|
ركود أخوية ... أسباب أم ظروف !؟
أخوية ...
هالعيلة الرائعة ... هيي أكتر من مجرد موقع ... هيي مجتمع بكاملو ... هيي حضارة كاملة .. ومتل مامنعرف كل حضارة بتمر بالمراحل التالية .. (نشأة - نهضة - عصر ذهبي - عصر تراجع .. ) طبعاً ... ولكل حضارة .. حتى تزدهر .. لازم أفرادها ... ينظرو إلها من منطلق هادف للتحسين والتقدم نحو الأمام .. وهالشي بيتطلب النقد الموضوعي ... . . أخوية من وقت ماانطلقت ... ماتوقفت الإبداعات ... ماانتهت الأحلام ... الأعضاء ... مافي أكتر منن ... عذمة سيرفر أخوية ... : اقتباس:
المواضيع ... متنوعة ... ومتعددة .. بس إذا بدنا نغربل المواضيع الهادفة .. بينعدو عالأصابع .. الأعضاء اللي عم يشتغلو .. كمان بينعدو عالأصابع ... .... طيب .. شو السبب .. هل خلصت المواضيع ... هل انتهت الأحلام ... هل العلة بالأعضاء .. هل في أعضاء عالفاضي ... (طبعا .. في عدد كبير من الأعضاء .. سجلو بس ليسحبو غنية أو ملف .. وبعدا مافرجونا وجهن .. ) هل سياسة أخوية بيهما عدد الأعضاء .. ام نوعية الاعضاء .. ولا الإتنين مع بعض ... شو .. !؟ ------ وين بتشوف أخوية ... هل هيي في مرحلة ركود لسبب أو لآخر ... هل الظروف هيي السبب ... أم في أسباب .. هل هيي دائمة أم مؤقتة !!؟ أسئلة كتيرة بتنطرح ... وأكيد بدها إجابات ... .... . . . THE,unforgiven ,,, " :D -------------- هامش هيك عجنب : بتمنى تلتزمو بالإطار المطروح .. دايماً لصالح أخوية .. ولتقدم أخوية .. تحياتي الحارة ... دمتم ودامت أخوية .... :D |
انا صوتت للخيار التاني انا وحده قديمه بالاخوية كتير وكنت بالوقت يلي كانت فيه اخوية متميزه ومافي متلها بس الاعضاء القدامى راحو .. الاعضاء يلي كانو بيعرفو يتعاملو مع بعضون المشرفين القدامى راحو .. المشرفين يلي كانو لبقين وزوء مع الاعضاء الجداد والقدام العنصريه هي ما كانت موجوده بنوب زمان .. بس هالشي صار متفشي بالاخوية كتير اعضاء ما عاد تحملت هالشي وراحت .. وباعتقادي هني الاعضاء يلي كانو متمزين بالاخوية اما بالنسبه للاعضاء المتميزين بالاخوية ما عادو ينزلو مواضيع هادفه لانو بيعرفو يا اما الموضوع رح ينقلب لمسخره او كفر وطبعا ما فينا ننسى مواضيع الالعاب .. واكتب رساله للي بتحبو .. وللي بتكرهو وهكذا :larg: :D |
انا (واعوذ بالله من كلمة انا)صار لي عضو باخويه,حوالي ستة شهور فقط,والاحظ الفرق,ولكن معليش شده وبتزول,ولكن و مع كل هذا,اخويه هي الافضل بالنسبة لي
|
الأحتمالات الثلاثة ناقصين احتمال رابع
انت حطيت انو الاعضاء ممكن يكونوا سبب طيب الأشراف كمان ممكن يكون سبب خيار وفقوس مثلا |
والله ياحبيب الموضوع بيعتمد على تعريفك لكلمة ركود وشو المقصود بكلمة ركود تحديداً... خليني قلك شي مافي شك إنو أعضاء التسالي زايدين كتير وعم يتبعو أسلوب غريب انو بيفوت الواحد منون بيشارك بعشر مواضيع مسابقات وملطوشات وعالطاير بظرف خمس دقايق لدرجة إنو بتلاقي جديد المواضيع صار كلو مسابقات... بالفعل مابفهم شو الغرض من هيك شي غير الإزعاج...
أما بالنسبة للأقسام السياسية والحوارية فأنا ماني شايف فيها أي ركود بالعكس الحوار والنقاش موجود بس يمكن يكون خافف خافف بحكم إنشغال البعض أو ظروف البعض الأخر... وأحياناً عم يصير حساسية معينة أو تنقلب النقاشات لمنحى معين بحكم دخول بعض الأعضاء الجدد يلي حاطين ببالون إنو يستفزو طائفة معينة أو دين معين وهالشي عم يخلق جو معين... بالأخير بدي قلك شغلة صديقي أخوية منتدى إنترنت وما بيصير نحمل الأمور أكتر من حجما... منتدى إنترنت أحياناً بتلاقي فيه مواضيع بتعجبك وأحياناً ما بتلاقي.. ويلي بيعجبك مابيعجب غيرك بيعجبك إلك والعكس بالعكس... سلامات. |
يا عيون قلبي الموقع محجوب
|
اول سبب اني الموقع محجوب متل ما قال العينتين يلي قبلي
وفي كتييييييييير من الاعضاء المميزين ما عم يقدرو يفوتو تاني الشي السبب وجود بعض الاعضاء المتعصبين من نواحي كتير من ناحية الدين يعني بس تنذكر ديانة غير ديانتو بيلوش فورا وببلش حكي طالع نازل تالت الشي ما ضل علاقة بين الاعضاء متل قبل صار عصابات ومشرفين وكل مين ايدو الو بحييك على تضامنك ... :D |
السيرفر ومشاكله كتير عتبأثر سلبا على الموضوع اضافة لفكرة الحجب
وغير هيك الاخوية ما بتختلف بشي عن قبل .. تنحل القصص هي بترجع اخويتنا لعنا متل ما كانت واحسن كونها انشهرت حاليا وصارت قواعدها اكبر بكتير من قبل .. من قبل كنا نشتغل على مجال ضيق .. بعتقد هلق بالاعداد الكبيرة هي صرنا منقدر نعمل شي اكبر من قبل . :D |
انا برأيي الخيار التاني ...
|
بيعرفوا يفتحوا حجب الفيس بوك وغيره وغراته
وقولتكم ماعم يعرفوا يفكوا حجب الأخوية؟؟:shock: |
اي أكيد في ركود بأخوية ..
اي أكيد الوضع أبداً مو مزبوط اي أكيد في كتير من الاعضاء المميزين فضلوا ينسحبوا ..... و ما يضلوا بهيك جو غلط المهم .. أنا برجح الخييار التاني مع تعديل .. أنو السبب مو الاعضاء . |
عالهامش
سمعت من فترة .. أنو من بعد أول السنة ... رح يبدأو بتطبيق اتفاقية الشراكة الاوربية عنا و من بنود هالاتفاقية .. إصدار عفو عن السجناء السياسيين بسوريا هلأ السؤال يللي بدي اسألوا لكل أعضاء المنتدى ...و على رأسون حسام إذا دخلتوا شي يوم عالمنتدى ..و تفاجأتوا بين اسماء الاعضاء الموجودين عالخط ...باسم حسام ملحم أو طارق أو كريم أو .. .... عم تصفحوا أقسام المنتدى يا ترى ... ما رح تخجلوا ..؟؟ |
اخوية منتدى بيلفت الانتباه ..وبصراحة اكتر منتدى كتير الو معجبين.....بس هل الميزات ما بتلغي الاهمال الي عم يصير فيه ....انا بصراحة في كتير مواضيع كان بيتوجب على السادة المستشارين ولمنسقين وادارة المنتدى ...انها تنظر فيه قبل ما ينشر...بعرف انو البعض رح يقلي اني ضد الديمقراطية...بس بدي قول شيء بسيط..انا كعضو فاهم تماما شو بتعني الديمقراطية..الديمقراطية هي التعاطي بافكار نيرة او انتقاد بناء باسلوب موضوعي شفاف بعيد عن التجريح...اما لما ديمقراطية البعض الي بتعتمد على التجريح هي ديمقراطية توشكرا بنى على شد اللحاف صوبهم وحجب لدمقراطية الاخرين....بتوقع في كتير من الاعضاء ما رح يفهم مغزى كلامي ...لاني لاحظت تدني مستوى الكثير من الاعضاء في الفهم ...طبعا هي مو سلبية ونحنا معهم ...كي يرتقي بنا التفكير الى مستوى لائق ومرموق ...
|
اقتباس:
انه يفترض فينا نخجل للوضع المذري اللي هلق فيه الاخوية ؟! اما يفترض فينا نخجل اننا عمنحكي على مجتمع ضحى كتير متل الاخوية ؟! |
اقتباس:
لازم نخجل من شكل هالمنبر ( بقصد أخوية كلها كمنبر للتعبير .. مو قسم المنبر ) يللي ضحو بسنين من عمرهم كرمالو ..... و هادا الشي يللي كان مخلى ياسين مثلاً ... يضل بأخوية هالفترة يللي بقيها كان حاسس أنو في واجب علينا كلنا و دين علينا كلنا لازم نوفيه لهالشباب أقل شي أنو يرجعو يلاقوا أخوية بنفس المستوى يللي تركوها فيه إذا مو أفضل ... بس للأسف هالشي مبين مستحيل ... بهيك جو |
مبين عليك انك كتير متدايق يا ابو سمرا من الوضع .. انا ما بقلك اني كتير مكيف وكتير راضي عن حالة الاخوية .. بس متل ما انت بزمانك قلتله لواحد (( القصة متعلقة بنفسيتك )) انا بدي قلك نفس الحكي .
في شي واضح انه قسم المسابقات عبكون حجرة برجلنا وعبضرنا كتير خصوصي انه عبأدي لاستجرار اعضاء نمطيين ومشتركين بنقط كتير .. النقط تبع شلوف اللي قبلك ونطاح اللي بعدك .. بس عدا هيك انا شايف الاخوية بخير .. مواضيعا بخير .. العالم اللي عبتمر عليها وعبتستفيد .. بخير طول بالك وروق شوي .. الاخوية صبية وست الصبايا .. وان ما صغرت ما بترجع بتكبر :D |
اقتباس:
يعني الشباب ما عبيتركوا شي مخالف بصفحات الاخوية الا وعبيحذفوا كلشي اول بأول بس بدك تقدر فكرة انه الزلمة (( المشرف )) مانه قاعد براس العضو اللي عبيكتب الموضوع حتى يسمحله يحطه على الاخوية او لا ، وحياة سعدوا ما عبزل عليك بحرف واذا مانك مصدقني احتفظ بلينك كل المواضيع اللي انت قاصدها بالاخوية واللي عبتكون مصدر ازعاج للكل .. وجرب رجاع طلوب الموضوع بعد 24 ساعة من ادراجه وشوف كيف بده يطلعلك رسالة ادرارية بتخبرك انه اللينك اللي طالبه مانه موجود :D |
انا برايي التالت يمكن لان انا بحبا تضل هيك .........
|
أنـا متابع أخوية من زمان ، زمــان كتير .. و ما سجلت إلا من فترة قصيرة نوعاً ما وحتى مشاركاتي قليلة وقليلة جداً بالنسبة ل مشاركات باقي الأعضــاء ، بس عموماً يلي شفته هوه أنــو ، هون بالأخويّة ، بحس أنو في نفسيات كتير ، و ما عم بقدر أعرف ليش .. و بلاحظ في إختلاف بالفكر (شي طبيعي) بس المو طبيعي أنو قليل لحدا يحترم رأي التاني يعني لازم هيك شوية مسخرة على شوية إحراجات و تعليقات بتحرج صاحبهــــــا (وخاصة الجداد) وهالنقطة بتشمل الأعضاء و المشرفين و الإداريين تاني شي ، لاحظت من فترة أنو سيرفر الأخــوية تعب و تعب بشدة ، لدرجة أنو من الصعوبة جداً الدخول للأخوية ، كل شوي بيطلع أنو الملقم مشغول و .. و .. و .. أنو مشكلة إي على عيني وراسي ، بس لازم بقاا تنحل ، أنو مشـان هالأعضاء ما تطفش و تمل تالت شي ، شغلة وحدة حلوة بأخوية ، هيه أنو مافي هالرسميات ، يعني بتلاقي الشباب و الصبايا آخدين على بعضهن ، وبيحكوا مع بعض كأنو بيعرفوا بعض .. وهاي شغلة كتير حلوة ، آخر شي بحسن قوله أنو لو إستمر الوضع على هالحــالة ، رح تُصاب الأخوية بركود حاد ، بتمنى ومن كل قلبي ، ترجع الأخوية متل ما عرفتها أول يوم دخلت فيه .. و الله يوفقكن جميعاً ، :D أب حلب |
اقتباس:
طيب ليش ما بتحكوا مشاكلكم للعلن كاداريين وبتحكوا عن نقطة ضعف اخوية ومنتناقش فيها كعائلة بس المشكلة انو hus غايب او الاصح عميد الاخوية مو هون ولاعارف ولاداري بكل شي عم بصير وشو عم يخبصو المشرفيين والاعضاء بدون استثناء حتى انا صح القلوب الصافية النضيفة راحت بس منقدر نرجعهم بقوة واذا كان hus استغنى عن المنتدى ككل وماعاد بدو ياه منشتريه منوه ممكن بعض الاعضاء والمشرفين اللي مريشيين:p منعمل لمة ومنحجز على سيرفر تاني(وانا جاهزة للدعم المادي:larg:) ومنرجع نقوي الأخوية ومنعطي الأدارة للناس اللي بتستاهل الأفضلية لرابطة المحاربين القدماء جدا شو رأيكم؟؟؟ يا اداريين واعضاء |
اقتباس:
ع سيرة الحديث بحب قلك بونجور .. |
رح نضل نحبك ياأخوية
هون بالأخويّة ، بحس أنو في نفسيات كتير ، و ما عم بقدر أعرف ليش ..
و بلاحظ في إختلاف بالفكر (شي طبيعي) بس المو طبيعي أنو قليل لحدا يحترم رأي التاني يعني لازم هيك شوية مسخرة على شوية إحراجات و تعليقات بتحرج صاحبهــــــا (وخاصة الجداد) وهالنقطة بتشمل الأعضاء و المشرفين و الإداريين كلامك صحيح مية بالمية يعني مثال لما بيدخل واحد جديد و ببلش ينزل موضوعات ممكن هو برأيو الشخصي انو مهم..بتبلش التعليقات و المسخرة و النهريج و أحياناً السب (خاصة مواضيع دينية) العضو الجديد بينحرج و بيقول لحالو أنا ليش دخلت لهون..بياخد حالو و بيروح من غير رجعة نحن ما سألنا حالنا هل ياترى هالعضو كان ممكن يفيد و يستفيد من الاخوية!!! بصراحة صار هون في قمع لاي فكر بيخالف توجهات بعض الاعضاءو المشرفين و من الملاحظ انو بيستخدمو الارهاب الفكري ( من مبدأ سب الانبياء-التهكم على الله و هاتو المازة رايحين نسهر مع الله ومن هالكلام ) أنا مع الرأي التاني مع التحفظ و الامل انو ترجع أخوية متل زمان و100:D |
اقتباس:
لو كان عارف وداري ما بتخيل كنا وصلنا لهون والاهم من هاد كله كان على القليل حل مشكلة السيرفر |
يلي ايدو بالنار مو متل اللي ايدو بالمي
|
ظروف اخي ظروف ... كل واحد عندو مشاغلو بهالدنيي يلتهي فيها ..بعدين من طول عمرها الاخوية هيك بيمر عليها فترات حركه ونشاط وفترات ركود ... مافي شي جديد ما في تغير ..ز أخوية هيي أخوية وما بتتغير لا بتغير وتبدل اشخاص ولا بغيرو وغيراتو ...
**مبروك عالموضوع والاستفتاء وين الحفله :p** |
من بعد اذن الجميع ...
لما بيهج ... اعضاء او مشرفين اغنوا أخوية بمواضيع رائعة وووضعوا حد لبعض المواضيع التافهة ! فأكيد لح يصير بأخوية حالة ركود ! لما بيصير المنبر مليان بمواضيع طائفية ومذهبية الى ابعد الحدود .... فأكيد رح يصير في حالة ركود ! لما تصير الالعاب والمسابقات التافهة برأس قائمة جديد المواضيع كمان رح يصير حالة ركود ! لما بيسجل باليوم شي 50 عضو ... بيطلع منهن واحد ما بو شي ... والباقي زبالة ..... وعلى تنكيت ومسابقات بايخة ... فكمان اكيد رح يصير في حالة ركود ! شكراً ابو جعفر :D ----------------------------------------------------------------- عَ جنب: انو على اساس مكتوب انو واقف التسجيل فوق ...:pos: اقتباس:
|
عادي وين الاستغراب
عم نخوف الناس مشان تسجل بسرعة عنا عجز بعدد الاعضاء |
صوتت للرأي الاول ..
لانو رغم ملاحظتي للي صاير بأخوية...بس اتمنى ان تكون شدة وتزول..وظروف شاغله الاعضاء مثل ما صاير معي مثلا"...:D |
اقتباس:
بس إذا قلنا أنو الأمور تمام .. و ما في مشكلة ... منكون عم نضحك ع حالنا .. المفروض ندل عالخطأ .. يمكن يكون في سبيل لإصلاحو |
في سبب مهم لركود اخوية وهو انو كنت غايبه عنها:D
|
هل كنا أوفياء
بموضوع سابق طرح سامر هالتساؤل
اقتباس:
وقال هوي اللي فعلا خلاني اتساءل هالسؤال نحنا هل كنا اوفياء الون وللشي اللي عملوه ؟ كلمات الحرية اللي طالبنا فيها الون ودعواتنا وصلواتنا وكل اللي عملناه بجزم انو هي ولا شي قدام اي لحظة برد عم يحسوها هلأ بصيدنايا او اي صرخة الم منون بس يا ترى هل نحنا قد الحمل ؟ ما بدي نبكي عالاطلال؟ بس يا ترى رح يرجعوا يكتبوا ؟ رح نرجع نشوف عاشق من فلسطين وtarek007 وkrimbow و ابو النسيم وباقي الاعضاء ؟ سؤالي برسم الاجابة |
يا ترى الشباب بدل ما يتسائلو
ليش ما بيشتغلو ؟؟ يعني اذا شايفين الوضع اسوا بكتير من السابق ليش ما بيشدو الهمة ويعملو ورشة عمل لتحسين الوضع بدل البكاء على الاطلال؟؟ لما بيكون في مشكلة ما بيكفي طرحا والحكي فيها لو ببلشو الشباب ويرجو للمنتدى الوضع يلي عم يتحسروا عليه كان افضل بكتير شغلة قد الحمل او لا هي ما بيقدرها الا الشخص نفسو وخاصة لما بيكون لامس صعف ما يعني اكتشاف خطا ما بيساعد بحد ذاتو لتحسين الوضع بالعادة. وجهة نظر مع احترامي للجميع بلا استثناء |
اقتباس:
بس الفكرة نحنا قد الحمل ؟ |
ليش لا؟؟؟؟
شو ناقص اذا كنو حاسبن انو هيدا عبء حاملينو يمكن الخلفية الثقافية مانها بالحجم المقابل للاعضاء السابقين بس لما بتلاقي مشكلة وبتعرف انو الها حل...... بس بلش وبعدين بتعرف اذا انت قد الحكمل او لا بس اذا تركت الشغلة على السبحانية وانو كنا وكانو فالفشل اكيد هوي النتيجة كل الشباب المذكوري ما بعرفون ابدا ومع ذلك شفت انو المنتدى كان حميل وجذاب بمواضيعو هيدا يعني انو في ناس تانية كانت عم تشتغل لتعوض |
وشو ناقصون لتنطلق هيك مبادرة؟
|
اقتباس:
بصراحة هنن كان هدفهم باين من وضع هاذا المنتدى اما الناس يالي فيه هلا فعم افوتو ليفشو غلهن يتسلو يطقو حنك بس لاسف جبناء والحقد والانانية عاميينهم اذا حوار عادي بالاديان ماعم يتفاهمو عليه فكيف بدك ياهن اواجهو حكومة نظام دولة ويطالبوها بابسط الحقوق اخجلو وكترو بس ماراح تنلامو |
اقتباس:
يا ريت الشباب يلي شايفين الوضع عم ينحدر هني يعطو رايهون وهني يعطونا مساهماتهون يلي بتحسن الوضع يلي شايفينو هي شغلة شخصية تماما متعغلقة الناقد نفسو وشو عندو مقترح للتحسين وشو عندو همة للشغل من شانو ما حدا اقدر يجاوب عن حدا واذا سالتتني الي اكيد برايي في تغيير بس امل انو يكون وقتي وتفاؤولي بشباب جداد او متجددين كبير لهيك ما انتقدت الوضع بالمرة سلام |
تم دمج الموضوعين لمناقشتهن نفس الفكرة..
|
انا برأيي السبب هو الامن يلي عم يلاحق الموقع ودمتم ؟
|
يعني يا أمّا عم نضحك على حالنا يا عالبشر اللي قدّامنا؟!
في ناس عم تسأل عن ركود معيّن... أو هيك بتشوف! وفي ناس عم ترفع عدّاد المشاركات على الطاير وشحط وركض ومسابقات! وفي ناس بتمها حكي كتير بس ما بدا تقولو... وأنا برأيي أنّو الأفضل ينقال (العاب عالمكشوف). كل شخص بيشوف أنّو الأخويّة مسجّلة باسمو فهوّ شخص ما بيستاهل الأخويّة. وكل ذي بشر بيشوف أنّو الأخويّة من الممكن ترتبط بأسماء هوّ ذي بشر قاصر نظر! اليوم عمرك هلقد وبعد كام سنة تتزوّج وتضطرّ تخفّف ويجي جيل جديد فعلى شو عم تبكي؟! هون مجتمع افتراضي حرّ... أكيد انبنت من خلالو صداقات كتيرة وحقيقيّة... وبالمقابل انهدمتْ صداقات وزعامات، بس ما في داعي نحصر محيطنا نحن بالأخويّة كاملةً. واللي بينسحب فقط لأسباب متل تلك الأسباب فحقيقةً بيكون عقلو صغير أو ما بتعنيلو كتير الأخويّة وأعضاء الأخويّة فعلى ماذا البكاء؟! على الأطلال؟! ولا على الــ "خلّيني تخلّيك"؟! بتمنّى من كل قلبي أنّو أي شيء شخصي وعلاقات فرديّة تبقى على هالصّعيد فقط، وما بتتحوّل لعصابات وشلليّة وانسحابات وتهديم فقط لأن ما بيمشي معي أنا... في كتيرين حولك يستحقون أنّو تكون الأخويّة ألهن مو بس ألك أنت لحالك. :D لكل أعضاء الأخويّة بمن فيهم الإشراف والتنسيق. |
| الساعة بإيدك هلق يا سيدي 12:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون