|
تقنين الكهرباء في سورية
قال وزير الكهرباء أحمد قصي كيالي إن وزارة الكهرباء لجأت إلى تقنين الكهرباء بسبب "الانخفاض الملحوظ في درجات الحرارة وزيادة الطلب على استجرار الطاقة لأجل التدفئة". وأضاف في تصريح صحفي أن ما ساهم في اللجوء إلى التقنين "تعطل مجموعتي توليد وصعوبة تأمين الكمية الكافية من الغاز الضروري لتشغيل المجموعات والمحطات, إضافة إلى انحباس الأمطار على حساب غزارة ومنسوب السدود". وشهدت مختلف المحافظات في سورية خلال الفترة الماضية ما يشبه التقنين لفترات طويلة تصل إلى أربع أو خمس ساعات يوميا, وهي أزمة تتكرر صيفا عند ارتفاع دراجات الحرارة وشتاء عند انخفاضها. ولم تشهد سورية في هذا الشتاء أي موجة برد حادة ولا تزال درجات الحرارة في حدودها الطبيعية منذ دخول فصل الشتاء. وقال وزير الكهرباء إن "الوزارة تتحرك بكل طاقاتها وإمكاناتها لمواجهة هذه المشكلة على عدة محاور حيث تعكف على استقدام خبراء من اليابان لإصلاح مجموعتي التوليد المعطلتين وتعمل بالتعاون والتنسيق مع وزارة النفط لتأمين احتياجات المجموعات والمحطات من مادة الغاز". وأضاف كيالي أنه "سيتم إعداد برامج وجداول تحدد وتنظم مواعيد ومدد التقنين في كل محافظة على حدة سيتم تعميمها وإعلانها رسمياً خلال يومين", متوقعا أن يستمر نظام تقنين الكهرباء شهرين لحين إيجاد معالجة متكاملة للمشكلة، "إلا أن الوضع قد يتحسن حسب الأحوال الجوية". ودعا الوزير المواطنين إلى ترشيد استهلاك الكهرباء حتى لا تؤدي زيادة الاستهلاك إلى أعطال تتسبب في انقطاع الكهرباء تضاف إلى مدة التقنين. سيريانيوز |
هلأ السؤال الي بيفرض نفسه انو نحنا عنا مشكلة بالكهربا ولا لاء
من فترة قالو انو عنا فائض وبدنا نبعت للبنان مدري للأردن معد اتذكر المهم بدنا نبعت هلأ صار ما عنا كهربا وبدهون يقطعوها تناقض غريب عجيب:shock::shock: |
تقنين الكهربا !.. حبيتك بالصيف .. حبيتك بالشتي !
لك يلعن !!:frown:
لك بالصيف بيقطعوها .. لانو البشر عمتشغل مكيفات وما عم تقدر تتحمل حر الصيف!:sick: وبالشتي كمان بيقطعوها لانو البشر عمتشغل مدافئ وما عم تقدر تتحمل برد الشتي !:? لك المي بيقطعوها من العشرة الصبح والكهربا صارت كل يوم تنقطع ساعتين !... مع العلم انو حضرتي ساكن بمنطقة سياحية وكلها فنادق ومطاعم ..! انو الفنادق والمطاعم بيدبروا حالهن بالمولدات .. بس باقي البيوت انشالله عمرها لا تدفا ولا تشرب مي ... اي يلعن اخت هالعيشة :jakoush: مشكورة على هالخبر يلي بيسم البدن :pos: |
اقتباس:
خيو بالصيف الواحد بيتحمل حالو شوي بالشوب بس البرد مافي كائن بالأرض بيقدر عليه وخصوصي الولاد الصغار |
لك الله يعي هالشعب بس على هيك دولة
سعر برميل النفط انخفض من حوالي ال 200 دولار لتحت ال 50 دولار واسعار المازوت لسا متل ما هي وهلق تقنين كهربا يعني المواطن ما ضل قدامو الا يكسر سحارات الخشب ويتدفا علين دولة فاشلة بكل المعايير |
بدنا نسأل السيد وزير الكهرباء يعني المشكلةمتوقفه على الحالة الجويه علما أن الطقس في هذه الايام بحالة جيده
وممكن يخبرنا من وين منجيب هالغاز لميشي الحال عشان نجيبو نحنا الطلبة ونسمع أن الكرباء السورية تغذي بعض الدول المجاورة مع العلم أنها مفقودة لدينا نحنو السوريين وسؤالي ليش ما بيصير هاشي بالدول التي تكون فيها درجات الحرارة منخفضه في معظم الأحول شكراااااا لهذا الموضوع المهم لكافة الطلاب :D |
اقتباس:
|
اقتباس:
يعني لسا عم يفكرو بالحلول .... و لسا ما بدأوا بتنفيذ أي حل ..؟؟ عالهامش ... يا ريت يصير شوية مساواة بمدة التقنين بين كل المناطق |
اقتباس:
يعني بالصيف بصير تقنين لأنو الناس عم تشغل مكيفات و بالشتي بصير تقنين ... لأنو الناس عم تشغل دفايات دخلكون لشو منحتاج الكهربا لكن ....؟؟ |
اقتباس:
عفكرة بالنسبة لموضوع المساواة بفترة قطع الكهربا بين المناطق أو المحافظات ففي مناطق بالشام ما بينقطع فيها الكهربا بالمرة |
اقتباس:
اي سلملي على مجلس الشعب, لسا هلق لسمحولن يطالبو معناها لبين ما توصل القصة للقيادة الحكيمة بتكون اسعار النفط رجعت طلعت |
اقتباس:
بكل المحافظات ... بتلاقي أحياء فيها مواطنين درجة أولى ....و أحياء درجة عاشرة |
يا جماعة الخير و بما اني احد موظفي وزارة الكهرباء الرشيدة رح خبركن هالخبرية التقنين قبل ما يبلش بالكهربا بلش بحضرتنا نحنا موظفين الوزارة وبما انو زادت السعار وزاد الطلب عالفلوس ومشان ما نهدرها عالملذات الشخصية شاف سيادة الوزير انو من الاحسن للموظف انو يقنن عليه ولغانا تعويض الاضافه وبالنسبة للمجموعتين العطلانين (( في محطة الزارة الحرارية )) بحب خبرو لسيادة الوزير انو بيشتغلو عالفيول وانو اذا دبر الغاز ما بينفعون اصلا المشكلة مو بالغاز لانو العوازل ضمن المولد انفجرو مش لانو نقصون غاز يلي ما بيعرفوه هالمجموعتين المساكين والله يجيرنا من الاعظم |
كهربا للبنان ومياه للاردن مع احترامي للشعبين ونحنا منكفر ومنعيش لينبت النعنع ..........
|
اقتباس:
قبل ما تحكوا بتعويض الإضافة .... ادفعوا فواتيركون موظفين الكهربا بكل سوريا ما بيدفعو فواتير بيدفعو 180ليرة مقطوع عن كل دورة ( شهرين يعني ) و لأنو كهربتون ببلاش .. كل موظف بالكهربا بيصرف قد 20 مواطن عادي |
اقتباس:
|
اقتباس:
وبعدين كيف الأردن بدها تعطي سوريا كهربا إذا قبل شهرين كانوا عم يقولوا انهن بدون يعطوا الأردن كهربا فكيف زبطت معك ما بعرف |
اقتباس:
|
اقتباس:
اقتباس:
|
اقتباس:
أنا مسؤول عن كلامي ....( غير إذا بيخلتف من محافظة لمحافظة .. بس ما بظن ) 180ليرة ما في غيرها |
اقتباس:
|
اقتباس:
بس عنا هيك ...أخي و رفقاتي تنين ..... و جاري ... موظفين بالكهربا حتى بيني و بينك .....عم فكر مد خط من بيت أخي  |
اقتباس:
|
اقتباس:
|
اقتباس:
احنا الكهربا امورها تمام يعني لو بتنقع ساعة كل سنه بنعتبرها معضلة بس بالمي احنا رابع افقر دولة ع العالم وبعدين احنا ليه بنحب الشعب السوري لأنا شاربين من ميتو |
هههههههه
عن جد ضحكتوني شبكن نازلين سلخ بالاردن حرام نحنا والله مناح بعدين نحنا بنحب سوريا واهل سوريا و ع راسي والله سوريا والمي والكهربا تبعها |
اقتباس:
الأردن بتاخد كهربا من مصر وسوريا لهيك ما عندكون مشكلة بالكهربا:D اقتباس:
|
اقتباس:
الله الوكيل يا جماعة مو اقل من 1500 بالدورة يا اخ ماد صحح معلوماتك موظفين الكهربا الهم حسم 50% من الفاتورة بس ضمن الشريحة المخفضة للتسعيرة يعني كل التخفيض عبعضو ما بيطلع 180 ليرة |
اقتباس:
|
اقتباس:
|
اقتباس:
ياترا عم تنقطع الكهربا بالصومال 21 مليون سوري مافيهم خبير عيب اذا في ممنوع يدخل ارض الوطن :? |
اقتباس:
لانو رئيس الخبراء خريج كلية الزراعة ومعاونو خريج معهد صحي ومدير مكتبو موظف حارس بس مدعوم شوي على مبدأ الرجل المناسب في المكان المناسب اما مهندسين الميكانيك يا حسرتي عليهم مشلوحين يراقبو مشروع تطوير الثروة السمكية في دولة زمبابوي لانو هونيك مكانهم المناسب على المبدأ السابق الذكر |
اهم الشي الوزير بردان ولا عم تنقطع عندوا الكهربا
|
اقتباس:
ولا عن الفيلا يلي بيعفور ولا عن الشاليه بطرطوس ولا عن البناية تبعو يلي بسنغافورة ولا حتى عن .......... |
اقتباس:
|
اقتباس:
وقهوتكم مشروبه |
اقتباس:
لو اجت عالتقنين قلنا فيها ومافيها .. المشكلة الكبرى بقيمة الفاتورة .. انا جماعتي طلع عليهم فاتورة 15450 ليرة قبل ماتبدا الشتوية الله يستر قديش بدها تطلع هلق مع العلم أنو مابيستخدموا المكيف الا بالمناسبات والزيارات وحريصين كتير وطلع عليهم هاد المبلغ .. :? |
| الساعة بإيدك هلق يا سيدي 22:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
