|
عندما يقول الرجل للمرأة احبك هل يقصد ما يقول
ان اسلوب الزميل تايغر جميل بفتح باب الحوار بسؤال مهم ودعوني استعير منه ذلك.ونطرح الأسئلة التالية:
- عندما يقول الرجل للمراة أحبك ,هل يقصد تماما ما يقول ام مجرد كلام؟ - هل يتجاوز الحب من حالة اللسان الى حالة الشعور والاحساس؟ - ولماذا يكرر الكلمة ويقسم على حبها ؟ ( بحبك بحبك والله بحبك ..صدقيني بحبك) - هل لأنه يشك هو نفسه بما يقول؟ - وهل التعبير عن الحب هو بالكلام الشفهي فقط؟ - ماذا لو جربنا ان نحب بصمت ؟ هل ننجح؟ - أو نفشل لأن المرأة تحب من أذنها كما يقال؟ |
أو نفشل لأن المرأة تحب من أذنها كما يقال؟
يقال الكثير يا صديق والمرأة روح لا لاقط صوت |
ابا بعتقد انو المرآة تحب باذنها ولازم الشب يسمعها هالكلمة وإلا................. بظن انو مو كل الاحيان بتكون هالكلمة طالعة من قلبو ولكن احيانا اخرى يقولها بصدق |
اي يقصد ليش مو يقصد يعني؟؟:larg:
|
بل ويقصد اكثر
|
التعبير مو بس بالكلام مع أنو أكييييد كلمة بحبك كتير ضروري يحكيها :oops:
أما يقصد ولا ما يقصد فهادا الشي حسب الشب وصدقه والبنت كمان بتحس ازا كان صادق ولا لأ :larg: |
اقتباس:
|
اقتباس:
|
اقتباس:
:shock::shock::?:?:? |
اقتباس:
اقتباس:
وحتى لو كانت البنت عارفة انو الكلمة كذب مع هيك تحب تسمعها |
اقتباس:
كل الاحصاءات تؤكد كلامي :larg: |
بهالمناسبة اتذكرت رائعة ميادة بسيليس .... كذبك حلووووو
|
اقتباس:
يعني حتى لو كانت البنت تكره الشب مش رح تكره كلمة بحبك وحتى تتمنى تسمعها و اذا انت مش هيك هيدا شي تاني ممكن سؤال ؟ انت تكرهي تسمعي هالكلمة من شب انت ما تحبيه؟ |
اقتباس:
بس المهم انها تسمعها من الشخص المطلوب او اللي ببالها وللأسف مو دايما بتزبط |
من الصالون :D
|
لا أستطيع أن اقول لك :
" أحبك "...... لكني أستطيع كتابة الكلمة بشفتي فوق جبينك ،بصمت و أنت نائم..... لتلتقطها أصابع أحلامك!...... الرائعة غادة السمان |
اقتباس:
و يا ستي ان شا الله تزبط معك |
اقتباس:
لو كنت بعزه كصديق بصير بدي أخسره للأبد لأن بعد ما يقلي مافيني كمل عادي وهيك بخسره :cry: وأزا حدا ما بيعنيلي كمان ما بحب يقلي بحبك لأن ما بحب هالمواقف وما بحب أجرح حدا بس أكيد إزا بحبه بيختلف الكلام كله :sosweet: :D |
اقتباس:
يستعرضني قول احمد ذكي بمسرحية مدرسة المشاغبين ..... انا بحب اميييييييي واخواتي :lol: |
اقتباس:
ليش ؟ لأنه : يقول لها بحبك بالليل وثاني يوم بيتغزل بزميلته بالشغل وثالث يوم يقول لها اموت فيك وما في عيش بدونك ورابع يوم بيروح مشوار مع ( صاحبته) ........ وهلمجرا الى آخر أن يضبط متلبسا وبيرجع يعتذر ويقول بحبك بربك هذا عارف شو عم يحكي؟ |
اقتباس:
بالنسبة للسؤال الاول الرجال انواع وطباع يعني مش الكل بيقول بحبك وبيكون قاصدها ومش الكل بيقدر يقول هالكلمة بدون ما يكون قاصدها في رجال بيبقو كتير يحبو بدون مايقولو للبنت بحبك وفي شباب من اول يوم بيشوف البنت بيقلا بحبك لان يبدو انو صارت كلمة بحبك اسهل كلمة تقال من اللسان بهي الايام مع انها المفروض يكون الها حضورها بالوقت المناسب ولازم تكون طالعة من القلب مش من اللسان الحب عمرو ما كان باللسان هيدا ما اسمو حب لما بيحكي الحب فهو دائما تعبير عن مشاعر واحاسيس جواتنا بنكون بنحس فيها والحكي عنها مجرد تحصيل حاصل او زيادة بالتوضيح هلأ ليش بيكرر الكلمة وبيقسم فكمان الاجابة متل اول سؤال في شباب ممكن تكون بتحب البنت والبنت مش كتير مقتنعة فيكمن بيلاقي انو التاكيد على الكلمة ممكن تجيب نتيجة وفي شباب امتهنو الكذب وبيصير الحلفان عندون اسهل طريقة للوصل الى المبتغى طبعا التعبير عن الحب ما بيكون بالكلام الشفهي بس انما بالموقف يعني مش يقول الرجل للمراة بحبك وبموت فيكي وبعد شوي تلاقيه مع وحدة تانية يلي بيحب بيكون مع حبيبتو بكل لحظة وثانية ولما الحبيبة بتحتاجو بتلاقيه لو كان بعيد عنها جسديا ولما بدها تفرح بتلاقيه معها ولما بتحزن بتلاقيه عم يمسح دمعاتها الحب بصمت بيعذب بيعذب كتير ..... انا مابعرف مدى صحة انو المراة تحب باذنها بس بكتير من الاوقات المراة تحتاج الى الاحساس الشفهي بالحب يعني المراة لما بتشوف انو حبيبها عم يحبها بصمت فممكن الافكار تاخدها وتجيبها بيحبني او لا طيب ليش ما بيحكي معقول بطل يحبني كلو بدو يعني الحب حتى يوصل صح لازم يكون كل متكامل من الاحاسيس والمشاعر والكلام والافعال والصمت..... |
اقتباس:
خلف كل سؤال هناك إجابة مسبقة .يكون السؤال مناسبة لمقاربة أجوبة الآخرين لها. وانت أجبت تماما حسب ما كنت أعتقده: أن المبالغة بخطاب الحب الشفهي غالبا ما يفقده المصداقيةوخاصة إذا كان مكررا نستعيره ممن قاله الآخرون .ولا نكلف انفسنا أن نترك بصمة لحروفنا ,لأناملنا , لورودنا تستمد بريقها من أرواحنا. ......................... وشكرا لمرورك المديد |
كلمة بحبك ما بتجي من فراغ
وهذا على حسب اللي عم يحكيها أنا لما بحكيها بقصدها وبقصدها بقوة ولما يكرر الكلمة أكتر من مرة هذا ما لأنه مانه متأكد من حكيه بس حتى يأكدلها أكتر لأن البنت بتحب تسمع هالكلام وترى الموضوع متل ما قلتلك بالآخر بيرجع للشب اللي قال هالكلمة تسلم على هالموضوع |
ليش ما اي .. !!
|
اقتباس:
طالع خطّك متل خط الرفيقة نور .. في شبه .. باينتك عم تتحولي تحانينا الحارة:Dمع الزيت المغلي |
اقتباس:
وشو دخل هالمشاركة بالموضوع:jakoush::jakoush::jakoush: |
- عندما يقول الرجل للمراة أحبك ,هل يقصد تماما ما يقول ام مجرد كلام؟
بخصوص الكلمة.. فهي ابتعتمد على عذرية روح الشخص نفسه ..يعني اذا نفسه بتسمحله انه ينطق هل الكلمة لاي وحده بيقابلها بدون ما يكون هناك مشاعر اتجاهها فهاي ندالة منه والعكس صحيح (وهدا الاشي بيثبت اذا كان مجرد كلام او قاصده) - هل يتجاوز الحب من حالة اللسان الى حالة الشعور ؟ طبيعي اه ولكن الشعور والاحساس هي متل اللغات مو الكل بصراحة بيتقنها (مو معناه بحاجة لدورات لانه لو صادقة فهي بجابته من الاساس )ولكن قد ما حاول يمثل الشخص.. بالاخر الحرارة الي ببلش فيها اذا ما كانت صادقة بتبرد للاسف وبتطلع مو مجرد شعور واحساس صادق ,, لا للاستغلال وقتل للوقت - ولماذا يكرر الكلمة ويقسم على حبها ؟ ( بحبك بحبك والله بحبك ..صدقيني بحبك) عشان بعد فترة هتحلم البنت تسمع وحده منهم .. - هل لأنه يشك هو نفسه بما يقول؟ المسألة مش شك.. بس هو عامل حساب توقيت اللعبه او العلاقة قديش بدها لتنتهي وقديش بدها لتستمر وبناء عليها بيكون تحكمه بكلمة بحبك..!! - وهل التعبير عن الحب هو بالكلام الشفهي فقط؟ - ماذا لو جربنا ان نحب بصمت ؟ هل ننجح؟ - أو نفشل لأن المرأة تحب من أذنها كما يقال؟ مين قال فقط من اذنها .. الصمت بحد ذاته لغه والدليل انه ممكن تقع البنت بحب شب بدون ما يدور بينهم اي حوار ,,,( فهاي مقولة خاطئة) وكمان هناك لغة الجسد هي اصلا بداية اي حوار بين تنين مو بحاجة لحروف وكلمات وبالنهاية لابد من نطق الكلمات الي بدل عالحب حتى اتكون التصريح لقلب المحبة ويا بينقبل او بينخذل:p اذا لم أحترق أنا ! وتحترق أنت ! |
هو بالحقيقة حر متل مابدو بس المهم قال كلمة بحبك:p
|
| الساعة بإيدك هلق يا سيدي 08:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون