جروب اخوية سورية .. Akhawia.net ..
 

مرحبا جميعا .. :D


هادا يا سيدي .. وانا عم افتل بين هالمواقع .. لقطنا الموقع التالي ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هلا شو هاد الموقع هاد الموقع يا سيدي بييعطي ميزة .. انو ممكن جروب من الشلل .. وجماعات معينة عبالها تعمل متل .. تشات .. موجود .. ولكن عالمسنجر بدون مواقع وهاكزا اشياء ..

هلا حلاوة هاد الموقع .. انو بيعملك جروب معين .. للشي اللي انت بدك ياه .. وبعدين بصير ايا حدا بيضيف هاد الايميل التالي .. بيطلع على صفحة التشات .. على المسنجر .. هلا بجوز لهلا ما الكل فهم .. بس القصة بسيطة وما بدا كتير حرك مخك معي بفرنكين ..

حاليا بما انو دردشة اخوية " طق الحنك " واقفة .. عملت جروب .. لاخوية .. اسمو Akhawia.net ..

وبهيك ممكن كل حدا بكون اون لاين عالمسنجر او شي .. يقدر يفوت ويدردرش مع الشبيبة جوا ..

**هلا بجوز عالم ما يحبو القصة كرمال انو ايميلي وايملك ما حدا يلطشن .. بس تسؤ .. غلطان ..

لانو حلاوة هي الشغلة انو ما حدا بيقدر لا يعرف ايميل التاني .. ولا حتى صورتو ولا ايا شي ..

يعني بس .. فعلا كأنك فايت على صفحة تشات .. وبالاسم المستعار تبعك اللي بدك ياه ..

يعني ال .. privacy .. جدا جزيلا عالية .. وبنفس الوقت ممكن انك تفوت وترق بلوكات عكيفك منشان ازا حدا تسائل عليك .. :p


طريقة الفوتة عالجروب :

اي .. المهز حاليا .. العملية مانا كتير صعبة .. الايميل تبع الجروب تبعنا هوة عالشكل التالي :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بتروح بوشك عالمسنجر وبتضيفو .. اللي حابب .. ولح يطلعلك نافذة .. كتوب فيها كلمة او كلمتين ..
بيقوم بيطلب منك .. انو accept .. لحتى يفتحلك التطبيق ..

بيطلعلك عاليسار بقا .. مين موجود اون لاين من الاعضاء .. " بأسمائن المستعارة بس " .. + شوية شغلات انت ازا بدك تساويا عن شوية information .. عن حالك وهاكزا ..

متل ما قلت .. اللي بحب اهلا وسهلا .. واللي ما بحب .. يزحط الله معو .. والقلب داعيلو .. :gem:


ازا حدا عندو ايا استفسار .. يسالني .. وانا جاهز ..

:D

ابو اليمن ..

هلا ليك انا مخي سميك شوي .. بدك تشرحلي

انا عملت ادد عالمسنجر لهادا الايميل صح الحكي؟

ما طلعلي شي ..

سماع علاؤووو .. هلا انت عميل ال add

وانطرلك شوي ليطلع اسم الجروب عندك كأنو contact عادي ..

بعدين فتاح عليه كانو بدك تحكي مع ايا حدا عالمسنجر ..

لح تلاقي حالك صرت موجود معنا :D ..

فوفو من اول الزوار كانت .. :p

هلأ ما هون الصواب ..

انو عملت آد .. واززززززز

ما صار شي ..

والايميل لساتو اوف لاين..

شو الطرنيييييييب

انا حرقصت :S

هممممم علاء قصتو قصة ..

علاء فصيل مسنجرك .. وروح دخنلك باكيت حمرا .. وابريق متة .. وارجاع شغلو بيمشي الحال

انضمينا .... :yahoo:
اول مرة بحياتك بتعمل شي منيح يمان ...:p

اي اي .. لهلا تمام الوضع .. كلّو فات ..

اب سارة واب سمرة وفوفو ومثنى وكرم .. يلا .. ولسا ..

يعدمني ياك علاء .. :frown:

انت صرت جوا لسا عندك استفسار ؟

انت سألت ... مين عندو استفسار

و أنا قلتلك أنو عندي ..

بس..

اي مابدي زحط انا بدي بلط هون وعمول اللي بدك ياه :pos:

لح روح هلاء ضيفو للايميل وازا ماصار شي ببقى بفوت لاستفسر لانو انا التانية مخي سميك :larg:

شكلو مخّك سوبر سميك .. 5 ساعات .. :p

Good Idea yemoon

:gem:

:larg:

اي اي انا عملت اد ..:p... ثانكس يمون :D

ياعمي الحكي بضل حكي جربو مابتندمو

شو عم تبيع بطاطا :?

صارو 37 اللي جوا .. :gem:

حلوة الجمعات اخر المسا عم تكون جدا جزيلا ..

انا انطروني بس اخلص هالاسبوع امتحانات لانو .. :yahoo:

الله يزيدن ويكترن

لك شو ئصتك انت كل اسبوع امتحانات؟اي شو هالدراسة هي:?

انا كلما بفوت مابلاقي حدا بس بشر ويمكن ع قولة ابو سارة انو اسمو معلق او مدري في شي ملخبط

والله غ راسي أحلى يمان تسلم كتير على الجروب
وانا بتمنى لو كان إسم الموضوع تشات أخوية
ع راسي يا حج منشكور كتير يامعلم
تحياتي الحارة
ظل جيفارا

أحلى شغلة انعملت!

يعني شكراً جزيلاً وافراً... يمان ما انطقّت الطابة؟!

بتعرف الجروب بيساعد كتير أنو تتعرف عالأعضاء وجهاً لوجه :p،
وخاصّة أنو الحوار كتير صريح وسريع وفي عدد منيح جداً!

تسلم يا طيب :D.

عراسي .. شبيبة .. ووعفكرة .. الجروب .. جوا كلو تمام حاليا ويمكن العدد وصل لل شي 66 او شي .. يمكن .. ماني متأكد ..

اللي عم شوفو انو في تفاعل حلو .. وعم يكون في اعداد منيحة .. جوا والله ..

وان شا الله ازا في شي جديد جوا .. ممكن نساويه .. بحاولو ..

:D

انا مبسط ع طول هناك ...:oops:

هاي يمان
بس أنا اعملت أد و ما وصلني شي؟؟؟
what to do??
:D

ما بدو يصلك شي بدو يطلعلك جروب اون لاين استاز ..

انو صار عدد المنضمين75 .. والله حلوة هل الشغلة كو ها.. :o

بكرا منجيب اب وليم بما انو عامل .. بوكيمون وما بيكمون هالكم يوم .. تبع انضمو .. انضمو .. :p

اي اي
واهم شي ياشباب تعرفولي مين هاد فرفور :frown:

اخر الاخبار صارو 77

وشكرا للي طبقو الفكرة وشي حلو

هههههههههههه احلى شي.. والله هو لازم.. لانو يمكن ازا قال كلمة انضموا انضموا تلاقي المنتدى كلو صار بالماسنجر و ليس فقط 77.. :lol:

والله شغلة حلوة هاه
الصراحة لسا ما سجلت لانو المسنجر عندي ما عم يفتح بس الفكرة حلوة و زكرتني ب ايميل الencarta بس سؤال :
هوي شغل chatting ولا متصفح معلومات, وللا التنين سوا ؟؟؟؟؟؟؟؟؟؟؟؟؟؟؟؟؟

أي جزيلاً جداً لازم تعرفو مين هاد فرفور لأن أبداً زنبو ما مغفور:jakoush:

هاموش : أحياناً بسلي أكتر من كيلو بزر

إيييه ذكرتوني بأيام طق الحنك تبع الأخوية.....

انا بعرف فرفور كتير بس ما بعرف فوت عالجروب مامعي اياه:sosweet:

هممم:sly:

يسسسسسسسسسسسسسسسسسسسسسلمو يماااااااان
شغلة ظريفة وكلها فكاهة واستمزمز
وجربناها ومشي الحال

انا ما مشي حالي ليش ؟؟؟؟؟:shock:

هلا انو اهلا بكل الشبيبة ..


لح ابعتلك عالخاص .. :D