مو معقول!
 

يلعن هالحاله ... ولك يا جماعة هلا معقول هالحاله طبيعيه؟
لك معقول من 8 شهور تقريباً ماني مشرف الأخويه؟
والله شي يحط العقل بالكف
يااللــــــــــــــــــــ ــــــــــه شو هالدنيه وشو هالحياة ... لك ماعاد فينا نتحكم بحياتنا...
طبعاً انا متأكد مو انا بس لحالي هيك...
تعرفو.... حتى وانا هلا عم حاول اشرح الحالة يلي انا فيها ...حالة الذهول هاي والتعجيق الي عم احكي عنو... ماني قادر عبر عن ذهولي واستغرابي للحالة الي انا فيها ... لانو يبدوا لي انو كل مواسيري صطمت وانحشكت فيها شغلات لا الكلوروكس قدران يذيبها ولا حتى الآسيد ... ماني قدران اوصل لهديك الخلايا بمخي ويلي كانت تملي علي شو اكتب وشو يلي ما لازم اكتبو....
والخربطة والخربشة هاي الي عمال انكش فيها متل يلي متقرفص وعم يدور بعود زغير على خرزه زغيره بين الرمل ذكرتني بخربشهه إلي ........ حطيتها من زمان بين خواطر الأخويه وهي الي كنت معنونها بـ ( تحت الضغط ) ...
وهاي انا ... يعني كل فكري انو ايامها كنت عم عبر عن مجرد حالة ايام او شي فترة زغيره ما الها استمرارية .... بس للاسف الضغوط يلي عم نعيش حياتنا ... دقائق حياتنا تحتها .. مانها ضغوط عادية
وفي كتيييييييييييير منا عم يعيشو حالات كتيره من الضغط ... بس عم تمشي حياتون وهنه مفكرينا طبيعيه,
لا .. هي مانها طبيعية ... بس هنه ما بيعرفو انو هنه جبابرة ليقدروا يتحملو هالكم الهائل من الضغط ...
شايفين يا جماعة بشو عم العي .. لك حتى انا ... اي اي انا يلي عم اكتب هلا .. ماني عرفان بشو عم خرف وعن شو عم احكي ... اوعكون تفكروني سكران ... لانو انا ما بشرب ... بس الضغط هو يلي بيخلي حرارة الواحد منا ترتفع ويبلش يخربط ويشخبط ... لانو هلا في وراي هنيك اتنين نايمين وبيناتون امون إلي عم تزعجني بشخيرا ونيالكون انتو يلي عم تقرو هلا لانو مانكون عندي لتسمعو انغام آخر الليل وطبعاً هي كمان عم تعيش حالة ضغط لانها شايله التالت يلي راح يشرفنا عن قريب بعد شي شهرين وانا راح صير الخامس تبعهون ... وهاتو لنشوف كيف راح ندبر الموضوع ... يعني لما بيكتر الويق والواق من حولكون يا افنديه ... فرجوني كيف راح فيكون تكتبو خربشات وخواطر وتحكو بالفن والفلسفه ...
على كلٍ مو مشكلة أنا اليوم ماني طبيعي .. بس بوعدكون انو راح حاول ابقى على اتصال بالمنتدى الي حبيتو وفعلاً هو المنتدى الوحيد الي لساتني محتفظ باللينك تبعو بالفافوري تبعي .. وبشكر ادارة الأخوية يلي بعتتلي تنويه زغير عن منافذ للولوج من خلالها للمنتدى.
وللادارة حصراً انتو بتعرفو شغلكون اذا لقيتو خربشتي هاي مانها مناسبة للاطلاع .. خربطوها وامحوها وما راح ازعل لانو انا بحترم ادارتكون كتير.

مو معقول :shock:

قلتلي انك من الحسشة لكن:larg:

اي مو معقول ؟

عليك به ابو ريتا :gem:

اي يا حبيب , ما قلتلي حسجة ولا حسشة ؟:larg:

من الخواطر والخربشات:D

اي كل ما بدك تضحك من قلبك أنا جاهز , ايوا يعني الكاف ما بتصير شين , متل شلونش:larg:

خواطر و خربشات :o

قلتلي انتا من الشحسة

اهلين والله
:larg::larg:

بشيطة أخي هونها بتهون

واهلين بيك انت كمان تيتي وشكراً لمرورك وما بخفي عليك انو اسمك ذكرني بنوع من العصافير عنا وهاي ما بتظهر إلا بالربيع والصيف بس وبنسميها ( تيتي ):ss:

بالسين يا أخي بالسين ما بيلزمو هدوليك النقط التلاته شكراً لمرورك ;)

لك اي دبرلي هاي بئى اذا حبينا نقول لجماعه شلونكم يعني حسب المعجم تبعك لازم نقول شلونشم ... اي شو هالقاموس يلي عندك ياه:yahoo:

:|
حرام ..

شو صاير هون :jakoush:
ناقصني تحشيشات من عند هالصبح انا :pos:

:larg: :larg: :larg:

مو معقول ................hey moudabara men fouk

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بعد مسا الفل يعني تيتي وبالشحسة وبالربيع وحدة وحدة حبة حبة


:o:o:o:o:o:o:o

عربي مستحيل!!!!!!!!!!!!!!!!!!!!!!! :cry::shock:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

خواطر و خربشات:o