طريقة سريعة لسحب كتاب بالسكينر بأحسن دقة وأقل حجم
 

في كافة منتديات الإنترنيت ومواقع تحميل الكتب نفس الأمر يتكرر.. نرى كتباً كثيرة جداً ولكن تمتاز بنفس الميزة: دقة وضوح ضعيفة وأحجام هائلة (30 ميغا بايت) لكتب لا يتجاوز عدد صفحاتها 200 مئتي صفحة ورقية! ويستغرق منفذ العملية عشر ساعات أو أكثر لإنهاء العملية.
ولكن يمكن باستخدام السحب بنظام أدوب أكروبات ريدر >> سحب كتاب بالسكينر بدقة ممتازة وحجم ضئيل وبسرعة جيدة.. حيث يمكن سحب كتاب مكوّن من 400 صفحة مثلا بحيث لا يتجاوز حجمه ( 5 ميغا بايت) فقط وبدقة وضوح جيدة جدا ولا يحتاج المستخدم الماهر أكثر من أربع ساعات وسطيا لسحب الكتاب وتنظيفه وإعداده للنشر على الإنترنيت.. إذا كان الكتاب مطبوع بشكل جيد أصلا: محارفه غامقة واضحة.
ولا يحتاج المستخدم أكثر من جهاز سكينر عادي + برنامج أدوب أكروبات ريدر فقط لا غير لتنفيذ هذه الطريقة >> ابتداءً من سحب الكتاب إلى تنظيف صفحاته وحتى تخفيض حجمه النهائي.. وكله باستخدام (أدوب أكروبات ريدر) وحده.
رابط الملف>>

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

.

thx
 

thx so much:clap::clap::clap::clap::clap::clap:

شكرا لك جزيل الشكر على التعليق الجميل وأتمنى لك التوفيق بتطبيق الطريقة
وإن شاء الله نرى أعمالا جميلة لك بهذه الطريقة على مواقع الإنترنيت كلها

You are welcome
thank you for participating
I hope you do well in this way of scanning

شو هالإبداع يا عمّي!!!
ربنا يبارك فيك ويخلّيك للأخوية!!!
انشالله ثانك يو!

شكرا لك على المساهمة والتعليق الجميل
والله يبارك بكم معشر الطيبين
وإن شاء الله تسلم >> يو أند إيفري ون لايك يو

شكرا لك على المرور والمساهمة بالتعليق الجميل
من المؤسف أننا لا نستطيع تحميل الملفات من بيوتنا ولا بد من زيارة مقاهي ASDL من أجل تلك الغاية >> إما إذا كان في الموقع أو في الملف مشكلة تعيق تحميله أرجو منك ومن الجميع إبلاغي بالتعليق هنا في صفحة الموضوع لكي أقوم برفعه إلى موقع آخر
في هذا الملف يوجد شرح وافي كافي لتزبيط الحواف وقصقصة الهوامش والبقع السوداء بسرعة بعد سحب الصفحات بالسكينر . أتمنى لك التوفيق بتحميل الملف وتطبيق محتوياته.

يبدو لي أن موقع فورشيرد يعاني أحيانا من اختناقات وصعوبات تنعكس على من يريد تنزيل الكتاب منه
ولذلك أضيف هنا روابط أخرى لنفس الملف :

رابط إضافي لملف طريقة سريعة لسحب كتاب >>

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ورابط ثالث لنفس الملف >>

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

شكرا
 

بتعرف ، عندي كتير كتب بحب حطها بالنت بس ما عندي ادنى فكره عن كيفيه عمل سكان الها ..

بقا رح شوف الطريقه اللي انتا حطيتها ، و رح اسألك وطلب منك اي شي بيلزمني ، بقا بدك تتحملني :)

والشكر لك أيضا كثيرا على المرور بالموضوع والتعليق الكريم
أهلا بك في المنتدى وشكرا على المرور بالموضوع والمساهمة بالتعليق الكريم

اتمنى لك التوفيق >> ولا تتردد بالسؤال عن أي شيء يتعلق بسحب الكتب بالسكنر وسأكون خير معين لك إن شاء الله.
لك الشكر على المرور بالموضوع والتعليق الكريم

الله يعطيك الف عافيه صديقي مرهف :)

اي نبدا :

السكينر عندي جاي مع الطابعة اللي نوعها HP Deskjet F300


البرنامج تبعها :




بعد الدخول الى Scan Picture Setting ( وبظن هيه المطلوبه ) .. بتطلعلي هالنافذه :





هي بخليها jpg صح ؟ ويمكن مالها علاقه بالموضوع ، وهي شاشة تانيه لعلامة التبويب الاخيره :



الخلاصه ، اني ماني عرفان كيف اختار قالب ادوات اكروبات ( الخطوة التانيه ) ، وكمان الخطوة التالته ما بعرف كيف اعملها ..


مع العلم انو هاد برنامج الاكروبات اللي عندي :



بقا شو العمل :) ؟

مية أهلين أبو شريك

- سألتني إن كان ينبغي أن تترك الخيار على jpg صح ؟ والجواب يجب ألا تبقى نوعية الصورة بنوعية jpg وإنما ينبغي تغييره إلى نوعية pdf ولذلك إبحث في الخيارات عن نوعية pdf ( بواسطة السهم الصغير قرب المستطيل File Type ) وكذلك في الخيار المجاور في يمين الصفحة >> Scan Dodcument settings
أما برنامج Adobe acrobat reader الموجود لديك فهو النسخة الثامنة وهي من أفضل النسخ لتنفيذ الطريقة المشروحة، والعمل بها سهل جدا.
تبقى مسألة اختيار قالب أدوب أكروبات للعمل مع السكانر ... وكنت أظنها مسألة سهلة ولكن اتضح (من خلال مناقشتي مع الإخوة الأعضاء في المنتديات) أن الأمر يصبح معقدا أمامهم أحيانا بسبب تنوع الأجهزة المستخدمة واختلاف برامجها عن بعضها البعض.. ولكن يبقى الأمر في النهاية ضمن نطاق مشترك واحد يختلف ظاهريا ولكنه متشابه جوهريا..
ومن خلال إجابتك على الأسئلة التالية سأحاول تكوين تصورات عن برنامج جهازك (لأنه لم يسبق لي العمل على جهاز مثله من قبل).
2- أعتقد أنه لم يفوتك تعريف الجهاز الموجود لديك ( طابعة/سكانر) باستخدام القرص التجاري المرفق الذي يأتي عادة مع الجهاز.. ولكن السؤال هو : هل قمت بفتح الملفات الخاصة بالسكانر وأنزلتها كلها من القرص التجاري إلى كمبيوترك ؟ ( عددها يجب أن يكون ستة ملفات.. منها ما هو خاص بتحرير الصورة ومنها ما هو خاص بقاعدة بيانات الصور المسحوبة ... الخ)
وبعد تعريف السكانر على الكمبيوتر ينبغي أن تظهر عدة أيقونات خاصة على سطح المكتب (في واجهة ويندوز) وهي تتعلق بالسكانر.. هل هي موجودة على سطح مكتبك كلها؟
كما أنه من المفروض أن توجد على جهاز (الطابعة/سكانر) ثلاثة ( أزرار مباشرة) يؤدي الضغط على أحدها بالإصبع إلى سحب الصفحة الموجودة بالسكانر مباشرة..
إنما يجب أن يظهر بعد الضغط على زر السحب المباشر شريط يسمى hp Scan Toolbox (شريط أدوات السحب ) ويكون مشابها بطريقة ما للشريط Cano Scan Toolbox الموجود شكله بالخطوة الثانية في ملفي ( طريقة سريعة لسحب كتاب على السكانر)
هل يظهر لك ذلك الشريط (شريط أدوات السحب ) عندما تقوم بسحب الصفحة بالسكانر؟؟
إذا ظهر لك شريط أدوات السحب >> اضغط فيه على زر settings إعدادات ( وهو موجود في أقصى اليمين في شريط Cano Scan Toolbox ) فيظهر لك الشكل التالي:



وبالضغط على السهم الصغير قرب المستطيل تظهر قائمة الخيارات كما في الشكل:



اختر منها خيار >> File
3- أريد أن أعرف كيف تتم عملية سحب الصفحات بالسكانر لديك: هل يمكنك وصف عملية سحب صفحة (مستخدما الأشكال التوضيحية) ؟ وإخباري عما يحدث على شاشة كمبيوترك منذ أول لحظة إلى آخر لحظة .. ماذا ترى.. وكيف تنتهي العملية.. وأين تجد الصفحة المسحوبة بالسكانر على كمبيوترك؟

و بالنسبة لـ Scan Dodcument settings .. فـ ما فيها شي :




اما بالنسبة لباقي الاسئلة ، فـ رح اجهّز الاجابات واحطها بس اخلّص ، لاني طلعت الـ CD وعم نزّل " حزمة البرامج " الكاملة :)

همسه : حلوة لغتك الفصحى ، بس ما بعرف احكيها باتقان متلك فسامحني رح احكي بالعاميه :)

حطيت الـ CD ، وهي قائمة البرامج او الملفات الخاصة بالسكنر والطابعة :



طلعت كل الملحقات نازله عندي ما عدا المظلل بالازرق ، وهاد بعد ما نزلتو طلع بدو سيريال ، وما عندي السيريال وما مكتوب عالـ CD سيريال او شي من هالقبيل ..


اي هدول هنّه :




صح ، قصدك هاد :



ولما بضغط عليه بتطلعلي صفحة لاختيار نمط الصور ، ومافي Pdf :



طيب خليني شوف الـ Help ، لشوف اذا في PDF :



معقوله !! لنشوف :



لك اي والله !!! .... الحمدلله ... طيب هلق اي واحد بختار ، اللي فهمتو انو الاولى هيه عاديه والتانيه مع امكانيه البحث والنسخ وما إلى ذلك ، بظن لازم اختار الاولى ، صح ؟

------


استكمل بالرد القادم الخطوه القادمه :)

عزيزي العابر:

أولاً استغربت بشدة من كلامك..... أكروبات ريدر للمسح؟؟؟؟؟ قلت أكيد فيه شي غلط...

ثم اكتشفت إنك عم تحكي عن "adobe acrobat professional" مو الريدر.... وهكذا عرف السبب، وبطل العجب


فإذا كنت عم تحكي عن طريقة تتطلب سكانر وكمان برنامج أكروبات الكامل، فمعناها انتي كتير صعبت علينا الأمور، وكتير كتير لفيت ودرت منشان موضوع صغير يمكن ما بياكل أكتر من سطرين أو تلاتة شرح....


أنا عم بستخدم طريقة سهلة وبسيطة، ويمكن ما إلها علاقة بنوع السكانر الموجودة عندك ولا بتحتاج أكتر من صورتين شرح سريعات.... وفيي قول إنو آخر ملف عملتلو سكان كان عدد صفحاتو 400 وطلع معي حجمو 5 ميغا بس بدقة 300 dpi.

للأسف السكانر مش تحت إيدي هلأ لأني بكافيه، لكن رح أشرح بشكل سريع الطريقة:


1- هالطريقة ما بتتعلق ببرنامج السكانر أو تعريفها.... استعمل التعريف متل ما بدك وخود راحتك
2- المطلوب هو برنامج أدوبي أكروبات الكامل والأفضل يكون آخر إصدار.
3- بتفتح البرنامج وبتختار الشي الموجود بالصورة هون:



4- رح يظهرلك نافذة مسح بتستخدم تعريف السكانر نفسو، يعني متل ما بتسحب أي صورة عادية بكل بساطة عبر السكانر...

5- بعد ما تخلص مسح الصفحة رح يعطيك البرنامج خيارين "خلص المسح" أو "مسح صفحة أخرى".... وبتضل بتمسح لوقت ما يخلص الكتاب

6- للتأكد من المسح بأقل حجم ممكن.... بعد ما نخلص منحفظ الكتاب ومنقوم بضغطه قدر الإمكان، هيك




وصحة وهنا :larg::larg::larg:

لأ .. عمي >> ما في شي غلط والبرنامج اسمه أدوب أكربات بروفيشنال صحيح .. ولكنه النسخة الثامنة من ريدر

مو الريدر ؟؟ ياسلام !
لا.. أخي ..البرنامج Adobe Acrobat professional هو نفسه أصلا لقراءة ملفات pdf وليس لشيء آخر .. يعني ليس مخصصا لعمل مختلف وبالتالي فهر قارئ Reader ملفات
حضرتك نظرت إلى الشكليات الظاهرية وتغاضيت عن العمل الجوهري

شو هاد ؟ بدل الله يعطيك العافية !
شوف أستاذ إنتي الوحيد يلي حكى هاد الحكي عن موضوعي مع إني نشرت الموضوع في عدة منتديات عبر الوطن العربي>> وما حدا قال لي إني لفيت ودرت منشان موضوع صغير
ولو إنك كلفت خاطرك ونظرت في ملف الموضوع كنت شفت إنو الشرح ليس على السحب فقط وإنما على تحرير ما بعد السحب >> التخلص من البقع والهوامش والتصغير وحتى نشر الكتاب على الإنترنيت.
والملف موجه أصلا للمستخدمين الجدد الذين ليس لديهم أدنى فكرة عن عمل الكتب بالسكانر ولا يكفي سطرين ثلاثة لتوضيح الأمر لهم.. >> يبدو أنك لم تمارس التدريس في حياتك <<
وطالما أنك شاطر لهالدرجة خلينا نشوف أعمالك المسحوبة بطريقتك الخطيرة
الله يرحم أستاذنا القدير محمد كامل كان له مقولة يرددها على مسامعنا ليلا نهارا >> الذوق فضلوه على العلم

شكرا موضوع مهم جدا جدا :D:D

أولاً يا عزيزي مافي داعي للحدّة، أنا ما تهجمت عليك وما بينكر ردّي إنو الله يعطيك ألف عافية... أنا رفعت للمكتبة هون بأخوية عشرات الكتب وماني مستني لا أتبروظ عليك ولا تتبروظ عليي.... كل القصة إني حطيت رد لفائدتك، قبل فائدة بقية الشباب... لأنو أنا سحبت مئات الكتب وبألفين طريقة... واشتغلت على هالموضوع أكتر مما بإمكانك تتخيّل... مرة تانية يعطيك العافية منشان نصفّي القلوب قبل ما نحكي بالمفيد...

والمفيد يا عزيزي أولاً إنو أنا فعلاً بدرّس كومبيوتر من زمان، ولهالسبب تعلمت إنو بس طولت الجريدة الطالب بيرتعب، وطريقتي بدها سطرين تلاتة شرح مو لأني عم بحكي مع خبراء.... هي فعلاً الطريقة سهلة كتير ومجرد خطوتين أبسط من البساطة... شفت الصور شي؟.... يعني بيقولوا الصورة بتغني عن ألف كلمة.... وبرنامج الأدوبي أكروبات بروفشنال قادر يصححلك وينقحلك كل الصور وهو عم يسحب بدون ما تحيج حالك وتنقحها لاحقاً، بمجرّد تحدد خياراتك قبل المسح، ولك حتى الصورة اللي بتسحبها بطريقة مايلة بالغلط هو بيجلسلك ياها

بعدين شو هي قشور ما قشور؟.... هاد البرنامج اللي عم تحكي عليه مو هو أكروبات ريدر، ولك يا أخي والله مو الريدر... وحياة أبلة ظاظا مو الأكروبات ريدر.... الأكروبات ريدر ببلاش والأكروبات برو حقّو 640 دولار أمريكي، الأكروبات ريدر حجمو 30 ميغابايت وهداك حجمو 980 ميغا بايت، الريدر جزء كتير صغير من البروفيشنال ومخصص بس لقراءة الملفات... وهداك برنامج ضخم أكتر ما بتتصوّر، إذا عملو فيه دكتوراه بيخصصولها خمس سنين.

هاد الحكي ما فيي جاملك فيه... يعني لو كنت انت أخوي لحم ودم، ما رح يخلي هالشي اللبن يصير أسود ولا رح يخلي الأكروبات ريدر يستعمل السكانر اقتنعت أو ما اقتنعت... فيه موقع اسمو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

فيك تتأكد منه بنفسك.

ماني حابب خلي الموضوع شخصي بس يا خاي ترى هيدي هي فكرة المنتديات... إنو متل ما عم تحاول انت تفيد أنا حاول فيدك وفيد العالم وساعدك أكتر ما دام عندي المعلومة، ما لازم تتحسس إذا غيرك حاول يفيدك لأنو مالنا هون معلم وتلميذ، بالعكس إذا نشرت هالموضوع بألفين محل وما حدا ساعدك تفهم الفرق بين الريدر والبروفشنال فأنا بيكفيني إنو فدتك بهالمعلومة وما بدي منك جزاءً ولا شكورا.... وترى كمان يسلمو إيديك على تعبك بس أنا حابب وفّر عليك شغل ياما... وشغل على الشباب... مو جاييني من وراها دولارات ولا شهرة... حتى اسمي ما حدا من الشباب بيعرفو...


تحياتي إلك... وترى أنا واحد من اللي بيقروا منيح وبينزلوا الملفات وبيشوفوها، لولا هيك بطجلك كلمة شكراً وبمشي... انت أي طريقة فادتك أكتر؟


إنت إنسان من اللي بيعطوا وبيهتموا واللي متلك قلال، وأنا بشكر الطبيعة اللي جعلت متلك ناس بيحبوا يعطو.... بس يا عزيزي، كلنا منتعلّم... وأنا كنت متلك تعلمت كتير وغيّرت من طرقي بالشغل وبالحوار... بقا تحياتي يا زعيم، وريتك تسلملي