|
كلمات مدمرة
"منذ تمتماته الأولى وحتى ألفاظه الأخيرة يتفوه الإنسان بملايين الكلمات (184800000) كلمة كمعدل وسطي خلال سبعين سنة. كلمات عادية، كلمات ذكية، كلمات مرة، كلمات بائسة، كلمات قاسية، كلمات مضحكة، كلمات لاذعة، كلمات قاتلة... كلمة واحدة قد تختصر كل شيء (الانفعال، الألم، المأساة، الشعر، الحب، تجربة الحياة). إنها عالم بأسره، إنها فلسفة متكاملة.
فالكلمات ليست مجرد أصوات تحمل معنى، إنها تحمل أيضا انفعالا يوجّه إلى المستمع كمخرز أو ينساب في أذنيه كإكسير شاف". افتتح هذا الموضوع بوقفة مع هذا القول الجميل لجان ديديه فانسان والذي يحدثنا عن الكلمات، ليس فقط الكلمات الحاملة لمعاني مختلفة وإنما أيضاً والتي تحمل الانفعالات. للأسف العديد من الكلمات والعبارات التي يوجهها الأهل لأولادهم والتي تحمل انفعالات معينة وترافقها تعابير وجه قاسية .... إنها باختصار رسائل مؤذية ولازكات كلامية قاسية يرددها الوالدان بطريقة متحجرة بدون تفكير بإبعادها وذلك لأجل فرض الطاعة على هذا الطفل، فيبتلع الطفل هذه العبارات لتدخل هذه العبارات في تركيب الأنا لديه...وليورثها لاحقاً لابنائه !! غير مدركين أنهم بهذا الشكل يرسخون أسس حوار غير سليمة بينهم وبين ابنائهم ... وللأسف لا يدرك الأهل أن هذه الأقوال والتصرفات قد تكون مدمرة لشخصية ابنائهم أكبادهم التي تمشي على الأرض لي عودة لاحقاً وطبعاً باب المشاركة مفتوح :D |
fi nokta bes rah ehkiha enou ida cheftou loulad yali ahalihoun byehkoulhoun enhou fachline aw achrar ou henen sghar aw mou mnah bedal halkalimat brashoun ou daeman bihisou bedanb yemken el ahl ma yekesdou ta3kid awladhoun bes byeghersou fikra ghalat bi adhanhoun
sousou hala bnehki bes184800000 kelma :pana bi15 sana ma you3adel 3omri tab3an:oops: yemken koun hakya aktar men hik bi 100000000000mara bhayik 3ala halmawdou3 ou rah tab3ou |
الكلمات لي منسمعها من الناس لي بيهمونا،
بتنطبع متل الوشم في انفسنا .. ومتل ماقلتي ساندي شوية حكي بيطلع من لكبار بلحظة تسرع او غضب، بيرافق لولاد على المدى البعيد .. بينحفر بذاكرتهن وبيصيرو هني كمان يستعملوه قاصدين انو يجرحو الطرف الاخر .. عدا عن الاعاقه لي بتسببها الكلمات القاسيه لنمو الاطفال ويلي بتنعكس على حياتهن لاحقا في كل المجالات ... موضوعك حلو سوس :D |
اقتباس:
غير هيك متابع معك :D |
تسجيل متابعه
منشان انصح المسؤولين عن الميتم انو ما يعاملوهن للاطفال او ما يستخدموا معهن شي قاسي عندي زيارة لانو |
اقتباس:
اي غلط وغلط كتير كبير يلي بيعملوه الأهل ما تعلمو بلحظة الغضب كيف لازم يصير الكلام ... بيبدا السب والشتم والتعنيف القاسي والكلمات الموجهة لذات الطفل ... مش لسلوكو ورح احكي عن هالشي لاحقاً ... بس عطوني وقت :oops: أما عن عدد الكلمات فيا عزيزتي أظن جان ديديه ما التقى فيكي حتى يغير رأيو :p اهلين دندن ...:D هاموش مو عطاكي هاني لينك للكتابة بالعربي ؟ |
اقتباس:
اقتباس:
ومتابعتك بتسعدني :D اقتباس:
مع انو المفترض هااا المفترض المسؤولين عن دور الأيتام يكون آخدين دورات تأهيل وبيعرفو هالحكي ...بس للأسف :D الك |
الطفل يتعاطى مع الكلمات بطريقة حسية حذرة جدا ويتأثر بها بعفوية منه ربما تكون الكلمات سلبية وبنفس الوقت ربما تكون ايجابية بحيث تقبع بذهن الطفل بشكل جميل حساسية الطفل يمكن استغلالها بشكل رائع . . وانا متابع. . . |
الموضوع مهم بس الرد بعد البقية لتكتمل الصورة .....
|
رائعه ساندرا طبعا باب المشاركه مفتوح لهيك بفضل نتعمق اكتر
|
اقتباس:
حتى العاشق يمكنه القول أن الحب لا يختصر بكلمة |
وين البقية يا ساندرا؟؟؟
الموضوع حلو كتير وبيستاهل متابعة فعلا بس بتوقع لو كان متواصل بيكون احسن للفهم |
أسفة كتير يا جماعة رح ارجع بأقرب فرصة ممكنة لتكملة الموضوع خلال الايام القادمة
هلا ظروفي شوي تعقدت بشكل مفاجئ ... فاعذرونا :akh: |
أول شي هاااي
أنا بالنبسه لإلي انو الكلمات شغلة كتير مهمه واكتر من مجرد حكي وكلام احيانا كلمه وحده ممكن ترفعك لسابع سما وكلمه وحده ممكن تنزلك لسابع أرض الكلمة ممكن تجرح وممكن تداوي احيانا حدا بيئلك كلمه ممكن يئولها بدون ما يفكر فيها او بدون ما يفكر بأبعادها بالنسبه الك بس هالكلمه ممكن تكون سبب ببناء شخصيتك حسب ممكن للأحسن وممكن للأسوأ لهيك لازم نفكر بكل كلمة قبل مانئولها |
نبدأ بأمثلة حياتية
من الأخطاء الكبرى التي يقع بها الأهل أثناء توبيخ الطفل ... هو توجيه العبارات والانتقادات لذات الطفل عادة ما يقول الآباء هذه العباره عند الغضب, لكنك إن تعودت قولها فان طفلك قد يبدأ في تصديقها كأن يُقال له على سبيل المثال أنت غبي جداً جرب بدلا عنها قول:" كان ذلك شيئا سخيفا أن تفعله .. أليس كذلك ؟ أو بدل أن تقول له أنت كاذب ... قل له انت لا تقول الحقيقة إذاً لا تستخدم الألفاظ الجارحة أو تنعت الطفل بالصفات السيئة. بيّن له بشكل واضح أن تصرفه السيئ هو ما لا يعجبك وليس هو أي انتقد تصرفاته ولا تنتقد ذات الطفل |
اقتباس:
|
عندي كم سؤال بخصوص هالموضوع
ليش الأهل بيحكو مع ولادون بهي الطريقة او بشكل اوضح شو اللي بخليهون يحكو و ينتقدو الأطفال بطريقة مو صحيحة ؟ و هالموضوع عن أي فئة بالمجتمع بيحكي او أي طبقة .. الأغنياء ولا الوسط ولا السكر خفيف ولا السادة ؟ |
اح
اقتباس:
فيما يخص ليش.. فأنا بحكي عن حالي.. لانو انا ام بنتي عمرا سنتين.. هلق احيانا الواحد بيجن.. يعني لطفل بيعمل شغلات عجيبة غريبة يعني نينوش بنتي مستحيل ما تكب الشاي بأي مرة منكون عم نشرب شاي ومستحيل ما تكسر كاسة بالغلط اذا كانت عم تشرب مي مرة غبت دقيقة قمت رجعت لقيت كل الكتب اللي بالمكتبة على الارض.. و الفنة ياشباب انو نينوش بنتي تعتبر من الاطفال العاديين يعني مو مشاغبة كتير.. هلق احيانا بحس اني عصبت كتير كتير كتير وخاصة مع ضغوط الحياة.. يعني التنظير غير الحياة الحقيقية.. بس عن جد عن جد بس يطول بالو الواحد ويبرد قلبو ويبتسم.. الطفل بيصير هادئ اكتر ولطيف اكتر.. كلام طالع نازل ما بحكي وبابخلي حدا يحكي معاها.. بس الصرامة مطلوبة.. :D:D:D:D لكل امهات وابهات المستقبل.. نصيحة لاتأخرو الزواج بس اخرو الانجاب قد ما فيكون |
اقتباس:
هيهيهيهي:lol: امبلا عطاني بس أحسن شي سيرين غاي عطاني ياه :larg: mille merci جد موضوع هام :deal: بشرفي كان أعد دراسة موضوعو عمو جان :p تحياتي:D:D |
اقتباس:
لهيك مرحلة الطفولة من الواجب جداً مراعاتها لأنها مرحلة مهمة بعملية التربية والتنشئة الاجتماعية شكراً لتعليقك الغني :D اقتباس:
quote] ميرسي خجلتني :oops: اقتباس:
لا تتقاتلو :lol: أخيلوس شاعر وبيغار عالشعر لهيك بتفهم موقفو ميرسي عالمرور :D اقتباس:
ما بعرف كيف يا سونا ..من خلال تجربتي حسيت بأن الموضوع لما بيكون على مراحل قصيرة بيكون أسهل للقارئ خصوصي بأنو في عالم بتخاف من المقاطع الطويلة كنت ناوية نزلو على مراحل بس للأسف الملف يلي كنت كاتبة عليه أفكار طار ولهيك عم عيد كل شي ومتل ما بتعرفي كان وقت أعياد وكنت مسافرة بفترتا بس رح اعمل جهدي أخلصو بأسرع وقت ممكن :D |
اقتباس:
اقتباس:
ليش الأهل بيحكو هيك مع ولادهم هي بقا قصة طويلة ... أوقات بقول ممكن الجهل بأهمية هالمرحلة وبقصد مرحلة الطفولة وعدم درايتهم بأصول التربية ... وممكن العصبية بس كمان بتفاجأ بناس بتعرف هالحكي لكن ما بتنفذو وبترجع للطريقة يلي ربوهم أهاليهم فيها وهي الصريخ والعياط القصة بدا وعي + طولة بال وصبر تربية طفل مش بالأمر السهل لهيك بستغرب لما بيقولو انو الغني لازم يجيب قبيلة ولاد .. أنو معليه يا عمو المصاري ضرورية بس مو هي يلي بتربي !!! بالنسبة لسؤالك الأخير بعتقد ناي مشكورة جاوبت عليه ... القضية متعلقة بالوعي يعني بعتقد هالسلبيات بالتربية عم نلاقيها حتى بالطبقة المتعلمة ... يمكن بنسب أقل من الطبقة الغير متعلمة لكنها موجودة مشكور جداً على اهتمامك :D و :akh:لــ Nay لأحلى أم |
اقتباس:
اقتباس:
فعلاً سونا .. بقدر ما هي بسيطة بقدر ماهي دقيقة ومهمة حتى بعالم الكبار وبالحديث بينهم بعتقد من الواجب مراعاة هالأمر :D اقتباس:
بتسعدني متابعتك صديقتي وخلص ما صار شي بعطيكي عنوان مسيو جان ... لشوف أديه رح يزيد العدد :p :D |
اول شي خي موضوع حلو من سنة لهلىء
المهم انا مع ساندرا بطرح الموضوع بالتقسيط هيك منفهم اكتر ماعندي حاليا تعليق على الموضوع بس لي عودة مهمة شكرا ساندرا كتير |
مشكوووووور
|
من العبارات التي تؤثر سلباً في الأطفال
* التهديد بالضرب مما يزيد من مخاوف الطفل * التهديد بترك الطفل أيضاً يزيد من مخاوفه * تمني عدم وجود الطفل، مما يعطي الطفل الشعور بأن الأسرة لا تريده. * إلقاء اللوم البالغ على الطفل وانتقاده: فلوم الطفل الدائم، يمنحه الشعور بأنه شخص سيء يفعل الخطأ باستمرار. * استخدام السخرية: فالتهكم علي الطفل، يحط من اعتداده بنفسه. |
اقتباس:
شو هيي انسب طريقة لردع الطفل عن سلوك ما ؟؟؟ بعرف انو غالبا الضرب على الايدي بيشكل رادع انو الطفل ما يكرر عمل معين اكيد ضمن حد ما ويلي بقصدو الضرب غير المؤذ ... يعني من دون اصابات تترك اثر بس ما كتبتيه بينتقد كمان هيدا التصرف .. فشو البديل ؟؟؟ |
اقتباس:
اقتباس:
اقتباس:
ليكي سونا حسب التربويين التهديد بالضرب والضرب مرفوض بس أنا ما بحب بيع كلام ومثاليات لأن كمان الأهل مش ملايكة وهنن كمان عايشين بضغوطات ... فبتوقع منهم تصرفات متل هيي وبتوقع منهم يلجأوا للضرب أحياناً .... بس طبعا ما بتسامح أبداً مع قصص التعفيس والدعس بين الرجلين والعصاية .... يا ستي في بيوت عندون غرف تعذيب في عامل مهم جداً هو عامل الشدة والتكرار متل موضوع الضرب _طبعاً أنا وأنتي ما عم نحكي عالقتلة:lol: _ لما بيكون الضرب هو شي متكرر على كل شي بيعملو الطفل ... فهاد يعتبر مؤذي نفس الشي الشدة ... يعني الأب عصب كتير كتير وما قدر إلا وضرب عاليد ... فأنو يعني ما في داعي يضرب بكل قوتو هلا في شي اسمو القتلة التربوية :p وهو الضرب عالــ خلف حسب البعض يُفضل بألا يشاهد الطفل التعابير على وجه الأم والأب أثناء الضرب لهيك الضرب عالخلف ما بيتيح للطفل مشاهدة هالملامح كمان في شي ما بعرف إذا رح اقدر اشرح منيح عنو الضرب عالخلف بيتيح للطفل بأنو يهرب ويبتعد وهيك الأهل ما بيضلو محاصرين الطفل كمان الحزم مفروض ... يعني مو مرة اعاقبو على شي وقلو ممنوع تقرب أو بعد عن هالغرض ... بعد فترة إذا رجع لمسو ما اتدخل ... هيك بتصير القصة بالنسبة للطفل متل لعبة ... وما بيحس بجدية الأهل هلا فيكي سونا نورتي :D |
اقتباس:
وحبيت بمر بهدوء عليه بس عندي تعليق بسيط اذا مرحب فينا يعني ... النقاط الي حكيتي فيها كتير مهمه ولها تأثيرها الكبير ..بس سؤال هل بتعتقدي في مجتمعنا ممكن الوالدين يتبعو هل الاسلوب او يكون قادرين يتصرف بطريقه اخرى... حسب ما قرات في كتاب لتربيه الطفل .... عند محادثه الطفل او معاقبته ان تكوني بنفس مستوى الطفل من حيث الجسم ... ويجب مراعاه عدم الصراخ او معاقبه الطفل امام اي شخص كان ..بتترك اثر كتير كبير لما بتصرخي او بتعاقبي الطفل امام شخص وعذرا ع الاطاله والتدخل ... ولك :D |
مشكوووووووووووووووووووووو ووووووووووووووووووووووووو ووووووووووووووووووووووووو ور
|
اقتباس:
أكيد مرحب بتعليقك الغني وكل شي ذكرتيه صحيح تماماً من الأفضل عند التحدث للطفل أننا نكون بنفس مستواه من حيث الطول ونحاكيه بهدوء ونحاول نطلع بعيونو هو بيني وبينك يا عزيزتي في كتير أمور لازم ينتبه الأهل عليها ... بس جد مو سهل ضبط النفس :sick: وبالأخير بتشكرك على مرورك ولا داعي للاعتذار ... أغنيتي الموضوع ولك مني باقة من الورد :D:D:D اقتباس:
أهليييييييييييييييييييييي ييييييييييييييييييييييييي يييييييييييييييييين :shock: |
اكيد من الطبيعي من الطفل أن يتلقى كل شيئ يسمعه
فهو في هذه المرحلة مجرد الة تسجيل لكل ما يحدث حوله من أفعال و كلمات تدل على هذا الفعل لذلك يجب من المربين سواء أنانو الأبوين ام أساتذة المدارس أم المرشدين أن ينتبهو لحركاتهم و أفعالهم و يقيمو كل خطأ يرونه صادر عن اي طفل في هذه المرحلة |
اقتباس:
أبدا بقول لرسول حمزاتوف :" يحتاج الانسان الى عامين ليتعلم الكلام ,ولكنه يحتاج الى ستين عاما ليتعلم الصمت " وبهذا السياق اذا لم يكن لدى الأهل رسائل ايجابية وكلاما مشجعا , فصمتهم أفضل .ولكن الأمر أعقد من هذا , لأنهم ليسوا أمام خيار اما أن يتكلموا لأطفالهم أو يصمتوا ,بل يجدوا انفسهم أمام أطفالهم كل دقيقة وعليهم تقع مسؤولية تلبية حاجاتهم وتوجيه سلوكهم وتقويمه. أعتقد الكلمات المدمرة لذات الطفل التي يوجهها الاهل اليه هي نتيجة لمشكلة أكبر وهي أن الاهل يقومون بقول ما يعرفوه عن التربية ويعيدون انتاج طباعهم وثقافتهم وموروثهم بالتعامل مع الاطفال , وباختصار الاهل بحاجة الى إعادة تربية ذاتيه ومعافاة نفسية كي يستطيعوا تربية اطفالهم وغالبا ما يكون الطفل حلقة وسيطة لتفريغ توتر الكبار الناجم عن الضغوط.والاهل لا يربون بالمعنى المعرفي والاجتماعي والنفسي للتربية بل يطعمون ويكسون ويأوون ..يقدمون خدمات الحد الأدنى لحياتهم. والكلام جزء من اللغة الاوسع( التعبيرات ,الايماءات, حركة الجسد ,الانفعالات..) ويمكن نقل الأذى وتوجيه التهديد من خلالها .وأحيانا ليس مهما الكلام الذي يقال , بل الطريقة التي يقال بها . مثلا عندما يكون الاب منهمكا ( في دق محبوسة بطاولة الزهر) ويساله ابنه :هل تحبني بابا؟ يجيبه الاب :(أي أي بحبك بحبك خلص عاد حل عن سماي هلق) هكذا جواب اكيد لن يوصل الحب للطفل . ونقطة أخرى :أعجبني تعبير " يبتلع الطفل هذه العبارات" وهنا يشير الى ان الطفل غالبا يعجز عن اجراء محاكمة عقلية لفهم الرسالة كي يقبلها أو يرفضها, وانما يأخذها كما هي كحكم صحيح صادر عن مثله الاعلى وتدخل في بنيته النفسية. [quote=sandra;1198118] حسب التربويين التهديد بالضرب والضرب مرفوض بس أنا ما بحب بيع كلام ومثاليات لأن كمان الأهل مش ملايكة وهنن كمان عايشين بضغوطات ... فبتوقع منهم تصرفات متل هيي وبتوقع منهم يلجأوا للضرب أحياناً .... بس طبعا ما بتسامح أبداً مع قصص التعفيس والدعس بين الرجلين والعصاية .... يا ستي في بيوت عندون غرف تعذيب في عامل مهم جداً هو عامل الشدة والتكرار متل موضوع الضرب _طبعاً أنا وأنتي ما عم نحكي عالقتلة:lol: _ لما بيكون الضرب هو شي متكرر على كل شي بيعملو الطفل ... فهاد يعتبر مؤذي نفس الشي الشدة ... يعني الأب عصب كتير كتير وما قدر إلا وضرب عاليد ... فأنو يعني ما في داعي يضرب بكل قوتو[quote][ الضرب بكل اشكاله مرفوض وأثبتت البحوث أنه لا يقوم السلوك وانما يكبته عميقا ليستيقظ لاحقا وكون الاهل يتعرضون لضغوط حياتية وعدم قدرتهم على ضبط انفسهم لا يعطيهم المبرر لضرب خفيف , الضرب اعتداء على الطفل له اثار سيئة سواء كان شديدا أو خفيفا, اما التعفيس والعصي ..هاي صارت عدوانية مفرطة من اهل عصابيين. اما الربت على القفا , فعلا ضروري من جهة انه لا يصاب الطفل باذى جسدي ,ولا يحس باهانة نفسية من جراء الضرب على الوجه ومثل ما ذكرت ايضا عدم رؤية انفعالات الاهل المؤثرة من جراء عصبيتهم ../QUOTE] هامش : مرشدة نفسية( التي من مهماتها منع ظاهرة الضرب بالمدارس) ضربت أحد الطلاب . وعندما سئلت لماذا فعلت هذا ,قالت : عادي هذا كف إرشادي!! ولك ان تتصوري لو كان كفا علاجيا. |
شكرا كتير لإلك ساندرا
بس انا رأيي انو مافي طفل عم يقول كلام متل هيك الا واكيد سامعوا من شي حدا وخاصة الاهل لان الطفل كل حركاتو وكلامو تقليد ليتعلم !!!لانو مافي طفل يتعلم بدون تقليد وتاني شي انو اكيد الطفل ماعمل هيك شي الا و اهلو كانوا عم يعملوا هيك!!هاد رأيي شكرا لك ع الموضوع مرة تانيه |
اقتباس:
الطفل متل الاسفنجة بتمتص الماء يلي حوليها اقتباس:
اقتباس:
هي هيي لغة الجسد يلي كمان مهمة بنقل الانفعالات والتعابير الولد بيعرف يقرا هاللغة مش غشيم كتير مثال معاكس ليلي ذكرتو أنت في أهل لما بيجو ليأنبو اولادهم .. بيحكو وهنن عم يضحكو !!! طيب من وين الولد بدو يحس بجدية الكلام إذا شايف الأهل عم يضحكو شي طبيعي ما رح تصلو الرسالة ورح يرجع يعيد نفس الغلط .. وبالأخير بيعصبو الأهل عليه !! اقتباس:
فعلاُ .. التعبير أعجبني أنا كمان ولهيك استخدمتو اقتباس:
يا زلمة أوقات لما بشوف معاملة الأهل للولاد .. خاصة هدول جماعة العصي والتعفيس والكفوف وغرف التعذيب بالمنزل ... وفي منون بيكونو متعلمين ... يعني هدول على أساس المفترض يعرفو هالاشيا أكتر من غيرهم بفكر أنو ... ليش جبتو ولاد إذا ما لكم صبر على تربيتهم :? اقتباس:
تماماً ... هي كانت فكرتي اقتباس:
اي اي كف علاجي قلتلي ,,,هاد العلاج بالصدمة :p الله يديمها ذخر للوطن ولتربية الأجيال :sly: اقتباس:
لما بيكبر هالطفل أو الطفلة وبيتزوج وبيصير أب أو بتصير أم بيرجعو بيعيدو انتاج طباعهم وثقافتهم وموروثهم بالتعامل مع الاطفال :D للكل |
الف شكر عالموضوع الجميل دة
|
كثير من الاهل لايدرك الخطوره في هذه الكلمات وغيرها ويعتبرها ليست الا كلمات عابره لا أهميه لها
مع ان هذه الكلمات تعتبر كفيروس يزرع في عقل الطفل موضوع مهم جدا وخاصة فيما يخص الاطفال :D اقتباس:
|
كل الملاحظات الموجهة للطفل تعتبر رسائل موجهة له.. بمعنى اخر اذا سمحت له ان يستعمل الملعقة بالاكل ويوسخ ملابسه ثم في مرة اخرى عاقبته لانه وسخ ملابسه بالطعام فانت تبعث له برسالة مشوشة..
اذا منعته عن اكل البوظة وسمح له ابوه باكل البوظة فانتم ترسلون للطفل رسائل مشوشة.. اذا قلت للطفل يا حمار وبعد فترة عاقبته لانه قال لصديقه حمار فانت ترسل له رسالة مشوشة.. افضل واسهل طريقة لتربية طفل متزن وهادي ومتفهم لاوامرك وقوانينك ان تكون انت نفسك منسجما مع هذه القوانين .. وان يكون هناك اتفاق بين الاب والام على هذه القوانين وان تكون هناك حدود لتدخلات الجدات والاجداد ان وجدوا |
لوم الطفل والتحدث عنه بطريقة سيئة للاخرين يحفز لدى الطفل العادات السيئة لديه.. كما من جهة اخرى مديحه وذكر الجوانب الجيدة والعادات الجميلة عنده للاخرين بوجوده يحفزه ويشجعه اكثر..
من جهة اساليب العقاب.. تقنية كرسي الملعونين او بقعة الاشقياء اعتبرها تقنية ناجحة بامتياز منذ عمر السنتين وحتى الخمس سنوات وذلك بان يجلس الطفل على كرسي معين في الغرفةنسميه بكرسي الملعونين عندما يصدر عن الطفل فعل ممنوع عليه ارتكابه وذلك بعد تنبيهه لمرة واحدة.. يجلس الطفل على الكرسي لمدة دقيقة عن كل سنة من عمر يعني عمره سنتين يجلس دقيقتين.. ويجب ان يعرف الطفل ان وقتا معينا يجب ان يمر حتى يسمح له بالنزول عن الكرسي.. وبعد انتهاء العقوبة يجب مخاطبة الطفل وشرح سبب العقوبة له ثم طلب الاعتذار منه ثم ضمة وقبلة كبيرة وابتسامة خفيفة.. |
يسلموووووووووووووو
|
اقتباس:
من الأفضل أن نصغر تفكيرنا ليتناسب مع تفكير الطفل في هذا السن كي تصل رسالتنا إلى عقل الطفل بنجاح.. دون أن تسبب انكسارا في نفسيته أو شخصيته.. لأن مثل هذا الكرسي والطرق المشابهة له تؤدي في المستقبل إلى قلة الثقة بالنفس وربما الإنطواء... ومشكورين كتير عالموضوع:D |
| الساعة بإيدك هلق يا سيدي 04:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون