|
انو ليش
مرحبا اخواتي هلق اليوم ما بعرف القصة كتير طبيعية يمكن انا عما زودها بس انو عندي استفسار بسيط ليش الشوفيرية بشكل عام بتلاقي كل واحد حاطط شي بيدل على طائفتو مثلا المسلم بيحطلك قرأن قداك و قرأن ورا و المسيحي ايقونة على اليمين و ايقونة على اليسار و الدرزي بيحطلك صورة مدري مين بوجك و كمالة الطوائف الكريمة يلي كان بودي اذكرها بس لضيق الوقت لأنو بحياتي مابخلص اذا بدي بلش على الطوايف (( طايفة على طايفة يابا و طافوا على بعض )) هلق المهم شو سبب و شو الفائدة من وضع شي بيدل على طائفتك او دينك بالسيارة يعني معقول على الاشارة تطلع القرأن او الانجيل و تبلش قراية :? |
هلا في نوعين من التفكير
في ناس بتحط القران أو الانجيل أو الايقونات كنوع من الحرز أو الحماية أو للتوفيق سميها الي بدك ياه يعني عمبدأ الخرزة الزرقا . وفي عالم بتحطو تيسنة بس تعصباً للطائفة الي بينتمو لألها (( مشان يكرسو مبدأ التعايش وينزلو تعايش ببعض هني وبقية الطوايف )) |
اقتباس:
|
اقتباس:
حلو هون السؤال هون اذا حطيت هالشي هلق لح يكون حرز و لا الفكرة ايماني بهالشي يلي حاطو انو لح يحميني . اقتباس:
هدول طبيعبي مالون شي حل مالون شي دوا يعني انا عندي فكرة تالتة بيحطو مشان يلي طالع - خصوصي السيارات العمومي - يعرفو شو دين الشوفير و ما يحكو شي كلمة تطلع واقفة ساعتها هوي بيعصب بيكبس على الفرام انت بتطلع من الشباك |
ممممممممممممممممـ في معتقد شائع انه هاي الأشيا بتحمي وبتحفظ الشخص ممكن العين أو الحسد إنه هاي الشغلة بترجع عاطفيه بالناحية الأكبر في مثلاً ناس بحطو ع سياراتهم بوت بيبي صغير و بعتبر لرد العين :gem: في ناس بتعلق هاد الشي بصدرها إن كان شباب او بنات متل سلاسل عليها سور قرآنية أو صلبان أو .. أو السبب : ممممممممـ يمكن بترجع للعادة إنه أنا شفت أبوي عمل هيك فبعمل متلو و أبوي شاف أبو عمل هيك فبعمل متلو إنه شغلة مورثة أو إعتقادات ذاتيه بالموضوع إنه زبطت مره معه فصار انه اي لأن انا حطيت مصحف او صليب حفظني رح اخليه ديماً و مع الوقت ممكن تصير شغلة مرضيه الحل : مممـ طريقة وعينا للأمور و العلم لأن هو الي بخلينا نشيل كتير من العادات الغلط و الأشيا الغير مفهومه و تعقيباً ع عنوان الموضوع : صبابا :gem: حلو كتير أبو وليم الموضوع |
حلو هون السؤال هون اذا حطيت هالشي هلق لح يكون حرز
و لا الفكرة ايماني بهالشي يلي حاطو انو لح يحميني كبر عقلك هلا إذا قلتلك الفيل بطير شو بتقلي ؟ مجرد احساس بالامان النفسي هدول طبيعبي مالون شي حل مالون شي دوا لا متل الأيدز ما الن دوا |
اناااااااااااااااابقول
يا سيدي لانو هيك الشعب بدو
يمكن بدهن يظهروا حالهن انو مميزين عنك بشي يعني اذا انت مسيحي و اطلعت مع شوفير مسلم يمكن بتحس بالتعايش و ما بتشوف طائفية و العكس صحيح اما اذا انت مثلا من شي طائفة من نفس طائفة هالشوفير ما بتتفق معوا لك يمكن تتضاربوا ع الاجرة و ع رقم العداد .............. و الحديث طويل خي ادوار:D |
ممكن ان افسر الامر كما ذكر فسحة امل مجرد احساس بالامان النفسي بالاضافة الى الرغبة بالتعبير عن الشخص ذاته حيث يريد الشخص حتى في عمله ان يتعايش مع تلك الاجواء يمكن ان يفسر الامر بالطائفية ايضا . . ربما يفرض الشوفير على الراكب تلك الاشياء ولكن هنالك حتى ركاب يحبون ذلك الجو مثلا في اوروبا بشكل عام سائق التكسي هو مجرد موظف لا يحق له ان يعدل على السيارة او يزينها كما يحلو له بينما في سورية السيارة شبه خاصة . . |
اقتباس:
و الحلاوة انو تطلع مع واحد من نفس طائفتك و ساعتها بيسامحك بنص العداد اقتباس:
اقتباس:
انو لازم كل واحد يعرف انت شو طائفتك و شو دينك يعني اخمل كرتونة و قول انا سعداوي |
اقتباس:
|
ياشديد الملاحظه انت ياابو الزوز انو الطنبر شو بحط صوره هي مازكرتا خيو :lol:
|
جارنا معلق بسيارتو من ورا .... شحاطة صغيرة
|
نحنا الشوفيرية نحنا شرايين المدينة
لو شي يوم توقفنا بنحبسكم في قنينية |
اقتباس:
|
اقتباس:
و حلاوتها انها لكل الطوايف في شي طايفة بتقدر تستغني عن الشحاطة ..؟؟ |
اقتباس:
|
هلا هالالفية التالتة راح تكون نفس الشحاطة بس يمكن على شي علم او راية مو على سيارة
|
اقتباس:
مو بعيده ابدا |
اقتباس:
|
هلأ هي القصة بلشت إنو إيماني بشي معين لو كان صورة او حجرة بيحميني مو الحجرة نفسه او الصورة
بس مع الإيام ومع سرعة الحياة ومع إنو ما عاد حدا اعطى اهمية للدماغ البشري صارت القصة مقتصرة على إنو القران بذاته هو اللي بيحميني او الصورة او الحجر شيلك عن الناس اللي بتحطا بس تياسة هيك مشان يا عالم شوفوني انا مسلم يا عالم شوفوني انا مسيحي يا عالم شوفوني انا جحش وهيك يعني ع راسي يا حج تحياتي الحارة ظل جيفارا |
سرافيس ضيعنا بتحط
الله القران الصليب فوق بعضون بسلسلة من فوق الله وبعدها القران والصليب:o وبيلفو الكدون بخلعة:o:o يسلملولي شو بيحبو تعدد الاديان:pos: مو هاد السبب السبب هو انو المنطقة مخلطة فبيحطو للكل مشان الحلال والحرام قصدي مشان الركاب يطلعو بدون ما يدقرو عند الصليب او القران يعني هدف تجاري بغطاء ديني:pos: |
اقتباس:
مشان يكوّشوا ع كل الركاب |
اقتباس:
|
خيو .. بضيف لأسئلتك ..
البوط .. ليش بحطو بوط ولد صغير ؟ |
يمكن مشان يقلك دير بالك
يعني لا الله ولا تسب دين الازمة -هاد الشوفير المسلم- لا تقرب العذرا ولا المسيح -المسيحي- والديانات الاخرى بدك تعرف مين كبيرن بعدين حاول ما تقربو واخيرا وليس اخراً وازا سبيت شو بدهن يعملو مع تحيات -ابو السلم للتفسيرات الوليمية- هاموش : انا مو فهمان شي من اللي كتبته فياريت تسامحونا ((من كل الديانات)) |
اقتباس:
رهيبة الحكاية بس يلعن ربهن كلهن على بعضهن قشة لفة تحياتي الحارة ظل جيفارا |
ليش وجع الراس يحطوا الي بدهم اياه ونحنا مالنا ؟؟؟
|
هلأ أنو أنا من وحي تجربتي معلقة ع سرفيسي صورة ابني الزغير من اليمين ونانسي عجرم من اليسار
وصورة ورد كبيرة ع الباب إخوات مراقي ..أنا هيك بدي أعمل :adal: عم أمزح طبعا :p |
اقتباس:
بس برضو تحياتي الك |
تفسير هذا السلوك تعدى في هذه الايام الملبدة بالطائفية والعنصرية التفسير التقليدي """ خوف الحسد"""
وهذا ما نعاني منه في غزة كل ما تطاله يد الانسان يُصبغ بالصبغة الحزبية واللون الحزبي لا أراه اكثر من مرض يسير بأربع عجلات ومن الافضل التخلص منه سريعا كي لا يتفشى وتعم الحوادث البلاد |
فعلاً متل ما حكو الشباب و الصبايا..
انو كل هي الامور هي مجرد معتقدات " بترد العين " او "الحسد" و كمان يمكن تكون مجرد عادات موروثة يعني بتلاقي واحد معلق شي رمز او علامة (غير القران و الصليب و......الخ) و بتسألو عن معنى هي العلامة و بتتفاجأ انو ما بيعرف...!!!! يعني هيك حاططها منظر...بس لمجرد انو كل اللي بعيلتو و عندن سيارات بيعلقوها......!!!!!! |
انو قال يعني عشان التوفيق..ليتوفقو بشغلهم..او عقولة فسحة..تيسنة;)
|
| الساعة بإيدك هلق يا سيدي 21:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون