أيهما أقوي في الألم لحظة الفراق أم الحنين بعد الفراق؟؟؟
 

والله بدك تحضري مسلسل لحظة وداع .......:p
بدي قلك شغلة مو ضروري لان احيانا الضحك بيكون مؤلم .........شي مرة جربتي تضحكي من قلبك وانتي عم تضحكي حسيتي بالم بشع .........

انا معك انو الفراق لحظه اما الحنين فهوي اكبر من انو يكون لحظه

لحظة الفراق اصعب يمكن لانها بتكون مصيريه

اما الحنين يمكن يكون صعب او حلو على حسب الذكرى 0

كلو بهون,,,فراق والا حنين,,,,

الصعب انك تحتاج الشخص يللي كان حبيبك وما زال حبيبك وما تقدر تحكيلو مشتقلك ما تقدر تحكيلو بحبك ما تقدر ترتمي على صدرو حتى باحلامك

بتهووووووون يا ستي

انا برأيي ومن تجربتي
الحنين بعد الفراق مؤلم كتيييييييييير

متل ماقالو الاعضاء لحظة الفراق بتكون بس لحظة بس الحنين بعد الفراق رح يكون طوييييييييييييييييييييييي ييييييل
وصعب كتييييييير

كللو بيوجع وبألم.... لهيك ما بتفرق معي

مع انو بعاني من هالمشكلة كل سنة والله يقدرنا عا الخلاص منها

لحظة الفراق أصعب !!
قرار الفراق بحد ذاتو كتير مؤلم واتخاذو أحياناً بيكون متل واحد جايي يزت حالو من قمة شي جبل
الحنين بينتج عن الوحدة والواحد بتبدى معو أحلام اليقظة والذكريات وال.... وال..... بس بعدين بيجوز يلاقي حب جديد وينسى ما مضى

باي:D

اما انا برايي انو الحنين اصعب
لانو قرار الفراق ممكن تتخذو بلحظة غضب او عصبية والجرح ما بيكون مؤلم بلحظتها
بس بعد الفراق بتبلش الذكريات ووو الخ
والاشتياق والحنين يعني الواحد بيصحى من ثورة الغضب الي كان فيها

والله يعين كل مفارق

نورتو
ومشكورين على ردودكون

الاتنين أصعب من بعض...

بس اللحظة كم هائل من العواطف بزمن قصير لهيك أصعب ..

فعلا أريح خيييييييييييييييي

بس بتخيل لحظة الحنين اصعب بكتييييييييييير

بس كله بيمضى والوقت بحل اصعب المشاكل

برأيي انو لحظة الحنين بعد الفراق أبشع الشي....لسبب بسيط..انو بعد الفراق وقت منحتاج الشخص صعب نلاقيه أو نرجعو لأنو بكون مضى زمن عل موضوع واندفنت كتير شغلات وذكريات وأحداث بعد الفراق...بينما لحظة الفراق لسا الصدمة بتكون ما أخدت مفعولا..والألم ببدايتو ..وما بينحس فيو إلا بعد فترة...

الفراق هوي اصعب شي لانو بيجي مرات مدروس و مرات بدون ايا انذار لذلك التوقف المفاجيء عن حب حدا او النسيان بيكون صعب كتير من الحنين لانو الحنين ما فيو اي تعب لانو ببساطة بتقدر بايا لحظة انت بدك ياها تسترجع اللحظات ال كنت عايشا او حتى ازا تزكرت فيك تتجاهلا و كل واحد ع حسب ارادتو ...

كلامك كتير حلو..بس بلا معلمية عليكي انتي عبتقولي انو الحنين مافيو أي تعب..طيب كيف مافيو أي تعب ووقت الواحد بيحن لشي وبشتاقلو وهو مابكون جمبو؟؟ وبتذكر وقت كان جمبو كيف كان بأحلى أيامو وأحلى ذكرياتو؟
وكمان عبتقولي انو الواحد وقت بيحن بقدر يتجاهل اللحظات..طيب كيف بدو يتجاهل مادام هو بالأصل عبيحن إلا مشان يتذكرا للحظات...؟! طبعا أكيد قلتلك الفراق هو صدمة بس ما منحس فيا بنفس اللحظة..منحس فيا وقت بيوم من الأيام منكون بحاجة حدا جمبنا ومندور ما منلاقيه...
وقت بتسكر الدنيا بوشنا وما منلاقي حدا نحكيلو أو نشكيلو..بالوقت اللي كان معنا نفس الشخص قبل الفراق دائما واقف جمبنا بأي محنة...

بدي فهمك شي ابو الصاف هلق منفرض مثلا انو انا حبيت واحد و بنص الطريق تفركشت علاقتنا و اساءلي و اسئتلو انا ما فيي انسى هالاساءة رغم الحب اللي كان زمان و بعد مدة من النسيان و محاولتي اني كمل حياتي اجت لحظة و حنيت فيا هون عقلي دغري بيتدخل و بيقول ستوب و بس تصير هالستوب ما رح انوجع وقتا لانو اولريدي نوجعت و خلصت و ما بقي ايا شعور بيخليني اندم مثلا او اتراجع او هيك شي فهمت عليي ؟؟؟

انو في فرق بين الحنين و لساتك بتحب و بين الحنين و بطلت تحب ...زبدة الكلام

كمان شي مرات الحنين بيجي غير ارادي مثلا بالصدفة قررت رفيقتي تقابلني بالجنينة اللي كنت التقي فيا حبيبي السابق و هون انا ما كنت حاطة ببالي اني رح حن بس حنيت بس دغري رح انسى لانو بهديك الحديقة اكتشفت انو عم بيخونني ...
تعبت ...شو ؟؟

الالم في لحظة الفراق هو الشعور بحالة من الياس اذا كان الموضوع عشق وغرام ....وممكن يكون ضعف اذا كان موضوع بيخص اهل او قريب حميم.........اما بموضوع وجود فترة زمنية بعد الفراق فاذا كان العاشق ملسوع من حبيبو رح يحمد الله انو خلصوا من هيك حب ...اما اذا كان الحبيب تارك ذكرى حلوة رح يكون مافي الم وانما رح يعيش على ذكريات الماضي الحلو.....اما اذا كان موضوع الحنين هو الاهل او اصدقاء فبظن رؤح يكون الم على فراق الاحبةوهدا رايي

اي إذا هيك تمام هون اتفقنا...انو اذا كان المقصود الحنين بدون حب إي أكيد مالو أي تأثير..بس إذا كان في لسا حب هون المشكلة...بس بشكل عام وقت الواحد بكون متألم من شخص أكيد مارح يحنلو أو يفكر فيو..وأنا عمبفترض انو اللي عبيحن لساتو بيحي هداك الشخص..
عكلن فرصة سعيدة وانا عفكرة اليوم اشتركت بالمنتدى ولفتني هل موضوع بقا بتشكرك على تفاعلك ...وانشالله منعمل مواضيع مميزة بالمنتدى

ابو الصاف عنجد اسعدني انضمامك النا
ونورت موضوعي انت وراديا
وبافي الاعضاء

وانا كمان عنجد بتشكرك علطفك وكلك ذوق...وخلص كل موضوع بتعمليه رح أنورلك ياه تكرم عينك:D يعني معقول حلبي وما أوقف مع الحلبية...:p

لك ع راسي بنوتة و اي شي تطورات بالموضوع نحنا هون

الحنين بعد الفراق طبعا :cry:

بووووي الحنين بعد الفراق مع الحب اكدلي هي الفكرة

من الصالون

الحالتين أصعب من بعض...
لكن الحنين بعد الفراق أصعب بكتيييير

مالقيت اقوى من هالكلمات
والله كأنك بقلبي يا ربيع

:D
على راسي الحلبية كلووووون
نورت والي الشرف تنور مواضيعي:D