|
شو بتحب بشريك حياتك؟؟
شو بتحب/ي أو بتفضل/ي من الصفات؟؟؟
شو معاييرك بتفضل الشكل الخارجي عأي شي ولا الشكل الخارجي والداخلي معا..يعني النفسية والتفكير....التصرفات وطريقة الحديث....الخ ولّا الشكل الخارجي كلّو ما بهمّك؟؟؟ ولّا ....ولّا.......ولّااااا؟؟؟؟؟؟؟ ؟؟؟؟ انت أو انتي شو معاييرك وهل دائما منلاقي معاييرنا بشريك حياتنا؟؟ولّا ممكن نقنع ونرضى ومنقول نصيب؟؟؟ومنرتااااااح. |
للاسف...
ما عندي شريكة حياة |
شكرا ع الموضوع ...
اكيد كل واحد بيتمنىى يكون شريك حياتو توب... بس بالوقع هاد صعب و بالاخر كل شي قسمة و نصيب و ما تقدر تغير شي... |
الشكل والداخلي معا..يعني النفسية والتفكير....التصرفات وطريقة الحديث والتفاهم والعقلية وانسجامنا مع بعض والاخلاق والدين واهما شي انو يحس بلمسؤوليه ومايكون مولدن يعني رجال بكل معنى الكلمة
على هل اساس اخترت خطيبي :p ولا لا المال ولا الجمال بيدومو بس جوهر الانسان هو الي بيبقى |
ولشو بالله يشاركني حياتي! هي حياتي ولا حياتو:jakoush: الدنيا زحمة خلقة ومش ناقصها شراكة بالناقص! |
بحبك بلا ولا شي
|
ana ma btmanna shi b 7ayati ,,3'er enno ma ykoon fe 7ada in th first place,,,,,y3ni la exterior wla interior ,,
|
انو مايتدخل بحياتي:jakoush:
|
انو هلأ حلو الشكل الخارجي يكون حلو وحلو النفسية والشكل الداخلي يكون حلو .. يعني بس الاهم انو تكون النفسية حلوة والعقل يكون ناضج ....:oops:
|
أكيد الشكل الخارجي اله دور بس ما بشكل نسبه كبيره !!!
أهم اشي الشكل الداخلي (قلبها)!!! وبتمنى تكون صادقه , وما بتحب المظاهر (مين ما بتحبها) !!!:o |
واللي ماعندو شريك حياة يوصفو شو بيعمل؟
معليه بس في شروط لازم تكون بشريك الحياة المستقبلي انو يكون حلو شكلا ومضمونا :sosweet:وبيطير ضبنات العئل |
اهما شي يحبني اكتر من اي شي بالعالم
وغير هيك مو مهم شو ماكان يكون :D |
ممممـ ، كتير شغلات .. بنت متعلمة ، فهمانه ومتفهمة ، بنت عيلة ، بتعرف تحكي و عندها أسلوب بالحكي ، واعية ، راكزة ، صادقة ، حنونه وشكلها مقبول وحلوة (يعني بحسن أشرب قهوة الصبح معها مافي مشكلة عندي) وفوق كل هاد .. أحلى شي فيها إنها حوووومصيييه* إي ياموو ع اللمبة :o *بس بضل إسمها إم حــلب :p |
اقتباس:
|
اقتباس:
كل هدا بدّك ببنت وحدة؟؟؟ مواصفاتك قياسية...بس يا سيدي كل شي ممكن!!!;) |
اقتباس:
شكلي فهمت السؤال غلط ، أنـا هاد الشي لاقيته و عندي ياه :D فكرت السؤال أنو شو هيي مواصفات شريكك الحالي و إش بتحب فيه ! مو إش بتتمناه يكون |
هلأ أكيد الشكل الخارجي مهم ..يعني لااازم يكون طويل وحواجبو حلوين وعيونو كمان ..وصوتو حلو وأسلوبو بالحكي مؤثر :p
بس بعد فترة ما عد الواحد يهتم كتير بالشكل وبصير أهم التعامل والقلب الحبوب يلي بحبني ويحترمني ,وأهم شي ما حس بالوقت وأنا معو :sosweet: |
والله هو الشكل الخاجي نسبتو كتير ضعيفة لتسحر البنت اهم شيء يحبني اكتر ما احبو يفهمني ويوثق فيا وطبعا ضروري يكون ذكي ومرح وحنون ومثقف وشخصيتو قوة وعندو روح المسؤولية وضميرو صاحي بس يكون هيك رح حبو شو ماكان شكلو
بس فيها انانية مني ادا كان مو حلو ابدا لانو بنتي رح تلع تشبهو حرام مسكينة ادا طلعت مو حلوة رح تتعذب وسط مجتمعنا يعني اقل شيء يكون مقبول شكلا اما داخليا ما رح اتنازل ادا مهمايكوووووووووون |
أنو يعني الشغلتين سوا .. داخلي وخارجي حلو شوي صعبة .. ولو بتختلف النظرة الحلاوة من شخص لاخر
بس من الشغلات الظريفة يلي اتعرضتلها مرة . لما تعرفت ع صديقة قديمة لشريك حياتي اجتها الصدمة . كان صارع ربون بدو وحدة شقرا وبيضا عيونها زرق طويلة وهيفاء القامة ,,,,,, يا جماعة بلا مبالغة ولا صفة صحية .. ابدا .. غير انو شعري سابل .. هي كانت كمان ضمن المواصفات هههه ... فهالصديقة ما قدرت تسكت قالتلو لكن شو هاد يلي جايبو ؟؟؟؟؟؟ استقبال مو ظريف ما؟؟؟؟:cry: وانا كل عمري بدي واحد عيونو خضر .. طلعو سود بالغلط :p بس بتوقع اني ما بساوم ع اساسيات بالشكل الداخلي ... انو نتفق بالامور الاساسية يلي لنا وهيي السياسة .. النظرة للدين .... وانو في شي اسمو بني ادم واقف معك ويشارك بحياتك مو اجر كرسي.. وهي كلها متوفرة:oops: وجود الحب بالتاكيد شغلة بديهية ....ولا؟؟ |
الحمد لله فيو الشغلات كلا
من الخارج والداخل مو بشهادتي بس بشهادة كل اللي بيعرفو:oops: بس أكيد اهم الشي التفاهم والوعي |
انا ما كتير بيهمني الشكل الخارجي لانو اهم شي بالنسبة لالي انويكون متعلم وفهمان ومثقف وبيعرف قيمة المرا لانو الجمال ممكن يروح اما الاخلاق والتربية بيظلو على طول يعني هنن الاساس , اي وادا كان حلو فزيادة الخير خيرين .
|
كل شي ...........ولا شي؟؟
|
اقتباس:
|
ان يفهمني وافهمه منيح وماننسى الحب أكيد هداأهمشي بالنسبه اليييييييييييي;)
|
اقتباس:
ليش اسموا شريك حياتي |
لاحظت بالتعليقات ( عيونو ,حواجبو , شكلو حلو , بينشرب معها فنجان قهوة ؟؟؟؟!!!!) شو عم نختار كنباية واللا شي باربية نحطها بشي زاوية من زوايا البيت نفتخر بجمالها قدام العالم انو شو يابا ليقولو العالم نيالو مرتو حلوة او والله جوزها كوووول !!! :sly: :gem: ماتعصبو وتتدايقو لأنو بس هف قلبك عالبنوتة او هف قلبك عالشب رح تلاحظو بانو الشخص اللي بتحبوه بنظركون احلى شخص بالعالم واذكى شخص بالعالم واحن شخص بالعالم وووو ....إلخ... لأن الحب الحقيقي: أن احب الطرف الآخر كما هو بمساوئه ومحاسنه بدون شروط :larg: :shisha: واللي بيختار على اساس شروطه الموضوعة لايحب اللذي اختاره لأنو برجع بذكر ماعم اختار سيارة او كنباية او عصارة ليمون:humm:. لأنو سبقونا بالأمثال وقالو ياواخد القرد على مالو بكرى بيروح المال وبيضل القرد على قلبك قاعد لحالو..... ومن هالمثل كمان بيجي منو الأمور التانية مثلا : للي اختار على اساس الجمال والتوب والعيون الزرقاء والخضراء وحور العين وووو بلكي بكرى لا سمح الله صار معو شي حادث وطارت هاي الصفة !!! أيه !! ببطل احبو؟؟؟ اي شو هالحب الأفلاطوني هاد :hashish: وبحب اقلكون انا حبيبتي ياللي هي خطيبتي جمالها مانو توب وممكن يكون جمال عادي بنظر العالم بس بالنسبة لألي شخصيا بشوفها احلى وحدة بالعالم وهي فتاة اخلامي اللي كنت مستنيها لأني بحبها لشخصها. متل ماهي بتشوفني احلى شب وعندي احلى عيون بالدنية واقوى شخصية هدا كلو لأنها بتحيني لشخصي انا. مو لأني عيوني زرق وطولي 180سم وشعراتي سبلين وسووووووود هدا كلو اسمو حكي فاضي :willi: :abo3aen: وبرجع بذكركون برأيي انا واللي ماعاجبو بقلو هادا رأيي انا ماعم احاول اقنعك بشي وياللي هو : ان احب الطرف الآخر كما هو بمحاسنه ومساوءه بضعفاته وانتصاراته وبدون شروط مسبقة :cy: وبدون حب افلاطوني :yahoo::fheart: |
| الساعة بإيدك هلق يا سيدي 09:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون