|
المسبات و البنات
هلق سؤال فني تقني اول شي ما بدنا حدا من الصبايا يزعل منا هلق يعني ليش مسموح تسب تلعن وتشتم و معليش بس ممنوع تحكي و لا كلمة اذا كان في بالشلة صبية او حتى بالشلة المجاورة معليش يعني هديك المرا صار فصل خلاني عصب و توصل لعند الله و فقعت تلي كم مسبة على هالشخص :oops: و اذا انو في صبية هلق هية مو انو رفقة معها بس معرفة كانت قريبة علينا شوي بقا سمعت هالكم مسبة قام شلون بدي قول يعني صار لخبطة هون المهم هلق انتو يا صبايا ما بتسبوا يعني ؟ (( مع انو مرا سمعت مسبات من وحدة :jakoush:)) و ليش ممنوع المسبات قدام البنات |
طيب يا ابو وليام انا رح اسألك سؤال وحسب جوابك بجاوبك
انت اذا كنت بالبيت ومعصب وعم بتعيط وفاتت اختك عالغرفة ... بتكمل مسبات وعياط ولا بتوقف وبتخجل ؟ لنا عودة تحية |
والله يا صديقي أبو ويليم هالحكي بس بالوطن ومن على شاكلته...
الله وكيلك هون البنت بتسب أكتر مالشب بألف مرّة، وأكتر كلمة إيطاليّة مستعملة أو عفواً دارجة بين الجميع هي... (ما بين رجليك)!!! |
ع اساس نوع من احترام وجود البنت ... ما بسبوا قداما ..
مع انو كتير من الاحيان بكون الموضوع بيستدعي المسبات وبتطلع الشغلي عاديي ... بس بترجع كمان حسب البنت وحسب الموقف وحسب كتير اشيا ... شو جاب ع بالك انت ما بعرف :frown: |
لان البنت بنت ..... و الولد ولد
والبنت ما تتعامل بنفس طريقة الشباب ....... يا ريت كنت مبارح و شفت شرحي لهذا الموضوع ........ غدا احكي لك بالتفاصيل المملة :lol: |
ابو وليام . كتير بتصير معي . بس انو طبيعة البنت في عندها خجل و ( ترفع عن اللغة الشوارعية ) يعني مظاهر مظاهر :cry: هالشغلة بتعملي عقدة نفسية لانو في مواقف بيكون لازم تسب فيها لترتاح بس بيمنعك وجود الجنس اللطيف فبتختنق |
لك مبلا نحنا منسب .. ما نحنا كمان بني ادمات :sly:
بس نحنا كمان ما منسب قدامكون منسب بين بعضنا وانتو كمان لازم تعملو هيك سبو بين بعضكون :? |
اقتباس:
حسب البنت:p اقتباس:
كمان البنات .. ما بيسبوا قدام الشباب .. بس بيسبّوا .. سمعو منّي .. بيسبّوا ومنرجع منقول .. الشغلة مانا معممة .. في حالات كتير فينو الواحد يسب بنت .. والوحدة تسب شب:lol: |
هلا مافي واحد مابيسب وكزاب اللي بيقلك غير هيك.. هلا بتجي انو حسب الموقف اللي محطوط فيه... وحسب علاقتك انت بهالبنت..او علاقة هالشلة بهالبنت او شلة البنات.. فانو يعني ازا بدي وافقك ع حكيك بدي قلك وفقا للاسس الاجتماعية للمجتمع والبيئة المحطوطين فيها بموقف معين |
ما بحب شغلة البين بعضنا وبين بعضكن ...:pos:
|
اقتباس:
|
تفكير البنت تحب بالمجمل تحكي بالسر .......
و لذلك ما تحب طريقة تعامل الجنس الخشن مع الامور ... |
بتعرفو ليه ممنوع تسبو قدامنا او مابيصير تسبو قدامنا
لأن الشب بيحب انو يبين بأحلى صوره قدام الجنس اللطيف ودائما بيحب يهذب الفاضو ع اساس انو مافي أئدب ولا احسن من هيك وكمان لأن البنت عندا خجل اكتر بكتير من الشب |
اقتباس:
كل يلي بيعرفوني بيعرفوا انو ابو وليام ساعتها يمنع الاقتراب و التصوير خطر التفشيش لأنو |
غريب:shock:
انا بعرف بنات حرّيفين بالمسبة.. يعني........بيضربوا عالوتر الحسّاس يا ابو ويليام :sick: |
اقتباس:
|
امممممممم
والله قصة انو الشباب ليش ما بيسبو حتى يطلعو قدام البنات جنتل مانيه هلاء كلنا منعرف انو البنات بيسبو كمان بس انا ضد هالشي لانو انو شي بياخود على لسانها المسبات وهيه الي رح تصير ام وازا سبت هيك قدام بناتها او ولادها فا بيتعلمو منها ورح يطلعو ونعم التربيه يعني بعرف وحدة بتسب رفيقتها قدامنا وكلمات صبيانيه انو عنجد بتنزل من عيني يعني يستعملو كلمات غليظة مجنونة هبولة قطة فاره هلاء ماشرط تسب مسبارت لتبين انك متدايق وو الخ انا عم احكي علبنات اما الشباب فا يسطفلو هههههههه هنن هيك |
اقتباس:
لهدّرجة. . ؟:sick: بلالك هالرفقة ولووووو |
انا عندي رفيقتي..هلا متعلمة المسبات من جديد..
فبتقول سرسوور...و ياابن العوعو و جحيحش... قولكن هالنوع من المسبات مسموح؟؟ :confo: |
اقتباس:
اقتباس:
شايفين انو البنات بيسبو كتير :shock:.. قلتلكون انا:larg: بس انتي وياها .. عيب عند هالمسا .. |
والله هي جحيش مسبة كبيرة
جحيش اخت هالحالة |
اقتباس:
مسموح .. عليكي الأمان قصدي ع رفيقتك:larg: |
حبيب والله بسبوا على قدنا عشرين مرة
مرة يا ابو شريك مسكت موبايل رفيقتي بالجامعة وفتحت عالرسايل طبعا بعد ممانعة منها شو مسجات يا ابو شريك قسما بالله انا ما لي سمعان فيها شي من تحتو للزنار بزمن بس شو بدك تعمل كلها عادات شرقية بالية مع ان انا ما بسب لما بكون مع بنات وما بعرف ليش معتبرها انها حركة جنتل كتير بس يمكن على اساس ما بتعامل اهلك يعني هي على العادة ما اكتر شو بعرفني بس بيني وبينك انا احيانا بزل لساني بس ما بحسها شغلة كبيرة خلص بتعدي شو بعرفني انت كمان من خطرلك هالموضوع خليتني فكر فيه بكرا بدي سب شي كم مسبة لشوف شو رح يصير :p |
اقتباس:
بس ازا مسبات محترمه (يعني اسماء بعض الحيوانات الاليفه ) معلش احنا ما عنا مشكلة |
انا بلاقيها نسبيه
يعني بتعتمد على شو علاقتك بالبنت وشو درجه المعرفه والبنات بسبو متلنا واكتر , بس بضل بمجتمعنا الشرقي انو عيب تسب ناحهون |
اي والله زكرني ببنت كانت معي بالتاسع كانت تسلخ كل مسبة يا لطيف
مرة قالتلي تلحس ط...ي و بصوت عالي بالصف و الكل سمعها و كمان مرة قالتلي ك.. امك بس انا كمان ما قصرت فيها :lol: |
لك إبن الله بسماواته شو خطر ببالك هالموضوع؟؟
على كل نشكر اللغة على وجود مصطلح متل "الله" انا ما بتعامل غير بالمسبة فيه " بعرف في ناس ح تتحسس وتقلك مراجل ومدري شو بس انا حر " بالنهاية وجود هيك مصطلح خلاني اتعامل بمسبة فيني احكيها قدام الشباب والبنات ...ما بحتاج غيرا... :lol::lol::lol::lol::lol::lol::lol::lol::lol::lol: :lol::lol::lol::lol::lol: تحياتي الحارة ظل جيفارا |
حسب المسبات يعني... انا اكبر كلمه ممكن احكيها جحش ."بحالات العصبيه الفائقه ممكن اني سب ع الرب بس ما كتير يعني "... وبعتبر حالي كتير كبرت بالحكي .. وما دايما بطاوعني قلبي يعني... بس بالمجمل انا بكره المسبات الشوارعيه وبنزعج لما بسمعها ...
|
اقتباس:
ما بعرف انا كمان بيقعد حدي رفيقي شب اكييد يعني انا بس بنت بوسط شباب ف ما بيقدرو يسبو قدامي يعني بس رفيقي لمن يكون زعلان بقلو عادي عادي فيك تحكي اللي بدك ياه وانا بسب اي عادي لا بيهمني لا شب ولا صبيي وقت كون منرفزة بسب عادي بس ازا شب بحترمو او بيكون عاجبني اكييد ما بسب قدامو مشان ما يفكروني vulgaire :p |
اقتباس:
?ma dove abiti tu ?sei a Roma |
ما تعودنا على هل الأشيا كتير مسبات و كفريات وعلى مستوى يعني عادية صارت سبي على كيفك ولا يهمك بس لا تبلشي فيي :p:p ئصدي رفيئتك |
أنا عن حالي لساني زفر كتير ومية قنينة فيري مابتنضفوا :p هلأ الشغلة نسبية . إذا كانت رفيقتي تمام فأنا بحكي قدامها عادي كأنها شب . وبطبيعتي طوال الوقت عم سب . وإذا كنت يادوب بعرفها فأكيد بحفظ لساني عن المسبات مشان العيب والبريستيج . القصة وين . لما بدها تصير رفيقتك تمام وتجي تقلك لا تحكي هيك قدامي ساعتها بتاكلها مسبة ماكنة وبقلها أنا هيك نوري . ولبقى تحكي معي :x وفي بنات بـأخوية هون بتشهد :lol: بس في الي ملاحظة . في شباب بس يعصبو ويكون في قدامهم بنات بيكفروا . قال لأنو عيب . في بنات :? |
يعني أنا لحتى كون صريحة هه وقت بعصّب ماحدا يقرب لسما ربي
يعني بسب ومابحب حدا يهدّيني بس انو مسبات من مسبات خااااي |
انا لما بعصب ما فيني لازم فش خلقي وسب ...هو صحي بحاول اتحكم بس بنفجر اذا ما سبيت
والمسبات بتكون حسب الموقف وحسب الشخص الي قدامي .... بس عن جد الواحد لما بسب وبخلص بحس...مدري كيف بيرتااااااااااااااااااااا اح طلع هل الطاقه الي عندو يعني :p |
اقتباس:
لانو كشب ومأدب ما بصير تسب قدام الجنس اللطيف اللي لازم تكون قدامو طالع جنتل مان ..:gem: |
بنسب بنسب..ولو؟مين قال انو مابنسب:pos:....بس مو متل مسباتكم:oops:
|
كل القصة انو الشب بيكون حاطط عينو عهالبنت يلي عم يستحي او يخجل يسب قدامها ... يعني مشان يبين قدامها انو مأدب ومهذب ....(طبعا وهو العكس الصحيح)...
ومشان انو البنات ما بيسبو ... بيسبو ... بس عمستويات .. يعي في صبايا حدهم يسبو باسماء الحيوانات وفي صبايا بيدلعو الناس باسماء الحيوانات بس ما بيتعدو حدودهم (يعني ما بيصل السب لعند الرب ولا الاب ولا الام) وفي صبايا يااااااااا لطيييييييف علساااانهم لك الرب ما بيسلم منهم وانت عهالفكرة كيف خطرتلك ..:p:D |
معليم بيسبو ونص و5 كمان ..
اي ولي عليهم بسبو متلنا متلك .. بس طبعا مع اختلاف الاداور بالمسبات .. " وفهمك كفاية " .. :p بس انو اي .. قدام البنات عيب وهنن قدام الشباب عيب منشان ما حدا يفكر انو التاني ياي .. قليل ادب .. وهوكزا ما اكتر .. ولكن معليم في مسبات برياحة .. وياما .. ياما .. سمعانين .. بس انو عنجد عنجد بدا هاموش قد الدنيا .. في رد بين الردود .. انو هيك .. ياي صوفاج مدري شوفاج .. هيهي .. كيلو بزر يعنوي .. اقتباس:
|
اقتباس:
فهمت الاولانية اني باي بلد عايشة بس التانية شو دخل الستة بروما يعني sei بتعني 6 per ora mi trovo nel mio paese natale |
بنت الحرام أم رانيا جارتنا من وقت ماوعيت عالدنيا مسبات من تحت و فوق ويمين شمال الزنار..
من بكرة الصبح بتبلش يا رااااااااانيااااااا يا ق*تووووووووت وينك يابنت الش*توووووت ياراااااااامي لك ك**** أمك على ام ابوك يخرب ديارها شقد كانت سليطة:pos: |
| الساعة بإيدك هلق يا سيدي 16:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
