|
هل تتحلى المرأه بالصفات القيادية؟
يكثر الحديث عن قدرات المرأه... المرأه بشكل عام... ولا نتحدث عن حالات خاصه هنا...
هل تستطيع شغل كل الوظائف؟؟ هل تستطيع قيادة الدول؟؟؟ هل تستطيع التحكم بمصائر الشعوب؟؟ كيف لي أن أثق أن المرأة التي تذرف دموعاً إذا ارتفعت حرارة إبنها تستطيع أن تأخذ قرار الحرب والسلم بغير انجرار وراء عواطفها؟؟ أم أن هذه المرأه باعتبارها نبعاً للعطاء والحنان تستطيع قيادة شعب بأكمله بمايضمن حقوقه وواجباته؟؟ إليسارر.. زنوبيا... بنازير بوتو... مارغريت تاتشر... وغيرهم الكثير الكثير مروا في التاريخ... ها نستطيع القول أنهم نجحوا في القيادة أم أن حكمهم دائماً انتهى بالكوارث؟؟ هل نستطيع القول أن المرأة لا تستطيع الحكم؟؟ أم أن في هذا انتقاص من حقوقها؟؟؟ هل تؤمن حقاً بالقدرات القيادية للمرأه؟؟ |
ليس إنتقاصاً من حقوق المرأه... ولا من باب التحيز الذكوري لكنني لا أؤمن بمقدرات المرأه على قيادة الدول...
أؤمن فيها بكل الأمكنة لكنني لأتخيلها متحكمة بمصائر شعوب... لا أتخيلها قادرة على إتخاذ قرارات الحرب والسلم.. لا أتخيلها قادرة على إتخاذ القرار الصائب في اللحظات التاريخية... كيف لي أن أؤمن أن ساره بيلين التي كلفها تصفيف شعرها هذا العام 200 ألف دولار تتحكم بمصير دول... تعطي الأمر بإستعمال السلاح النووي... تجناح دول وتنسحب من أخرى... أجدها أماً وإختاً وحبيبةً وسيدةً... أجدها طبيبةً ومديرةً وصيدلانية.. إنما قائدة لدول.. أعتذر لكنني لم أستطع تقبل الفكرة |
قبل ما وضح كل اللي عندي وأكيد رح يصير تشعبات كتيرة بحكم أنو كل واحد ينظر للأمر من منظور بيئي أو ثقافي أو اجتماعي أو حتى ديني، بدي قول أنو الإنسان كإنسان هو رجل ومرأة معاً.
بالطبع في اختلافات إن كان جسدية أو نفسية... إلخ، بس هالشي ما بيتعلق بأدوار كل واحد منن بقلب المجتمع. وانطلاقاً من هالشي أنا بشوف أنو المرأة لو يعطى لها ما أعطي للرجل في عالم اليوم هي قادرة لتلعب أي دور قيادي أو عملي. باختصار لو يولد الإنسان (رجل أو مرأة) في مجتمع معافى متحرر من كل قيد أو رابط يشد الإنسان لكانت المرأة مساوية للرجل في الحقوق والواجبات والفكر والعمل... طبعاً بركز بوضوح أنو لكل واحد أسلوب وقدرة معينة... إلخ. هاد الحكي اللي عندي مبدئياً لأن في بالتأكيد كمالات أخرى. مع التحيّة :D. |
اقتباس:
|
اي ممكن جدا للمرآة تقود بلد واذا كان عندها حنان وعاطفة زيادة ما بظن انو سبب لتحمل بيعطيها نقطة بالناقص بالعكس بيعطيها نقطة زيادة
وبالذات هون في قطة الكل بيغفلها او الاغلب انو المرآة ما عندها حنان زيادة او نقص المرآة عندها عاطفة زايدة وممكن تكون هالعاطفة قسوة او حنية انت زكرت كتير أمثلة زنوبيا صح راحت أسيرة بس هي عظيمة بكل المقاييس وعندك سبأ كمان بس قصة هل تستطيع شغل كل الوظائف ما بعرف بالضبط انا بظن بتقدر تشتغل شو ما كان بس نحنا كشرقيين ما منقدر نشوفها شوفير تسكي ولا مكنسيان ولا كومجي مع وجود حالات قيلة ولا حتى منحب نشوف المرآة عسكرية مدري لانو منحس انو بتفقد انوثتها !!! :D |
اقتباس:
|
كل تعميم خاطئ
ما بظن أن المرأة عاجزة عن القيادة ولعب الدور القيادي باي مجال حتى بقيادة الدول. والشخصية القيادية ما بس حكر على الرجل , عبر التاريخ كان في نساء قادو امبرطوريات أو ممالك وبرعو بالقيادة وبالسياسة وبممارسة السلطة ومثال صغير على هالشي كاترين الكبرى قيصرة روسيا, كمان على الجانب الآخر فيه عدد لايحصى من الملوك والأباطرة من الرجال أو خلينا نقول من الذكور أدت تصرفاتن لخراب البلدان الي بيحكموها وكانو فاشلين سياسيا وقيادياً. يعني الشخصية القيادية أو القدرة على القيادة مانها حكر على الرجال فقط., هي ملكة عند الانسان ذكر كان أم أنثى. |
بدك جواب عربي ولا دولي ؟
|
اول شي .. خلي نبتعد عن الحكي اللي نسمعو من كنا زغار و نكون واقعيين
المراة مو عاطفية اكثر ... في كثير نساء بلا رحمة ... مثل ما في رجال سفاحين انا برأيي .. انو ممكن تجي مرأة افضل من الرجل اللي يسبقها ... و تقةود بلد معين الى احسن وضع ... او وزارة معينة ... انا مع التكامل ... مو مع الشمولية و التعميم |
بتخيل ها الكلام هو اقرب للصح وهو مو انتقاص من حقوقها
بس فيزيولوجية جسم المرأة ككائن بشري عواطفها بتتحكم بمشاعرها وتصرفاتها وبشدة انا مع ان الرجل اكثر عقلانية من المراة وبيقدر يسيطر على عواطفه لكن الزمان اتغير وهالقاعدة اخدت منحنى تاني يعني كونداليزا رايز مثلا مابتخيلا بتبكي ابدا مدري ليش:p يعني بالمختصر هالشي ممكن يمشي بالدول الغربية اما الشرقية لاء حتى لو حصلت على شهادات عالية اكتر من وزيرة مابتقدر تصل وماحدا بيعرف شو في بعدين يعني متل ما انصعق الشعب السوري المحضرم لما احتليت نجاح العطار منصب رئيس جمهورية تاني:shock: بكل الاحوال مافي شيء مستحيل الزمن تغير كتير وبالامكان الأمراة تتغير وتقود دول فينا ناخد مثال مثلا ماري انطوانيت نجحت شي بحكمها للفرنسييين؟ ولكل قاعدة شواذ |
اقتباس:
صحيح لغة التعميم ماحلوة وغير مستحبة عند الاعلبية بس التكامل شي صعب كتير والوصول اله بيطلب مننا التنازل عن اشياء كتيرة |
الشخصي القيادية لابد ان تكون استثنائية قوي ومميزة بجميع المقاييس
المميزات : أولا : الثقة بالنفس ثانيا : مرجعية علمية ثابته ثالثا : الجرأة من غير تردد رابعا : قدرة على استيعاب وتفهم من حوله خامسا : بعد النظر بشكل عام وغيرها من الصفات يعني لازم تكون حالة خاصة وسؤالي ليكهل كل الرجال يمتلكون شخصيات قيادية وقادرين على الحكم السديد والرشيد؟ برايي يمكن ان توجد نساء قادرات على تسير الدول بطريقة افضل من الرجال وان كنتم تعيبون علينا الحنان فعل ذاك الحنان يخفف من وطئة الرسمالية على الفقراء اما بالنسبة لاتخاذ قرارات الحروب فادا استطاعت فاطمة نسومر الفتاة الجبلية الامازيغية غير المتعلمة والتي تعيش في مجتمع ذكوري قبل اكتر من قرن ، ان تقود ثورة بلا اسلحة ارهبت بها فرنسا بجيشها وعدتها افلا تستطيع امراه من عصرنا قيادة حرب وهي على راس دولة ؟ |
اقتباس:
|
اقتباس:
|
اقتباس:
اي لو اردنا شي .. ننحققو رغك كل الصعوبات .. التكامل شي اساسي لمجتمع سليم و علاقات سليمة يعني اذا تكاملت مع زوجتي و اختي و امي و عمتي ..... اكون حققت شي كبير على المستوى الشخصي .. و التغيير بالمجتمع يبدي من الافراد :D |
هلا القدرة الفكرية اكيد المرأة عندها نفس الكفاءة لتقدر تقود دولة بس المرأة كائن عاطفي فهي لما بتحكم عقلا بتحكم عواطفا معو وهيدا بيرجع لطبيعتا العاطفية اللي مابتقدر تغير شي فيا مع وجود بعض الاستثناءات متل كل قاعدة.. بينما الرجل بيحك عقلو بعيدا عن عاطفتو وهيدا هوي الشي اللي بيلعب الدور الاساسي باحتلال المراكز القيادية هلا من وجهة نظري بانو بماانو المرأة مخلوق عاطفي وماانعطاها فرصتا للوصل للحكم والمراكز القيادية(باغلب الدول) فلما عم توصل ممكن هالشي ينعكس ليصير قرارت تعسفية واحيانا حازمة بحيث مابتقبل اي تغيير بسيط... التاريخ والمجتمعات اللي عشنا فيا (بدي قول هيك مجازيا) هي اللي بتمنع المرأة من انو تكون قادرة على القيام بالمهام القيادية... مثال ع حكيي انو مثلا ازا رحنا ع المحكمة وكان القاضي انثى... فقراراتا بشكل عام حازمة بجوز مو منصفة(او بالاحرى ممم متل مابيقولو قاسية) هيدا بيعود للي كنت عم قولو انو المرأة لما ماانعطت فرصتا الحقيقية فلما عم توصل عم (تنتقم لبنات جنسا) :D |
بدايه خليني استعير جمله من ثلاثائيات ياس في بداياتها بتمنى ينفهم قصدي منها بشكل واضح :
اقتباس:
اللي بيقرّب من ولاد أيّ أم بالدني ليأذيهم .. بيـشوف وجه تاني للمرأه و بنـاء عليه فأنّو المرأه مش بس عاطفه و بطاطا .. |
مالح اكتب كتير بس حابه اعطي مثل ...
زنوبيا .........اليست مثلا كافيا ....ولم تفشل في قيادتها |
اقتباس:
|
اقتباس:
انا يجوز اشوف قرارات المرأة مو دائما عاطفية ... و اقدر اقول انو المرأة بالعالم العربي ممكن تتخلى عن العادات و التقاليد اكثر من الرجل حينما تصدر حكم معين بقضية معينة .. |
اقتباس:
في كثير عوائل الزوج و الزوجة يشتغلوا .... و المرا ابدا ما مقصرة بشغل البيت .. و قسم منهم اذا اضطرت تستعين بمديرة منزل ... وين المشكلة يعني ؟ يعني المرأة اذا صارت رئيسة وزراء او وزيرة ... اكيد رح تستعين بطاقم حتى يمشي شغل البيت ... و زوجها .... رح يظل يشتغل نفس شغلو ... و ما رح يتغير شي .. يعني مو اذا صارت المرا وزيرة .. الزوج رح يقعد يطبخ و ينفخ ! انا اعرف عوائل المرا درجتها الوظيفية كثير اعلى من زوجها .. و حياتهم ماشية عادي ... |
اقتباس:
:mimo:...كتير واقعي هل الحكي |
أعتقد أن مقومات القيادة لا تتعلق بالجنس، قد تتوفر أو لا تتوفر عند الشخص، رجلا كان أو امرأة، فليس أي رجل هو مؤهل للقيادة و لا أي امرأة هي كذلك. قد يلعب المجتمع و التكوين السيكولوجي و العلمي دورا كبيرا في هذا التأهيل، لكن لا أعتقد أن للجنس علاقة بالكفاءة أو الاستحقاق لهذا الدور.:D
|
انو اغلبية الشبيبة .. حكو نفس الفكر اللي بدي احكيها .. بس عندي تعليق على شغلة التعميم .. وانها غلط اي صح .. متل المثال اللي عاطيه فادي انو ام بيتوقع انو وحدة متل .. كزا دفعت على تصفيف شعرا .. 200 الف دولار او شي .. بالمقابل بتلاقي ملاين الرجال المجنانين .. عم يدفعو ويعملو .. عم يخبصو تخابيص عجبة ..
بعدين حاليا .. في نقطة يمكن ما بعرف ازا حدا منتبهلهلا .. ايا دور قيادي لايا بلد .. ما عم يحتاج هديك القدرة العظيمة للسيطرة .. يعني لاشرح اكتر شوي لو بدنا نشوف حاليا الدول والبلدان الموجودة عنا بهاد القرن .. ما في دولة بدها قائد 100 % يكون .. مستلم كلشي لانو اصلا ما بيقدر انو يستلم كلشي .. وقت عم يستلم عم يكون في خطة مرسومة وجاهزة لحتى يمشي عليها .. في حواليه مين عم يمشيه .. او فلنقول انو في حال كان عندو القدرة انو يثبت جزء من شخصيتو .. محلها .. فحيكون .. في مين معو .. ومين لح يرجع يمشيه .. انت ما عم تحكي عن دول من العصر الفارسي ولا العباسي .. وقت فعلا كان قائد الدولة قائد .. وقت فعلا كان وقت تنحكى الكلمة .. ما يكون فيها تراجع .. كان اللي بدو ياه ممكن انو يصير .. لزلك وحاليا تحت هاد الوضع ما بلاقي ابدا مشكلة بهيك شي .. لانو حيكون متلها متلو .. والصورة لح تتشوه عالحالتين .. او لح تبيض عالحالتين .. :D |
المراة والرجل كل متكامل
والقيادة لاتستقيم بدون تكاملهما مهما كانت المراة قاسية وتتمتع بصفات قوية فانها ستكون فاشلة حكما مالم تجد رجلا الى جانبها يدير دفة القيادة معها وكذلك الرجل كما انه لامجتمع بدون الجنسين فلا قيادة بدونهما ومخطىء من يظن ان الحياة تستقيم باحدهما دون الاخر |
الصفات القياديه ما بتنحكم بجنس ... بعدين كل رجل بهادا العالم قدر يوصل لمراكز قياديه او علميه مرموقه اكيد كانت في حياتو امرأه عم تدفعو لقدام وواقفه جنبو .وعم يستمد قوته منها باي شكل من الاشكال (والمرأه هون بتشمل ..الأم , الاخت , الحبيبه..)...فكون الرجل قادر يكون قيادي اكيد الفضل ما لالو لحالو ... أن المرأة التي تهز السرير بيمينها تهز العالم بشمالها:larg: |
برأيي أن تحكم المرأة في هذا العصر أفضل للأنظمة الاقتصادية من حكم الرجال
والدليل أغلبية النساء هم من يستلم الادارة المالية في البيوت وبخلصوا رجالهم الراتب من أول الشهر ... |
اقتباس:
هالفكرة انوجدت بمحلين.. فانا برايي انو هالفكرة المطروحة هون مابتقول انو ازا المرأة قادرة على القيام بالمراكز القيادية.. محدا مننا مختلف ع انو المرأة هي الام والاخت والحبيبة بالعكس نحنا كلنا هون...ونحنا كلنا اكيدين انو الرجل بدون وقوف المراة جنبو مابيقدر يوصل باكتر الاحيان... بس اللي عم قولو.. انو هل المراة بحد ذاتها قادرة على القيادة (حتى مع وقوف الرجل لجانبا)؟ يعني هيي عندا القدرة الكافية على تحمل عبىء المسؤولية اللي بتحملو القيادة وتتحكم بحكمة فيه؟ |
من الممكن ان تتمتع بصفات القيادة ومن الممكن اعداد المراة لتستلم منصب القيادة
بس براي انا انو اذا كانت ورا الرجل القائد بتكون اكثر المراة اكثر حكمة و قدرة على اتخاذ القرارات :larg: |
[quote=يمان Rooooonaldo;1160404]انو اغلبية الشبيبة .. حكو نفس الفكر اللي بدي احكيها .. بس عندي تعليق على شغلة التعميم .. وانها غلط اي صح .. متل المثال اللي عاطيه فادي انو ام بيتوقع انو وحدة متل .. كزا دفعت على تصفيف شعرا .. 200 الف دولار او شي .. بالمقابل بتلاقي ملاين الرجال المجنانين .. عم يدفعو ويعملو .. عم يخبصو تخابيص عجبة ..
بعدين حاليا .. في نقطة يمكن ما بعرف ازا حدا منتبهلهلا .. ايا دور قيادي لايا بلد .. ما عم يحتاج هديك القدرة العظيمة للسيطرة .. يعني لاشرح اكتر شوي لو بدنا نشوف حاليا الدول والبلدان الموجودة عنا بهاد القرن .. ما في دولة بدها قائد 100 % يكون .. مستلم كلشي لانو اصلا ما بيقدر انو يستلم كلشي .. وقت عم يستلم عم يكون في خطة مرسومة وجاهزة لحتى يمشي عليها .. في حواليه مين عم يمشيه .. او فلنقول انو في حال كان عندو القدرة انو يثبت جزء من شخصيتو .. محلها .. فحيكون .. في مين معو .. ومين لح يرجع يمشيه .. انت ما عم تحكي عن دول من العصر الفارسي ولا العباسي .. وقت فعلا كان قائد الدولة قائد .. وقت فعلا كان وقت تنحكى الكلمة .. ما يكون فيها تراجع .. كان اللي بدو ياه ممكن انو يصير .. كنت ناوية اختم ردي بهاد الكلام ذاتو بس ما بعرف شو اللي نساني صحيح الرؤساء في عصرنا الحالي تقريبا اخر من يتخذ القرار في دستور وقوانين وبرلمان وغيرو يعني ما رح تظهر قوة شخصيتو الا ادا كانت فعلا قوي:D] |
ما بختلف معكن بانو المرأة بشكل عام عاطفيّة وحسّاسة أكتر من الرجل.. بس هالشي ما بيعني أنو في نساء عقلانيات وبيسيطروا على عواطفن وبيقدروا يتحمّلوا مسؤلية دولة كاملة أكتر من الرجال..
في اختلافات نفسيّة وجسدية بين المرأة والرجل، الرجل بيتفوّق بشغلات اكتر من المراة والمرأة بتتغلب عن الرجل بشغلات وصفات تانية... بس برأيي قضيّة الرئاسة هيي بحد ذاتا شغلة استثنائية، يعني متل مالازم يكون الذكر شي استثنائي ومميّز ليصير رئيس كمان لازم تكون الأنثى أنثى استثنائية بذكائا وقدراتا لتصير رئيسة.. وين المشكلة بالموضوع؟ خلونا واقعيين شوي، (سؤال موجه للشباب والصبايا) يعني ولا مرّة التقيتن ببنت واثقة من حالا وبتتحكم بعواطفا وعقلانية وعندا ذكاء ثاقب اكتر من الشباب؟ أي في بنات إذا انعطو فرصة رح يقدرو يقودو حلف دول كامل.. مو بس دولة وحدة.. وبالنسبة للأمثلة التاريخيّة عن المرأة القياديّة، فبقول أنو اليوم مسؤلية رئيس الدولة أسهل بكتير من أيام زمان، يعني قرار الحرب او كبسة الزر مانو قرار الرئيس لوحدو.. ع قولة عادل إمام حتى إذا لزق البنطلون بالشو اسمو، في مين يسحبو :lol:... ليكا ميركل (بغض النظر إذا كنت مؤيد لسياستا أو لأ) بس بظن أنو كونا انثى ما أثر أبداً بقدرتا على القيادة.. وكمان باسبانيا بعتقد أنو الحقائب الوزارية موزعة على 9 نساء و 8 رجال.. الامثلة التاريخية عن نجاح المرأة بالقيادة بتبين قدرة المرأة على تقرير مصير دولة كاملة حتى بأصعب الظروف وبزمن كان فيه قائد الدولة الكلّ بالكلّ. والأمثلة التاريخية عن المرأة الفاشلة قيادياً بتأيد نظرتنا تجاه المرأة الي تعوّدنا نشوفا أو ننظرلا كمخلوق حنون عاطفي يلي مهما كان مميّز مافيه يحكم دولة.. هلا بلا مثالية وما بعرف شو... بيني وبينكن بلا ما يصير عنا رئيسة أريح بكتير! رح نروح فيها يا شباب! بلا رئاسة وشايفين حالن علينا بقى شلون إذا... :sick: هاد فوق ما حرمونا من الجنّة كرمال عضّة تفاحة! اي لا احلمو بالرئاسة بقى :jakoush: اقتباس:
كتوب "في نساء سفّاحات... مثل مافي رجال سفّاحين" بتطلع المقارنة أزبط :lol: خود راحتك... عادي عادي :lol: |
اقتباس:
اقتباس:
اقتباس:
اقتباس:
ل اقتباس:
اقتباس:
يعني ازا بنت قالتلك روح كب حالك عن الجبل بتروح بتكب حالك؟:jakoush: |
وانا معك بعدم اهليتها لهيك منصب
يمكن يكون هالشي ممكن ولكن بحالاات نادرة بتكون تربت فيها من صغرها على انها تكون قيادية.... لكن تقود دولة؟؟؟مع الاسف مابظن لانها كتير رح تحكم عاطفتها |
فادي لح خبرك ياها ببساطة :
حوا بتفاحة وحدة جابتنا لهون .... و داليدا لما بدها بتحلق لشمشوم و اللبيب من الاشارة يفهم |
sweetbaby
هلا انا معك تقريبا بكل الي حكيتيه اقتباس:
اقتباس:
هلأ أنا ما بيهمني كتير أنها تستلم السلطة أو لأ.. بس بيهمني مثلاً لما شوف كيف كانت المرأة السوريّة بمسلسل باب الحارة ولوين وصّلت المرأة السوريّة حالياً.. وبيهمني أكتر أنو بالمرحلة القادمة توصّل المرأة لأكتر من هيك، يعني تنعطى الفرص الكافية والدعم الكافي وما تلاقي أي عوائق بطريقها لما بدها ترتقي وتتقدّم.. اقتباس:
لا أكيد ما بنعمل كلشي بتقولوه النا، بحالات كتيرة لازم ما نسمع لكلامكن لأنو بنعرف أنو البنات ماعندن القدرة على اتخاذ القرارات المهمّة :p اقتباس:
:D |
Urhoy
اقتباس:
اقتباس:
اقتباس:
اقتباس:
:D |
اقتباس:
كلامككككككك صحيح ما بيقولو وراء كل رجل عظيم امرأه عظيمه |
اقتباس:
|
المطلوب ليس تبادل بالأدوار بل مساواة بالحقوق . رأيي الشخصي بالقضية القيادية تحديداً انو المرأة لم تعطى فرصة حقيقية لتثبت بأنها قادرة على القيادة . نعم كلنا يعلم العاطفة الجياشة المسماة اصلاً في علم النفس بالقطب الانثوي والذي يتسم بالعطف والرقة واللين و وجود هذا القطب بشكل نامي عند الرجال يمنحهم صفات مثلية جنسية . و لكن ارى ان المرأة تستطيع القيادة ولا تنقصها الحكمة لذلك وانما بعض الخبرة في موازنة الأمور ومحاكمتها . فليس من المنطقي ان نخرج المرأة من القمقم المختبأة به طوال القرون بفعل التسلط الجسدي والتفوق الغريزي للرجل ونضع المرأة مباشرة لقيادة . لا أرى ان هناك مانع من التشارك في القيادة . نحن احوج ما نكون الى مشاركة حقيقية.
|
ردي صغير:
نحنا منعمل المراة قادرة عمواجهة الحياة ونحنا منهدم ومنقتل فيها هالروح وبظن انو المراة الشرقية اقدر من الغربية لان عندها ضوابط ومثالي موجود (انديرا غاندي) لقررت تدير البلد مثل ما بتدير بيتها هيدا رايي........ هاموش:بتمنى من القرصان ما يبلش فيي عالهمزات والشدات:oops: |
| الساعة بإيدك هلق يا سيدي 11:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون