كنتي زوجة و عمل معك زوجك هيك شو لح تكون ردة فعلك ؟ انت ممكن تعمل هيك بزوجتك ؟ شو الحل ؟ Abu Willaim |
شو أيش هالموضوع المعقد أبو ويليم والله أنا مو عارف شو أجاوبك على هاد الشي لأني لساتني عاذب بس راح أحط مكاني في هالموقف كأفتراض وأجاوبك من ناحية الأنسانيه والتعامل بالحسنى ، انت شو رئيك بهالشي ؟ أنت كل اللي حكيتو تمام وحكي لا غبار عليه ومن حقي أني أمارس الجنس مع زوجتي في الوقت اللي أرغب فيه بس مو معناتو أن أنا آجي في وقت ومرتي تعبانه ولا حتى مدايقه من شي أو حتى عم تفكر في شي مشكله ومو ألها مزاج لهيك شغله وأمارس معها الجنس لأ أنا متزوج أنسانه ألها حقوق برضه مو جايبها من سوق العبيد يعني أختار الأوقات يللي بتكون هيه فيها رايقه والجو العام بيسمح أني أمارس معها الجنس . و هل هادا حق للزوج و على الزوجة الإطاعة بالعمياني ؟ لأ يا رفيق مو معناتو أني ألي حق عليه كزوجتي أنها تطيعني بهيك شغله حتى لو تعبانه يعني لو تعبانه وحسيت أن هيه مو ألها مزاج بحاول أخرجها من المود يللي هيه فيه وأحاول أخليها تبتسم وتروق ولما وما راح أمارس معها الجنس غير لما ألاقيها هيه مستعده لهيك انتي لو كنتي زوجة و عمل معك زوجك هيك شو لح تكون ردة فعلك ؟ أنا راح أحاول أقنعه أني مش حاله تسمح بأني أمارس معو الجنس لأن ممكن أكون تعبانه مدايقه نفسياً بس مو راح أعصب وأعمل من الحبه قبه بس راح أفهمو بطريقه هاديه من شان يقتنع ويحل عني انت ممكن تعمل هيك بزوجتك ؟ أبداً لازم أحس فيها ولأن أنا لما أتزوجتها جيبتها من بيت ناس يعني لازم أعاملها متل الناس مو متل الحيوان شو الحل ؟ الحل ياسيدي أن أحنا الرجال نحاول نسمع ونحس شوي بالنسوان تبعتنا لأنهم بني آدمين وبيحسو وعنهم مشاعر وأحاسيس متلنا وتحياتي  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
|
منرجع لحديثنا ...
لو فرضا لرجال طلب مرتو للعلاقة الزوجية و هيي متل ما وصفت انو تعبانة او مهمومة مثلا و المراة متل ما منعرف انو كل شي عندا ضرب تنين كانت مكربة مثلا و اجا لعندا جوزا و طلب منا هلق المراة لسببين وجيهين ما فيا تقول لاء اول سبب لانها بتحبو كتير و تاني سبب ما فيها ترفض مشان ما يلجا لمطرح تاني بيفضي فيو هالشحنات بقى هون الرجل ازا كان كتير بيحب مرتو وقت يشوفا مرضانة او تعبانة مو لازم يطلب منا هالعلاقة نهائيا لحتى تروق او بالاول يعالج الوضع اللي معرقل هالعلاقة و بعدين بيطلب كيف مابدو و انا ك امراة برفض الاغتصاب..بس مرات بتنحط بموقف يرغمك مشان ما تحسس الشريك بانو عم بغلط بطلبو و بتحسسو بالحب الكبير |
أنا بشوف هالشغلة بترجع لثقافة الرجل ولفهمو وزوقو يعني مالو علاقة القانون بهالشي, يعني تصور مثلا القانون بيحددلك شلون بدك تنام بتختك وعلى أي جنب أو شو الوضعية الي لازم يتخذها الواحد مع مرتو مو زابطة بالمرة, لهيك بترجع للرجال وفهمو يعني في نوع من الرجال نسبة الزوق عندون 0% لهيك ما بيفهم تعبانة مرتاحة مقضية نص نهارها عم تشتغل بالبيت بيعرف واجباتها تجاهو وبس ما بيعرف واجباتو تجاها, يعني جهل من الرجال نفسو
وطبعا مو منحقو يجبرها على شي هي ما بدها ياه لأنو أصلا مارح يستفاد شي حتى لو عمل عملتو, لأنو هالشغلة هي فيها تبادل للأحاسيس تبادل للحب أكبر من موضوع انو خلص اتصلنا ووصلت للي بدي ياه :D |
أبو وليم انت طرحت مشكلة وطرحت السبب
انت قلت انو التربية هي السبب وهي الحقيقة يعني لما الأم بتربي بنتها على أنو لازم تكون متل العجينة بين أيدين جوزها وتلبي رغباتوا ايمتا ما كان وبأي ظرووف بتكون حولتها لألة جنسية ولما الأب بيربي أبنو على انو ذكورتوا ورجولتوا مرتبطة بما بين الفخذين بيكون عم بيقلوا انو بس تتجوز بيكون قدامك ألة لازم تشغلها كل يوم على كيفك اذا بدنا نبلش نحل الموضوع ما راح نقدر بشرعة اذا بلشنا هلق بالحل لازمنا شي تلات أجيال حتى يمشي الحال ورأي كل رجل و|أمرأة متزوجان وبيمارسوا الجنس بصورة الإجباري بيكزن زنا لأنو الزواح هوي مبني على الاتفاق بكل شي |
اقتباس:
اقتباس:
|
هلا الموضوع شائك بس خلينا نحكي انو الرجال ما راعى وضع المرأة بجوز انو الو حاجه وما بدو يعمل شي حرام
عنا قاعده فقهية بتقول انو بنختار اهون الضررين يعني الضرر الاهون انو يأتي زوجتو حتى لو ما كانت مستعده احسن متلا ما يقوم بعلاقه غير شرعية الها اثر نفسي عزوجه اكبر بكتير من انو يتم بيناتهم الجماع عدا عن انو قد ينقللها امراض لاحصر لها يعني الحياة مو دايما حلو ومر وفينا نختار بيناتهم مرات بكون فيها مر او امر من المر يعني لو واحد خيرك انو يرميك بالبحر او يرميك بالنار شو رح تختار ؟ اكيد البحر حتى لو ما بتعرف تسبح |
اقتباس:
بعدين لو عاشت المراة العلاقة و هيي مكرهة و عانت من خلالها بتتغير نظرتها الها و تصير تتزكر الامها وقت الالتقاء يا ستي الاثر النفسي بياثر و بشدة |
اقتباس:
بتذكر مرة أبي قلي لما تحس حالك مدايق خود حمام مي باردة وبيمشي حالك وبالفعل جربتو وطلع دوا مرتب عم احكي جد بتريح كتير المي الباردة:lol: |
ياسلام...
كل شهر عندها اسبوع اجازة قسرية ...واسبوع الولاد ضايجين ماعمبينامو ..و اسبوع تعبانة... و اسبوع انا تعبان برأيي ومتل ماقلت انو الوضع بيرجع حسب تربية و طبع الرجل وبكل الاحوال حتى لو كانت مو جاية على بالا لازم الرجل يلاطفها و يسايرها حتى تروق..واذا ماراقت ياخد حسبو الله و يأجلا..وبحالات متطرفة يلجأ الرجال للاغتصاب مع انو ما بعرف كيف بيحس بالسعادة :?!!! بس السؤال اللي بيطرح نفسو ..هل ياترى لو صار العكس..الرجل مو جاي على بالو و وزوجتو طلبت منو.... ياترى الرجل بيضغط على حالو !! ولا بيعتزر وبيتحجج !!!! |
اقتباس:
ولا شو؟ |
انت شو رئيك بهالشي ؟ رايي انو يلي بيعمل هيك بمرتو بيكون واصل قمة الانانيه و هل هادا حق للزوج و على الزوجة الإطاعة بالعمياني ؟ لا طبعا مو حقو ومافي شي بيدل على انو هالشي حقو الطرفين الهن حق بهالعلاقة مو معقول يجبرها ع هيك شي وهي تعبانه او مدايقه او شو ما كان عزرها اي شو رح تخرب الدنيا يعني ازا ما رضيت هالمسكينه بهاليوم :sly: انتي لو كنتي زوجة و عمل معك زوجك هيك شو لح تكون ردة فعلك ؟ زوجي ازا تصرف هيك تصرف معناها تحول من انسان ل حيوان حشاة السامعين وانا ما بعيش مع هيك نوعية وشي عالمحكمه :pos: شو الحل ؟ الحل يا ابو اللول انو الرجال يكبر عقلو شوي وما يفرد عضلاتو على هالجنس اللطيف ويحس فيها وبالمسؤوليات يلي فوق كتافها ومو يمشي شهوتو بس ....... يراعي ظروف مرتو يلي هي الها نفس الحقوق واول مره بحس انو القانون بينصفنا :sick: يسلمو ابو اللول .. |
اقتباس:
|
اقتباس:
اقتباس:
هلا لازم يكون في مراعاة من كلا الطرفين بس... يعني ماتزيدها المرأة كمان... اقتباس:
او شوماكن عم بيصير معو...فهالشي ازا كان شي متكرر..يعني مثلا ازا انقال انو صارت مرة بس طبعا مابيتخلل الضرب وهالاصص..انو اصر ليقيم علاقة وقت هيي مابدها وهيك..ازا صارت الاصة متكررة..هون بيصير لازم اي وحدة مننا تتحرك..جلسات معالجة اول الشي ممكن..انو متل marriage control او اي شي مشابه..وبعدين ازا ما تحسن شي مافي غير المحاكم ازا المرأة حست انوهالشي رح يقضي ع حياتون اقتباس:
بس ابقى صير رجال بجاوبك:p بس قلتلك انا ضد هالشي جدا اقتباس:
بيضغط ع حالو؟؟؟ انو الرجل هوي بدو كلمة يازلمي اقتباس:
انو مااستوعبت وين انصفنا القانون؟؟ ازا مابيعاقب ع هالشي؟ |
ما بعرف بصراحة هيك مواضيع مع كل احترام لصاحبها ....انا ضدها تماما .....يعني ما بلاقي من مناقشتها اي اثر ايجابي على اوساطنا ...
|
انت شو رئيك بهالشي ؟
يعني أكيد شي كتير بشع و هل هادا حق للزوج و على الزوجة الإطاعة بالعمياني ؟ لا ما في شي اسمو إطاعة ع العمياني وهاد لا حق ولا شي انتي لو كنتي زوجة و عمل معك زوجك هيك شو لح تكون ردة فعلك ؟ ع قولة رتروت بس صير مرأة بقللك:lol: انت ممكن تعمل هيك بزوجتك ؟ طبعا لاء والقصة ما بدها فزلكة ولا فلسفة بس الجنس هو متعة بين طرفين يعني تخيل القصة فعليا انو واحد مبسوط وواحد مو مبسوط ش الفايدة :oops: وبالنسبة للحل ذكرتوا سابقا التربية الصحيحة على الامد البعيد :D |
أنا برأيي أنو الموضوع ما بدو قانون أو أي شي يشرعه أو يمنعه لأن كتير خاص ومافي اثباتات (للحكم بالموضوع) يعني أنا ضد أنو أي شي يحدد العلاقة بين الزوجين أو يفوت معون عأوضة النوم
وبحس أنو الرجل ما حيستمتع كما يجب لو زوجتو غير مستعدة وبالتالي من مصلحته يهتم برضاها التام والجنس بالزواج برأيي هو انعكاس لتفاصيل الحياة يلي إزا التنين متشاركينها صح ما حيصير مشاكل (يعني الحياة الجنسية بالزواج هي عرض لمشكلة تانية طبعا إزا ما في شي عضوي) قصدي لما بكون قلبه عليها وقلبها عليه وفي صراحة بين الطرفين ومشاركة ووو رح يحس لحاله فيها وهيي رح تحس فيه كمان ومن قلة الذوق أنه يطلب الجنس لوهيي مالها رغبه وهيي نفس الشي مالازم تطلب منو إزا كان ماله رغبة وبرجع بقول ما رح ينبسط إزا أجبرها أو خجلها لتمارس الجنس معه وهيي ما بدها وهي نفس الشي أزا أصرت عالرجل ممكن تثيره وتحصل عالعلاقة بس بضل في شي ناقص عفوا إزا حكيت كتير بس يلي بدي قوله أنو مو من مصلحة حدا يجبر حدا _ولو حتى بالنق والتخجيل_ لأنو لو بفرغ شحناتو رح يفرغ معون شي من روحه ومن سعادته ورضاه |
اقتباس:
2- طبعاً لأ . للزوجة كما للزوج تماماً ولما كان الجنس امر اساسي بالعلاقة الزوجية لازم يخصع لرضا ورغبة الطرفين . 3- هلق ردة الفعل لازم تأتي من القانون . القانون الي بيحتاج لنسف واعادة بناء بالاستعانة بأكبر الحقوقيين وتجارب دول العالم كلها في هالمجال . 4- الي بيعمل هيك لازم ينظر اله بانه مخالف للقانون . 5- لازم نبدى بترباية جيل كامل على عادات جديدة . وافكار جديدة . اعادة هيكلة بمؤسساتنا المريضة . من المناهج للمدارس للحركات والنشاطات والتجمعات والتلفزيون والندوات . توعية شاملة نحنا بحاجتها تزامناً مع الاصلاح القانوني المرجو لازالة هذه القوانين المهينة بحق دولة مثل سوريا . تقبل تحيتي على موضوعك الرائع .. صاير شغلة كبيرة ابو الزوز :p :D |
اقتباس:
اقتباس:
|
اقتباس:
يعني انو ازا الاغتصاب لحدا بس مو مرتو |
اقتباس:
يعني طلعنا بلوشي كالعاده :cry: طيب ابو اللول ليش يعني ما بيتعاقب الزوج يلي بساوي هيك بمرتو لا تقلي لانها حلالو !! |
أنا مع انو يكون في قانون يسمح للمرأة المتزوجة بهيك حالة وخاصة اذا تكررت كتير ترفع دعوى طلاق عالزوج لأن الأمر لا يطاق والو أضرار جسدية ونفسية عليها ويكون القانون معها بهالشي..بس انو لازم ترفع دعوى .
طبعا رفع الدعوى من مبدأ آخر الطب. .الكيّ يعني اذا انعدمت بقية الحلول ..ممكن بالمحكمة يكون الحلّ |
هلأ معلش سؤال
ليلي عم يطالب أنو القانون يعاقب الرجل إزا أجبر زوجته على الجنس ..شلون ممكن القاضي يحكم بالقضية؟:? قصدي وين الأدلة أو شو هي الاثباتات يلي ممكن تتقدم وتثبت صدق أو كذب المدعي :pos: مع العلم أنو نحنا هون ما عم نحكي عن الاجبار بالضرب لأن الضرب موضوع تاني ..قصدي الاجبار ممكن يكون بكتير أساليب وبعدين حاجة بقى نظهر المرأة أنو هيي المظلومة وبس بهالموضوع.. أنو ممكن الرجل ما يكون مستعد والزوجة ما تراعيه :lol: |
اقتباس:
ما رح ضيف شي... رايي انت اكتر واحد عارفو... اقتباس:
يا إما بيخونها .. !! ليش صعب جدا انو يحترم رغبتها مثلا؟؟ الحياة الزوجية ازا ما قامت ع الاحترام قبل الحب بينحكم عليها بالفشل، والرجال ازا تحكمت شهواتو بعقلو بيتحول لمجرد شي بيعمل قشعريرة وقرف... يعني كومة زبالة... اقتباس:
بعتقد في حل تالت، تصحيح لمعلومات قاعدتك الفقهية: ازا الرجل كتير كان وضعو صعب ومو شايف قدامو وواصلة معو للسما يعني، وزوجتو رافضتو بهديك اللحظة، بدل ما يغتصبها، وبدل ما يخونها، وإزا كانت ايدو مش مقطوعة، فيو يستغل نعمتها ويمارس العادة السرية... وهيك لا بيغتصبها وبيسببلها اذى نفسي... ولا بينقلها امراض... ولا بيجبلها ولاد غير شرعيين... على فكرة سكوت الناس كلهن من ذهب، الا انت سكوتك من الماس... |
اقتباس:
يعني اولاً لازم يكون في مجالس استشارية مختصة بالمشاكل الزوجية . تحت تأثير ورقابة ورعاية القانون يتم ايداع المبلغ عنهم بهيك قضايا . اكيد ما رح يقصو راسو بس للتأكد من ميولو ومن طبيعة هالاجبار . القضية مو سهلة يعني لازم يترافق موقف الدولة قانونياً مع رغبتها الفعلية بالقضاء على هالظواهر عن طريق التوعية الفعالة بكل الاساليب . |
بعد اذن الشباب والصبايا
هي الموضوع كتير خاص ولا يمكن الاثبات فيه بس اكيد الاكراه في اي شي كتير بشع بس عندي سؤال : فيه ناس قالت انو الشرع حلل للزوج الممارسة الجنسية مع الزوجة وهي لا خلاف عليها بس انو حللو يجبرها!!!!!!!! هي وين نزلت؟؟؟؟؟؟؟؟؟ وهالحكي مذكور في ردود سابقة يعني مو من عندي اذا كان لا اكراه في الدين فكيف بدو يكون اكراه في الجنس؟؟؟؟؟؟ من قال انو الدين هيك بيقول؟؟؟؟؟؟؟ ويا اخواني صدقوني القرآن ما فيه هيك شي اذا حدا لاقى بيكون فهمو للقرآن قاصر واذا مذكور شي من هالقبيل بالحديث بيكون الراوي كذاب ويلي قال انو هالحديث صحيح بيكون اكذب من الراوي ويلي بيصدق هيك حديث عن الرسول بيكون ما فيه عقل((دابة)) واذا كان هالشي اجتهاد فقهي بيكون اجتهاد من شي ابن حرام ويلي بيأمن بهالاجتهاد بيكون شيطان ويلي بيخالفني بالرأي يناقشني يا بيقنعني (( وما بظن اقتنع)) او بقنعوا وبقنع ابوه معو |
هلق خي ابو وليم
ولو سؤال بعيدا عن الاغتصاب قليلا شو حكم القاضي : اذا قامت الزوجة بعمل الجنسي اليدوي و بالاجبار للزوجة و السبب ان الزوج يعاني من ضعف جنسي و قد اثبت الطب ان الزوجة قادرة على تقوية زوجها جنسيا اذا لعبت و اكلت و ابتلعت طيب افرووض انو بعد هالعلاج رفعت دعوى هل تندرج تحت بند الاغتصاب ام الاغتصاب الجنسي؟؟؟ علما انو شرعا محلل هالتصرف :jakoush: |
اقتباس:
نحنا عما نحكي عن حالة معينه وهي لما تكون المرا تعبانه او مدايقه ويغصبها ع شي معين اما شيت الادله فهي ما بعرف فيها :? |
اغتصاب الزوجة ...
يا أهلين هلق بنهاية الموضوع : لسى مابلشنا انت شو رئيك بهالشي ؟ متل ماحكيت مابزيد هاد بيرجع للتربيه او طريقة تفكير الرجل و هل هادا حق للزوج و على الزوجة الإطاعة بالعمياني ؟ الاطاعه بالاكراه تلغي الحقوق وبتصير تنفيذ اوامر انت ممكن تعمل هيك بزوجتك ؟ ليك انو حسب السكره وين العدل بقانون مع التمييز الذي يمنح طرف حقوقاً بممارسة العنف تجاه طرف آخر؟شو الحل ؟ الحل بالوعي من الطرفين وبس يا اما لازم تدخل الامم المتحده بالنص |
اقتباس:
يعني خلي عندك ذرة ديمقراطية وموضوعية وخلي البنت تعبر عن رأيها متل ماحضرتك عبرتي عن رأيك تتوقف حريتك عندما تبدأ حرية الآخرين بدك تسكتيها او الاصح تخرسيها على اي مبدأ من مبادئك يعني منهجية آرائك بتعتبريها حرية؟؟!! و انتهى كرمال ما ننزع الموضوع لأبو وليم |
اقتباس:
بعتقد هالكلام صعب شوي عأرض الواقع مشان هيك بعتقد الشغلة لازم تنبع من الشخص لحاله عن طريق التربية من الصغر وكمان التوعية الدائمة :larg: |
اقتباس:
انّو اوك . .مافي دليل مادي او ملموس بس انّو شو الحل برأيك؟ يعني اذا القانون ما التفت لهلمسألة منقول القانون مقصّر ونضع اللوم عليه واذا انوضع القانون منقول ما في دليل.. يعني شو الحل برأيك خاصة اذا هالأمر عم يسبب فعلا أذية للمرأة..نفسية بالدرجة الأولى ويمكن جسدية كمان؟ تموت بهمّا المخلوقة يعني؟؟ |
اقتباس:
|
يا ماما وين بصيص الأمل لما بتلاقي لهلا بنات بيحطو الحق عالمرأة بهيك قضايا وبيشدو مع الرجل :lol:
القصة بكل بساطة قانون بيحمي المرأة + تنمية وعي جنسي الوعي بأن المرأة مش كائن لتلبية المتطلبات الجنسية وليقوم الفعل عليها فقط وإنما هي شريك بهالعملية :D |
اقتباس:
والقانون برأيي ما دخلو بهالموضوع ..الوعي ثم الوعي ثم الوعي المحكمة ما بتقدر تحكم بشي دون أدلة وقرائن والأدله بهالأمور غير موجودة كمان القانون شو ممكن يحكم عالزوج؟ :shock: برأيي الزوجة ممكن تطلب الانفصال إزا زوجها عم يحرمها من المتعة ونفسيتها عم تتأذى أما ما منقدر نحكم عالرجل بالسجن 15 سنة لأن أجبر زوجته على الجنس ومافي دليل :o |
اقتباس:
وديمقراطية وحرية وتعبير عن الرأي مرفوضين وجدا كمان لما بيكون الحي عن تشريع وتحليل إرغام وإغصاب وإغتصاب حدا على أساس قواعد فقهية وفتاوي دينية... وبالأخير، أنا ما قلتلها إنخرسي... أنا اولاً: اعطيت رأيي بكلامها... وتانياً: مدحت سكوتها... |
اقتباس:
وين فيه بالدين والشرع هيك حكي دليني عليه يرحم بييك ان كنو ميت او عايش يا جماعة كبرو عقلكون الدين ما فيه هيك شي ورحمة بيي |
اقتباس:
لاتحلف اخي لاتحلف مومشكلة الشرق الاوسط اذا ماحدا صدق في ناس حياتها نافذة واحدة وفي ناس حياتهم عدة نوافذ هلىء هي مشكلتنا وصاروا 625 شهيد بغزة 215 طفل ...!!! |
اقتباس:
|
| الساعة بإيدك هلق يا سيدي 13:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
مع العلم أنو نحنا هون ما عم نحكي عن الاجبار بالضرب لأن الضرب موضوع تاني ..قصدي الاجبار ممكن يكون بكتير أساليب