|
التدخين والنسوان
هل تمانع التدخين بالنسبة للنساء أو البنات يعني....؟؟؟وليش أعط أسبابك
هلّق الناس أصناف وأشكال وألوان كمان ممكن في منكن يحبّذ الفكرة ويعتبرا مثيرة وعامل جذب وناس بيعتبروها عيب وما بيجوز ويمكن من المحرّمات وناس لا هيك ولا هيك الن رأي مختلف .... انتوا شو رأيكن؟؟؟؟؟؟؟؟ |
وشو خص التدخين اذا كان شب او بنت ؟؟ ولا حتى هي صار فيها تمييز ؟؟؟ ;)
على كل حال انا بشوف انو التدخين مضر وكتير كمان بس انو بستحلي منظر السيجارة وحتى ريحتها وبحس في شي بميزها مع انو بحياتي ما دخنت ولا رح دخن ... |
والله انا بقول انو على حسب المرأه المدخنة
هلاء بالاماكن العامة ازا عم تدخنا بي ادب وعادي جدا فا عادي مافيها شي اما ازا عم تدخنها لجلب الانظار مع نظرات وقحة اكيد ماحلوة بنووووب وبيفكروها من اياهم ولا هو بشكل عام تدخين المرأه مافيو شي بنوب مع اني غير مدخنة بس بشوفو عادي |
اقتباس:
على كل حال لاتنسي انو نحنا بمجتمع شرقي والموضوع مطروح فلا تستغربي التمييز بين الشاب والفتاة موجود بكل شي عنا وللأسف يعني(مع اني معارض لهلشي)واللي بدّو يدخّن يدخّن ما بضر غير نفسو بالنهاية.. |
sarli mddh 3m fakker b tad5een w sho mmkn yser law da5ant ,,mn fatra kteer 7abet jarreb y3ni mtl ma bt2oolo 5rmt 2mt jarabt
 bs ma 3ajbetna tawel,,,i know someone who waited 2 years until he liked smoking and addicted it...lol- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
المراة يللي بتدخن بالنسبة الي شي عجيب وغريب ما الها فكاهة ولا مزية...متل الطابون...شنو الدخان مكياج الرجال والمراة الها ما كياجها الخاص.عمركن شفتو رجال حاطط روج؟؟؟كيف بيكون شكله؟؟؟
|
انا ضد فكرة التدخين من اساسها سواءا كانت للبنت او لشب لانو التدخين الو اضرار صحية كتيرة و بنصح كل مين بيدخن يحاول يبطلو:D:D
|
اقتباس:
|
دخن عليها تنجلي ويلي ما بتدخن تأركل
لك يا عمي تدخن ولا كيفا هية حرة دخنو حبيباتي :hashish: |
اقتباس:
|
عادي يا صديقي يعني موضوع التدخين للبنت صار ...
يعني لهلا بدنا نحكي إذا معلش البنت تدخن أو تشرب أركيلة أو تلبس بنطلون :cry: |
اقتباس:
اي انا لليوم بستحي دخّن قدّام أهلي مع اني شب وعمري 23 |
اقتباس:
|
السيجارة .. هي تعويض لفقدان ثدي الأم
و لفقدان طمأنينة الرضيع أثناء فترات الرضاعة الأولى يعني ما في فرق بين ذكر و أنثى يللي بيفقد الطمأنينة .. رح يدخن  |
اقتباس:
انو يعني لان مابتدخن عم تحكي هيك؟؟:p |
اقتباس:
انا برائي اذا كان التدخين تقليد وشوفه حال فهاد الشي مسخره وغلط:x واذا كان ليلفت الانتباه او بيمشي على الموضه فهاد الشي غلط اكبر :pos: واذا كان مجرد ليهروب من الوضع الي هو فيه من قهر او زعل او غيروا ممكن;) بس الافضل يلاقي غير هالحل لانوا مضل لصحتوا وللاخرين الي جنبوا ;):p وبنسبه للستحيء شي جميل جدا وهاد الشي بيرجع لحسن التربيه واصل الوالدين الي ربوك انا اخواتي الشباب مابيترجوا يدخنوا قدام اهلي ماحلوه يعني |
يعني فعلا الواحد مرات لما بيقعد بجلسة تدخين بيشعر انه يللي حواليه اكزوزتات عم تنفخ متل صوبة البواري..........بس التدخين هواية كمان:larg:
|
اقتباس:
الهويه بتكون شي مفيد مو مضر هههههه نصيحه للكل لاحدى يدخن ترى عواقبها صعبه وخاصع النساء الي بحبوا الجمال يبعدوا عن الدخان ياجماعه لاحد يدقق على كلامي مابقصد شر ترى كلامي مزح وغلاظه مو اكتر فلا حدى يزعل واذا حدى زعل فبعتذر |
والله انتي عم تقدمي نصيحة طبية مفيدة للنسوان...التدخين بيجعلك البشرة وبيصير معهن شيخوخة مبكرة متل امينة رزق وهات يا شد وش
|
اقتباس:
|
اقتباس:
و لا أحكيلك، نعطيه بيرة، لأنو بتشبه الرضَّاعة و هيك ما بيحس بالقهر إذا بيتفطم:nirvana: |
دخيل رب الدخان ..مافي اطيب منو ..وخاصه بعد الاكل ..:larg:
|
السيجارة تختار صاحبها وهل قلت يوما ان السيجارة في يد الانثى اجمل حيث يلتف الدخان حول انامل الشعر ونظرة غريبة احس ان الدخان له مذاق اخر لديهم |
مافي احلى من السيجاره بايد مين ماكان يعني بايدو ولا بايدا كمان هاد شي شخصي بدخن
بتدخن كل واحد حر بهيك موضوع وعندو دوافع لهيك شي يسطفلو ونسطفل فعلول : وين جماعة نو سموكينغ افتر توداي ابو نهله ماحدا بين منون الا sandra هاد رأيي انا |
هلأ انا ضد التدخين.. سواء للشب او للبنت..
بس للبنت اكتر.. مو لانو عيب دخن .. بس لانو البنت لازم تحافظ على انوثتها و هدا اللي بميزها عن الشب.. يعني لما دخن ريحتها ممكن تصير كلها ريحة دخان و بالتالي صوتها ممكن يخشن.. ووو.. الخ فأنا لهل الاسباب هي ضد للبنت اكتر للشب.. بس من جهة عيب.. انا ابدا ما بلاقي هل الشي عيب.. و شغلة عادية جدا.. |
انو انا ضد اي .. شنو انا بالاصل ما بطيق الدخان ولا ريحتو .. بقا .. تسؤ ..
بس يا عمي بدك بالحكي .. في بنات .. يا اخي بيلبقلا .. انو .. غير شكل يعني ..  :oops: |
يعني يا جماعة الواحد احيانا بيستعجب...
ولك نشف ريق ها العالم وهننن يحكو عن مضار التدخين.. صحي وغير صحي.. يعني ريحة التم وريحة الجسم ريحة اواعيك سنانك الصفر لعمى على ها الشغلة شو بشعة... ولك فوق هيك مصروف وعلى الفاضي... اكتر المدخنين اللي شفتون بيعترفو انو الشغلة بلشت للبروظة وقلة العقل وكسر الحواجز التقليدية وها البياخات .. بعدين اتعودو وسحبت معون |
اقتباس:
انا مثلا دخّنت حرّاء صدمة نفسية... |
لك أنا من يوم يومي مابشجع التدخين سواء للشب او للبنت لما فيه من اضرار صحية تهلك الواحد<<< انا مابدي انهلك
اقتباس:
|
انا أشوف الاركيله احلا:clap::clap:
|
:Dالسيجاره كتير أموره بأيد البنت وما لازم يكون في تمييز بدخن متى ما بدا ووين ما بدا
|
مع اني كنت دخن .. بس بلاقي انو التدخين عموما شي سلبي سواء للبنت او للشب او ايا كان . بس اذا بدنا نحكي ع مبدا انو عيب او لا ... صراحة ما بلاقي فيها عيب بس انو لسا جديدة على المجتمع يعني متل ما صار حكي عن شغل المراة وتغير اسلوب لبسها (من بنطال لتنورة قصيرة وهلم جرا ) ممكن يصير تغير بنظرة المجتمع للمراة المدخنة ....
اقتباس:
|
حسب ماشفت البنات يلي بيدخنوا انواع : بنت بتدخن مشان تقلد غيرها .. و هي بس بتدخن بالمجتمعات يمكن سيجارة او ارجيلة و بنت بتدخن نوع من التنفيخ و التنفيس عن شيء بداخلها و مفتكرة انو السيجارة بتحل المشكلة و بنت بتدخن لترضي حدا طلب منها هالشي وهوي مدخن و حبت تشاركه سواء زوج او حبيب وبالنهاية التدخين هلأ صار موضة وتقليد اكتر مايكون رغبة شخصية هاد بالنسبة للبنت اما الشباب فبرأيي الشب يلي بدخن شغلة كبيرة :larg: |
هلا على عيني التدخين مضر وكل شي وفي ناس ما بتحبو وما بتتحمل ريحتو ...
بس نحن هون عم نحكي عن البنت يلي بتدخن وكيف نظرة المجتع الها فانا بشوف يعني غريب جداً نقبل تصرف لشب ونحرمو عالبنت ونحن بهالعصر هاد يعني أظن مضار التدخين وحدة للشباب وللبنات فليش يعني حلال عالشب وحرام عالبنت :lol: :? اقتباس:
|
بكفي بس شغلة وحدة
السجائر تقتل مدخناً كل تسع ثوان بدي احبها يعني عهالحالة؟؟؟:cry: |
اقتباس:
|
اقتباس:
انا على طول خلافات انا ورفقاتي بمواضيع المساواة بين الرجل والمرأة بتفق معك انو المساواة ضرورية بشغلات معينة بس مو بكل شي في شغلات الها خصوصية للرجل او للمرأة يعني مو مقبول الرجل يعمل شغلة خاصة بالمرة يعني مامنقبل الرجل يحط ميك اب ويقلد البنات ونقول مساواة بالمقابل البنت كمان مو ضروري تقلد الشب بكل شي لحتى تكون قوية ومتحضرة يعني باختصار اكتر .... انا بشوف قوة المرأة بضعفها وانوثتها بعرف رح تقولي عني متخلفة ودقة قديمة بس شو اعمل هيك الله خلقني تحياتي واحترامي :D |
ايه ستي راما وشو يعني دقة قديمة...الدهب كل ما كانت دقته قديمة بيكون اغلى واحلى.....وانا ستي الله يرحمها كانت تدخن يعني هيدا شي ما اله علاقة بالتقدم اله علاقة بالزوق والريحة الطيبة
|
هلأ التدخين بالمطلق .. يمكن عادة موكتير ظريفة
بس يللي مو ظريف أكتر ...هو فكرة هالموضوع و هي فكرة كتير متخلفة للأسف موجودة بكتير مجتمعات عنا اذا القصد السؤال عن التدخين عند الاناث ..مع أنو صاحب الموضوع معتبر أصلاً التدخين للذكور طبيعي فالتدخين للإناث أكتر من طبيعي و أنا مع التدخين جداً جزيلاً |
هلأ هو يعني مش قصة بمانع او ما بمانع بس انو منظر البنت وهي بتدخن مش حلو ... وخاصة ازا بتكون انوثتها غير شكل بس تشوف معها سيجارة بتحس انو هالانوثة بتضيع ...
|
| الساعة بإيدك هلق يا سيدي 01:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون